ಉಷ್ಣ ದೇಹಿಗಳಿಗೆ ಹಿತಕರವಾದ ರಾಗಿ ದೋಸೆ

* ಭಾರತಿ ಎಚ್. ಎಸ್., ಬೆಂಗಳೂರು

ಬೇಕಾಗುವ ಪದಾರ್ಥಗಳು

ಉದ್ದಿನಬೇಳೆ 1 ಕಪ್
ರಾಗಿ ಹಿಟ್ಟು 3 ಕಪ್
ಮೆಂತ್ಯ 2 ಸ್ಪೂನ್ - ಬೇಕಾದಲ್ಲಿ
ಅವಲಕ್ಕಿ 1 ಸ್ಪೂನ್ - ಬೇಕಾದಲ್ಲಿ
ಉಪ್ಪು ರುಚಿಗೆ

ಮಾಡುವ ವಿಧಾನ

* ಉದ್ದಿನ ಬೇಳೆಯನ್ನು 8 ಗಂಟೆಗಳ ಕಾಲ ನೆನೆ ಹಾಕಿ.
* ಮೆಂತ್ಯ ಮತ್ತು ಅವಲಕ್ಕಿಯನ್ನು ಉದ್ದಿನಬೇಳೆಯ ಜೊತೆ ನೆನೆ ಹಾಕಿ.
* ಎಲ್ಲವನ್ನು ನುಣ್ಣಗೆ ರುಬ್ಬಿ ಕೊಳ್ಳಿ.
* ಆಮೇಲೆ ರಾಗಿ ಹಿಟ್ಟು ಮತ್ತು ಉಪ್ಪನ್ನು ರುಬ್ಬಿದ ಮಿಶ್ರಣಕ್ಕೆ ಬೆರೆಸಿ ಇಡಿ.
* ಬೆಳಗ್ಗೆ ಹಿಟ್ಟು ಚೆನ್ನಾಗಿ ಹುದುಗು ಬಂದಿರುತ್ತದೆ.
* ಕಾದ ತವ ಮೇಲೆ ಹಿಟ್ಟು ಹುಯ್ದು ದೋಸೆ ಹಾಕಿ ಎರಡು ಬದಿ ಬೇಯಿಸಿ. ರುಚಿಯಾದ ದೋಸೆ ಸಿದ್ದ. ಕಾಯಿಚಟ್ನಿಯ ಜೊತೆ ಸವಿಯಿರಿ.
* ನಾನ್ ಸ್ಟಿಕ್ ತವಾ ಆಗಿದ್ದರೆ ಎಣ್ಣೆ ಹುಯ್ಯುವ ಅಗತ್ಯವಿಲ್ಲ. ಕಬ್ಬಿಣದಾಗಿದ್ದರೆ ಹಂಚಿಗೆ ಎಣ್ಣೆ ಹಚ್ಚಿ ಹಿಟ್ಟು ಹಾಕಿದರೆ ದೋಸೆ ಅಂಟಿಕೊಳ್ಳದೆ ಎದ್ದುಬರುತ್ತದೆ.