ಚೆನ್ನಾಗಿ ನಿದ್ರೆ ಮಾಡಿ... ಇಲ್ಲವಾದರೆ ಈ ಸಮಸ್ಯೆಗಳು ಬರುವುದು ನೋಡಿ..

ಕಾರಣ-1

ಮಹಿಳೆಯರು ದಿನವಿಡೀ ಹೆಚ್ಚು ಮಾನಸಿಕ ಶಕ್ತಿಯನ್ನು ಬಳಸಿಕೊಂಡು ಕೆಲಸ ಮಾಡುತ್ತಾರೆ. ಜೊತೆಗೆ ದೈಹಿಕವಾಗಿಯೂ ಹೆಚ್ಚು ಕ್ರಿಯಾಶೀಲತೆಯಿಂದ ಕೆಲಸ ಮಾಡಿರುತ್ತಾರೆ. ಹಾಗಾಗಿ ಅವರ ಶ್ರಮಕ್ಕೆ ಇನ್ನಷ್ಟು ಶಕ್ತಿ ನೀಡಬೇಕಾದರೆ ಹೆಚ್ಚು ಕಾಲ ನಿದ್ರೆ ಮಾಡಬೇಕಾಗುತ್ತದೆ. ಇಲ್ಲವಾದರೆ ಆಯಾಸದಿಂದ ಸಣ್ಣ-ಸಣ್ಣ ಆರೋಗ್ಯ ಸಮಸ್ಯೆಗಳು ಕಾಣಿಸಿಕೊಳ್ಳಲು ಪ್ರಾರಂಭವಾಗುವುದು.

ಕಾರಣ-2

ಋತುಬಂಧ ಹಾಗೂ ಬೆವರುವಿಕೆಯಿಂದ ಕೆಲವು ಆರೋಗ್ಯ ಸಮಸ್ಯೆ ಕಾಣಿಸಿಕೊಳ್ಳಬಹುದು. ಉತ್ತಮ ನಿದ್ರೆಯಿಂದ ಋತುಬಂಧದ ಸಮಸ್ಯೆಯು ಸರಿಯಾಗುವುದು.

ಕಾರಣ-3

ಹದಿಹರೆಯದ ಸಮಯದಲ್ಲಿ ಹಾರ್ಮೋನ್‍ಗಳ ಹಾಗೂ ಋತುಬಂಧದಲ್ಲಿ ವ್ಯತ್ಯಾಸವುಂಟಾಗುತ್ತಲೇ ಇರುತ್ತವೆ. ಇಂತಹ ಸಮಯದಲ್ಲಿ ಆದಷ್ಟು ನಿದ್ರೆ ಮಾಡಬೇಕು.

ಕಾರಣ-4

ಇಂದು ಹೆಚ್ಚಿನ ಮಹಿಳೆಯರು ಮನೆಯ ಕೆಲಸದ ಜೊತೆಗೆ ಔದ್ಯೋಗಿಕ ಕ್ಷೇತ್ರದಲ್ಲಿ ದುಡಿಯುತ್ತಾರೆ. ಜೊತೆಗೆ ರಾತ್ರಿ ಪಾಳಿಯ ಕೆಲಸ ಮಾಡುವುದರಿಂದ ನಿದ್ರೆಯ ಮಟ್ಟ ಕಡಿಮೆಯಾಗಿರುತ್ತದೆ. ಗಣನೀಯವಾಗಿ ಈ ಬಗೆಯ ಕೆಲಸ ಮುಂದುವರಿಯುತ್ತಿದ್ದರೆ ಅನೇಕ ಅನಾರೋಗ್ಯ ಕಾಣಿಸಿಕೊಳ್ಳತ್ತದೆ. ಹಾಗಾಗಿ ಮಹಿಳೆಯರು ಹೆಚ್ಚು ನಿದ್ರೆ ಹೊಂದಬೇಕಾವುದು.

ಕಾರಣ-5

ಮಹಿಳೆಯರಿಗೆ ನಿದ್ರೆಯ ಅವಧಿ ಕಡಿಮೆಯಾದರೆ ಫೈಬ್ರೊಮ್ಯಾಲ್ಗಿಂiÀi ಮತ್ತು ಖಿನ್ನತೆಯ ರೋಗ ಕಾಣಿಸಿಕೊಳ್ಳುವ ಸಾಧ್ಯತೆ ಇರುತ್ತದೆ. ಪಾಲಿಸಿಸ್ಟಿಕ್, ಅಂಡಾರಿಯನ್ ಸಿಂಡ್ರೋಮ್ ನಂತಹ ಸಮಸ್ಯೆಗಳು ಕಾಣಿಸಿಕೊಳ್ಳುವ ಅವಕಾಶ ಇರುತ್ತದೆ.

ಕಾರಣ-6

ಕೆಲವು ಅಧ್ಯಯನದ ಪ್ರಕಾರ "ರೆಸ್ಟ್‍ಲೆಸ್ ಲೆಗ್ ಸಿಂಡ್ರೋಮ್'ವು ನಿದ್ರೆಯ ಗುಣಮಟ್ಟವನ್ನು ಹಾಳುಮಾಡುವುದು ಎಂದು ಹೇಳಲಾಗಿದೆ.

ಕಾರಣ-7

ಗರ್ಭಿಣಿಯರೂ ಸಹ ಸೂಕ್ತ ಅವಧಿಯ ನಿದ್ರೆ ಮಾಡಬೇಕು. ಗರ್ಭಿಣಿಯರಾಗಿದ್ದಾಗ ರಾತ್ರಿ ಹೊತ್ತು ಪದೇ ಪದೇ ಮೂತ್ರವಿಸರ್ಜನೆಮಾಡುವುದು ಹಾಗೂ ಧೂಮಪಾನ ವ್ಯಸನಿಗಳಾಗಿದ್ದರೆ ರಾತ್ರಿ ನಿದ್ರೆಯಲ್ಲಿ ತೊಂದರೆ ಉಂಟಾಗುತ್ತದೆ. ಇವರು ಸೂಕ್ತ ನಿದ್ರೆ ಹೊಂದಿದರೆ ಆರೋಗ್ಯದಿಂದ ಇರಲು ಸಾಧ್ಯ.

ಕಾರಣ-8

ಕೆಲವು ಅಧ್ಯಯನದ ಪ್ರಕಾರ ಕಡಿಮೆ ನಿದ್ರೆ ಹೊಂದುವ ಮಹಿಳೆಯರು ಮಧುಮೇಹ ಮತ್ತು ಹೃದಯದ ರಕ್ತನಾಳದ ಸಮಸ್ಯೆಯಿಂದ ಬಳಲುತ್ತಾರೆ ಎಂದು ಹೇಳಲಾಗಿದೆ.