ಈಸಿ ಹಲಸಿನ ಚಿಪ್ಸ್ ಸಂಜೆ ಟೀ ಜೊತೆಗಿರಲಿ

ಬೇಕಾಗುವ ಪದಾರ್ಥಗಳು:
* ಉದ್ದ ಮತ್ತು ತೆಳುವಾಗಿ ಕತ್ತರಿಸಿದ ಹಲಸಿನ ತೊಳೆ
* ಕೊಬ್ಬರಿ ಎಣ್ಣೆ ( ಬೇರೆ ಎಣ್ಣೆಯನ್ನೂ ಬಳಸಬಹುದು)
* ಅರಿಶಿನ
* ಉಪ್ಪು, ನೀರು

ಹಲಸಿನ ಚಿಪ್ಸ್ ಮಾಡೋದು ಹೀಗೆ:
ಒಂದು ಕಪ್ ನೀರಿಗೆ ಅರ್ಧ ಚಮಚ ಅರಿಶಿನ ಮತ್ತು 3 ಚಮಚ ಉಪ್ಪು ಬೆರೆಸಿ ಚೆನ್ನಾಗಿ ಕದಡಿ ಒಂದೆಡೆ ಇಟ್ಟುಕೊಳ್ಳಬೇಕು. ಬಾಣಲೆಯಲ್ಲಿ ಎಣ್ಣೆ ಹಾಕಿ ಕಾಯಿಸಿ ಕತ್ತರಿಸಿದ್ದ ಹಲಸಿನ ತೊಳೆಗಳನ್ನು ಕೆಂಪಗಾಗುವ ತನಕ ಕರಿಯಬೇಕು.

ಹಲಸಿನ ತೊಳೆಗಳನ್ನು ಕರಿದ ನಂತರ ಅದರ ಮೇಲೆ ಅರಿಶಿನ ಉಪ್ಪು ಬೆರೆಸಿದ ನೀರನ್ನು ಚುಮುಕಿಸಬೇಕು. ಕೊನೆಗೆ ಬಾಣಲೆಗೆ ಸ್ವಲ್ಪ ಎಣ್ಣೆ ಹಾಕಿ ನೀರು ಚುಮುಕಿಸಿದ ಹಲಸಿನ ಚಿಪ್ಸನ್ನು ಎರಡು ನಿಮಿಷ ಫ್ರೈ ಮಾಡಿದರೆ ಹಲಸಿನ ಚಿಪ್ಸ್ ರೆಡಿಯಾಗಿರುತ್ತೆ. ಈ ಮಳೆಗಾಲದಲ್ಲಿ ಸಂಜೆ ಬಿಸಿ ಬಿಸಿ ಹಲಸಿನ ಚಿಪ್ಸ್ ತಿನ್ನುತ್ತಿದ್ದರೆ ಅದರ ರುಚಿ ದುಪ್ಪಟ್ಟು.