ಗರ್ಭಾವಸ್ಥೆಯಲ್ಲಿ ಮಲಗುವ ಭಂಗಿ, ಆದಷ್ಟು ಜಾಗೃತೆವಹಿಸಬೇಕು

ಹೊಟ್ಟೆಯಲ್ಲಿ ಮಲಗುವುದು ಅಪಾಯಕಾರಿಯೇ?

ಗರ್ಭಿಣಿಯರು ಆರಂಭದಲ್ಲಿ ಹೊಟ್ಟೆ ಮೇಲೆ ಮಲಗಿಕೊಂಡರೆ ಯಾವುದೇ ಸಮಸ್ಯೆಯಿಲ್ಲ. ಆದರೆ ಹೊಟ್ಟೆ ದೊಡ್ಡದಾಗುತ್ತಾ ಇರುವಂತೆ ಹೊಟ್ಟೆ ಕೆಳಗೆ ಹಾಕಿಕೊಂಡು ಮಲಗಬಾರದು. ಇದರಿಂದ ತುಂಬಾ ಅನಾನುಕೂಲವಾಗುವುದು.

ಯಾವುದೇ ಹಾನಿಯಿದೆಯಾ?

ದೀರ್ಘ ಕಾಲದ ತನಕ ಹೊಟ್ಟೆ ಕೆಳಗೆ ಹಾಕಿಕೊಂಡು ಮಲಗುವುದರಿಂದ ಹೆಚ್ಚಿನ ಸಮಸ್ಯೆಯಾಗುವುದು. ಕೆಲವು ಆರೋಗ್ಯ ತಜ್ಞರ ಪ್ರಕಾರ ಗರ್ಭಿಣಿಯರು ತಮ್ಮ ಸ್ಥಿತಿ ಬದಲಾಯಿಸಿಕೊಂಡು ಮಲಗುವುದರಿಂದ ಯಾವುದೇ ಸಮಸ್ಯೆಯಾಗದು. ಗರ್ಭಧಾರಣೆ ವೇಳೆ ಕೆಲವೊಂದು ಭಂಗಿಯಲ್ಲಿ ಮಲಗಲು ನಿಮಗೆ ಸಾಧ್ಯವಾಗದು.

ಬೆನ್ನಿನ ಮೇಲೆ ಮಲಗುವುದು ಸರಿಯೇ?

ಗರ್ಭಿಣಿಯರು ಬೆನ್ನಿನ ಮೇಲೆ ಮಲಗುವುದು ತುಂಬಾ ಆರೋಗ್ಯಕಾರಿಯೇ ಎಂದು ಕೇಳಿದರೆ ಖಂಡಿತವಾಗಿಯೂ ಇಲ್ಲ. ಇದರಿಂದ ಗರ್ಭದಲ್ಲಿರುವ ಶಿಶುವಿಗೆ ರಕ್ತಸಂಚಾರ ಕಡಿಮೆಯಾಗಬಹುದು.

ಯಾವುದಾದರೂ ಸುರಕ್ಷಿತ ಭಂಗಿಯಿದೆಯಾ?

ಗರ್ಭಿಣಿಯರಿಗೆ ಮಲಗಲು ತುಂಬಾ ಹಿತಕಾರಿಯಾದ ಭಂಗಿ ಯಾವುದು ಎಂದು ನೀವು ಕೇಳಬಹುದು. ಒಂದು ಬದಿಗೆ ಮಲಗುವುದು ತುಂಬಾ ಹಿತಕಾರಿ ಎಂದು ಹೆಚ್ಚಿನ ಮಹಿಳೆಯರು ಭಾವಿಸುತ್ತಾರೆ. ಎಡದ ಬದಿಗೆ ಮಲಗಿದರೆ ಅದರಿಂದ ಗರ್ಭದಲ್ಲಿರುವ ಶಿಶುವಿಗೆ ಪೋಷಕಾಂಶಗಳು ಸಿಗುವುದು.

ಅನುಕೂಲಕರವಾಗಿ ಮಲಗಲು ಸುಲಭ ಸಲಹೆ

ಎಡ ಬದಿಗೆ ಮಲಗಿರುವಾಗ ಮಡಚಿರುವ ಕಾಲುಗಳ ಮಧ್ಯೆ ತಲೆದಿಂಬು ಇಟ್ಟುಕೊಂಡು ಮಲಗಿದರೆ ನಿಮಗೆ ಆರಾಮವಾಗುವುದು.

ಗರ್ಭಿಣಿಯರಲ್ಲಿ ಕಾಣಿಸುವ ನಿದ್ರಾಹೀನತೆ

ಶೇ.78ರಷ್ಟು ಮಹಿಳೆಯರು ಗರ್ಭಧಾರಣೆಯ ಸಂದರ್ಭದಲ್ಲಿ ಗರ್ಭಧಾರಣೆಯ ನಿದ್ರಾಹೀನತೆ ಸಮಸ್ಯೆಯಿಂದ ಬಳಲುವರು. ವ್ಯಾಯಾಮ, ವಿಶ್ರಾಂತಿ ಮತ್ತು ಸರಿಯಾದ ಕ್ರಮದಲ್ಲಿ ಮಲಗುವುದರಿಂದ ನಿಮಗೆ ನೆರವಾಗುವುದು.