ಹೊಳೆಯುವ ಬಿಳಿ ಹಲ್ಲುಗಳಿಗಾಗಿ ಮನೆಯಲ್ಲಿಯೇ ಸರಳವಾಗಿ ತಯಾರಿಸಬಹುದಾದ ಆಯುರ್ವೇದ ಪುಡಿ

Published: Thursday, July 29, 2021, 15:14 [IST]

ನಮ್ಮ ಹಲ್ಲಿನ ಆರೋಗ್ಯವನ್ನು ನೋಡಿಕೊಳ್ಳುವುದು ತುಂಬಾ ಮುಖ್ಯ. ಆಗಾಗ ದಂತವೈದ್ಯರನ್ನು ಭೇಟಿ ಮಾಡುವುದು ಮತ್ತು ಆರೋಗ್ಯಕರ ಹಲ್ಲಿನ ಅಭ್ಯಾಸಗಳನ್ನು ಅನುಸರಿಸುವುದರಿಂದ ಅನೇಕ ಆರೋಗ್ಯ ಸಮಸ್ಯೆಗಳನ್ನು ದೂರವಿಡಬಹುದು.

ಹಳದಿ ಹಲ್ಲುಗಳು ಸಾಮಾನ್ಯ ಹಲ್ಲಿನ ಸಮಸ್ಯೆಗಳಲ್ಲಿ ಒಂದಾಗಿದೆ. ಹಳದಿ ಹಲ್ಲುಗಳಿಗೆ ಚಿಕಿತ್ಸೆ ನೀಡಲು ಹಲವಾರು ಪರಿಹಾರಗಳಿದ್ದರೂ, ಅವುಗಳಲ್ಲಿ ಕೆಲವು ನಿಮ್ಮ ವಸಡುಗಳನ್ನು ಹಾನಿಗೊಳಿಸುತ್ತವೆ. ಕೆಲವೊಮ್ಮೆ ವೈದ್ಯರು ಸೂಚಿಸುವ ರಾಸಾಯನಿಕಯಕ್ತ ಪರಿಹಾರಗಳು ದುಬಾರಿಯಾಗಿರಬಹುದು ಅಥವಾ ಪರಿಣಾಮಕಾರಿಯಾಗದೇ ಇರಬಹುದು. ನೀವು ಹಳದಿ ಹಲ್ಲುಗಳ ಸಮಸ್ಯೆಯಿಂದ ಬಳಲುತ್ತಿದ್ದರೆ, ಇಲ್ಲಿ ನಾವು ಆಯುರ್ವೇದ ಮನೆಮದ್ದು ಒಂದನ್ನು ಹೇಳುತ್ತಿದ್ದೇವೆ. ಇದು ನಿಮ್ಮ ಹಲ್ಲುಗಳನ್ನು ಬಿಳಿಯಾಗಿಸಲು ಸಹಾಯ ಮಾಡುತ್ತದೆ.

ಹಲ್ಲುಗಳನ್ನು ಬೆಳಗಿಸುವ ಆಯುರ್ವೇದ ಪುಡಿಯನ್ನು ಮಾಡುವುದು ಹೇಗೆ ಎಂಬುದನ್ನು ಈ ಕೆಳಗೆ ನೀಡಲಾಗಿದೆ:

ಆಯುರ್ವೇದ ಪುಡಿ ಮಾಡಲು ಬೇಕಾಗುವ ಪದಾರ್ಥಗಳು:

ಒಂದು ಚಮಚ ಕಲ್ಲು ಉಪ್ಪು
ಒಂದು ಚಮಚ ಲವಂಗ ಪುಡಿ
ಒಂದು ಚಮಚ ದಾಲ್ಚಿನ್ನಿ ಪುಡಿ
ಒಂದು ಚಮಚ ಮುಲೇತಿ
ಒಣ ಬೇವಿನ ಎಲೆಗಳು
ಒಣ ಪುದೀನ ಎಲೆಗಳು

ಹೇಗೆ ತಯಾರಿಸುವುದು?:

ಮೇಲೆ ಹೇಳಿದ ಎಲ್ಲಾ ಪದಾರ್ಥಗಳನ್ನು ಪುಡಿಮಾಡಿ, ಉತ್ತಮವಾದ ಪುಡಿಯನ್ನು ತಯಾರಿಸಿ. ಭವಿಷ್ಯದ ಬಳಕೆಗಾಗಿ ನೀವು ಅದನ್ನು ಗಾಳಿಯಾಡದ ಪಾತ್ರೆಯಲ್ಲಿ ಸಂಗ್ರಹಿಸಿಡಿ.

ಪುಡಿಯನ್ನು ಹೇಗೆ ಬಳಸುವುದು?:

ಒಂದು ಚಮಚ ಟೂತ್ ಪೌಡರ್ ತೆಗೆದುಕೊಂಡು ಅದನ್ನು ನಿಮ್ಮ ಅಂಗೈಗೆ ಹಾಕಿಕೊಳ್ಳಿ. ಈಗ ನಿಮ್ಮ ಬ್ರಷ್ ಬಳಸಿ ಪುಡಿಯಿಂದ ನಿಮ್ಮ ಹಲ್ಲುಗಳನ್ನು ಸ್ವಚ್ಛಗೊಳಿಸಿ, ನಿಮ್ಮ ಬಾಯಿಯನ್ನು ಮುಕ್ಕಳಿಸಿ. ಒಂದು ವಾರ ಇದನ್ನು ಮಾಡುವುದರಿಂದ ನಿಮ್ಮ ಹಲ್ಲುಗಳ ಬಣ್ಣದಲ್ಲಿ ಗಮನಾರ್ಹ ಬದಲಾವಣೆಗಳು ಕಂಡುಬರುತ್ತವೆ.