Just In
Don't Miss
- Movies Loksabha Election 2024 ; ರಮ್ಯಾ ಮೇಡಂ ಈ ಬಾರಿಯಾದರೂ ವೋಟ್ ಹಾಕ್ತಾರಾ ..?
- Finance ಆಕ್ಸಿಸ್ ಬ್ಯಾಂಕ್ಗೆ ಭರ್ಜರಿ ಲಾಟರಿ, 7,129 ಕೋಟಿ ನಿವ್ವಳ ಲಾಭ!
- News Gold Price: ಚಿನ್ನ ಮತ್ತು ಬೆಳ್ಳಿ ದರದಲ್ಲಿ ಭಾರೀ ಇಳಿಕೆ, ಇಂದಿನ ಬೆಲೆ ವಿವರ
- Sports IPL 2024 :ಬಲಿಷ್ಠ ಹೈದರಾಬಾದ್ ಬಗ್ಗು ಬಡಿದ ಆರ್ಸಿಬಿ: ಕಮಿನ್ಸ್ ಪಡೆಗೆ ಹೀನಾಯ ಸೋಲು
- Automobiles Honda: ಬಡವರ ಕನಸು ನನಸು.. ಕಡಿಮೆ ಬೆಲೆಗೆ ಸಿಗುತ್ತವೆ ಈ ಬೈಕ್ಗಳು
- Technology Sennheiser: ಭಾರತದಲ್ಲಿ ಸೆನ್ಹೈಸರ್ ಮೊಮೆಂಟಮ್ ಟ್ರೂ ವೈರ್ಲೆಸ್ 4 ಲಾಂಚ್! ಬೆಲೆ 20 ಸಾವಿರ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
Navratri Recipe: ಸಾಬುದಾನ ಕಿಚಡಿ ಟೇಸ್ಟಿಯಾಗಿ ಮಾಡುವುದು ಹೇಗೆ?
ನವರಾತ್ರಿ ವ್ರತ ಮಾಡುವ ಅಕ್ಕಿಯಿಂದ ಮಾಡಿದ ಆಹಾರ ಪದಾರ್ಥಗಳನ್ನು ಸೇವಿಸುವಂತಿಲ್ಲ, ಹಾಗಾಗಿ ಸಾಬುದಾನ ಕಿಚಡಿ ಮಾಡುತ್ತಾರೆ. ಸಾಬುದಾನ ಕಿಚಡಿ ಬಾಯಿಗೆ ರುಚಿಯಾಗಿರುತ್ತದೆ, ಹೊಟ್ಟೆಯೂ ತುಂಬುವುದು ಹಾಗೂ ಆರೋಗ್ಯಕ್ಕೂ ತುಂಬಾ ಒಳ್ಳೆಯದು.
ಸಾಬುದಾನ ಕಿಚಡಿ ಸ್ವಲ್ಪ ಹೆಚ್ಚು-ಕಮ್ಮಿಯಾದರೆ ತಿನ್ನಲು ಚೆನ್ನಾಗಿರುವುದಿಲ್ಲ. ಅದನ್ನು ಸರಿಯಾದ ರೀತಿಯಲ್ಲಿ ಮಾಡಿದರೆ ರುಚಿ ಸೂಪರ್ ಆಗಿರುತ್ತದೆ. ನಾವಿಲ್ಲಿ ಟೇಸ್ಟಿ ಸಾಬುದಾನ ಕಿಚಡಿಯನ್ನು ಸ್ಟೆಪ್ ಬೈ ಸ್ಟೆಪ್ ಮಾಡುವುದು ಹೇಗೆ ಎಂದು ಹೇಳಿದ್ದೇವೆ ನೋಡಿ:
Recipe By: Reena TK
Recipe Type: Breakfast
Serves: 4
-
ಬೇಕಾಗುವ ಸಾಮಗ್ರಿ
1 ಕಪ್ ಸಾಬದಾನ 200ಗ್ರಾಂ
1 ಕಪ್ ನೀರು
1 ಚಮಚ ಎಣ್ಣೆ
ಅರ್ಧ ಚಮಚ ಜೀರಿಗೆ
1 ದೊಡ್ಡ ಆಲೂಗಡ್ಡೆ
2 ಚಮಚ ಹಸಿ ನೆಲಗಡಲೆ
1-2 ಹಸಿ ಮೆಣಸಿನಕಾಯಿ
6-7 ಕರಿಬೇವು
ಅರ್ಧ ಚಮಚ ಉಪ್ಪು (ರುಚಿಗೆ ತಕ್ಕ ಉಪ್ಪು)
ಅರ್ಧ ಚಮಚ ಸಕ್ಕರೆ (Optional)
ನಿಂಬೆರಸ ಅರ್ಧ ಚಮಚ
1 ಚಮಚ ಕೊತ್ತಂಬರಿ ಸೊಪ್ಪು
-
ಬೇಕಾಗುವ ಸಾಮಗ್ರಿ
* ಸಾಬುದಾನವನ್ನು ನೀರಿನಲ್ಲಿ 2 ಗಂಟೆ ನೆನೆಹಾಕಿ, ಅದರಲ್ಲಿರುವ ಪಿಷ್ಠ ಅಂಶ ಹೋಗಬೇಕು. ನಂತರ ಆ ನೀರನ್ನು ಸೋಸಿ.
* ಈಗ ನೆನೆಹಾಕಿದ ಸಾಬುದಾನವನ್ನು ತೆಗೆದು ಒಂದು ಬೌಲ್ಗೆ ಹಾಕಿ ಅದರಲ್ಲಿ 1 ಕಪ್ ನೀರು ಹಾಕಿ ಒಂದು ರಾತ್ರಿ ಇಡಿ.
* ಬೆಳಗ್ಗೆ ನೋಡಿದಾಗ ಸಾಬುದಾನ ನೀರನ್ನು ಹೀರಿಕೊಂಡಿರುತ್ತದೆ, ಅಧಿಕ ನೀರು ಇದ್ದರೆ ಆ ನೀರನ್ನು ಸೋಸಿ. ಸಾಬುದಾನವನ್ನು ಹಿಡಿದು ಪ್ರೆಸ್ ಮಾಡಿದಾಗ ಅದು ಸ್ಮ್ಯಾಶ್ ಆಗುವುದು.
* ಈಗ ಪ್ಯಾನ್ಗೆ ಎಣ್ಣೆ ಹಾಕಿ ಬಿಸಿ ಮಾಡಿ. ಎಣ್ಣೆ ಬಿಸಿಯಾದಾಗ ಅದರಲ್ಲಿ ಜೀರಿಗೆ ಹಾಕಿ.
* ಜೀರಿಗೆ ಚಟ್ಪಟ್ ಶಬ್ದ ಬರುವಾಗ ಕತ್ತರಿಸಿದ ಆಲೂಗಡ್ಡೆ ಹಾಕಿ 3-4 ನಿಮಿಷ ಸೌಟ್ನಿಂದ ಆಡಿಸುತ್ತಾ ಫ್ರೈ ಮಾಡಿ. ಆಲೂಗಡ್ಡೆಯನ್ನು ತುಂಬಾ ತೆಳುವಾಗಿ ಕತ್ತರಿಸಿರಬೇಕು. ಆಗ ಬೇಗ ಬೇಯುತ್ತದೆ.
* ಈಗ ನೆಲಗಡಲೆ ಹಾಕಿ ಮತ್ತೆ 2-3 ನಿಮಿಷ ಸೌಟ್ನಿಂದ ಆಡಿಸುತ್ತಾ ಫ್ರೈ ಮಾಡಿ.
* ಈಗ ಹಸಿ ಮೆಣಸಿನಕಾಯಿ, ಕರಿಬೇವು ಹಾಕಿ ಸೌಟ್ನಿಂದ ಆಡಿಸಿ, ಸಾಬುದಾನ ಹಾಕಿ, ಉಪ್ಪು, ಸಕ್ಕರೆ ಹಾಕಿ ಸೌಟ್ನಿಂದ ಒಮ್ಮೆ ತಿರುಗಿಸಿ. ತುಂಬಾ ಬೇಯಿಸಬೇಡಿ, ಅಂಟು-ಅಂಟಾಗುವುದು.
* ಉರಿಯಿಂದ ಪ್ಯಾನ್ ಇಳಿಸಿ, ನಿಂಬೆರಸ ಹಾಕಿ ಮಿಕ್ಸ್ ಮಾಡಿ ಕೊತ್ತಂಬರಿ ಸೊಪ್ಪಿನಿಂದ ಅಲಂಕರಿಸಿದರೆ ಸಾಬುದಾನ ಕಿಚಡಿ ರೆಡಿ.
* ರೆಡಿಯಾದ ಸಾಬುದಾನ ಕಿಚಡಿಯನ್ನು ತಣ್ಣನೆಯ ಮೊಸರು ಜೊತೆ ಸರ್ವ್ ಮಾಡಿ.
- ನೀವು ಬೇಕಾದರೆ ಕಿಚಡಿಗೆ ಶುಂಠಿ ಸೇರಿಸಬಹುದು, ರುಚಿ ಚೆನ್ನಾಗಿರುತ್ತದೆ. ನೀವು ವ್ರತದ ಸಮಯದಲ್ಲಿ ಅಲ್ಲದೆ ಬೇರೆ ಸಮಯದಲ್ಲಿ ಮಾಡುವುದಾದರೆ ಅರಿಶಿಣ ಹಾಗೂ ಇತರ ಮಸಾಲೆ ಸಾಮಗ್ರಿ ಬಳಸಬಹುದು' *ವ್ರತ ಮಾಡುವುದಾದರೆ ಉಪ್ಪು ಬದಲಿಗೆ ಸಾಬದಾನ ನಮಕ್ (ಉಪ್ಪು) ಬಳಸಿ.
- ಕ್ಯಾಲೋರಿ - 381
- ಕೊಬ್ಬು - 12ಗ್ರಾಂ
- ಪ್ರೊಟೀನ್ - 2ಗ್ರಾಂ
- ಕಾರ್ಬ್ಸ್ - 63ಗ್ರಾಂ