ಮಹಿಳೆಯರೇ ಈ ಲೈಂಗಿಕ ರೋಗಗಳ ಸಮಸ್ಯೆಯನ್ನು ತಪ್ಪದೇ ಪರೀಕ್ಷೆ ಮಾಡಿಸಿಕೊಳ್ಳಿ…

ಸಿಫಿಲಿಸ್

ಇದಕ್ಕೆ ಚಿಕಿತ್ಸೆ ಮಾಡದೆ ಹೋದರೆ ಆಗ ಅದು ದೇಹದೊಳಗಡೆ ಹಾನಿ ಉಂಟು ಮಾಡುವುದು. ನರಗಳಿಗೆ ಹಾನಿ, ಅಂಗಾಂಗಗಳಿಗೆ ಹಾನಿ, ಬುದ್ದಿಮಾಂದ್ಯತೆ ಅಥವಾ ಸಾವು ಸಂಭವಿಸಬಹುದು. ಇದರ ಪರೀಕ್ಷೆ ಹೇಗೆ: ರಕ್ತ ಪರೀಕ್ಷೆಯಿಂದ ಇದನ್ನು ಪತ್ತೆ ಹಚ್ಚಬಹುದು.

ಎಚ್ ಐವಿ

ಎಚ್ ಐವಿ ಯು ಏಡ್ಸ್ ಆಗಿ ಪರಿವರ್ತನೆಗೊಳ್ಳಲು ಸುಮಾರು ಹತ್ತು ವರ್ಷ ಬೇಕಾಗುವುದು. ಈ ಸಂದರ್ಭದಲ್ಲಿ ಇದು ಪತ್ತೆಯಾಗದೆ ಉಳಿಯಬಹುದು. ಇದರ ಪರೀಕ್ಷೆ ಹೇಗೆ: ರಕ್ತ ಪರೀಕ್ಷೆ ಮೂಲಕ ಇದನ್ನು ಪತ್ತೆ ಮಾಡಬಹುದು.

ಕ್ಲಮೈಡಿಯಾ

ಇದಕ್ಕೆ ಚಿಕಿತ್ಸೆ ನೀಡದೆ ಇದ್ದರೆ ತುಂಬಾ ಅಪಾಯಕಾರಿ. ಅದರಲ್ಲೂ ಮಹಿಳೆಯರಿಗೆ ಇದು ಅಪಾಯಕಾರಿ ಎಂದು ಪರಿಗಣಿಸಲಾಗಿದೆ. ಇದು ಫಾಲೊಪೈನ್ ಟ್ಯೂಬು ಅನ್ನು ಹಾನಿಗೀಡು ಮಾಡುವುದು. ಇದರಿಂದ ಎಕ್ಟೊಪಿಕ್ ಪ್ರೆಗ್ನೆನ್ಸಿ (ಗರ್ಭಕೋಶದ ಹೊರಗಡೆ ಗರ್ಭಧಾರಣೆ) ಅಪಾಯವು ಹೆಚ್ಚಾಗಿರುವುದು. ಇದರ ಪರೀಕ್ಷೆ ಮಾಡಿಸುವುದು ಹೇಗೆ: ಮೂತ್ರ ಪರೀಕ್ಷೆ ಅಥವಾ ಸ್ವಾಬ್ ಸ್ಯಾಂಪಲ್ ಪರೀಕ್ಷೆಯನ್ನು ಮಾಡಿ ಕೊಳ್ಳಬೇಕು. ಜನನೇಂದ್ರಿಯ ಹಾರ್ಪಿಸ್: ಇದು ಶಿಶುವಿನಲ್ಲಿ ತುಂಬಾ ಮಾರಣಾಂತಿಕ ಸೋಂಕನ್ನು ಉಂಟು ಮಾಡುವಂತಹ ಸಾಮರ್ಥ್ಯ ಹೊಂದಿದೆ. ಇದರ ಪರಿಕ್ಷೆ ಹೇಗೆ: ದೈಹಿಕ ಪರೀಕ್ಷೆ, ರಕ್ತ ಪರೀಕ್ಷೆ ಅಥವಾ ಸ್ವಾಬ್ ಸ್ಯಾಂಪಲ್ ಪರೀಕ್ಷೆ ಮಾಡಿಸಬೇಕು.

ಗೊನೊರಿಯಾ

ಇದು ರಕ್ತದ ಮೂಲಕ ಗಂಟುಗಳಿಗೆ ಹಬ್ಬಬಹುದು. ಇದರಿಂದಾಗಿ ಸಂಧಿವಾತದಂತಹ ಲಕ್ಷಣಗಳು ಕಾಣಿಸಿಕೊಳ್ಳಬಹುದು. ಇದರ ಪರೀಕ್ಷೆ ಮಾಡಿಸುವುದು ಹೇಗೆ: ಮೂತ್ರ ಪರೀಕ್ಷೆ ಅಥವಾ ಸ್ವಾಬ್ ಸ್ಯಾಂಪಲ್ ಪರೀಕ್ಷೆ ಮಾಡಿಸಿಕೊಳ್ಳಬೇಕು.

ಹೆಪಟೈಟಿಸ್ ಬಿ ಮತ್ತು ಸಿ

ದೀರ್ಘಕಾಲದ ಹೆಪಟೈಟಿಸ್ ಬಿ ಮತ್ತು ಸಿ ಪರಿಣಾಮದಿಂದಾಗಿ ಯಕೃತ್(ಲಿವರ್) ಸಿರೋಸಿಸ್ ಅಥವಾ ಲಿವರ್ ಕ್ಯಾನ್ಸರ್ ಉಂಟಾಗಬಹುದು. ಇದರ ಪರೀಕ್ಷೆ ಮಾಡಿಸಿಕೊಳ್ಳುವುದು ಹೇಗೆ: ರಕ್ತ ಪರೀಕ್ಷೆಯಿಂದ

ಹ್ಯೂಮನ್ ಪ್ಯಾಪಿಲೋಮಾವೈರಸ್

ಇದು ಗರ್ಭಕಂಠದ ಕ್ಯಾನ್ಸರ್ ಗೆ ಕಾರಣವಾಗಬಹುದು. ಇದರ ಪರೀಕ್ಷೆ ಹೇಗೆ: ಪ್ಯಾಪ್ ಪರೀಕ್ಷೆ

ಟ್ರೈಕೊಮೊನಿಯಾಸಿಸ್

ಇದರ ಪರಿಣಾಮವಾಗಿ ಅಕಾಲಿಕ ಹೆರಿಗೆ ಅಥವಾ ಹುಟ್ಟಿದ ಮಗು ಕಡಿಮೆ ತೂಕ ಹೊಂದಿರಬಹುದು. ಇದರ ಪರೀಕ್ಷೆ ಹೇಗೆ: ದೈಹಿಕ ಪರೀಕ್ಷೆ ಅಥವಾ ಸ್ವಾಬ್ ಸ್ಯಾಂಪಲ್ ಪರೀಕ್ಷೆ.

ಶ್ರೋಣಿಯ ಉರಿಯೂತ ಕಾಯಿಲೆ(ಪಿಐಡಿ)

ಇದು ಮಹಿಳೆಯರ ಸಂತಾನೋತ್ಪತ್ತಿ ಅಂಗಗಳನ್ನು ಶಾಶ್ವತವಾಗಿ ಹಾನಿಗೀಡು ಮಾಡಬಹುದು ಅಥವಾ ಅಪಸ್ಥಾನೀಯ ಗರ್ಭಧಾರಣೆಗೆ ಕಾರಣವಾಗಬಹುದು. ಇದರ ಪರೀಕ್ಷೆ ಹೇಗೆ: ದೈಹಿಕ ಪರೀಕ್ಷೆ ಅಥವಾ ಅಲ್ಟ್ರಾ ಸೌಂಡ್ ಪರೀಕ್ಷೆ ಮಾಡಿಸಿಕೊಳ್ಳಬೇಕು.

ಬ್ಯಾಕ್ಟೀರಿಯಲ್ ವಜಿನಿಸೀಸ್

ಇದರಿಂದಾಗಿ ಪಿಐಡಿ ಬರಬಹುದು ಅಥವಾ ಗರ್ಭ ಧರಿಸಿರುವಂತಹ ಮಹಿಳೆಯರಲ್ಲಿ ಇದು ಅಕಾಲಿಕ ಹೆರಿಗೆಗೆ ಕಾರಣವಾಗಬಹುದು. ಇದರ ಪರೀಕ್ಷೆ ಮಾಡಿಸಿಕೊಳ್ಳುವುದು ಹೇಗೆ: ಇದನ್ನು ದೈಹಿಕ ಪರಿಕ್ಷೆ ಅಥವಾ ಯೋನಿಯ ದ್ರವದ ಪ್ರಯೋಗಾಲಯ ಪರೀಕ್ಷೆ ಮೂಲಕವಾಗಿ ಪತ್ತೆ ಮಾಡಬಹುದು.