ಗರ್ಭಿಣಿ ಮಹಿಳೆಯರೇ ಗ್ಲೂಕೋಸ್ ಪರೀಕ್ಷೆ ಮಾಡಿಸಿಕೊಳ್ಳಿ!

ನಿಯಮಿತ ಮೂತ್ರ ಪರೀಕ್ಷೆ

ಗರ್ಭಧಾರಣೆಯ ಆರಂಭಿಕ ಹಂತದಲ್ಲೇ ರಕ್ತದಲ್ಲಿನ ಸಕ್ಕರೆ ಮಟ್ಟವು ಹೆಚ್ಚಾಗಿದೆ ಎಂದು ಮೂತ್ರ ಪರೀಕ್ಷೆಯಿಂದ ತಿಳಿದುಬಂದರೆ 24ನೇ ವಾರಕ್ಕೆ ಮೊದಲೇ ಪರೀಕ್ಷೆ ಮಾಡಿಸಿಕೊಳ್ಳಬೇಕು.

ಮಧುಮೇಹವಿದ್ದರೆ ಏನಾಗುತ್ತದೆ?

ಗರ್ಭಧಾರಣೆ ಮೊದಲು ಮಹಿಳೆಗೆ ಮಧುಮೇಹವಿದ್ದರೆ ಅಂತಹ ಮಹಿಳೆಯರು ಗ್ಲೂಕೋಸ್ ಚಾಲೆಂಜ್ ಪರೀಕ್ಷೆ ಮಾಡಿಸಿಕೊಳ್ಳುವ ಅಗತ್ಯವಿಲ್ಲ. ಗರ್ಭಧಾರಣೆ ಮೊದಲು ಕೆಲವೊಂದು ಮುನ್ನೆಚ್ಚರಿಕೆ ತೆಗೆದುಕೊಂಡರೆ ಸುರಕ್ಷಿತವಾಗಿರಬಹುದು.

ಪರೀಕ್ಷೆ ಹೇಗೆ ಮಾಡಲಾಗುತ್ತದೆ?

ಸಕ್ಕರೆಯ ಪಾನೀಯವನ್ನು ಮೊದಲಿಗೆ ನೀಡಲಾಗುವುದು. ಇದರಲ್ಲಿ ಸುಮಾರು 50 ಗ್ರಾಂನಷ್ಟು ಸಕ್ಕರೆಯಿರುತ್ತದೆ. ಗರ್ಭಿಣಿ ಮಹಿಳೆಯು ಇದನ್ನು ಸೇವಿಸಿದ ಬಳಿಕ ಸುಮಾರು ಒಂದು ಗಂಟೆ ಕಾಲ ಹಾಗೆ ಇರಬೇಕು ಮತ್ತು ಬಳಿಕ ಗ್ಲೂಕೋಸ್ ಚಾಲೆಂಜ್ ಟೆಸ್ಟ್ ಗೆ ಒಳಪಡಬೇಕು. ಈ ಮೂಲಕ ರಕ್ತದಲ್ಲಿನ ಸಕ್ಕರೆ ಮಟ್ಟವನ್ನು ಪರೀಕ್ಷೆ ನಡೆಸಲಾಗುವುದು.

ಪರೀಕ್ಷೆ ಅಗತ್ಯವೇ?

ಗರ್ಭಧಾರಣೆಯ ಮಧುಮೇಹವನ್ನು ತಡೆಯುವ ಸಲುವಾಗಿ ಇಂದಿನ ದಿನಗಳಲ್ಲಿ ಹೆಚ್ಚಿನ ಗರ್ಭಿಣಿ ಮಹಿಳೆಯರು ಈ ಪರೀಕ್ಷೆ ಮಾಡಿಕೊಳ್ಳುವರು.

ಈ ಪರೀಕ್ಷೆ ಯಾರಿಗೆ ಅನಿವಾರ್ಯ

ಬಿಎಂಐ ಅತಿಯಾಗಿರುವ ಮಹಿಳೆಯರು, 35ರ ಬಳಿಕ ಗರ್ಭಿಣಿಯಾಗಿರುವ ಮಹಿಳೆಯರು ಮತ್ತು ಕುಟುಂಬದಲ್ಲಿ ಯಾರಿಗಾದರೂ ಮಧುಮೇಹ ಇರುವಂತಹ ಮಹಿಳೆಯರು ಗ್ಲೂಕೋಸ್ ಪರೀಕ್ಷೆ ನಡೆಸುವುದು ತುಂಬಾ ಅನಿವಾರ್ಯ.

ಗರ್ಭಧಾರಣೆ ಮಧುಮೇಹ ಪತ್ತೆಹಚ್ಚುವುದು ಹೇಗೆ?

ಗರ್ಭಧಾರಣೆ ವೇಳೆ ಮಧುಮೇಹ ಇದ್ದರೆ ಅದರಿಂದ ಪ್ರಸವ ವೇಳೆ ಭಾರೀ ಅಪಾಯ, ಹುಟ್ಟುವ ಮಗುವಿನಲ್ಲಿ ವೈಕಲ್ಯ ಮತ್ತು ಇತರ ಕೆಲವು ಸಮಸ್ಯೆ ಉಂಟು ಮಾಡಬಹುದು. ಗರ್ಭಧಾರಣೆ ತುಂಬಾ ಸುರಕ್ಷಿತವಾಗಿರಲು ಸಮಸ್ಯೆಯನ್ನು ಮೊದಲೇ ತಿಳಿದುಕೊಳ್ಳುವುದು ಅತೀ ಅಗತ್ಯ.