ಮೊಟ್ಟೆಯ ಹಿಂದಿರುವ ಸತ್ಯಾಸತ್ಯತೆ- ಎಲ್ಲವೂ ಹಣ ಮಾಡುವ ಕುತಂತ್ರ!

ಕಂದು ಮೊಟ್ಟೆ ಬಿಳಿ ಮೊಟ್ಟೆಗಿಂತ ಹೆಚ್ಚು ಪೌಷ್ಟಿಕವೇನೂ ಅಲ್ಲ

ಕಂದು ಮತ್ತು ಬಿಳಿ ಮೊಟ್ಟೆ ಪೌಷ್ಟಿಕಾಂಶದ ಲೆಕ್ಕಾಚಾರದಲ್ಲಿ ಸರಿಸಮನಾಗಿವೆ. ಆದರೆ ಕಂದು ಮೊಟ್ಟೆಗಳನ್ನಿಡುವ ಕೋಳಿಗಳಿಗೆ ಕೊಂಚ ಹೆಚ್ಚಿನ ಸ್ಥಳಾವಕಾಶ ಬೇಕಾದುದರಿಂದ ಇತರ ಕೋಳಿಗಳಿಗಿಂತ ಕೊಂಚ ಹೆಚ್ಚಿನ ಆಹಾರದ ಅಗತ್ಯವಿದೆ. ಇದೇ ಕಾರಣಕ್ಕೆ ಕಂದು ಮೊಟ್ಟೆ ಕೊಂಚ ದುಬಾರಿಯಾಗಿರುತ್ತದೆ.

ಪಂಜರದೊಳಗಿನದ್ದಲ್ಲದ (ಕೇಜ್ ಫ್ರೀ) ಮೊಟ್ಟೆ ಇಡುವ ಕೋಳಿ ಬಯಲಿನಲ್ಲೇನೂ ಇರುವುದಿಲ್ಲ

ಕೇಜ್ ಫ್ರೀ ಎನ್ನುವುದು ಕೇವಲ ಮಾರುಕಟ್ಟೆಯ ತಂತ್ರವೇ ಹೊರತು ಈ ಕೋಳಿಗಳು ಪಂಜರದಲ್ಲಿ ಬೆಳೆದಿಲ್ಲ ಎಂದರ್ಥವಲ್ಲ.

ಹಾರ್ಮೋನ್ ಫ್ರೀ ಎಂಬುದು ಸಹಾ ಮಿಥ್ಯೆ

ಹಾರ್ಮೋನುಗಳು ರಕ್ತದಲ್ಲಿರುತ್ತದೆಯೇ ವಿನಃ ಮಾಂಸದಲ್ಲಿ ಅಥವಾ ಮೊಟ್ಟೆಯಲ್ಲಿ ಇರುವುದಿಲ್ಲ. ಹೀಗೆ "free of hormones" ಎಂದು ಹೇಳುವುದು ಮಾರುಕಟ್ಟೆಯ ತಂತ್ರವೇ ಹೊರತು ವಿಶೇಷವೇನಿಲ್ಲ.

ಮೊಟ್ಟೆಯ ಕವಚ ದೃಢವಾಗಿದ್ದಷ್ಟೂ ಎಳೆಯ ಕೋಳಿ ಎಂದರ್ಥ

ಕಂದು ಮೊಟ್ಟೆಯ ಕವಚ ಹೆಚ್ಚು ದಪ್ಪ ಎಂದು ಹೆಚ್ಚಿನವರು ಭಾವಿಸಿದ್ದಾರೆ. ವಾಸ್ತವವಾಗಿ ಕೋಳಿ ಮೊಟ್ಟೆ ಇಡುವ ಪ್ರಾರಂಭದಲ್ಲಿ ಕವಚ ಹೆಚ್ಚು ದಪ್ಪ ಮತ್ತು ಗಡಸಾಗಿದ್ದು ವಯಸ್ಸಾದಂತೆ ಇದು ತೆಳು ಮತ್ತು ಕಡಿಮೆ ಗಡಸುತನ ಹೊಂದುತ್ತಾ ಹೋಗುತ್ತದೆ.

ಬಿಳಿ ಅಥವಾ ಕಂದು ಮೊಟ್ಟೆ-ಪೋಷಕಾಂಶಗಳಲ್ಲಿ ವ್ಯತ್ಯಾಸವಿಲ್ಲ

ಮೊಟ್ಟೆ ಬಿಳಿ, ಕಂದು ಬಣ್ಣದಲ್ಲಿದ್ದರೂ ಪೋಷಕಾಂಶಗಳ ಗಣನೆಯಲ್ಲಿ ವ್ಯತ್ಯಾಸವಿರುವುದಿಲ್ಲ. ಎಲ್ಲವೂ ಒಂದೇ. ಕೋಳಿಯ ವಂಶವಾಹಿನಿಗೆ ತಕ್ಕಂತೆ ಇದರ ಕವಚದ ಬಣ್ಣ ಮಾತ್ರ ಬದಲಾಗಿರುತ್ತದೆ.

ಮೊಟ್ಟೆಯ ಬಣ್ಣವೇ ಪೋಷಕಾಂಶಗಳ ವ್ಯತ್ಯಾಸವನ್ನು ಪ್ರಕಟಿಸುತ್ತದೆ

ಕೋಳಿಯ ಆರೋಗ್ಯ, ಆಹಾರಗಳು ಮೊಟ್ಟೆಯ ಪೋಷಕಾಂಶಗಳನ್ನು ಹಾಗೂ ತನ್ಮೂಲಕ ಬಣ್ಣವನ್ನು ಪ್ರಕಟಿಸುತ್ತದೆ. ಇದು ತೆಳು ಹಳದಿಯಿಂದ ಗಾಢ ಕೇಸರಿ ಅಥವಾ ಪ್ರಖರ ಕೆಂಪು ಬಣ್ಣದವರೆಗೂ ಇರಬಹುದು.

ಕೋಳಿಯ ಕಿವಿರೆಪ್ಪಯ ಬಣ್ಣ ಮೊಟ್ಟೆಯ ಕವಚದ ಬಣ್ಣವನ್ನು ತಿಳಿಸುತ್ತದೆ

ಕೋಳಿಯ ಕಿವಿರೆಪ್ಪಯ ಬಣ್ಣವನ್ನು ಕೊಂಚ ಸೂಕ್ಷ್ಮವಾಗಿ ಗಮನಿಸಿದರೆ ಇದು ಇಡುವ ಮೊಟ್ಟೆಯ ಕವಚದ ಬಣ್ಣವನ್ನು ಅರಿಯಬಹುದು. ಬಿಳಿ ಕಿವಿರೆಪ್ಪೆ ಇದ್ದರೆ ಬಿಳಿ ಮೊಟ್ಟೆ, ಕೆಂಪು ಅಥವಾ ಕಂದು ರೆಪ್ಪೆ ಇದ್ದರೆ ಕಂದು ಮೊಟ್ಟೆಗಳನ್ನಿಡುತ್ತವೆ.

ಪ್ರತಿ ಮೊಟ್ಟೆಯ ಗಾತ್ರವೂ ಬೇರೆಬೇರೆ

ಒಂದೇ ಗಾತ್ರದ ಮೊಟ್ಟೆ ಇರುವಂತೆ ಟ್ರೇಗಳನ್ನು ಪ್ಯಾಕ್ ಮಾಡಲಾಗಿದ್ದರೂ ಪ್ರತಿ ಮೊಟ್ಟೆಯ ಗಾತ್ರದಲ್ಲಿ ಕೊಂಚ ವ್ಯತ್ಯಾಸವಿರುತ್ತದೆ. ಆದರೂ ಸ್ಥೂಲವಾಗಿ ಸರಾಸರಿ ತೂಕವನ್ನು ಪರಿಗಣಿಸಿ ಇವುಗಳನ್ನು ಚಿಕ್ಕ ಮಧ್ಯಮ ಮತ್ತು ದೊಡ್ಡ ಮೊಟ್ಟೆಗಳೆಂದು ವರ್ಗೀಕರಿಸಲಾಗುತ್ತದೆ.

ಎಲ್ಲಾ ಮೊಟ್ಟೆಗಳು ಪ್ರಾರಂಭದಲ್ಲಿ ಬಿಳಿಯೇ ಆಗಿರುತ್ತವೆ

ಕೋಳಿಯ ದೇಹದಲ್ಲಿ ಮೊಟ್ಟೆ ಪ್ರಾರಂಭದಲ್ಲಿ ಬಿಳಿಯೇ ಆಗಿರುತ್ತದೆ. ಕಡೆಯ ಹಂತದಲ್ಲಿ ಇದು ಕಂದು ಬಣ್ಣ ಪಡೆಯುತ್ತದೆ.

ಈ ಕೋಳಿಗಳೆಂದೂ ಪಂಜರದಿಂದ ಹೊರಹೋಗುವುದೇ ಇಲ್ಲ

ಮೊಟ್ಟೆ ಇಡುವ ಕೋಳಿಗಳನ್ನು ಲೇಯರ್ಸ್ ಎಂದು ಕರೆಯಲಾಗುತ್ತದೆ. ಇವುಗಳನ್ನು ಸದಾ ಪಂಜರದಲ್ಲಿಯೇ ಇರುವಂತೆ ನೋಡಿಕೊಳ್ಳಲಾಗುತ್ತದೆ. ಗಂಡು ಕೋಳಿಯ ಸಂಪರ್ಕವೇ ಇಲ್ಲದೇ ಪ್ರತಿದಿನವೂ ಒಂದು ಮೊಟ್ಟೆ ಇಡುವ ಈ ಕೋಳಿಗಳನ್ನು ಪಂಜರದಿಂದ ಹೊರಬಿಟ್ಟರೂ ಎಲ್ಲೂ ಹೋಗದೇ ಅಲ್ಲೇ ಇರುವಷ್ಟು ಇವುಗಳ ಮೆದುಳು ಕ್ಷೀಣವಾಗಿರುತ್ತವೆ.