Just In
- 4 min ago 5 ನಿಮಿಷದಲ್ಲಿ ಪಾತ್ರೆಯನ್ನು ಹೊಳೆಯುವಂತೆ ಮಾಡಿ..! ಸುಲಭದ ಟಿಪ್ಸ್ ಇಲ್ಲಿದೆ
- 1 hr ago ಮಸಾಲ ಭರಿತ ಬಿಸಿ ಬಿಸಿ ಪೊಂಗಲ್ ಮಾಡೋದು ಹೇಗೆ..? ಏನಿದರ ರೆಸಿಪಿ?
- 1 hr ago ವೃಷಭ ರಾಶಿಗೆ ಗುರು ಸಂಚಾರ: 11ನೇ ಮನೆಯಲ್ಲಿ ಗುರು ಕರ್ಕ ರಾಶಿಯವರಿಗೆ ಅದೃಷ್ಟವೋ ಅದೃಷ್ಟ
- 4 hrs ago ವೃಷಭ ರಾಶಿಗೆ ಗುರು ಸಂಚಾರ: 12ನೇ ಮನೆಯಲ್ಲಿ ಗುರು ಮಿಥುನ ರಾಶಿಯ ಮೇಲೆ ಬೀರುವ ಪ್ರಭಾವ ಹೇಗಿರಲಿದೆ?
Don't Miss
- News ಬೆಂಗಳೂರಿನ ಜನತೆಗೆ ಬಾಂಬು..ಮತಾಂಧರಿಗೆ ಕೊಂಬು: ಚೊಂಬು ಜಾಹೀರಾತಿಗೆ ಆರ್.ಅಶೋಕ್ ಗುಡುಗು
- Technology oneplus: ಒನ್ಪ್ಲಸ್ನಿಂದ ಫ್ಲ್ಯಾಗ್ಶಿಪ್ ಕ್ಯಾಮೆರಾ ಸೌಲಭ್ಯದೊಂದಿಗೆ ಫ್ಲಿಪ್ ಫೋನ್!
- Automobiles Bangaluru: ನಮ್ಮ ಯಾತ್ರಿ ಕ್ಯಾಬ್ ಸೇವೆ ಆರಂಭ.. ಎಷ್ಟಿದೆ ದರ?
- Sports LSG vs CSK IPL 2024: ಲಕ್ನೋ vs ಚೆನ್ನೈ ಪಂದ್ಯದ ವರದಿ, ಫ್ಯಾಂಟಸಿ ಡ್ರೀಮ್ ಟೀಂ, ಸಂಭಾವ್ಯ ಆಡುವ 11ರ ಬಳಗ
- Finance n. r. narayana murthy ಐದು ತಿಂಗಳ ಮೊಮ್ಮಗನಿಗೆ 4.2 ಕೋಟಿ ಇನ್ಫೋಸಿಸ್ ಲಾಭ
- Movies 'ಅವತಾರ ಪುರುಷ 2'ದಿಂದ ನಿರ್ಮಾಪಕ ಜೇಬು ತುಂಬಿತೇ? ಪುಷ್ಕರ್ಗೆ ಹಕ್ಕುಗಳಿಂದ ಬಂದ ಹಣವೆಷ್ಟು?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ವ್ಯಾಯಾಮದ ನಂತರ ಒಂದು ಗ್ಲಾಸ್ ಸೋರೆಕಾಯಿ ಜ್ಯೂಸ್ ಕುಡಿಯಿರಿ
ವ್ಯಾಯಾಮದ ಬಳಿಕ ಪ್ರೋಟೀನ್ ಯುಕ್ತ ಪೇಯವನ್ನು ಕುಡಿಯಲು ಎಲ್ಲರೂ ಬಯಸುತ್ತಾರೆ. ವ್ಯಾಯಾಮದ ಅವಧಿಯಲ್ಲಿ ದೇಹ ಕಳೆದುಕೊಂಡ ಪೋಷಕಾಂಶಗಳನ್ನು ಮರುತುಂಬಿಸಿಕೊಳ್ಳಲು ಈ ಪೇಯ ನೆರವಾಗುವುದರ ಜೊತೆಗೇ ಬಳಲಿದ್ದ ಸ್ನಾಯುಗಳಿಗೆ ಪುನಃಶ್ಚೇತನ ನೀಡಲೂ ನೆರವಾಗುತ್ತದೆ.
ಸೋರೆಕಾಯಿ ಜ್ಯೂಸ್ಗೆ ಜೇನು ಬೆರೆಸಿ ಕುಡಿದು ನೋಡಿ...
ಈ ಕಾರ್ಯವನ್ನು ಸೋರೆಕಾಯಿಯ ಜ್ಯೂಸ್ ಸಹಾ ಸಮರ್ಥವಾಗಿ ನಿಭಾಯಿಸುತ್ತದೆ. ನಿಮ್ಮ ನಿತ್ಯದ ಪ್ರೋಟೀನ್ ಶೇಕ್ ಬದಲು ಕೊಂಚ ಭಿನ್ನವಾದ ರುಚಿಯ ಹಾಗೂ ಅತ್ಯಂತ ಪ್ರಬಲವಾಗಿರುವ ಸೋರೆಕಾಯಿ ಜ್ಯೂಸ್ ಅನ್ನು ಏಕೆ ಪ್ರಯತ್ನಿಸಬಾರದು? ನಿಮ್ಮ ನಿತ್ಯದ ಪೇಯಕ್ಕಿಂತಲೂ ಇದು ಹೆಚ್ಚು ಪರಿಣಾಮಕಾರಿಯಾಗಿದೆ. ಅಚ್ಚರಿಯಾಯಿತೇ? ಬನ್ನಿ, ಈ ಬಗ್ಗೆ ಹೆಚ್ಚಿನ ಮಾಹಿತಿಗಳನ್ನು ಈಗ ನೋಡೋಣ....
ತಯಾರಿಕಾ ಕ್ರಮ....
ಒಂದು ಸೋರೆಕಾಯಿಯ ಸಿಪ್ಪೆಯನ್ನು ಸುಲಿದು ಬೀಜ ನಿವಾರಿಸಿ ಚಿಕ್ಕ ಚಿಕ್ಕ ತುಂಡುಗಳನ್ನಾಗಿ ಕತ್ತರಿಸಿ ಮಿಕ್ಸಿಯ ಬ್ಲೆಂಡರಿನಲ್ಲಿ ಕಡೆಯಿರಿ. ಇದಕ್ಕೆ ಚಿಟಿಕೆಯಷ್ಟು ಕಾಳುಮೆಣಸಿನ ಪುಡಿ ಮತ್ತು ಉಪ್ಪನ್ನು ಬೆರೆಸಿ. ಕೆಲವು ಪುದೀನಾ ಎಲೆಗಳನ್ನು ಬೆರೆಸಿ ಕಡೆದು ನಿಮಗೆ ಸೂಕ್ತವೆನಿಸಿದಷ್ಟು ನೀರು ಸೇರಿಸಿ ಕುಡಿಯಿರಿ.
ಪ್ರಯೋಜನ #1
ಈ ಜ್ಯೂಸ್ನಲ್ಲಿ ಅತಿ ಹೆಚ್ಚಿನ ಪ್ರಮಾಣದ ಕರಗದ ನಾರು ಇದೆ ಹಾಗೂ ಕಡಿಮೆ ಕ್ಯಾಲೋರಿಗಳಿವೆ. ಇದರಿಂದ ಹೆಚ್ಚು ಹೊತ್ತು ಹೊಟ್ಟೆ ತುಂಬಿದಂತಾಗಿದ್ದು ಅನಗತ್ಯವಾಗಿ ಆಹಾರವನ್ನು ಸೇವಿಸುವುದರಿಂದ ತಡೆದಂತಾಗುತ್ತದೆ. ಇದು ಪ್ರಮುಖ ಪ್ರಯೋಜನವಾಗಿದೆ.
ಯಾವುದೇ ಕಾರಣಕ್ಕೂ 'ಸೋರೆಕಾಯಿ-ಜ್ಯೂಸ್' ಮಿಸ್ ಮಾಡಬೇಡಿ!
ಪ್ರಯೋಜನ #2
ವ್ಯಾಯಾಮದ ಅವಧಿಯಲ್ಲಿ ದೇಹದಿಂದ ಅಪಾರವಾದ ಬೆವರು ಹರಿಯುತ್ತದೆ. ಬೆವರಿನ ಮೂಲಕ ದೇಹ ನೀರನ್ನು ಕಳೆದುಕೊಳ್ಳುತ್ತದೆ. ಈ ಜ್ಯೂಸ್ ಕುಡಿಯುವ ಮೂಲಕ ದೇಹ ಕಳೆದುಕೊಂಡಿದ್ದ ನೀರನ್ನು ಮತ್ತೆ ಪಡೆದುಕೊಳ್ಳುತ್ತದೆ. ಹಾಗೂ ಬಿಸಿಯಾಗಿದ್ದ ದೇಹವನ್ನು ಮತ್ತೆ ತಂಪಾಗಿಸಲೂ ನೆರವಾಗುತ್ತದೆ.
ಪ್ರಯೋಜನ #3
ವ್ಯಾಯಾಮದ ಬಳಿಕ ಸುಸ್ತು ಆವರಿಸಿ ಮುಂದಿನ ಕಾರ್ಯಕ್ರಮಕ್ಕೆ ಶಕ್ತಿಯೇ ಉಳಿಯುವುದಿಲ್ಲ. ಆದರೆ ಈ ಜ್ಯೂಸ್ ಕುಡಿದರೆ ಸುಸ್ತು ತಕ್ಷಣವೇ ನಿವಾರಣೆಯಾಗುತ್ತದೆ. ಈ ಜ್ಯೂಸ್ ನಲ್ಲಿರುವ ಅಮೈನೋ ಆಮ್ಲಗಳನ್ನು ದೇಹ ತಕ್ಷಣವೇ ಚಟುವಟಿಕೆಗೆ ತಯಾರಾಗುವಂತೆ ಮಾಡುತ್ತದೆ.
ಪ್ರಯೋಜನ #4
ಈ ಜ್ಯೂಸ್ನಲ್ಲಿರುವ ಆಂಟಿ ಆಕ್ಸಿಡೆಂಟುಗಳು ಜೀವರಾಸಾಯನಿಕ ಕ್ರಿಯೆಯನ್ನು ಚುರುಕುಗೊಳಿಸುವ ಮೂಲಕ ತೂಕ ಇಳಿಸಲು ನೆರವಾಗುತ್ತದೆ.
ಆರೋಗ್ಯಕ್ಕೆ ಆಸರೆಯಾಗೋ ತರಕಾರಿ-ಸೋರೆಕಾಯಿ
ಪ್ರಯೋಜನ #5
ಈ ಜ್ಯೂಸ್ ನಲ್ಲಿ ನೈಸರ್ಗಿಕ ಸಕ್ಕರೆ ಇದ್ದು ಇವು ವ್ಯಾಯಾಮದ ಬಳಿಕ ದೇಹದಲ್ಲಿ ಬಳಕೆಯಾಗಿದ್ದ ಕಾರ್ಬೋಹೈಡ್ರೇಟುಗಳು ಹಾಗೂ ಸ್ನಾಯುಗಳಲ್ಲಿ ಕಡಿಮೆಯಾಗಿದ್ದ ಗ್ಲೈಕೋಜೆನ್ ಮಟ್ಟಗಳನ್ನು ಮತ್ತೆ ಸರಿಪಡಿಸಿಕೊಳ್ಳಲು ನೆರವಾಗುತ್ತದೆ.
ಪ್ರಯೋಜನ #6
ಸೋರೆಕಾಯಿಯಲ್ಲಿ ಇನ್ನೇನೇನಿದೆ? ಇದರಲ್ಲಿ ವಿಟಮಿನ್ B, C, ಖನಿಜಗಳಾದ ಸೋಡಿಯಂ, ಪೊಟ್ಯಾಶಿಯಂ ಹಾಗೂ ಕಬ್ಬಿಣಗಳು ಉತ್ತಮ ಮಟ್ಟದಲ್ಲಿದೆ.
ಪ್ರಯೋಜನ #7
ಖಾಲಿಹೊಟ್ಟೆಯಲ್ಲಿ ಸೋರೆಕಾಯಿ ಜ್ಯೂಸ್ ಅನ್ನು ಸೇವಿಸುವ ಮೂಲಕ ಕೊಲೆಸ್ಟ್ರಾಲ್ ಮಟ್ಟ ಕಡಿಮೆಯಾಗುತ್ತದೆ ಹಾಗೂ ತನ್ಮೂಲಕ ಹೃದಯದ ತೊಂದರೆಗಳಿಂದ ರಕ್ಷಿಸುತ್ತದೆ.
ಪ್ರಯೋಜನ #8
ಸೋರೆಕಾಯಿ ಅಪಾರ ಪ್ರಯೋಜನಗಳಲ್ಲಿ ಕಡೆಯದಾದರೂ ಅಂತಿಮವಲ್ಲದ ಪ್ರಯೋಜನವೆಂದರೆ ಮೂತ್ರನಾಳದ ಸೋಂಕಿನಿಂದ ರಕ್ಷಣೆ ನೀಡುವುದಾಗಿದೆ. ಸೋರೆಕಾಯಿಯ ಜ್ಯೂಸ್ನೊಂದಿಗೆ ಲಿಂಬೆರಸವನ್ನು ಬೆರೆಸಿ ಕುಡಿಯುವ ಮೂಲಕ ಮೂತ್ರನಾಳದ ಸೋಂಕು ಉಂಟಾಗುವುದನ್ನು ತಪ್ಪಿಸಬಹುದು.