ಗರ್ಭಾವಸ್ಥೆಯಲ್ಲಿ ಧೂಮಪಾನ-ಮಗುವಿನ ಕಿಡ್ನಿಗೆ ಹಾನಿಕಾರಕ!

ನಿಮ್ಮ ಧೂಮಪಾನದಿಂದ ಏನಾಗುತ್ತದೆ?

ಧೂಮಪಾನದಿಂದ ಮೊತ್ತ ಮೊದಲನೆಯದಾಗಿ ಶ್ವಾಸಕೋಶಗಳ ಮೇಲೆ ದುಷ್ಟರಿಣಾಮವುಂಟಾಗುತ್ತದೆ. ರಕ್ತದಲ್ಲಿ ನಿಕೋಟಿನ್ ಬೆರೆಯುವ ಮೂಲಕ ಹತ್ತು ಹಲವು ತೊಂದರೆಗಳು ಎದುರಾಗುತ್ತವೆ. ಇವು ಇತರರಿಗೆ ಎಷ್ಟು ಹಾನಿಕಾರವೋ ಅದಕ್ಕಿಂತಲೂ ಹೆಚ್ಚು ಗರ್ಭವತಿಗೆ ಹಾನಿಕಾರಕವಾಗಿದೆ.

ಧೂಮಪಾನದ ಹೊಗೆಯಲ್ಲಿ ಏನೇನಿದೆ?

ಈ ಹೊಗೆಯಲ್ಲಿ ಪ್ರಮುಖವಾಗಿ ವಿಷಕಾರಕವಾದ ಟಾರಿನಂತಹ ಗಾಢವಾದ ದ್ರವ ನಿಕೋಟಿನ್ ಇದೆ. ಹೆಚ್ಚೂ ಕಡಿಮೆ ಬೆಲ್ಲದ ನೀರಿನಷ್ಟು ಗಾಢವಾಗಿರುವ ಈ ದ್ರವ ರಕ್ತನಾಳಗಳ ಒಳಗೆ ಸುಲಭವಾಗಿ ಅಂಟಿಕೊಳ್ಳುತ್ತದೆ. ಶ್ವಾಸನಾಳಗಳ ಒಳಭಾಗದಲ್ಲಿಯೂ ಅಂಟಿಕೊಂಡು ಗಟ್ಟಿಯಾಗಿಬಿಡುತ್ತದೆ.

ಧೂಮಪಾನದ ಹೊಗೆಯಲ್ಲಿ ಏನೇನಿದೆ?

ಅಷ್ಟೇ ಅಲ್ಲದೇ ಹಲ್ಲುಗಳ ಮೇಲೆ ಅಂಟಿಕೊಂಡು ಹಲ್ಲುಗಳ ಬಣ್ಣವನ್ನು ಹಳದಿಯಾಗಿಸುತ್ತದೆ. ಉಸಿರಾಟದಲ್ಲಿ ದುರ್ವಾಸನೆ, ತುಟಿಗಳು ಕಪ್ಪಾಗುವುದು, ಅಜೀರ್ಣತೆ, ವಾಕರಿಕೆ, ಹಸಿವಾಗದಿರುವುದು, ಅನಾರೋಗ್ಯಕರ ಕ್ರಮದಲ್ಲಿ ತೂಕದಲ್ಲಿ ಇಳಿಕೆ, ಸೈನಸ್ ಭಾಗ ಅಥವಾ ಕುಹರದಲ್ಲಿ ಸೋಂಕು, ಗಂಟಲ ಕ್ಯಾನ್ಸರ್, ಬಾಯಿ ದವಡೆ, ಕೆನ್ನೆಯ ಕ್ಯಾನ್ಸರ್, ತುಟಿ, ಶ್ವಾಸಕೋಶದ ಕ್ಯಾನ್ಸರ್, ಒಸಡುಗಳು ಸಡಿಲವಾಗಿ ಹಲ್ಲು ಸುಲಭವಾಗಿ ಉದುರುವುದು ಮೊದಲಾದ ಹತ್ತು ಹಲವು ತೊಂದರೆಗಳಿಗೆ ಕಾರಣವಾಗುತ್ತದೆ.

ಧೂಮಪಾನ ಮತ್ತು ಮಗುವಿನ ಮೂತ್ರಪಿಂಡಗಳ ವೈಫಲ್ಯ

ಇತ್ತೀಚಿನ ಒಂದು ಸಂಶೋಧನೆಯಲ್ಲಿ ಕಂಡುಬಂದಿರುವಂತೆ ಗರ್ಭಾವಸ್ಥೆಯಲ್ಲಿ ಮಹಿಳೆ ಅತಿ ಹೆಚ್ಚಾಗಿ ಧೂಮಪಾನ ಮಾಡಿದರೆ ಇವರ ಗರ್ಭದಲ್ಲಿರುವ ಮಗುವಿನ ಮೂತ್ರಪಿಂಡಗಳಲ್ಲಿ ತೊಂದರೆ ಕಂಡುಬಂದಿರುತ್ತದೆ.

ಧೂಮಪಾನ ಮತ್ತು ಮಗುವಿನ ಮೂತ್ರಪಿಂಡಗಳ ವೈಫಲ್ಯ

ಮಗುವಿನ ಜನನವಾದ ಬಳಿಕ ಮೂತ್ರಪಿಂಡಗಳು ಅಗತ್ಯವಿದ್ದಷ್ಟು ಗಾತ್ರ ಪಡೆದಿರದೇ

ಕಡಿಮೆ ಸಾಮರ್ಥ್ಯ ಹೊಂದಿರುತ್ತವೆ. ಮೂತ್ರಪಿಂಡಗಳು ಕಡಿಮೆ ಕ್ಷಮತೆ ಹೊಂದಿರುವ ಈ ಸಾಧ್ಯತೆ ಇತರ ತಾಯಿಯರಿಗಿಂತ ಧೂಮಪಾನಿ ತಾಯಂದಿರ ಮಕ್ಕಳಲ್ಲಿ 16.7%ರಷ್ಟು ಹೆಚ್ಚಾಗಿದೆ.

ಸಂಶೋಧನೆಗಳ ನಿರ್ಣಯ

ಸಂಶೋಧನೆಗಳ ಮೂಲಕ ಖಚಿತಪಡಿಸಿಕೊಂಡ ವಿಷಯವೆಂದರೆ ಗರ್ಭಾವಸ್ಥೆಯಲ್ಲಿ ತಾಯಿ ಧೂಮಪಾನ ಮಾಡುವುದರಿಂದ ಮಗುವಿನ ಮೂತ್ರಪಿಂಡಗಳು ಅತಿ ಹೆಚ್ಚು ಪ್ರಭಾವಕ್ಕೊಳಗಾಗುತ್ತವೆ. ಆದ್ದರಿಂದ ತಾಯಿಯಾಗುತ್ತಿರುವವಳು ಗರ್ಭಾವಸ್ಥೆಯಲ್ಲಿ ಧೂಮಪಾನ, ಮದ್ಯಪಾನಗಳನ್ನು ಖಂಡಿತಾ ಅನುಸರಿಸಕೂಡದು.