ಲೈಂಗಿಕ ಕ್ರಿಯೆಯಲ್ಲಿ ತೊಡಗದಿದ್ದರೆ ಬರುವ ಆರೋಗ್ಯ ಸಮಸ್ಯೆಗಳು

ಖಿನ್ನತೆ ಕಾಡಬಹುದು!

ಲೈಂಗಿಕ ಕ್ರಿಯೆಯ ವೇಳೆ ಎಂಡ್ರೋಫಿನ್ಸ್ ಅಥವಾ ಉತ್ತಮ ಭಾವನೆಯ ಹಾರ್ಮೋನುಗಳು ಮೆದುಳಿನಲ್ಲಿ ಬಿಡುಗಡೆಯಾಗುವುದು. ನಿಯಮಿತವಾಗಿ ಲೈಂಗಿಕ ಕ್ರಿಯೆಯಲ್ಲಿ ತೊಡಗದೆ ಇದ್ದರೆ ಖಿನ್ನತೆ ಮತ್ತು ಅಸಮಾಧಾನ ಹೆಚ್ಚಾಗುವುದು.

ಶಿಶ್ನದ ಗಾತ್ರ ಕುಗ್ಗುವುದು!!

ತುಂಬಾ ದೀರ್ಘಕಾಲದ ತನಕ ಲೈಂಗಿಕ ಕ್ರಿಯೆಯಲ್ಲಿ ತೊಡಗಿಕೊಳ್ಳದೆ ಇರುವ ಪುರುಷರ ಶಿಶ್ನದ ಗಾತ್ರವು ಕುಗ್ಗುವುದು ಎಂದು ಅಧ್ಯಯನಗಳು ಹೇಳಿವೆ. ನಿಯಮಿತವಾಗಿ ಉದ್ರೇಕಗೊಳ್ಳದೆ ಇರುವ ಕಾರಣದಿಂದ ಶಿಶ್ನದ ಕೋಶಗಳು ಕುಗ್ಗುವುದು ಮತ್ತು ಸ್ಥಿತಿಸ್ಥಾಪಕತ್ವ ಕಳೆದುಕೊಳ್ಳುವುದು.

ನಿಮಿರುವಿಕೆ ಅಸಾಮಾನ್ಯತೆ

ನಿಯಮಿತವಾಗಿ ಮಿಲನದಲ್ಲಿ ಭಾಗಿಯಾಗದೇ ಇರುವ ಅಥವಾ ಬಹುಕಾಲ ಪಾಲ್ಗೊಳ್ಳದೇ ಇರುವ ಇನ್ನೊಂದು ಪ್ರಮುಖ ತೊಂದರೆ ಎಂದರೆ ನಿಮಿರು ದೌರ್ಬಲ್ಯ. ಅಗತ್ಯ ಸಮಯದಲ್ಲಿ ಜನನಾಂಗ ಸಾಕಷ್ಟು ನಿಮಿರುತನವನ್ನು ಪಡೆಯದೇ ಹೋಗುತ್ತದೆ.

ಕಾಮಾಸಕ್ತಿ ಕಳೆದುಕೊಳ್ಳುವುದು

ಬಹುಕಾಲ ಮಿಲನದಲ್ಲಿ ತೊಡಗಿಕೊಳ್ಳದ ದಂಪತಿಗಳಲ್ಲಿ ಕಾಮಾಸಕ್ತಿಯೂ ಕಡಿಮೆಯಾಗುವುದನ್ನು ಸಂಶೋಧನೆಗಳು ಸಾಬೀತುಪಡಿಸಿವೆ. ಏಕೆಂದರೆ ಈ ಸಮಯದಲ್ಲಿ ಪುರುಷರೂ ಮಹಿಳೆಯರೂ ತಮ್ಮ ಗಮನವನ್ನು ಇತರ ಅಭಿರುಚಿ, ಧಾರ್ಮಿಕ ಕಟ್ಟುಪಾಡು ಅಥವಾ ಬೇರಾವುದೋ ವಿಷಯದ ಕುರಿತು ಕೇಂದ್ರೀಕರಿಸಿರುವ ಕಾರಣ ಮಿಲನದ ಸಮಯದಲ್ಲಿಯೂ ಅವರ ಗಮನ ಅವರ ಅಭಿರುಚಿ ಅಥವಾ ಆ ಸಮಯದಲ್ಲಿ ನಿರ್ವಹಿಸಬೇಕಾದ ಕಾರ್ಯಗಳ ಬಗ್ಗೆಯೇ ಇರುವ ಕಾರಣ ಕಾಮಾಸಕ್ತಿ ಕಡಿಮೆಯಾಗುತ್ತದೆ.

ಪ್ರತಿರೋಧಕ ಶಕ್ತಿ ಕುಸಿತ

ನಿಯಮಿತವಾಗಿ ಲೈಂಗಿಕ ಕ್ರಿಯೆಯಲ್ಲಿ ತೊಡಗಿಕೊಂಡರೆ ಅದರಿಂದ ಪ್ರತಿರೋಧಕ ಶಕ್ತಿಯು ವೃದ್ಧಿಯಾಗುವುದು. ಲೈಂಗಿಕ ಕ್ರಿಯೆಯಲ್ಲಿ ತೊಡಗದೆ ಇದ್ದರೆ ಅನಾರೋಗ್ಯಗಳು ಕಾಡಬಹುದು.

ಜನನೇಂದ್ರೀಯದ ಕ್ಯಾನ್ಸರ್

ತಿಂಗಳಲ್ಲಿ 21 ಸಲಕ್ಕಿಂತ ಹೆಚ್ಚು ಲೈಂಗಿಕ ಕ್ರಿಯೆಯಲ್ಲಿ ತೊಡಗಿಕೊಂಡು ವೀರ್ಯ ಸ್ಖಲನ ಮಾಡುವಂತಹ ವ್ಯಕ್ತಿಗೆ ಜನನೇಂದ್ರೀಯದ ಕ್ಯಾನ್ಸರ್ ಬರುವ ಸಾಧ್ಯತೆ ತುಂಬಾ ಕಡಿಮೆ. ತಿಂಗಳಲ್ಲಿ 4-5 ಸಲ ಲೈಂಗಿಕ ಕ್ರಿಯೆಯಲ್ಲಿ ತೊಡಗುವ ಪುರುಷರಿಗೆ ಜನನೇಂದ್ರಿಯದ ಕ್ಯಾನ್ಸರ್ ಬರುವ ಸಾಧ್ಯತೆ ಹೆಚ್ಚಾಗಿರುವುದು.

ಋತುಚಕ್ರದ ವೇಳೆ ಸೆಳೆತ

ನಿಯಮಿತವಾಗಿ ಲೈಂಗಿಕ ಕ್ರಿಯೆಯಲ್ಲಿ ತೊಡಗದೆ ಇರುವಂತಹ ಮಹಿಳೆಯರಲ್ಲಿ ಕಂಡುಬರುವ ಮತ್ತೊಂದು ಸಮಸ್ಯೆಯೆಂದರೆ ಋತುಚಕ್ರದ ವೇಳೆ ಸೆಳೆತ. ಲೈಂಗಿಕ ಕ್ರಿಯೆಯು ಈ ಸಮಸ್ಯೆ ನಿವಾರಿಸುವುದು.

ಕುಂಠಿತವಾಗುವ ರೋಗ ನಿರೋಧಕ ಶಕ್ತಿ

ಇನ್ನೊಂದು ಸಂಶೋಧನೆಯಲ್ಲಿ ಕಂಡುಕೊಂಡ ಪ್ರಕಾರ ನಿಯಮಿತವಾದ ಮಿಲನದಿಂದ ದಂಪತಿಗಳಿಬ್ಬರ ದೇಹದಲ್ಲಿಯೂ ರೋಗ ನಿರೋಧಕ ವ್ಯವಸ್ಥೆ ಉತ್ತಮವಾಗಿದ್ದು ಈ ಕ್ರಿಯೆಯನ್ನು ನಿಯಮಿತವಾಗಿಸುವ ಮೂಲಕ ರೋಗ ನಿರೋಧಕ ವ್ಯವಸ್ಥೆಯನ್ನು ಅತ್ಯುತ್ತಮವಾಗಿರಿಸಬಹುದು. ಮಿಲನವಂಚಿತ ದಂಪತಿಗಳಲ್ಲಿ ರೋಗ ನಿರೋಧಕ ವ್ಯವಸ್ಥೆ ಕುಸಿಯುತ್ತದೆ.