ಅಂಗೈಯ ಹುಟ್ಟು ಮಚ್ಚೆ-ವ್ಯಕ್ತಿಯ ವ್ಯಕ್ತಿತ್ವ ಹೇಳುವ ಭವಿಷ್ಯವಾಣಿ!

ಶುಕ್ರನ ನಡುಕಟ್ಟಿನಲ್ಲಿ ಮಚ್ಚೆ

ಈ ಭಾಗದಲ್ಲಿ ಮಚ್ಚೆಯಿದ್ದರೆ ಅಂತವರು ಆದಷ್ಟು ಬೇಗೆ ನ್ಯಾಯ ಹಾಗೂ ಸದ್ಗುಣಗಳಿಂದ ದೂರ ಹೋಗುತ್ತಾರೆ ಎಂದು ಹೇಳಲಾಗುತ್ತದೆ.

ಚಂದ್ರನ ಬೆಟ್ಟದಲ್ಲಿ ಮಚ್ಚೆ

ಈ ಭಾಗದಲ್ಲಿ ಮಚ್ಚೆಯಿದ್ದರೆ ಇಂತಹ ವ್ಯಕ್ತಿಗಳು ನೀರಿನಿಂದ ದೂರವಿರಬೇಕು. ಇಂತಹ ವ್ಯಕ್ತಿಗಳು ಬಾವಿ, ಕರೆ, ನದಿ ಮತ್ತು ಸಮುದ್ರದಿಂದ ದೂರವಿರಬೇಕು. ಮದುವೆ ಕೂಡ ವಿಳಂಬವಾಗುವುದನ್ನು ಇದು ಸೂಚಿಸುತ್ತದೆ.

ಗುರುವಿನ ನಡುಕಟ್ಟುವಿನಲ್ಲಿ ಮಚ್ಚೆ

ಈ ಭಾಗದಲ್ಲಿ ಮಚ್ಚೆ ಕಂಡು ಬಂದರೆ ಇಂತಹ ವ್ಯಕ್ತಿಗಳ ವೈವಾಹಿಕ ಜೀವನದಲ್ಲಿ ಸಮಸ್ಯೆಗಳು ಕಾಣಿಸಿಕೊಳ್ಳುತ್ತದೆ. ಇಂತಹ ವ್ಯಕ್ತಿಗಳು ಭಾರೀ ಸಮಸ್ಯೆಯನ್ನು ಎದುರಿಸಬೇಕಾಗುತ್ತದೆ. ಇತರರಿಗೆ ಹೋಲಿಸಿದರೆ ಇಂತಹವರು ಹೆಚ್ಚು ಶ್ರಮ ವಹಿಸಬೇಕಾಗುತ್ತದೆ.

ಶನಿಯ ಬೆಟ್ಟದಲ್ಲಿ ಮಚ್ಚೆ

ಈ ಭಾಗದಲ್ಲಿ ಮಚ್ಚೆ ಕಂಡುಬರುವ ವ್ಯಕ್ತಿಗಳಲ್ಲಿ ಮದುವೆಯು ವಿಳಂಬವಾಗುತ್ತದೆ ಮತ್ತು ವೈಯಕ್ತಿಕ ಜೀವನವು ಸುಗಮವಾಗಿರುವುದಿಲ್ಲ. ಜತೆಗಾರರೊಂದಿಗೆ ಬೆರೆಯಲು ಅವರು ಕಷ್ಟಪಡುತ್ತಾರೆ.

ಸೂರ್ಯನ ಬೆಟ್ಟದಲ್ಲಿ ಮಚ್ಚೆ

ಈ ಭಾಗದಲ್ಲಿ ಮಚ್ಚೆ ಇರುವ ವ್ಯಕ್ತಿಯ ವೈಯಕ್ತಿಕ ಜೀವನದಲ್ಲಿ ಹಲವಾರು ರೀತಿಯ ಪರಿಣಾಮ ಉಂಟಾಗುತ್ತದೆ. ಅವರು ತಮ್ಮ ಸುತ್ತಲಿರುವ ವ್ಯಕ್ತಿಗಳಿಂದಲೇ ದೌರ್ಜನ್ಯಕ್ಕೆ ಒಳಗಾಗುತ್ತಾರೆ.

ಬುಧದ ನಡುಕಟ್ಟಿನಲ್ಲಿ ಮಚ್ಚೆ

ಸಣ್ಣ ಬೆರಳಿನ ಕೆಳಭಾಗದಲ್ಲಿ ಈ ಮಚ್ಚೆಯು ಕಾಣಿಸಿಕೊಳ್ಳುತ್ತದೆ. ಇಂತಹ ಭಾಗದಲ್ಲಿ ಮಚ್ಚೆಯಿರುವ ವ್ಯಕ್ತಿಗಳು ಹಠಾತ್ ನಷ್ಟ, ಭೌತಿಕ ಮತ್ತು ಭಾವನಾತ್ಮಕ ನೋವಿಗೆ ಒಳಗಾಗುತ್ತಾರೆ.