ಸಾಯಲು ಗುಂಡು ಹಾರಿಸಿಕೊಂಡ ವ್ಯಕ್ತಿ, ಕೊನೆಗೆ ಮುಖ ಕಸಿ ಮಾಡಿಕೊಂಡು ಹೊಸ ಜೀವನ ಪಡೆದ!

ಖಿನ್ನತೆಗೆ ಒಳಗಾದ ವ್ಯಕ್ತಿ

ಕ್ಯಾಮರೊನ್ ಅಂಡರ್ ವುಡ್ ಎಂಬ ವ್ಯಕ್ತಿ ತುಂಬಾ ಖಿನ್ನತೆಯಿಂದ ಬಳಲುತ್ತಿದ್ದ. ಜೀವನದಲ್ಲಿನ ಹಲವಾರು ಸಮಸ್ಯೆಗಳಿಂದ ಖಿನ್ನತೆಗೆ ಹೋಗುವುದು ಸಹಜವೆನ್ನಬಹುದು. ಆದರೆ ಕ್ಯಾಮರೊನ್ ಗೆ ಖಿನ್ನತೆ ಎಷ್ಟು ಆವರಿಸಿತ್ತು ಎಂದರೆ ಆತ ತನ್ನ ಪ್ರಾಣ ಕಳೆದುಕೊಳ್ಳಲು ಬಯಸಿದ್ದ. ಇದರಿಂದ ತನ್ನ ಮುಖಕ್ಕೆ ಗುಂಡು ಹಾರಿಸಿಕೊಂಡು ಆತ್ಮಹತ್ಯೆಗೆ ಯತ್ನಿಸಿದ. ಗುಂಡು ಹಾರಿಸಲ್ಪಟ್ಟ ಕಾರಣಕ್ಕೆ ಆತನ ಮೂಗು, ದವಡೆ ಮತ್ತು ಹಲ್ಲುಗಳು ಸಂಪೂರ್ಣವಾಗಿ ಧ್ವಂಸವಾದವು.

ಆತ ಮತ್ತೆ ನಗುತ್ತಿದ್ದಾನೆ

ಗುಂಡು ಹಾರಿಸಲ್ಪಟ್ಟ ಕಾರಣದಿಂದ ಕಾಮರೊನ್ ಮುಖವು ಸಂಪೂರ್ಣವಾಗಿ ಛಿದ್ರವಾಗಿದೆ. ಇದರಿಂದ ಆತನ ಮುಖವನ್ನು ನೋಡಲು ಸಾಧ್ಯವಿಲ್ಲದಂತಾಗಿದೆ. ಆದರೆ ಇದನ್ನು ಆತನಿಗೂ ಸಹಿಸಿಕೊಳ್ಳಲು ಆಗುತ್ತಿಲ್ಲ. ವೈದ್ಯರು ಆತನಿಗೆ ಕೆಲವೊಂದು ಶಸ್ತ್ರಚಿಕಿತ್ಸೆ ನಡೆಸಿ ಹಿಂದಿನಂತೆ ಮುಖವನ್ನು ಮರಳಿ ತರಲು ಪ್ರಯತ್ನಿಸುತ್ತಿದ್ದಾರೆ. 25 ಗಂಟೆಗಳ ಕಾಲ ನಡೆದ ಮುಖ ಕಸಿ ಶಸ್ತ್ರಚಿಕಿತ್ಸೆ ಬಳಿಕ ಆತ ಮತ್ತೆ ನಗುತ್ತಿದ್ದಾನೆ. ತಿನ್ನುವುದು ಮತ್ತು ಮಾತನಾಡಲು ಕೂಡ ಸಾಧ್ಯವಾಗಿದೆ.

ಕ್ಯಾಮರೊನ್ ಅಂಡರ್ ವುಡ್ ನ ತಾಯಿ ಆತನನ್ನು ಮುಖ ಕಸಿ ಆಸ್ಪತ್ರೆಗೆ ದಾಖಲಿಸಲು ಅರ್ಜಿ ಸಲ್ಲಿಸಿದರು…

ಕ್ಯಾಮರೊನ್ ಬದುಕಿ ಉಳಿಯುವುದಿಲ್ಲವೆಂದು ವೈದ್ಯರು ಹೇಳಿದರು. ಆದರೆ ಆತ ವೈದ್ಯರ ಮಾತನ್ನು ಸುಳ್ಳಾಗಿಸಿದ್ದಾನೆ. ಆತ ಹೋರಾಟಗಾರನೆಂದು ತಿಳಿದಿದ್ದ ಆತನ ತಾಯಿ, ಎನ್ ವೈಯು ಲ್ಯಾಂಗೊನ್ ನಲ್ಲಿರುವ ವೈದ್ಯಕೀಯ ಕೇಂದ್ರದಲ್ಲಿರುವಂತಹ ಮುಖ ಕಸಿ ವಿಭಾಗಕ್ಕೆ ದಾಖಲಿಸಲು ಅರ್ಜಿ ಸಲ್ಲಿಸಿದರು.

ದಾನಿಯ ಬಗ್ಗೆ…

ಒಂದು ತಿಂಗಳ ಬಳಿಕ ಅವರಿಗೆ ಆಸ್ಪತ್ರೆಯಿಂದ ಒಂದು ಕರೆ ಬಂತು ಮತ್ತು ವಿಲ್ ಪಿಶರ್ ಎನ್ನುವ ದಾನಿ ಇದ್ದಾರೆ ಎಂದು ಅವರು ಮಾಹಿತಿ ನೀಡಿದರು. ವಿಲ್ ಫಿಷರ್ ಒಬ್ಬರು ನೋಂದಾಯಿತ ದಾನಿಯಾಗಿದ್ದರು. ಇವರು ನ್ಯೂಯಾರ್ಕ್ ನಗರದಲ್ಲಿನ ಯುವ ಲೇಖಕ ಮತ್ತು ಮತ್ತು ಸಿನಿಮಾ ನಿರ್ಮಾಪಕ. ಇವರು ಜಾನ್ಸ್ ಹೊಪ್ಕಿನ್ಸ್ ಯೂನಿವರ್ಸಿಟಿಯಲ್ಲಿ ಓದಿದ್ದರು. ಮಾನಸಿಕ ಕಾಯಿಲೆಯಿಂದಾಗಿ ಅವರು ಸಾವನ್ನಪ್ಪಿದ್ದರು. ಇವರ ಮುಖವನ್ನು ಕ್ಯಾಮರೊನ್ ಗೆ ಕಸಿ ಮಾಡಲು ನಿರ್ಧಾರ ಮಾಡಲಾಯಿತು.

ಶಸ್ತ್ರಚಿಕಿತ್ಸೆಯು ಯಶಸ್ವಿಯಾಯಿತು

25 ಗಂಟೆಗಳ ಕಾಲ ನಡೆದ ಮುಖ ಕಸಿ ಶಸ್ತ್ರಚಿಕಿತ್ಸೆಯು ದೊಡ್ಡ ಮಟ್ಟದಲ್ಲಿ ಯಶಸ್ಸನ್ನು ಪಡೆದುಕೊಂಡಿತು. ಕ್ಯಾಮರೊನ್ ಗೆ ಮತ್ತು ಮುಖ ಮತ್ತು ಹಲ್ಲುಗಳನ್ನು ಜೋಡಿಸಲಾಯಿತು. ಅದಾಗ್ಯೂ, ಹೊಸ ಮುಖಕ್ಕೆ ಹೊಂದಿಕೊಳ್ಳಲು ಆತನಿಗೆ ಹೆಚ್ಚಿನ ಸಮಯ ಬೇಕಾಯಿತು. ಯಾಕೆಂದರೆ ಮುಖದ ಚಲನವಲನ ಮತ್ತು ಭಾವನೆಗೆ ಹೊಂದಿಕೊಳ್ಳಬೇಕಾಯಿತು. ಇದೊಂದು ವೈದ್ಯಕೀಯ ಲೋಕದ ಮರುಸೃಷ್ಟಿ ಎಂದರೂ ತಪ್ಪಾಗದು.

ಕ್ಯಾಮರೊನ್ ಈಗ ತುಂಬಾ ಸಂತೋಷದಲ್ಲಿರುವ ವ್ಯಕ್ತಿ

ಗುಂಡು ಹಾರಿಸಿಕೊಂಡು ಮುಖ ಛಿದ್ರ ಮಾಡಿಕೊಂಡ ಬಳಿಕ ಕ್ಯಾಮರೊನ್ ಮಾಸ್ಕ್ ಧರಿಸಿ ಕೊಂಡು ಹೊರಗಡೆ ಹೋಗುತ್ತಿದ್ದ. ಆದರೆ ಇದರಿಂದ ಆತನಿಗೆ ತುಂಬಾ ಬೇಸರವಾಗುತ್ತಿತ್ತು. ಆದರೆ ಈಗ ಆತನ ಮುಖಕ್ಕೆ ಕಸಿ ಮಾಡಿಕೊಂಡಿರುವ ಕಾರಣದಿಂದ ತುಂಬಾ ಖುಷಿಯಿಂದ ಹೊರಗಡೆ ಹೋಗಿ ಸುತ್ತಾಡಿಕೊಂಡು ಬರುತ್ತದ್ದಾನೆ ಮತ್ತು ಆತನಿಗೆ ಯಾವುದೇ ರೀತಿಯ ಬೇಸರವು ಇಲ್ಲ. ಕ್ಯಾಮರೊನ್ ವೈದ್ಯಕೀಯ ಲೋಕದ ಕರಾಮತ್ತಿನಿಂದ ಹೊಸ ಹಾಗೂ ಸಾಮಾನ್ಯ ಜೀವನ ಸಾಗಿಸುತ್ತಿದ್ದಾನೆ. ಆದರೆ ತನ್ನ ಹಳೆ ಮುಖವನ್ನು ಮರೆಯಲು ಸಾಧ್ಯವಿಲ್ಲವೆಂದು ಆತ ಹೇಳುತ್ತಿದ್ದಾನೆ.ಈ ಲೇಖನದ ಬಗ್ಗೆ ನಿಮ್ಮ ಅನಿಸಿಕೆ ಏನು ಎಂದು ನಮಗೆ ತಿಳಿಸಲು ಮರೆಯಬೇಡಿ. ನಿಮ್ಮ ಅನಿಸಿಕೆಗಳನ್ನು ಕಮೆಂಟ್ ಬಾಕ್ಸ್ ಗೆ ಹಾಕಲು ಮರೆಯಬೇಡಿ.

All Image Source