ಜಪಾನ್‌ನಲ್ಲಿ ಈ ಮೀನುಗಳು ಕಂಡುಬಂದರೆ ಭೂಕಂಪ ಖಚಿತ!

ಒರಾ ಮೀನಿನ ಬಗ್ಗೆ

ನಾಲ್ಕು ಮೀಟರ್ ಉದ್ದ ಒರಾ ಮೀನು ಇಮಿಜು ಬಂದರಿನಲ್ಲಿ ಮೀನಿನ ಬಲೆಗೆ ಸಿಲುಕಿಕೊಂಡಿದೆ. ಆದರೆ ಇದರ ಸಾವಿಗೆ ನಿಖರ ಕಾರಣ ಮಾತ್ರ ತಿಳಿದುಬಂದಿಲ್ಲ. ಆಳ ಸಮುದ್ರದ ಮೀನಾಗಿರುವ ಒರಾ ಮೀನುಗಳು ಸುಮಾರು 11 ಮೀಟರ್ ತನಕ ಬೆಳೆಯಬಲ್ಲದು. ಜಪಾನ್ ನ ಪುರಾಣದ ಪ್ರಕಾರ ಒರಾ ಮೀನುಗಳು ಸಮುದ್ರ ತೀರದಲ್ಲಿ ಕಂಡುಬಂದರೆ ಅದು ಭೂಕಂಪ ಅಥವಾ ಸುನಾಮಿಯ ಸೂಚನೆಯಾಗಿರುವುದು ಎಂದು ಸ್ಥಳೀಯರು ಹೇಳುತ್ತಾರೆ.

ಮೀನುಗಳು ಸಮುದ್ರ ತೀರಕ್ಕೆ ಬಂದಿದ್ದವು ಎಂದು ನಂಬಲಾಗಿದೆ

ಭೂಕಂಪ ಅಥವಾ ಸುನಾಮಿ ಬರುವ ಸೂಚನೆಯಿದ್ದರೆ ಆಗ ಒರಾ ಮೀನುಗಳು ಕಡಲಕಿನಾರೆಗೆ ಬರುತ್ತವೆ ಎಂದು ಹೇಳಲಾಗುತ್ತದೆ. ಈ ಪುರಾಣವನ್ನು ವೈಜ್ಞಾನಿಕವಾಗಿ ಬೆಂಬಲಿಸಿರುವ ಕಾರಣದಿಂದಾಗಿ ಸಮುದ್ರದ ತಳಭಾಗದಲ್ಲಿ ವಾಸಿಸುವಂತಹ ಈ ಮೀನುಗಳು ಭೂಕಂಪದ ಗಡಿರೇಖೆಯಲ್ಲಿ ಚಲನೆಗಳಿಗೆ ಒಳಗಾಗಿರಬಹುದು ಎಂದು ನಂಬಲಾಗಿದೆ. ಈ ಬದಲಾವಣೆಗಳಿಂದಾಗಿ ಅವುಗಳು ಭೂಕಂಪದ ಮೊದಲು ಅಸಾಮಾನ್ಯವಾಗಿ ವರ್ತಿಸಲು ಆರಂಭಿಸುವುದು.

Most Read: ಈ ಮಹಿಳೆ ಏನು ಮಾಡಿದಳು ಗೊತ್ತೇ? ನಿದ್ರೆಯಲ್ಲಿ ಮಾತ್ರೆಗಳ ಪ್ಯಾಕೆಟ್‌ನ್ನೇ ನುಂಗಿದಳು!!

ಜಪಾನ್ ನ ಸಾಮಾಜಿಕ ಜಾಲತಾಣಗಳಲ್ಲಿ ಬೇಸರ

ಕಡಲತೀರದಲ್ಲಿ ಒರಾ ಮೀನು ಪತ್ತೆಯಾಗಿರುವ ಬಗ್ಗೆ ಸಾಮಾಜಿಕ ಜಾಲತಾಣದಲ್ಲಿ ಬೇಸರ ವ್ಯಕ್ತಪಡಿಸಲಾಗಿದೆ. ಇಲ್ಲಿನ ಸ್ಥಳೀಯರು ಏನೋ ಒಂದು ಅವಘಡ ಎದುರಾಗಲಿದೆ ಎಂದು ನಂಬಿದ್ದಾರೆ.

ಟ್ವಿಟರ್ ನಲ್ಲಿ ಒಬ್ಬರು ಹೀಗೆ ಬರೆದಿದ್ದಾರೆ: ``ಇದು ಭೂಕಂಪದ ಮುನ್ಸೂಚನೆ ಎನ್ನುವುದರಲ್ಲಿ ಯಾವುದೇ ಸಂಶಯವಿಲ್ಲ ಮತ್ತು ಇದು ನಾಂಕೈ ತೊಟ್ಟಿ ಆಗಿದ್ದರೆ, ಅದು ಭೂಮಿಯ ಪದರಗಳನ್ನು ಬದಲಾಗುವ ಜಾಗ. ಇದರಿಂದ ದೊಡ್ಡ ಮಟ್ಟದ ಭೂಕಂಪವೇ ಆಗುವ ಸಂಭವವು ಇದೆ.''

Most Read: ದೇವರು ಕನಸಿನಲ್ಲಿ ಬಂದರೆ, ಇದರ ಅರ್ಥ ಏನು ಗೊತ್ತೇ?

ಒರಾ ಮೀನುಗಳು ಪತ್ತೆಯಾಗಿರುವ ಬಗ್ಗೆ ಒಂದು ಸಾಧ್ಯತೆಯ ವಿವರಣೆ

ವಿಜ್ಞಾನಿಗಳ ಪ್ರಕಾರ ಒರಾ ಮೀನುಗಳು ಸಮುದ್ರ ತೀರದಲ್ಲಿ ಕಂಡುಬರಲು ಭೂಮಿಯ ಪದರಲ್ಲಿ ಭೂಕಂಪಕ್ಕೆ ಮೊದಲು ಆಗುವಂತಹ ಬದಲಾವಣೆಯು ಕಾರಣವಾಗಿರಬಹುದು. ಈ ಚಲನೆಯಿಂದಾಗಿ ನೀರಿನ ಗತಿಯು ಬದಲಾಗಿ ಅದರ ಪರಿಣಾಮ ತಳಭಾಗದ ಮೀನುಗಳು ಮೇಲ್ಭಾಗಕ್ಕೆ ಬಂದಿರಬಹುದು. ಈ ಬಗ್ಗೆ ನಿಮ್ಮ ಅನಿಸಿಕೆ ಏನು ಎಂದು ನಮಗೆ ಕಮೆಂಟ್ ಬಾಕ್ಸ್ ನಲ್ಲಿ ಬರೆದು ತಿಳಿಸಿ.