Just In
Don't Miss
- News Everest Fish Curry Masala: ಎವರೆಸ್ಟ್ ಫಿಶ್ ಕರಿ ಮಸಾಲೆ ಬ್ಯಾನ್: ಕಾರಣ ಇಲ್ಲಿದೆ
- Automobiles ಕಂಪನಿಗೆ 140ರ ಸಂಭ್ರಮ: ಕೇವಲ 140 ವಿಶೇಷ ಆವೃತ್ತಿಗಳು ನಿರ್ಮಾಣ: ಬುಕಿಂಗ್ ಆರಂಭ
- Sports LSG vs CSK IPL 2024: ಲಕ್ನೋ vs ಚೆನ್ನೈ ಮಹಾಕದನ; ಟಾಸ್ ವರದಿ, ಆಡುವ 11ರ ಬಳಗ
- Movies 3ನೇ ಬಾರಿ ಜೊತೆಯಾದ್ರು ಶಿವಣ್ಣ- ಜಾಕಿ ಭಾವನಾ; ಯಾವ ಸಿನಿಮಾ ಗೊತ್ತಾ?
- Technology ಅಗ್ಗದ ಬೆಲೆಯಲ್ಲಿ ಎಂಟ್ರಿ ಕೊಡಲು ಸಜ್ಜಾಗಿದೆ ಐಟೆಲ್ S24 ಸ್ಮಾರ್ಟ್ಫೋನ್!
- Finance n. r. narayana murthy ಐದು ತಿಂಗಳ ಮೊಮ್ಮಗನಿಗೆ 4.2 ಕೋಟಿ ಇನ್ಫೋಸಿಸ್ ಲಾಭ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಹುಟ್ಟಿದ ಸಮಯ ಗೊತ್ತಿದ್ದರೆ ಹೇಳಿ- ನಿಮ್ಮ ವ್ಯಕ್ತಿತ್ವದ ಬಗ್ಗೆ ತಿಳಿಯಿರಿ!
ತಮ್ಮ ಜನ್ಮರಾಶಿಗೆ ಸಂಬಂಧಿಸಿದ ಸೂಚನೆಗಳು ತಮ್ಮ ಜೀವನಕ್ಕೆ ಬಲವಾದ ಸಂಬಂಧ ಹೊಂದಿವೆ ಎಂದು ಹೆಚ್ಚಿನವರು ಭಾವಿಸುತ್ತಾರೆ. ರಾಶಿಭವಿಶ್ಯವನ್ನು ನಂಬುವವರು ತಮ್ಮ ಎಲ್ಲಾ ಕೆಲಸಗಳನ್ನು ರಾಶಿಫಲಕ್ಕನುಗುಣವಾಗಿಯೇ ನೆರವೇರಿಸುತ್ತಾರೆ. ಇವರು ತಮ್ಮ ಜನ್ಮರಾಶಿಗೆ ಹೊಂದದ ರಾಶಿಗೆ ಸೇರಿದ ವ್ಯಕ್ತಿಗಳೊಂದಿಗೆ ಗೆಳೆತನವನ್ನೂ ಬೆಳೆಸ ಬಯಸುವುದಿಲ್ಲ.
ಇಂದಿನ ಲೇಖನದಲ್ಲಿ ಜನ್ಮದ ಸಮಯ ವ್ಯಕ್ತಿಯ ವ್ಯಕ್ತಿತ್ವದ ಬಗ್ಗೆ ಎಷ್ಟರ ಮಟ್ಟಿಗೆ ಪ್ರಭಾವ ಬೀರುತ್ತದೆ ಎಂಬುದನ್ನು ನೋಡೋಣ. ಜನ್ಮದ ಸಮಯವನ್ನು ಆಧರಿಸಿ ವ್ಯಕ್ತಿಯ ವ್ಯಕ್ತಿತ್ವ ಹೇಗಿರುತ್ತದೆ ಎಂಬ ಮಾಹಿತಿಯನ್ನು ಒದಗಿಸಲಾಗಿದ್ದು ಇದಕ್ಕಾಗಿ ಸರಿಯಾದ ಸಮಯ ಅರಿತುಕೊಂಡಿರುವುದು ಅಗತ್ಯವಾಗಿದೆ... ಮುಂದೆ ಓದಿ
ಮಧ್ಯರಾತ್ರಿ ಹನ್ನೆರಡರಿಂದ ನಡುರಾತ್ರಿ ಎರಡು ಗಂಟೆಯವರೆಗೆ ಜನಿಸಿದ ವ್ಯಕ್ತಿಗಳು
ಈ ವ್ಯಕ್ತಿಗಳು ಸಾಮಾನ್ಯವಾಗಿ ತಮ್ಮ ಪಾಡಿಗೆ ತಾವಿದ್ದು ತಮ್ಮ ಸುಖವಲಯದಲ್ಲಿಯೇ ಇರುತ್ತಾರೆ ಹಾಗೂ ತಮ್ಮ ಸುತ್ತಮುತ್ತ ಕೇವಲ ತಮ್ಮ ಆಪ್ತರು ಮತ್ತು ಸ್ನೇಹಿತರು ಮಾತ್ರವೇ ಇರಬೇಕೆಂದು ಬಯಸುತ್ತಾರೆ. ಇವರು ತಾವು ಓದಿ ತಿಳಿದುಕೊಂಡ ಅದ್ಭುತ ವಿಷಯಗಳನ್ನು ತಮ್ಮ ಆಪ್ತರಿಗೆ ತಿಳಿಸಲು ಸದಾ ಹಾತೊರೆಯುತ್ತಿರುತ್ತಾರೆ. ಇದರ ಹೊರತಾಗಿ ಇವರಲ್ಲಿ ಹಣಕಾಸಿನ ವಿಷಯದ ಕುರಿತು ಭವಿಷ್ಯದಲ್ಲಾಗುವ ಬದಲಾವಣೆಗಳನ್ನು ಮುಂಗಾಣುವ ಅದ್ಭುತ ಪ್ರತಿಭೆ ಇರುತ್ತದೆ ಹಾಗೂ ಸಂದರ್ಭಗಳನ್ನು ಫ್ರೌಢರಾಗಿ ಎದುರಿಸುವವರಾಗಿರುತ್ತಾರೆ.
ನಡುರಾತ್ರಿ ಎರಡರಿಂದ ಮುಂಜಾನೆಯ ನಾಲ್ಕರವರೆಗಿನ ಅವಧಿಯಲ್ಲಿ ಜನಿಸಿದ ವ್ಯಕ್ತಿಗಳು
ಈ ವ್ಯಕ್ತಿಗಳು ವಿರಾಮದಲ್ಲಿರುವ ಸಮಯದ ಹೊರತಾಗಿ ಇವರು ಎದುರಿಸುವ ಪ್ರತಿ ಕ್ಷಣವನ್ನೂ ಅಗತ್ಯಕ್ಕನುಗುಣವಾಗಿ ಪಾಲಿಸುವವರಾಗಿರುತ್ತಾರೆ. ಒಂದು ವೇಳೆ ಮುಂದಿನ ಸಮಯದಲ್ಲಿ ಯಾವುದೋ ಮುಖ್ಯ ಕೆಲಸವನ್ನು ಕೈಗೊಳ್ಳಬೇಕಾಗಿ ಬರದೇ ಇದ್ದ ಸಂದರ್ಭ ಎದುರಾದರೆ ಈ ವ್ಯಕ್ತಿಗಳು ಹೊಸ ವ್ಯಕ್ತಿಗಳ ಗೆಳೆತನವನ್ನು ಸಂಪಾದಿಸುವಲ್ಲಿ ಅಥವಾ ಹಳೆಯ ಗೆಳೆಯರೊಂದಿಗೆ ಹರಟುವ ಸ್ವಭಾವ ಹೊಂದಿರುತ್ತಾರೆ. ಇವರಿಗೆ ಪ್ರೇರೇಪಿಸುವ ಗುಣವಿದ್ದು ತಮ್ಮ ಶಕ್ತಿ ಸಾಮರ್ಥ್ಯಗಳ ಬಗ್ಗೆ ಇವರಿಗೆ ಅತೀವವಾದ ಆತ್ಮವಿಶ್ವಾಸವಿರುತ್ತದೆ.
ಮುಂಜಾನೆಯ ಆರರಿಂದ ಎಂಟು ಗಂಟೆಯವರೆಗಿನ ಅವಧಿಯಲ್ಲಿ ಜನಿಸಿದ ವ್ಯಕ್ತಿಗಳು
ಈ ವ್ಯಕ್ತಿಗಳು ಎದುರಿನವರು ತಿಳಿಸುವ ವಿಷಯವನ್ನು ಕಿವಿಗೊಟ್ಟು ಕೇಳುವವರಾಗಿರುತ್ತಾರೆ ಹಾಗೂ ಸಂದರ್ಭವನ್ನು ನಿಯಂತ್ರಣದಲ್ಲಿರಿಸುವ ಅನನ್ಯ ಗುಣವನ್ನೂ ಹೊಂದಿರುತ್ತಾರೆ. ತನ್ಮೂಲಕ ಸ್ಥಿರತೆ ಮತ್ತು ವಿಶ್ವಾಸಾರ್ಹತೆಯ ಭಾವನೆಯನ್ನು ಮೂಡಿಸುವವರಾಗಿರುತ್ತಾರೆ. ತಮ್ಮ ಎದುರಿನಲ್ಲಿರುವವರಲ್ಲಿ ಕ್ಷೇಮಭಾವನೆಯನ್ನು ಮೂಡಿಸಿ ಬದಲಾವಣೆಯನ್ನು ಒಪ್ಪುವಂತೆ ಮಾಡುವ ಚಾಕಚಕ್ಯತೆ ಇವರಲ್ಲಿರುತ್ತದೆ.
ಬೆಳಗ್ಗಿನ ಎಂಟರಿಂದ ಹತ್ತು ಎಂಟು ಘಂಟೆಯವರೆಗಿನ ಅವಧಿಯಲ್ಲಿ ಜನಿಸಿದ ವ್ಯಕ್ತಿಗಳು
ಈ ವ್ಯಕ್ತಿಗಳು ಹದಿಹರೆಯದಲ್ಲಿದ್ದಾಗಕ್ಕಿಂತಲೂ ಪ್ರೌಢವಯಸ್ಸಿನಲ್ಲಿಯೇ ಹೆಚ್ಚು ಮೋಜಿನ ಜೀವನ ನಡೆಸುವವರಾಗಿರುತ್ತಾರೆ. ತಾರುಣ್ಯದಲ್ಲಿ ಎಲ್ಲಾ ವಿಷಯಗಳಲ್ಲಿಯೂ ಇವರು ಧಾವಂತ ಪ್ರಕಟಿಸುತ್ತಿದ್ದು ವಯಸ್ಸು ಹೆಚ್ಚಿದಂತೆಲ್ಲಾ ತಮ್ಮ ಸುತ್ತಲಿನವರೊಂದಿಗೆ ಹೇಗೆ ವರ್ತಿಸಬೇಕು ಎಂಬುದನ್ನು ಹೆಚ್ಚು ಹೆಚ್ಚಾಗಿ ಕಲಿತುಕೊಳ್ಳುತ್ತಾ ತಮ್ಮನ್ನು ತಾವೇ ಬದಲಿಸಿಕೊಳ್ಳುತ್ತಾ ಸಾಗುತ್ತಾರೆ. ಈ ಮೂಲಕ ತಮ್ಮ ಆಂತರ್ಯವನ್ನು ಎಲ್ಲರೂ ತಿಳಿಯುವಂತೆ ವರ್ತಿಸುತ್ತಾರೆ. ದಿನಗಳೆದಂತೆ ಈ ವ್ಯಕ್ತಿಗಳು ತಮ್ಮ ಆಪ್ತವಲಯದಲ್ಲಿ ಜನಪ್ರಿಯ ವ್ಯಕ್ತಿಯಾಗಿ ರೂಪುಗೊಳ್ಳುತ್ತಾರೆ.
ಬೆಳಿಗ್ಗೆ ಹತ್ತರಿಂದ ಮಧ್ಯಾಹ್ನ ಹನ್ನೆರಡರವರೆಗಿನ ಅವಧಿಯಲ್ಲಿ ಜನಿಸಿದ ವ್ಯಕ್ತಿಗಳು
ಈ ವ್ಯಕ್ತಿಗಳು ನಿತ್ಯಜೀವನದಲ್ಲಿ ಹೇಗೆ ಮುನ್ನಡೆಯಬೇಕು ಎಂಬ ಬಗ್ಗೆ ಸದಾ ಎಚ್ಚರದಿಂದಿದಿರುತ್ತಾರೆ. ಜೀವನದಲ್ಲಿ ತಾವು ಏನಾಗಬೇಕೆಂದಿದ್ದರು ಎಂಬುದನ್ನು ಇವರು ಸಾಧಿಸಿ ತೋರಿಸುವವರಾಗಿದ್ದಾರೆ ಹಾಗೂ ಸದಾ ತಮ್ಮನ್ನು ತಾವು ಇನ್ನೂ ಉತ್ತಮಗೊಳಿಸಲು ದೊಡ್ಡ ಗುರಿಗಳನ್ನು ಹಮ್ಮಿಕೊಂಡಿರುವವರಾಗಿರುತ್ತಾರೆ. ಇವರ ಮಹತ್ವಾಕಾಂಕ್ಷೆಯ ಕಾರಣ ಇವರು ಹತ್ತು ಹಲವು ಸ್ಥಳಗಳನ್ನು ಸಂದರ್ಶಿಸುತ್ತಾರೆ ಹಾಗೂ ಕೆಲವು ಸಂದರ್ಭಗಳಲ್ಲಿ ಅತಿಯಾದ ಕೆಲಸದ ಕಾರಣದಿಂದಾಗಿ ಕೆಲಸದ ಹುಳು ಎಂಬ ಅನ್ವರ್ಥನಾಮವನ್ನೂ ಪಡೆಯುತ್ತಾರೆ.
ಮಧ್ಯಾಹ್ನ ಹನ್ನೆರಡರಿಂದ ಎರಡು ಗಂಟೆಯವರೆಗಿನ ಅವಧಿಯಲ್ಲಿ ಜನಿಸಿದ ವ್ಯಕ್ತಿಗಳು
ಈ ವ್ಯಕ್ತಿಗಳು ತಮ್ಮ ಪಾಲಿನ ಕರ್ತ್ಯವ್ಯವನ್ನು ಜಾಣ್ಮೆಯಿಂದ ಪೂರೈಸುವವರೂ ತಮಗೆ ಎದುರಾಗುವ ಸವಾಲುಗಳನ್ನು ಸಮರ್ಥವಾಗಿ ಎದುರಿಸುವವರೂ ಆಗಿರುತ್ತಾರೆ. ಅದರಲ್ಲೂ ವಿಶೇಷವಾಗಿ, ತಾವು ಕಲಿಯಬಹುದಾದ ಸಂದರ್ಭಗಳನ್ನು ಎದುರಿಸಲು ಇವರೆಂದೂ ತಪ್ಪಿಸುವವರಲ್ಲ. ಈ ಮೂಲಕ ಅಪಾರವಾದ ಜ್ಞಾನವನ್ನು ಪಡೆಯುವ ಹೊರತಾಗಿ ಈ ಜ್ಞಾನವನ್ನು ತಮ್ಮ ಸುತ್ತಮುತ್ತಲಿನವರಿಗೂ ಹಂಚಿ ಒಟ್ಟಾರೆ ಕೆಲಸ ಅತ್ಯುತ್ತಮವಾಗಿ ಸಾಗಬೇಕೆಂದು ಬಯಸುತ್ತಾರೆ. ಒಂದು ವೇಳೆ ವಿಷಯ ಕ್ಲಿಷ್ಟವಾಗಿದ್ದರೆ ಎದುರಿನವರಿಗೆ ಅರ್ಥವಾಗುವಂತೆ ಹಾಗೂ ಕೆಲಸವನ್ನು ತಪ್ಪಿಲ್ಲದಂತೆ ನಿರ್ವಹಿಸಲು ಸಾಧ್ಯವಾಗುವಂತೆ ಸುಲಭವಾಗಿ ಬಿಡಿಸಿ ಹೇಳುವವರಾಗಿರುತ್ತಾರೆ
ಮಧ್ಯಾಹ್ನ ಎರಡರಿಂದ ಸಂಜೆ ನಾಲ್ಕು ಗಂಟೆಯವರೆಗಿನ ಅವಧಿಯಲ್ಲಿ ಜನಿಸಿದ ವ್ಯಕ್ತಿಗಳು
ಈ ವ್ಯಕ್ತಿಗಳು ಇತರರಿಗಿಂತ ಹೆಚ್ಚೇ ಅದೃಷ್ಟಶಾಲಿಗಳಾಗಿರುತ್ತಾರೆ ಹಾಗೂ ಜೀವನದಲ್ಲಿ ಮುಂದುವರೆಯುತ್ತಾ ಹೋದಂತೆ ಈ ವಿಷಯ ಇವರಿಗೆ ಹೆಚ್ಚು ಹೆಚ್ಚು ಸ್ಪಷ್ಟವಾಗುತ್ತಾ ಹೋಗುತ್ತದೆ. ಇವರು ಯಾವುದೇ ನಡೆ, ಅನುಭವ ಅಥವಾ ಸಾಹಸೋದ್ಯಮದಲ್ಲಿ ಹೆಂದೆ ಮುಂದೆ ಯೋಚಿಸದೇ ನೇರವಾಗಿ ನುಗ್ಗುವವರಾಗಿರುತ್ತಾರೆ ಹಾಗೂ ಹಲವೊಮ್ಮೆ ಇವರ ಸ್ವಾಭಾವಿಕತೆಯ ಕಾರಣ ಈ ಯತ್ನಗಳು ಹೆಚ್ಚು ಫಲ ನೀಡುತ್ತವೆ. ಕೆಲವು ಕಾರ್ಯಗಳನ್ನು ಇವರು ಧೈರ್ಯದಿಂದ ಎದುರಿಸುತ್ತಾರೆ ಹಾಗೂ ಇದು ಸಹಜವಾಗಿ ತಮ್ಮನ್ನೆಲ್ಲಿ ಕೊಂಡೊಯ್ಯುತ್ತದೆ ಎಂಬುದನ್ನು ಪರಿಗಣಿಸಿ ತಮಗೆ ಅತ್ಯುತ್ತಮವೆನಿಸಿದ ಕಾರ್ಯದಲ್ಲಿ ಮುಂದುವರೆಯುವವರಾಗಿರುತ್ತಾರೆ.
ಸಂಜೆ ನಾಲ್ಕು ಗಂಟೆಯಿಂದ ಸಂಜೆ ಆರರವರೆಗಿನ ಅವಧಿಯಲ್ಲಿ ಜನಿಸಿದ ವ್ಯಕ್ತಿಗಳು
ಈ ವ್ಯಕ್ತಿಗಳು ಆಕರ್ಷಕ ವ್ಯಕ್ತಿತ್ವ ಹೊಂದಿದ್ದು ಇವರನ್ನು ಜೀವನಸಂಗಾತಿಯಾಗಿ ಪಡೆಯಲು ಹಲವರು ಹಾತೊರೆಯುವಂತಿರುತ್ತಾರೆ. ಇವರು ತಮಗೆ ಜೀವನದಲ್ಲಿ ಅತ್ಯುತ್ತಮ ಸಂಗಾತಿ ಎಂದೆನ್ನಿಸುವ ವ್ಯಕ್ತಿ ದೊರಕುವ ಸಮಯದಲ್ಲಾಗಲೇ ಇವರು ಇನ್ನೊಬ್ಬ ವ್ಯಕ್ತಿಯೊಂದಿಗೆ ನಿಕಟ ಸಂಬಂಧವನ್ನು ಬೆಳೆಸಿ ಆಗಿರುತ್ತದೆ. ಈ ವ್ಯಕ್ತಿಗಳು ಎದುರಿನವರಿಗೆ ಅರ್ಥವಾಗಲು ಕೊಂಚ ಹೆಚ್ಚೇ ಸಮಯ ತೆಗೆದುಕೊಂಡರೂ ಆ ಬಳಿಕ ಅವರಿಗೆ ನೀಡುವ ಉತ್ತಮ ಸಲಹೆ ಹಾಗೂ ಮಾರ್ಗದರ್ಶನಗಳ ಮೂಲಕ ಇವರೊಬ್ಬ ಅತ್ಯುತ್ತಮ ಸ್ಪೂರ್ತಿದಾಯಕ ವ್ಯಕ್ತಿ ಎಂಬ ಭಾವನೆಯನ್ನು ಮೂಡಿಸುವಲ್ಲಿ ಯಶಸ್ವಿಯಾಗುತ್ತಾರೆ.
ಸಂಜೆ ಆರು ಗಂಟೆಯಿಂದ ರಾತ್ರಿ ಎಂಟು ಗಂಟೆಯವರೆಗಿನ ಆರರವರೆಗಿನ ಅವಧಿಯಲ್ಲಿ ಜನಿಸಿದ ವ್ಯಕ್ತಿಗಳು
ಸಾಮಾನ್ಯವಾಗಿ ಎಲ್ಲರಿಗೂ ಅಗತ್ಯವಿರುವ ಚಾಣಾಕ್ಷ ಬುದ್ದಿ ಈ ವ್ಯಕ್ತಿಗಳಲ್ಲಿರುತ್ತದೆ. ಇವರ ದೃಢಪ್ರಯತ್ನಗಳು ಪ್ರಶಂಸನೀಯವಾಗಿದ್ದು ಇದರಿಂದ ಪಡೆಯಬಹುದಾದ ಪ್ರತಿಫಲಕ್ಕೂ ಹೆಚ್ಚೇ ಶ್ರಮವಹಿಸುತ್ತಾರೆ. ಸಾಮಾನ್ಯವಾಗಿ ಈ ವ್ಯಕ್ತಿಗಳು ತಮ್ಮ ಕಾರ್ಯದಲ್ಲಿ ಎಷ್ಟು ಮಗ್ನರಾಗಿ ಹೋಗುತ್ತಾರೆಂದರೆ ಊಟ ನಿದ್ದೆಯನ್ನೂ ಮರೆಯುತ್ತಾರೆ. ಹಾಗಾಗಿ ಈ ವ್ಯಕ್ತಿಗಳು ಆರೋಗ್ಯದ ದೃಷ್ಟಿಯಿಂದಲಾದರೂ ಸರಿ, ಆಗಾಗ ವಿಶ್ರಾಂತಿ ಪಡೆದು ಆರೋಗ್ಯವನ್ನು ಕಾಪಾಡಿಕೊಳ್ಳಬೇಕು.
ರಾತ್ರಿ ಎಂಟು ಗಂಟೆಯಿಂದ ರಾತ್ರಿ ಹತ್ತರವರೆಗಿನ ಅವಧಿಯಲ್ಲಿ ಜನಿಸಿದ ವ್ಯಕ್ತಿಗಳು
ಈ ವ್ಯಕ್ತಿಗಳು ಎದುರಿನವರ ಭಾವನೆಗಳನ್ನು ಸುಲಭವಾಗಿ ಅರ್ಥ ಮಾಡಿಕೊಳ್ಳುವವರಾಗಿದ್ದು ಇತರರು ಇವರೊಂದಿಗೆ ಬೆರೆತುಕೊಳ್ಳಲು ಸಾಧ್ಯವಾಗದೇ ಇರುವಲ್ಲಿ ಈ ವ್ಯಕ್ತಿಗಳು ಸುಲಭವಾಗಿ ಸ್ನೇಹ ಸಂಪಾದಿಸುತ್ತಾರೆ. ಎದುರಿನ ವ್ಯಕ್ತಿಯ ಮೇಲೆ ಪ್ರಭಾವ ಬೀರಲು ಏನು ಮಾಡಬೇಕೆಂದು ಇವರಿಗೆ ಸ್ಪಷ್ಟವಾಗಿ ಅರಿವಿರುತ್ತದೆ ಹಾಗೂ ಅವರ ಅಗತ್ಯತೆಗಳನ್ನು ಪೂರೈಸಲು ವೈಯಕ್ತಿಕವಾದ ಪ್ರಯತ್ನವನ್ನು ನಡೆಸುವವರಾಗಿರುತ್ತಾರೆ. ಕೆಲವೊಮ್ಮೆ ಎದುರಿನವರ ಸಂತೋಷ ಮತ್ತು ತೃಪ್ತಿಗಾಗಿ ಇವರು ತಮ್ಮ ಸ್ವಂತ ಅಗತ್ಯತೆಗಳನ್ನೂ ನಿರ್ಲಕ್ಷಿಸುವವರಾಗಿರುತ್ತಾರೆ. ಇವರೆಂದೂ ಕೈಗೊಂಡ ಕಾರ್ಯವನ್ನು ಅರ್ಧದಲ್ಲಿಯೇ ಬಿಡುವುದಿಲ್ಲ ಹಾಗೂ ಕಾರ್ಯಗಳನ್ನು ನಿಗದಿತ ಸಮಯದಲ್ಲಿ ಲೋಪವಿಲ್ಲದಂತೆ ಪೂರ್ಣಗೊಳಿಸುವವರಾಗಿರುತ್ತಾರೆ.
ರಾತ್ರಿ ಹತ್ತು ಗಂಟೆಯಿಂದ ನಡುರಾತ್ರಿ ಹನ್ನೆರಡವರೆಗಿನ ಅವಧಿಯಲ್ಲಿ ಜನಿಸಿದ ವ್ಯಕ್ತಿಗಳು
ಈ ವ್ಯಕ್ತಿಗಳು ಮಾತನಾಡುವಾಗ ಎದುರಿನವರು ಗಮನವಿರಿಸಿ ಕೇಳುವಂತೆ ಮಾಡುವ ಗುಣ ಹೊಂದಿರುತ್ತಾರೆ. ಇವರ ವಿವೇಕ ಹಾಗೂ ಸಂದರ್ಭವನ್ನು ವಿವೇಚಿಸುವ ಒಳನೋಟವನ್ನು ಮನಗಂಡವರು ಈ ವ್ಯಕ್ತಿಗಳ ಬಗ್ಗೆ ಅಪಾರವಾದ ಗೌರವಭಾವನೆ ತಳೆಯುತ್ತಾರೆ. ಸೂಕ್ತ ಸಲಹೆಯನ್ನು ಪಡೆಯಲು ಜನರೇ ಇವರ ಬಳಿ ಬರುತ್ತಾರೆ ಹಾಗೂ ಇವರಿಗೆ ಅಗತ್ಯ ಸಲಹೆಯನ್ನು ನೀಡಲು ಇವರೆಂದೂ ಹಿಂದೇಟು ಹಾಕುವುದಿಲ್ಲ. ಸೂಕ್ತ ಸಲಹೆ ನೀಡಲು ತಾವು ಅರ್ಹರೋ ಇಲ್ಲವೋ ಎಂಬುದನ್ನು ಯೋಚಿಸದೇ ಸದಾ ತಮ್ಮಿಂದ ಸಾಧ್ಯವಾದಷ್ಟು ಮಟ್ಟಿಗಿನ ಸಲಹೆಯನ್ನು ನೀಡುತ್ತಾರೆ. ಇನ್ನೊಂದು ಕಡೆಯಲ್ಲಿ, ಇವರ ಆಶಾವಾದಿ ದೃಷ್ಟಿಕೋನದ ಕಾರಣದಿಂದಾಗಿ ಇವರು ತಮ್ಮ ಕ್ರಿಯಾತ್ಮಕ ಗುರಿಗಳನ್ನು ಹಾಗೂ ಜೀವನದಲ್ಲಿ ಹೆಚ್ಚಿನದನ್ನು ಸಾಧಿಸಲು ಸಾಧ್ಯವಾಗುತ್ತದೆ.