ಮೂಗಿನಿಂದ ರಕ್ತ ಬರುತ್ತಿದ್ದರೆ- ಇದೆಲ್ಲಾ ಇಂತಹ ಕಾಯಿಲೆಗಳ ಲಕ್ಷಣವಿರಬಹುದು!

ತೀವ್ರ ಸೈನಟಿಸ್

ಇದರಿಂದ ನಿಮ್ಮ ಮೂಗಿನ ನಾಳದ ಸಮೀಪ ಕುಳಿ ಉಂಟಾಗಬಹುದು. ಸೈನಸ್, ಊದಿದ ಮತ್ತು ಉರಿಯೂತದ ಮೂಗು ಎಂದು ಕರೆಯಬಹುದು. ಇಲ್ಲಿ ತಡೆಯಾಗಿರುವ ಕಾರಣದಿಂದ ಕಫ ಜಮೆಯಾಗುವುದು. ಸೈನಟಿಸ್ ತೀವ್ರವಾಗಿದ್ದರೆ ಆಗ ಉಸಿರಾಡಲು ತುಂಬಾ ಕಷ್ಟಪಡಬೇಕಾಗಬಹುದು. ಕಣ್ಣುಗಳು ಮತ್ತು ಮೂಖ ಊದಿಕೊಳ್ಳಬಹುದು. ಮುಖ ಮತ್ತು ತಲೆಯಲ್ಲಿ ತೀವ್ರವಾಗಿ ನೋವು ಕಾಣಿಸಬಹುದು. ಇದಕ್ಕೆ ಮೂಲ ಕಾರಣ ಶೀತ. ಮೂಗು ಕಟ್ಟುವಿಕೆಯಿಂದಾಗಿ ರಕ್ತಸ್ರಾವವಾಗಬಹುದು. ಯಾಕೆಂದರೆ ಅತಿಯಾಗಿ ಮೂಗಿನಿಂದ ಕಫ ಹೊರಗೆ ಬರುತ್ತಲಿದ್ದರೆ ಆಗ ತೆಳುವಾದ ರಕ್ತನಾಳಗಳು ಒಡೆದುಹೋಗಬಹುದು.

ಮೂಗು ಸೋರುವಿಕೆ

ಕೆಲವೊಂದು ಅಲರ್ಜಿಯಿಂದಾಗಿ ತೀವ್ರ ಜ್ವರ ಅಥವಾ ಅಲರ್ಜಿಯಿಂದ ಮೂಗು ಸೋರುವಿಕೆ ಉಂಟಾಗಬಹುದು. ಇದಕ್ಕೆ ಮುಖ್ಯ ಕಾರಣ ಪರಾಗ. ಮೂಗು ಸೋರುವಿಕೆಯು ಅಲರ್ಜಿ ಅಥವಾ ಅಲರ್ಜಿಯಿಲ್ಲದೆ ಆದರೂ ಮೂಗಿನ ಪದರದ ಮೇಲೆ ಉರಿಯೂತ ಉಂಟಾಗಿ ರಕ್ತಸ್ರಾವವಾಗಬಹುದು. ಅಲರ್ಜಿಯಿಂದ ಮೂಗು ಸೋರುವಿಕೆ ಉಂಟಾಗುವುದು ಸಣ್ಣ ಮಕ್ಕಳಲ್ಲಿ ಸಾಮಾನ್ಯವೆಂದು ತಜ್ಞರು ಹೇಳುತ್ತಾರೆ. ಅಲರ್ಜಿಯು ತೀವ್ರವಾಗಿದ್ದರೆ ಆಗ ಅದು ಉಸಿರಾಟದ ಪದರಕ್ಕೆ ಹಾನಿಯುಂಟು ಮಾಡಬಹುದು. ಅತಿಯಾದ ಕಿರಿಕಿರಿಯಿಂದ ಮೂಗಿನಲ್ಲಿ ರಕ್ತಸ್ರಾವ ಕಾಣಿಸಬಹುದು.

ಮೂಗಿನ ಗಡ್ಡೆಗಳು

ತೀವ್ರವಾಗಿರುವ ರಕ್ತಸ್ರಾವದೊಂದಿಗೆ ಮೂಗಿನಿಂದ ರಕ್ತಬೆರೆತ ಕಫವು ಬರುತ್ತಲಿದ್ದರೆ ಇದು ಮೂಗಿನ ಗಡ್ಡೆಯ ಸಂಕೇತವಾಗಿರಬಹುದು. ಮೂಗಿನ ಗಡ್ಡೆಯಿದ್ದಾಗ ಮೂಗು ಕಟ್ಟುವಿಕೆ, ವಾಸನೆ ಬರದೇ ಇರುವುದು, ಹಲ್ಲಿನ ಭಾಗದಲ್ಲಿ ಮರಗಟ್ಟುವಿಕೆ, ಒಂದು ಬದಿಯ ಮೂಗು ಕಟ್ಟುವಿಕೆ, ರಕ್ತಸ್ರಾವದ ಜತೆಗೆ ಮೂಗಿನಿಂದ ಲೋಳೆ ಹೊರಬಹುದು. ಇದು ಕೆಲವೊಂದು ಸಾಮಾನ್ಯ ಲಕ್ಷಣಗಳು. ಇದರೊಂದಿಗೆ ಕಣ್ಣಿನಿಂದ ನೀರು ಬರುವುದು, ಕಿವಿ ಕೇಳದಿರುವುದು, ತಲೆನೋವು, ಒಂದು ಕಣ್ಣು ಮಂಜಾಗುವುದು, ಬಾಯಿ ತೆರೆಯಲು ಕಷ್ಟವಾಗುವುದು, ಒಂದು ಕಿವಿಯಲ್ಲಿ ನೋವು ಇತ್ಯಾದಿ. ಸಮಸ್ಯೆಗಳು ತೀವ್ರವಾಗುವ ಮೊದಲು ಇದಕ್ಕೆ ಚಿಕಿತ್ಸೆ ಅಗತ್ಯ.

ನಸಲ್ ಪಾಲಿಪ್ಸ್(ಮೂಗಿನ ಸಂಯುಕ್ತಗಳು)

ಮೂಗಿನ ಪದರದಲ್ಲಿ ಕ್ಯಾನ್ಸರ್ ಅಲ್ಲದೆ ಇರುವ, ಮೃಧುವಾಗಿ ಬೆಳೆದಿರುವುದನ್ನು ಮೂಗಿನ ಸಂಯುಕ್ತಗಳು ಎಂದು ಕರೆಯಲಾಗುವುದು. ಅಸ್ತಮಾ, ಔಷಧಿಯ ಸೂಕ್ಷ್ಮತೆ ಅಥವಾ ಅಲರ್ಜಿಯಿಂದಾಗಿರುವ ಉರಿಯೂತದಿಂದ ಹೀಗೆ ಆಗುವುದು. ಇದು ಬೆಳೆದು ದೊಡ್ಡದಾದಾಗ ಕೆಲವೊಂದು ಲಕ್ಷಣಗಳನ್ನು ತೋರಿಸುವುದು. ಇದರಲ್ಲಿ ಪ್ರಮುಖವಾಗಿ ರಕ್ತಸ್ರಾವ. ಇದನ್ನು ಕುಗ್ಗಿಸಲು ಅಥವಾ ತೆಗೆಯಲು ಔಷಧಿ ಸಾಕಾಗಬಹುದು. ಮೂಗಿಗೆ ಕಿರಿಕಿರಿ ತಪ್ಪಿಸುವುದು ಮತ್ತು ಮನೆಯನ್ನು ಸ್ವಚ್ಛವಾಗಿಟ್ಟುಕೊಳ್ಳುವುದರಿಂದ ಮೂಗಿನ ಸಂಯುಕ್ತ ಬೆಳೆಯುವುದು ತಪ್ಪುತ್ತದೆ.

ಹೆಮೊಫಿಲಿಯಾ

ಈ ಪರಿಸ್ಥಿತಿ ಉಂಟಾದಾಗ ರಕ್ತ ಹೆಪ್ಪುಗಟ್ಟುವಿಕೆ ಸಾಮರ್ಥ್ಯವು ತುಂಬಾ ಕಡಿಮೆಯಾಗುವುದು. ಸಣ್ಣ ಗಾಯವಾದರೂ ಅತಿಯಾಗಿ ರಕ್ತಸ್ರಾವವಾಗಬಹುದು. ಇದನ್ನು ಒಂದು ರೀತಿಯ ಅನವಂಶೀಯ ರಕ್ತದ ಕಾಯಿಲೆಯೆಂದು ಕರೆಯಲಾಗುತ್ತದೆ. ಹೆಮೊಫಿಲಿಯಾ ಇರುವಂತಹ ಜನರಲ್ಲಿ ಮೂಗಿನಲ್ಲಿ ರಕ್ತಸ್ರಾವ ಕಾಣಿಸುವುದು. ಇದಕ್ಕೆ ನೀವು ಮನೆಯಲ್ಲೇ ಚಿಕಿತ್ಸೆ ಮಾಡಿಕೊಳ್ಳಬಹುದು. ಮೂಗಿನ ರಕ್ತನಾಳಗಳಿಗೆ ಹಾನಿಯಾದ ಸಂದರ್ಭ(ಮೂಗು ಕಟ್ಟಿದಾಗ ಬಿಗಿಯಾಗಿ ಕಫ ಹೊರಹಾಕಲು ಪ್ರಯತ್ನಿಸಿದಾಗ) ರಕ್ತಸ್ರಾವವಾಗುವುದು. ಹೆಮೊಫಿಲಿಯಾ ಇರುವಂತಹ ವ್ಯಕ್ತಿಯ ಮೂಗಿನಲ್ಲಿ ರಕ್ತಸ್ರಾವವಾಗುತ್ತಲಿದ್ದರೆ ಆಗ ಇದು ತೀವ್ರವಾಗಿರಬಹುದು ಮತ್ತು ರಕ್ತ ಸ್ರಾವ ನಿಲ್ಲಲು ತುಂಬಾ ಕಠಿಣ ಮತ್ತು ವಿಳಂಬವಾಗಬಹುದು.

ಲ್ಯುಕೇಮಿಯಾ(ರಕ್ತದ ಕ್ಯಾನ್ಸರ್)

ರಕ್ತದ ಕ್ಯಾನ್ಸರ್ ಇರುವಂತಹ ಜನರಲ್ಲಿ ಮೂಗಿನಲ್ಲಿ ಸಣ್ಣ ಗಾಯದಿಂದ ರಕ್ತಸ್ರಾವವಾದರೂ ದೀರ್ಘವಾಗಿ ರಕ್ತ ಸೋರಬಹುದು. ಇದು ನಿಲ್ಲಲು ತುಂಬಾ ಸಮಯ ಬೇಕಾಗಬಹುದು. ಲ್ಯುಕೇಮಿಯಾದಿಂದಾಗಿ ರಕ್ತ ಹೆಪ್ಪುಗಟ್ಟುವಿಕೆಗೆ ತಡೆಯಾಗುವುದು. ಲ್ಯುಕೇಮಿಯಾ ರೋಗಿಯಾಗಿದ್ದರೆ ಆಗ ಒಂದು ಹನಿ ರಕ್ತ ಸೋರುವಿಕೆಯು ತೀವ್ರವಾಗುವಂತಹ ಸಾಧ್ಯತೆಯಿದೆ.

ಅನುವಂಶಿಕ ಹೆಮರಾಜಿಕ್ ತೆಲಂಜಿಟೆಕ್ಯಾಟಿಯಾ

ಇದು ಅನುವಂಶೀಯವಾಗಿ ಬರುವಂತಹ ಕಾಯಿಲೆಯಾಗಿದೆ. ರಕ್ತನಾಳಗಳು ಅಸಾಮಾನ್ಯವಾಗಿದ್ದರೆ ಇಂತಹ ಪರಿಸ್ಥಿತಿಯು ಉಂಟಾಗುವುದು. ಇಂತಹ ಸಮಸ್ಯೆ ಇರುವಂತಹ ಜನರಲ್ಲಿ ಮೂಗಿನಿಂದ ರಕ್ತಸ್ರಾವವು ಪದೇ ಪದೇ ಆಗುವುದು. ಅತಿಯಾದ ರಕ್ತಸ್ರಾವವು ಇದರ ಪ್ರಮುಖ ಲಕ್ಷಣವಾಗಿದೆ. ರಕ್ತಸ್ರಾವವು ದಿನದಲ್ಲಿ ಹಲವಾರು ಸಲ ಮತ್ತು ಕೆಲವು ನಿಮಿಷದಿಂದ ಗಂಟೆಗಳ ಕಾಲ ಇರಬಹುದು.

ಇಡಿಯೋಪಥಿಕ್ ಥ್ರಾಂಬೋಸೈಟೋಪೆನಿಕ್ ಪುರ್ಪುರಾ

ಈ ಸಮಸ್ಯೆಯಿದ್ದರೆ ರಕ್ತನಾಳಕ್ಕೆ ಬೇಗನೆ ಹಾನಿಯಾಗಬಹುದು ಮತ್ತು ರಕ್ತಸ್ರಾವವಾಗಬಹುದು. ರಕ್ತಹೆಪ್ಪುಗಟ್ಟಲು ನೆರವಾಗುವ ಕಿರುಬಿಲ್ಲೆಗಳು ಕಡಿಮೆ ಇರುವುದು ಅತಿಯಾದ ರಕ್ತಸ್ರಾವಕ್ಕೆ ಕಾರಣವಾಗಿದೆ. ಇದನ್ನು ಇಡಿಯೋಪಥಿಕ್ ಥ್ರಾಂಬೋಸೈಟೋಪೆನಿಕ್ ಪುರ್ಪುರಾ ಎಂದು ಕರೆಯಲಾಗುವುದು. ಈ ಸಮಸ್ಯೆ ಇರುವವರಲ್ಲಿ ಮೂಗಿನಲ್ಲಿ ರಕ್ತಸ್ರಾವ ಮತ್ತು ಒಸಡಿನಲ್ಲಿ ರಕ್ತ ಸೋರುವಿಕೆ ಸಾಮಾನ್ಯವಾಗಿರುವುದು.