ಮೈ ತೂಕ ಕಡಿಮೆ ಮಾಡುವ ಆಹಾರಗಳಿವು

ಮೀನು

ಮೀನಿನಲ್ಲಿ ಒಮೆಗಾ 3 ಕೊಬ್ಬಿನಂಶ ಇರುವುದರಿಂದ ಆರೋಗ್ಯಕ್ಕೆ ತುಂಬಾನೇ ಒಳ್ಳೆಯದು. ಇದರಲ್ಲಿರುವ ಆರೋಗ್ಯಕರ ಕೊಬ್ಬಿನ ಆಮ್ಲ ಇತರ ಆಹಾರಗಳಲ್ಲಿ ಸಿಗುವುದು ಕಷ್ಟ. ಇದು ಚಯಪಚಯ ಕ್ರಿಯೆಗೆ ತುಂಬಾನೇ ಒಳ್ಳೆಯದು. ಮೀನನ್ನು ಫ್ರೈ ಮಾಡಿ ತಿನ್ನುವುದರಿಂದ ಮೈ ತೂಕ ಹೆಚ್ಚುವುದು, ಬದಲಿಗೆ ಸಾರು ಅಥವಾ ಗ್ರಿಲ್ಡ್ ಮಾಡಿ ತಿನ್ನಿ.

ಮೊಸರು/ಯೋಗರ್ಟ್

ಮೊಸರು , ಯೋಗರ್ಟ್ ಇವೆಲ್ಲಾ ಆರೋಗ್ಯಕರವಾದ ಕೊಬ್ಬಿನಂಶದ ಆಹಾರವಾಗಿದೆ. ಗ್ರೀಕ್‌ ಯೋಗರ್ಟ್ ಆಗಿರಲಿ, ಪ್ಲೇನ್ ಯೋಗರ್ಟ್ ಆಗಿರಲಿ ಎರಡೂ ಕೂಡ ಆರೋಗ್ಯಕ್ಕೆ ತುಂಬಾನೇ ಒಳ್ಳೆಯದು. ಇದರಲ್ಲಿ ಅತ್ಯಧಿಕ ವಿಟಮಿನ್ಸ್ ಹಾಗೂ ಖನಿಜಾಂಶ, ಪ್ರೋಬಯೋಟಿಕ್‌ ಅಂಶವಿದ್ದು ಇತರ ಆಹಾರ ತುಂಬಾ ತಿನ್ನುವುದು ನಿಯಂತ್ರಿಸಲೂ ಸಹಕಾರಿ.

ಮೊಟ್ಟೆ

ಪ್ರೊಟೀನ್ ತೂಕ ಇಳಿಕೆಗೆ ತುಂಬಾನೇ ಸಹಾಯ ಮಾಡುತ್ತದೆ. ಪ್ರೊಟೀನ್ ಸ್ನಾಯುಗಳು ಬಲವಾಗಲು ಸಹಾಯ ಮಾಡುತ್ತದೆ. ಪ್ರತೀ ಮೊಟ್ಟೆಯಲ್ಲಿ 6 ಗ್ರಾಂ ಪ್ರೊಟೀನ್ ಇರುತ್ತದೆ.

ಅಗಸೆ ಬೀಜ

ಅಗಸೆ ಬೀಜ ತೂಕ ಇಳಿಕೆಗೆ ತುಂಬಾನೇ ಸಹಕಾರಿ. ಮಹಿಳೆಯರು ಇದನ್ನು ತಿನ್ನುವುದರಿಂದ ತುಂಬಾನೇ ಒಳ್ಳೆಯದು. ಇದನ್ನು ಆಹಾರಕ್ರಮದಲ್ಲಿ ಸೇರಿಸಿದರೆ ತೂಕ ಇಳಿಕೆಯಾಗುವುದು.

ತೆಂಗಿನೆಣ್ಣೆ

ಕೆಲವರು ತೆಂಗಿನೆಣ್ಣೆ ಕೊಲೆಸ್ಟ್ರಾಲ್ ಎಂದು ದೂರ ಮಾಡುತ್ತಾರೆ. ಆದರೆ ತೆಂಗಿನೆಣ್ಣೆ ಗತುಂಬಾನೇ ಒಳ್ಳೆಯದು. ಇದನ್ನು ಅಡುಗೆಯಲ್ಲಿ ಬಳಸುವುದರಿಂದ ದೇಹದಲ್ಲಿ ಕೊಬ್ಬು ಹೆಚ್ಚಾಗುವುದು ತಡೆಗಟ್ಟಲು ಸಹಕಾರಿ ಎಂಬುವುದನ್ನು ವಿಜ್ಞಾನಿಗಳು ಕೂಡ ಹೇಳುತ್ತಾರೆ.

ಗ್ರೀನ್ ಟೀ

ಬೆಳಗ್ಗೆ ಎದ್ದ ತಕ್ಷಣ ಒಂದು ಲೋಟ ಗ್ರೀನ್‌ ಟೀ ಕುಡಿದರೆ ಅದು ದೇಹವನ್ನು ಡಿಟಾಕ್ಸ್ ಮಾಡುತ್ತದೆ ಅಲ್ಲದೆ ದೇಹದಲ್ಲಿ ಕೊಬ್ಬು ಸಂಗ್ರಹವಾಗದಂತೆ ತಡೆಗಟ್ಟುತ್ತದೆ. ಗ್ರೀನ್‌ ಟೀ ತೂಕ ಇಳಿಕೆಗೆ ಸಹಕಾರಿ ಎಂಬುವುದನ್ನು ಸಂಶೋಧನೆಗಳು ಕೂಡ ದೃಢಪಡಿಸಿವೆ.

ಈ ಕೊಬ್ಬಿನ ಆಹಾರಗಳನ್ನು ನಿಮ್ಮ ಆಹಾರದಲ್ಲಿ ಸೇರಿಸುವುದು ಹೇಗೆ?

* ನೀವು ಈ ಎಲ್ಲಾ ಆಹಾರವನ್ನು ನಿಮ್ಮ ದಿನ ನಿತ್ಯದ ಆಹಾರಕ್ರಮದಲ್ಲಿ ಬಳಸಬಹುದು. ಬೆಳಗ್ಗೆ ಎದ್ದ ತಕ್ಷಣ ಗ್ರೀನ್ ಟೀ ಕುಡಿಯಿರಿ, ಆಹಾರದಲ್ಲಿ ಮೀನು, ಮೊಟ್ಟೆ, ಅಗಸೆ ಬೀಜ ಇವುಗಳನ್ನು ಸೇರಿಸಿ. ಸ್ನಾಕ್ಸ್‌ಗೆ ನಟ್ಸ್ ಬಳಸಿ.

ಇವುಗಳ ಜೊತೆಗೆ ಅರ್ಧ ಗಂಟೆ ವ್ಯಾಯಾಮ ಮಾಡಿ. ಇಷ್ಟು ಮಾಡಿದರೆ ಸಾಕು ನೀವು ಬಯಸಿದ ಆಕರ್ಷಿಕ ಮೈಕಟ್ಟು ನಿಮ್ಮದಾಗುವುದು.