ಸಮ್ಮರ್ ಸ್ಪೆಷಲ್.. ಈ ಹೊಸ ರುಚಿಯ ಕಪ್ಪು ದ್ರಾಕ್ಷಿ ಲೆಮನೇಡ್ ಮಾಡಿ! ಬೇಸಿಗೆಯಲ್ಲಿ ಕೂಲ್ ಕೂಲ್ ಆಗಿ

ಸಮ್ಮರ್ ಸ್ಪೆಷಲ್.. ಈ ರೀತಿ ಹೊಸ ರುಚಿಯ ಕಪ್ಪು ದ್ರಾಕ್ಷಿ ಲೆಮನೇಡ್ ಟ್ರೈ ಮಾಡಿ! ಬೇಸಿಗೆಯಲ್ಲಿ ಕೂಲ್ ಆಗಿ. ಹೌದು, ಬೇಸಿಗೆಯ (Summer) ಧಗೆಯಿಂದ ತಂಪು ಪಡೆಯಲು ಸಾಮಾನ್ಯವಾಗಿ ಲಿಂಬೆ ಶರಬತ್ತು ಅಥವಾ ವಿವಿಧ ಜ್ಯೂಸ್‌ಗಳನ್ನು ಆಶ್ರಯಿಸಲಾಗುತ್ತದೆ. ಆದರೆ, ಈ ಬಾರಿ ನಿಮ್ಮ ಬೇಸಿಗೆ ಪಾನೀಯಗಳ ಪಟ್ಟಿಯಲ್ಲಿ ಏನಾದರೂ ಹೊಸತನ್ನು ಸೇರಿಸಲು ಬಯಸಿದರೆ, ಕಪ್ಪು ದ್ರಾಕ್ಷಿ ಲೆಮೋನೇಡ್ (Black Grape Lemonade) ಒಂದು ಭಿನ್ನ ಹಾಗೂ ಉತ್ತಮ ಆಯ್ಕೆಯಾಗಿದೆ.

ಕಪ್ಪು ದ್ರಾಕ್ಷಿಗಳು ಆ್ಯಂಟಿ-ಆಕ್ಸಿಡೆಂಟ್‌ಗಳಿಂದ ಸಮೃದ್ಧವಾಗಿದೆ. ದೇಹಕ್ಕೆ ತ್ವರಿತ ಶಕ್ತಿಯನ್ನು ಒದಗಿಸುತ್ತವೆ. ಇದಕ್ಕೆ ಲಿಂಬೆ ಮತ್ತು ಸೋಡಾ ಸೇರಿದಾಗ ಸಿಗುವ ಹುಳಿ-ಸಿಹಿ ಸಮ್ಮಿಲನವು ನಿಮ್ಮನ್ನು ದಿನವಿಡೀ ಚೈತನ್ಯಭರಿತರನ್ನಾಗಿ ಇರಿಸುತ್ತದೆ. ಈ ಪಾನೀಯವು ಕಣ್ಣಿಗೆ ಆಕರ್ಷಕವಾಗಿ ಕಾಣಿಸುವುದು ಮಾತ್ರವಲ್ಲ, ಕುಡಿಯಲು ಸಹ ಅತ್ಯಂತ ರಿಫ್ರೆಶ್ ಆಗಿದೆ. ಈ ವಿಶಿಷ್ಟ ಲೆಮೋನೇಡ್ ತಯಾರಿಸಲು ಬೇಕಾಗುವ ಪದಾರ್ಥಗಳು ಮತ್ತಿದರ ಸರಳ ವಿಧಾನದ (Black grapes lemonade recipe) ಕುರಿತು ಸಂಪೂರ್ಣ ಮಾಹಿತಿ ಇಲ್ಲಿದೆ.

ಯಾವ ಸಂದರ್ಭಕ್ಕೆ ಸೂಕ್ತ?

* ಬೇಸಿಗೆಯ ಮಧ್ಯಾಹ್ನದಲ್ಲಿ ದೇಹವನ್ನು ತಂಪಾಗಿಸಲು
* ಮನೆಗೆ ಅತಿಥಿಗಳು ಬಂದಾಗ ಅವರನ್ನು ಉಪಚರಿಸಲು
* ಪಾರ್ಟಿಗಳು ಅಥವಾ ಸ್ನೇಹಿತರ ಕೂಟಗಳಲ್ಲಿ
* ಮಕ್ಕಳಿಂದ ಹಿಡಿದು ದೊಡ್ಡವರವರೂ ಇಷ್ಟಪಡುವ ಪಾನೀಯವಾಗಿ.

ಇದಕ್ಕೆ ಬೇಕಾಗುವ ಪದಾರ್ಥಗಳು

• ಕಪ್ಪು ದ್ರಾಕ್ಷಿ
• ಜೀರಿಗೆ ಪುಡಿ
• ಚಾಟ್ ಮಸಾಲ
• ಕಪ್ಪು ಉಪ್ಪು
• ಪುದೀನಾ ಎಲೆಗಳು
• ಲಿಂಬೆ ಹಣ್ಣಿನ ರಸ
• ಕೆಂಪು ಮೆಣಸಿನ ಪುಡಿ ಮತ್ತು ಸಾಮಾನ್ಯ ಉಪ್ಪು
• ಐಸ್ ಕ್ಯೂಬ್ಸ್
• ಲಿಂಬೆ ಹಣ್ಣಿನ ಸ್ಲೈಸ್‌ಗಳು
• ಸೋಡಾ ವಾಟರ್

ತಯಾರಿಸುವ ಸರಳ ವಿಧಾನ

- ಮೊದಲಿಗೆ ಕಪ್ಪು ದ್ರಾಕ್ಷಿಯನ್ನು ಚೆನ್ನಾಗಿ ತೊಳೆದು ಮಿಕ್ಸಿ ಜಾರ್‌ಗೆ ಹಾಕಿ. ಇದಕ್ಕೆ ಚಾಟ್ ಮಸಾಲ, ಕಪ್ಪು ಉಪ್ಪು, ಜೀರಿಗೆ ಪುಡಿ, ಲಿಂಬೆ ರಸ ಮತ್ತು ಪುದೀನಾ ಎಲೆಗಳನ್ನು ಸೇರಿಸಿ ನುಣ್ಣಗೆ ರುಬ್ಬಿಕೊಳ್ಳಿ.

- ರೆಸ್ಟೋರೆಂಟ್ ಶೈಲಿಗಾಗಿ, ಒಂದು ಪ್ಲೇಟ್‌ನಲ್ಲಿ ಸ್ವಲ್ಪ ಕೆಂಪು ಮೆಣಸಿನ ಪುಡಿ ಮತ್ತು ಉಪ್ಪನ್ನು ಮಿಕ್ಸ್ ಮಾಡಿ.

- ಸರ್ವಿಂಗ್ ಗ್ಲಾಸ್‌ನ ಅಂಚಿಗೆ ಸ್ವಲ್ಪ ಲಿಂಬೆ ರಸ ಸವರಿ, ನಂತರ ಅದನ್ನು ಉಪ್ಪು-ಖಾರದ ಮಿಶ್ರಣದಲ್ಲಿ ಅದ್ದಿ. ಇದರಿಂದ ಗ್ಲಾಸ್‌ನ ಅಂಚು ಆಕರ್ಷಕವಾಗಿ ಕಾಣುತ್ತದೆ.

- ಈಗ ಅಲಂಕರಿಸಿದ ಗ್ಲಾಸ್‌ಗೆ ಐಸ್ ಕ್ಯೂಬ್‌ಗಳನ್ನು ಹಾಕಿ. ಅದರ ಮೇಲೆ ಕೆಲವು ತಾಜಾ ಪುದೀನಾ ಎಲೆಗಳು ಮತ್ತು ಲಿಂಬೆ ಹಣ್ಣಿನ ಸ್ಲೈಸ್‌ಗಳನ್ನು ಹಾಕಿ ಸುಂದರವಾಗಿ ಜೋಡಿಸಿ.

- ಗ್ಲಾಸ್‌ನ ಅರ್ಧದಷ್ಟು ಭಾಗಕ್ಕೆ ನಾವು ತಯಾರಿಸಿಟ್ಟ ಕಪ್ಪು ದ್ರಾಕ್ಷಿ ಪ್ಯೂರಿಯನ್ನು ನಿಧಾನವಾಗಿ ಸುರಿಯಿರಿ.

- ನಂತರ ಅದರ ಮೇಲೆ ಸಡಿಲವಾಗಿ ಸೋಡಾ ವಾಟರ್ ಅನ್ನು ಬೆರೆಸಿ. ಒಂದು ಚಮಚದಿಂದ ಹಗುರವಾಗಿ ಮಿಶ್ರಣ ಮಾಡಿದರೆ ನಿಮ್ಮ ಕಪ್ಪು ದ್ರಾಕ್ಷಿ ಲೆಮೋನೇಡ್ ಸಿದ್ಧ.

ಈ ಪಾನೀಯದ ವಿಶೇಷತೆಗಳು

* ಕಪ್ಪು ದ್ರಾಕ್ಷಿಯ ದಟ್ಟ ನೇರಳೆ ಬಣ್ಣವು ಈ ಪಾನೀಯವನ್ನು ಪಾರ್ಟಿ ಅಥವಾ ಅತಿಥಿಗಳಿಗೆ ನೀಡಲು ಅತ್ಯಂತ ಸುಂದರವಾಗಿರಿಸುತ್ತದೆ.

* ಸಕ್ಕರೆಯ ಬದಲಿಗೆ ಜೀರಿಗೆ ಮತ್ತು ಕಪ್ಪು ಉಪ್ಪನ್ನು ಬಳಸುವುದರಿಂದ ಇದು ಜೀರ್ಣಕ್ರಿಯೆಗೆ ಸಹಕಾರಿಯಾಗಿ ಕಾರ್ಯನಿರ್ವಹಿಸುತ್ತದೆ.

* ಸೋಡಾ ಮತ್ತು ಲಿಂಬೆಯ ಕಾಂಬಿನೇಷನ್ ಬಿಸಿಲಿನಿಂದ ಉಂಟಾಗುವ ಆಯಾಸವನ್ನು ತಕ್ಷಣವೇ ದೂರ ಮಾಡಿ, ಹೊಸ ಚೈತನ್ಯ ತುಂಬುತ್ತದೆ.

ಒಟ್ಟಾರೆ, ಬೇಸಿಗೆಯಲ್ಲಿ ಒಂದೇ ತರಹದ ಪಾನೀಯಗಳನ್ನು ಕುಡಿದು ಬೇಸರವಾದರೆ, ಈ ಕಪ್ಪು ದ್ರಾಕ್ಷಿ ಲೆಮೋನೇಡ್ ನಿಮಗೆ ಹೊಸ ಅನುಭವ ನೀಡುತ್ತೆ. ಕಡಿಮೆ ಸಮಯದಲ್ಲಿ ಸಿದ್ಧವಾಗುವ ಈ ಡ್ರಿಂಕ್, ರುಚಿ ಮತ್ತು ಆರೋಗ್ಯ ಎರಡನ್ನೂ ಒಟ್ಟಿಗೆ ನೀಡುತ್ತದೆ. ಹೀಗಾಗಿ, ಈ ಬಾರಿ ಬೇಸಿಗೆಯಲ್ಲಿ ನಿಮ್ಮ ಮನೆಗೆ ಅತಿಥಿಗಳು ಬಂದಾಗ ಅಥವಾ ನಿಮಗೆ ತಂಪಾದ ಪಾನೀಯ ಬೇಕಾದಾಗ, ಈ ರೆಸಿಪಿಯನ್ನು ಖಂಡಿತಾ ಪ್ರಯತ್ನಿಸಿ ನೋಡಿ. ಒಮ್ಮೆ ಕುಡಿದರೆ, ಮತ್ತೆ ಮತ್ತೆ ಮಾಡುವಂತೆ ಮಾಡುವಂತಹ ಅದ್ಭುತ ರುಚಿ ಇದಾಗಿದೆ.