ಇಂತಹ ಸರಳ ಟಿಪ್ಸ್ ಅನುಸರಿಸಿ, ಅಸ್ತಮಾದಿಂದ ದೂರವಿರಿ!

ಧೂಳು

ಧೂಳಿನಲ್ಲಿ ಅಲರ್ಜಿಯನ್ನು ಉಂಟುಮಾಡುವ ಗುಣಗಳು ಇರುವ ಕಾರಣದಿಂದಾಗಿ ಇದು ಅಸ್ತಮಾ ರೋಗಿಗಳಿಗೆ ಅಪಾಯಕಾರಿ. ಇದರಿಂದ ಮನೆಯಲ್ಲಿ ಸ್ವಚ್ಛತೆಯನ್ನು ಕಾಪಾಡಿ ಮತ್ತು ಮಲಗುವ ಕೋಣೆಯಲ್ಲಿ ಧೂಳು ಬರದಂತೆ ನೋಡಿಕೊಳ್ಳಿ. ಕೋಣೆಯ ಪ್ರತಿಯೊಂದು ಮೂಲೆಗಳನ್ನು ವ್ಯಾಕ್ಯೂಮ್ ಮಾಡುವುದರಿಂದ ಧೂಳು ಬರದಂತೆ ನೋಡಿಕೊಳ್ಳಬಹುದು. ಮಕ್ಕಳಲ್ಲಿ ಇರುವ ಕಫ ಅಸ್ತಮಾದ ಲಕ್ಷಣವೇ ಎಂದು ತಿಳಿದುಕೊಳ್ಳಿ.

ಅಡುಗೆ ಮನೆಯ ಹೊಗೆ ಹಾಗೂ ಘಾಟು

ಅಸ್ತಮಾ ಇರುವ ವ್ಯಕ್ತಿಗಳು ಮನೆಯಲ್ಲಿ ಇದ್ದರೆ ಅವರನ್ನು ಅಡುಗೆ ಕೋಣೆಯ ಹೊಗೆ ಮತ್ತು ಘಾಟಿನಿಂದ ದೂರವಿಡಬೇಕು. ಅಡುಗೆಕೋಣೆಗೆ ಸರಿಯಾದ ಗಾಳಿ ಬರುವಂತೆ ನೋಡಿಕೊಳ್ಳಿ. ಸರಿಯಾದ ಎಕ್ಸಾಟ್ ಫ್ಯಾನ್ ಅಥವಾ ಚಿಮಿನಿ ಲಭ್ಯವಿಲ್ಲದಿದ್ದರೆ ಅಡುಗೆ ಮನೆಯಲ್ಲಿ ಕಿಟಕಿ ಇರುವಂತೆ ನೋಡಿಕೊಳ್ಳಿ.

ಧೂಮಪಾನ

ಸಿಗರೇಟಿನಲ್ಲಿರುವ ವಿವಿಧ ರೀತಿಯ ರಾಸಾಯನಿಕ ಮತ್ತು ಗ್ಯಾಸ್ ಶ್ವಾಸಕೋಶಕ್ಕೆ ಕಿರಿಕಿರಿ ಉಂಟುಮಾಡುತ್ತದೆ. ಧೂಮಪಾನದಿಂದ ನಿಮಗೆ ಅಸ್ತಮಾ ಬರುವ ಸಾಧ್ಯತೆ ಹೆಚ್ಚು ಮಾತ್ರವಲ್ಲದೆ ಉಸಿರಾಟದ ತೊಂದರೆ ಹಾಗೂ ಕಫ ನಿಮ್ಮನ್ನು ಕಾಡುವುದು. ಗರ್ಭಿಣಿ ಮಹಿಳೆಯರು ಧೂಮಪಾನ ಮಾಡಿದರೆ ಶ್ವಾಸಕೋಶದ ಚಟುವಟಿಕೆ ಕಡಿಮೆಯಾಗಿ ಶಿಶುವಿನ ಉಸಿರಾಟಕ್ಕೆ ತೊಂದರೆಯಾಗುವುದು.

ತೀವ್ರ ಹವಾಮಾನ

ಅತಿಯಾದ ಬಿಸಿಲು ಮತ್ತು ಸೆಕೆ, ಅತಿಯಾದ ಚಳಿ ಅಸ್ತಮಾವನ್ನು ಹೆಚ್ಚಿಸುವಂತೆ ಮಾಡುತ್ತದೆ. ಹವಾಮಾನ ಬದಲಾವಣೆಯನ್ನು ನಿಯಂತ್ರಿಸಲು ಸಾಧ್ಯವಿಲ್ಲದೆ ಇರುವ ಕಾರಣ ಅಸ್ತಮಾ ರೋಗಿಗಳು ಹವಾಮಾನ ಬದಲಾವಣೆಗೆ ಹೆಚ್ಚು ಮೈಯೊಡ್ಡಬಾರದು. ಚಳಿಗಾಲದಲ್ಲಿ ಅಸ್ತಮಾ ಉಲ್ಬಣಗೊಳ್ಳುವುದು ಹೆಚ್ಚು.

ಆಹಾರದ ಅಲರ್ಜಿ

ಅಲರ್ಜಿಯನ್ನು ಉಂಟುಮಾಡುವಂತಹ ಕೆಲವೊಂದು ಆಹಾರಗಳೆಂದರೆ ಮೊಟ್ಟೆ, ಹಸುವಿನ ಹಾಲು, ನೆಲಗಡಲೆ, ಸೋಯಾ, ಗೋಧಿ, ಮೀನು, ಸಿಗಡಿ ಇತ್ಯಾದಿ. ಆಹಾರಗಳನ್ನು ಸಂಸ್ಕರಿಸಿ ಇಡುವಂತಹ ಸೋಡಿಯಂ ಬಯೋಸಲ್ಫೆಟ್, ಪೊಟಾಶಿಯಂ ಬಯೋಸಲ್ಪೆಟ್, ಸೋಡಿಯಂ ಮೆಟಬಯೋಸಲ್ಫೆಟ್,ಪೊಟಾಶಿಯಂ ಮೆಟಾಬಯೋಸಲ್ಫೆಟ್ ಮತ್ತು ಸೋಡಿಯಂ ಸಲ್ಪೆಟ್ ನಿಂದ ಅಸ್ತಮಾ ಉಲ್ಬಣಗೊಳ್ಳಬಹುದು.