ಅಕ್ಟೋಬರ್ 22ಕ್ಕೆ ದುರ್ಗಾಷ್ಟಮಿ: ಈ ದಿನ 108 ಸಂಖ್ಯೆಗೆ ಏಕಿಷ್ಟು ಮಹತ್ವ

ನವರಾತ್ರಿ 8ನೇ ತುಂಬಾ ವಿಶೇಷವಾದ್ದದು, ಏಕೆಂದರೆ ಈ ದಿನವನ್ನು ದುರ್ಗಾಷ್ಟಮಿ ಎಂದು ಆಚರಿಸಲಾಗುವುದು. ಈ ವರ್ಷ ದುರ್ಗಾಷ್ಟಮಿಯನ್ನು ಅಕ್ಟೋಬರ್‌ 22ರಂದು ಆಚರಿಸಲಾಗುವುದು. ಹಿಂದೂ ಸಂಪ್ರದಾಯದಲ್ಲಿ ಈ ದಿನ ಕನ್ಯಾ ಪೂಜೆ ಮಾಡಲಾಗುವುದು. ಇನ್ನೂ ಋತುಚಕ್ರ ಪ್ರಾರಂಭವಾಗದ ಚಿಕ್ಕ ಹೆಣ್ಣು ಮಕ್ಕಳನ್ನು ಮನೆಗೆ ಕರೆತಂದು ಕನ್ಯಾ ಪೂಜೆ ಮಾಡುವ ಪದ್ಧತಿ ಇದೆ. ಆ ಹೆಣ್ಮಕ್ಕಳನ್ನು ದುರ್ಗೆಯರು ಎಂದೇ ಭಾವಿಸಿ ಆರಾಧಿಸಲಾಗುವುದು. ಅವರ ಪಾದ ಪೂಜೆ ಮಾಡಿ ನಂತರ ಅವರಿಗೆ ಸಿಹಿ ತಿಂಡಿ, ಮೇಕಪ್‌ ವಸ್ತುಗಳು, ವಸ್ತ್ರ ಇವುಗಳನ್ನು ಕೊಡುಗೆ ನೀಡಲಾಗುವುದು.

ಕನ್ಯಾ ಪೂಜೆಯಲ್ಲಿ 9 ಹೆಣ್ಮಕ್ಕಳನ್ನು ಪೂಜಿಸಲಾಗುವುದು
* ಒಂದು ಹುಡುಗಿಗೆ ಕನ್ಯಾ ಪೂಜೆ ಮಾಡಿದರೆ ಐಶ್ವರ್ಯ ಪ್ರಾಪ್ತಿಯಾಗುವುದು
* ಎರಡು ಹೆಣ್ಮಕ್ಕಳನ್ನು ಪೂಜಿಸಿದರೆ ಮನೆಯಲ್ಲಿ ಭೋಗ, ಮೋಕ್ಷ ಸಿಗಲಿದೆ
* ಮೂರು ಹುಡುಗಿಯರಿಗೆ ಪಾದ ಪೂಜೆ ಮಾಡುವುದರಿಂದ ಧರ್ಮ, ಅರ್ಥ, ಉತ್ತಮ ವೈವಾಹಿಕ ಜೀವನವನ್ನು ಒದಗಿಸುತ್ತದೆ
* ನಾಲ್ಕು ಹುಡುಗಿಯರನ್ನು ಆರಾಧಿಸುವುದರಿಂದ ವೃತ್ತಿ ಜೀವನದಲ್ಲಿ ಪ್ರಗತಿ ಕಾಣುವಿರಿ.
* ಐದು ಹುಡುಗಿಯರನ್ನು ಪೂಜಿಸುವುದರಿಂದ ಅರಿವು ಹೆಚ್ಚಾಗುವುದು
* 6 ಹೆಣ್ಮಕ್ಕಳಿಗೆ ಕನ್ಯಾ ಪೂಜೆ ಮಾಡುವುದರಿಂದ ಆರು ತರದ ವಿಶೇಷ ಸಿದ್ಧಿ ಸಿಗಲಿದೆ.
* 7 ಹೆಣ್ಮಕ್ಕಳಿಗೆ ಪೂಜೆ ಮಾಡಿದರೆ ಇಷ್ಟಾರ್ಥ ನೆರವೇರುವುದು
* 8 ಹೆಣ್ಮಕ್ಕಳನ್ನು ಆರಾಧಿಸಿದರೆ ಸಂಪತ್ತು ವೃದ್ಧಿಸಲಿದೆ.
*9 ಹೆಣ್ಮಕ್ಕಳಿಗೆ ಆರಾಧನೆ ಮಾಡಿದರೆ ದೇವಿ ಸಕಲ ಸಂಪತ್ತು ನೀಡುತ್ತಾಳೆ.

2023ರಲ್ಲಿ ದುರ್ಗಾಷ್ಟಮಿ ದಿನಾಂಕ : ಅಕ್ಟೋಬರ್ 22, ಭಾನುವಾರ
ಅಷ್ಟಮಿ ತಿಥಿ ಪ್ರಾರಂಭ: ಅಕ್ಟೋಬರ್ 21 ಬೆಳಗ್ಗೆ 09:53ರವರೆಗೆ
ಅಷ್ಟಮಿ ತಿಥಿ: ಅಕ್ಟೋಬರ್ 22 ಸಂಜೆ 07:58ರವರೆಗೆ

ಮಹಾ ಅಷ್ಟಮಿ ಪೂಜಾ ಮುಹೂರ್ತ
ಅಶ್ವಿನಿ ಶುಕ್ಲ ಅಷ್ಟಮಿ ತಿಥಿ ಅಕ್ಟೋಬರ್ 21 ರಾತ್ರಿ 09:53ರಿಂದ ಪ್ರಾರಂಭವಾಗಿ ಅಕ್ಟೋಬರ್‌ 22 ಸಂಜೆ 07:58, ಈ ಸಮಯದಲ್ಲಿ ದುರ್ಗೆಗೆ ಪೂಜೆ ಸಲ್ಲಿಸಬಹುದು.

ದುರ್ಗಾ ಪೂಜೆಯಲ್ಲಿ 108 ಸಂಖ್ಯೆಯ ಮಹತ್ವ
ದುರ್ಗೆ ಪೂಜೆಯಲ್ಲಿ 108 ದೀಪಗಳನ್ನು ಹಚ್ಚಿಡಲಾಗುವುದು. ಅಲ್ಲದೆ ನಾಲಗೆಯಿಂದ ಲುಲು ಅಂತ ಶಬ್ದವನ್ನು ಮಾಡುತ್ತಾರೆ. ಹೀಗೆ ಮಾಡಿದರೆ ಋಣಾತ್ಮಕ ಶಕ್ತಿಯಿದ್ದರೆ ಅದು ದೂರಾಗುವುದು ಎಂದು ನಂಬಲಾಗಿದೆ. ಈ ದಿನ ದುರ್ಗೆ ಪೂಜೆಯಲ್ಲಿ 108 ತಾವರೆಗಳನ್ನು ಅರ್ಪಿಸಲಾಗುವುದು.

ದುರ್ಗಾಷ್ಟಮಿ ಪೂಜಾ ವಿಧಿಗಳು
* ಬೆಳಗ್ಗೆ ಬೇಗ ಎದ್ದು ಸ್ನಾನ ಮಾಡಿ ಮಡಿ ಬಟ್ಟೆ ಧರಿಸಿ ದೇವರಿಗೆ ದೀಪವನ್ನು ಹಚ್ಚಿ.
* ದೇವಿಗೆ ನೈವೇದ್ಯ ಅರ್ಪಿಸಿ.
* ದುರ್ಗಾಷ್ಟಮಿ ವ್ರತವನ್ನು ಮಾಡುವವರು ಈ ದಿನ ನೀರು ಕೂಡ ಮುಟ್ಟುವುದಿಲ್ಲ, ಕೆಲವರು ಸಾತ್ವಿಕ ಆಹಾರವನ್ನಷ್ಟೇ ಸೇವಿಸುತ್ತಾರೆ.
* ಮನೆಯಲ್ಲಿ ಪೂಜೆ ಮಾಡಿದ ಬಳಿಕ ಸಮೀಪದ ದೇವಾಲಯಕ್ಕೆ ಹೋಗಿ ಪೂಜೆ ಮಾಡಿ ಬನ್ನಿ.

ಈ ದಿನ ಮಾಡುವ ಪೂಜೆ-ಹವನಗಳಿಂದ ಹೆಚ್ಚಿನ ಫಲ ಸಿಗುವುದು
ಯಾರು ನವರಾತ್ರಿಯಂದು ಪೂಜೆ- ಹವನಗಳನ್ನು ಮಾಡುತ್ತಾರೋ ಈ ದಿನ ಹೆಚ್ಚಿನ ಫಲ ಸಿಗುವುದು ಎಂದು ಹೇಳಲಾಗುವುದು. ಆದ್ದರಿಂದ ಈ ದಿನ ಹೋಮ-ಹವನಗಳನ್ನು ಮಾಡಲಾಗುವುದು.

Disclaimer: ಈ ಲೇಖನದಲ್ಲಿ ಉಲ್ಲೇಖಿಸಲಾದ ಹರಳುಗಳ ಪ್ರಯೋಜನಗಳು ಸಾಂಪ್ರದಾಯಿಕ ನಂಬಿಕೆಗಳು ಮತ್ತು ಜ್ಯೋತಿಷ್ಯ ಪದ್ಧತಿಗಳನ್ನು ಆಧರಿಸಿವೆ. ಇದರ ಫಲಿತಾಂಶಗಳು ವ್ಯಕ್ತಿಯಿಂದ ವ್ಯಕ್ತಿಗೆ ಬದಲಾಗಬಹುದು. ಜ್ಯೋತಿಷ್ಯ ಉದ್ದೇಶಗಳಿಗಾಗಿ ಯಾವುದೇ ರತ್ನವನ್ನು ಧರಿಸುವ ಮೊದಲು ಪ್ರಮಾಣೀಕೃತ ಜ್ಯೋತಿಷಿ ಅಥವಾ ಹರಳು ತಜ್ಞರನ್ನು ಸಂಪರ್ಕಿಸಲು ನಾವು ಶಿಫಾರಸು ಮಾಡುತ್ತೇವೆ. ಈ ವಿಷಯವು ಮಾಹಿತಿ ಉದ್ದೇಶಗಳಿಗಾಗಿ ಮಾತ್ರ ಪ್ರಕಟಿಸಲಾಗಿದೆ ವೃತ್ತಿಪರ ಸಲಹೆಗೆ ಪರ್ಯಾಯವಾಗಿ ಪರಿಗಣಿಸಬಾರದು.