ನೆಮ್ಮದಿ ಕೆಡಿಸುವ ಮಾನಸಿಕ ಒತ್ತಡಕ್ಕೆ ಕಾರಣವೇನು?

ಒತ್ತಡಕ್ಕೆ ಮೂಲ ಕಾರಣ ಹಣ

ಅಧ್ಯಯನಗಳ ಪ್ರಕಾರ ಮತ್ತು ನಮಗೆ ತಿಳಿದಿರುವಂತೆ ಒತ್ತಡಕ್ಕೆ ಹಣಕಾಸಿನ ಸಮಸ್ಯೆಯೇ ಮೂಲ ಕಾರಣ. ಹಲವಾರು ದೇಶಗಳಲ್ಲಿ ಇದೇ ಸಮಸ್ಯೆಯು ಒತ್ತಡವನ್ನುಂಟು ಮಾಡುತ್ತದೆ ಎಂದು ಹೇಳುತ್ತದೆ ಅಧ್ಯಯನದ ಫಲಿತಾಂಶವೊಂದು. ಆದರೂ ರಷ್ಯಾ ಮತ್ತು ಫ್ರಾನ್ಸ್‌ನಂತಹ ರಾಷ್ಟ್ರಗಳು ಈ ಕುರಿತು ಕಡಿಮೆ ಚಿಂತೆ ಮಾಡುತ್ತವೆಯಂತೆ.

ಒತ್ತಡಕ್ಕೆ ಒಳಗಾಗುವರಲ್ಲಿ ಗಂಡಸರೆ ಹೆಚ್ಚು

ಒಂದು ಅಧ್ಯಯನದ ಪ್ರಕಾರ ಗಂಡಸರಿಗಿಂತ ಒತ್ತಡವನ್ನು ನಿಭಾಯಿಸುವಲ್ಲಿ ಮಹಿಳೆಯರದೆ ಮೇಲುಗೈ ಇದೆಯಂತೆ. ಗಂಡಸರು ಒತ್ತಡಕ್ಕೆ ಒಳಗಾಗಿ ಸುಸ್ತು, ತಲೆ ಸುತ್ತು, ನಿದ್ರಾಹೀನತೆ ಮತ್ತು ಕೋಪ ಹಾಗು ಹಿಂಸಾತ್ಮಕ ಪ್ರವೃತ್ತಿಯನ್ನು ತೋರುತ್ತಾರಂತೆ. ಜೊತೆಗೆ ಡ್ರಗ್ ಮತ್ತು ಆಲ್ಕೋಹಾಲ್ ಸಹ ಸೇವಿಸಲು ಆರಂಭಿಸುತ್ತಾರಂತೆ.

ನಿಮ್ಮ ವೃತ್ತಿಯು ಸಹ ಇದಕ್ಕೆ ಕಾರಣವಾಗಿರುತ್ತದೆ

ಆಭರಣ ತಯಾರಿಸುವವರು, ಉಪನ್ಯಾಸಕರು, ಕ್ಷೌರಿಕರಿಗಿಂತ ಪೈಲಟ್‌ಗಳು, ಅಗ್ನಿಶಾಮಕ ದಳದವರು, ಸೈನಿಕರಿಗೆ ಅಧಿಕ ಒತ್ತಡ ಇರುತ್ತದೆಯಂತೆ. ಇವೆಲ್ಲವು ಗೊತ್ತಿಲ್ಲದ ಒತ್ತಡಗಳಾಗಿರುತ್ತವೆ.

ಒತ್ತಡವು ಗರ್ಭದಲ್ಲಿರುವ ಮಗುವಿನ ಮೇಲೆ ಪರಿಣಾಮ ಬೀರುತ್ತದೆ

ಒತ್ತಡವು ಗರ್ಭಿಣಿ ಹೆಂಗಸರ ಹೊಟ್ಟೆಯ ಒಳಗಿರುವ ಮಗುವಿನ ಮೇಲೆ ಪರಿಣಾಮ ಬೀರುತ್ತದೆ. ಒತ್ತಡವು ಗರ್ಭದ ಒಳಗಿರುವ ಮಗುವಿನ ಮೇಲೆ ಮತ್ತು ಗರ್ಭದ ಮೇಲೆ ಇನ್‍ಫೆಕ್ಷನ್ ಉಂಟು ಮಾಡುತ್ತದೆ. ಇದರಿಂದ ಮಗುವು ಸಹ ದುರ್ಬಲವಾಗುತ್ತದೆ. ತಾಯಿಯ ಒತ್ತಡವು ಮಗುವಿನ ವ್ಯಕ್ತಿತ್ವದ ಮೇಲೆ ಸಹ ಪರಿಣಾಮವನ್ನು ಬೀರುತ್ತದೆ.

ಒತ್ತಡವು ಸಂತಾನ ಹೀನತೆಯನ್ನು ತರುತ್ತದೆ

ಹೆಂಗಸರಲ್ಲಿ ಒತ್ತಡವು ಸಂತಾನ ಹೀನತೆಯನ್ನು ತರುತ್ತದೆ. ಇದು ಗರ್ಭಾಶಯದಿಂದ ಅಂಡಾಣುಗಳನ್ನು ಬಿಡುಗಡೆ ಮಾಡುತ್ತದೆ ಮತ್ತು ಅಂಡಾಣುಗಳು ಸಹ ಇದರಿಂದ ಹಾನಿಗೊಳಗಾಗುತ್ತವೆ. ಗಂಡಸರಲ್ಲಿ ಒತ್ತಡವು ವೀರ್ಯಾಣುಗಳನ್ನು ಕಡಿಮೆ ಮಾಡುತ್ತದೆ. ಇದು ಒತ್ತಡದಿಂದ ಉಂಟಾಗುವ ಅತಿ ಕೆಟ್ಟ ಪರಿಣಾಮವಾಗಿರುತ್ತದೆ.