ಮುದ ನೀಡುವ ಆಹಾರಗಳಿವು! ತಿಂದರೆ ಖುಷಿ-ಖುಷಿ ಆಗಿರುವಿರಿ!

ಬ್ರೆಡ್

ಸಾಮಾನ್ಯವಾದ ಗೋಧಿಯ ಬ್ರೆಡ್‌ನಲ್ಲಿ ಹೆಚ್ಚಿನ ಪ್ರಮಾಣದಲ್ಲಿ ಕಾರ್ಬೋ ಹೈಡ್ರೇಟುಗಳಿವೆ. ಬ್ರೆಡ್ ಸೇವಿಸಿದ ಬಳಿಕ ರಕ್ತದ ಮೂಲಕ ಕೆಲವು ಪೋಷಕಾಂಶಗಳು ಶೀಘ್ರವಾಗಿ ಮೆದುಳಿಗೆ ತಲುಪಿ ಸೆರೋಟೋನಿನ್ ಎಂಬ ಹಾರ್ಮೋನನ್ನು ಉತ್ಪಾದಿಸಲು ನೆರವಾಗುತ್ತದೆ.

ಚಾಕಲೇಟು

ವಿಶೇಷವಾಗಿ ಕಪ್ಪು ಚಾಕಲೇಟಿನಲ್ಲಿರುವ ಪೋಷಕಾಂಶಗಳು ಮೆದುಳಿನಲ್ಲಿ ಮುದವನ್ನುಂಟು ಮಾಡುತ್ತದೆ. ಇದರಲ್ಲಿರುವ ಆಂಟಿ ಆಕ್ಸಿಡೆಂಟುಗಳು ತಿಂದ ಕೆಲವೇ ಕ್ಷಣಗಳಲ್ಲಿ ಮೆದುಳಿನಲ್ಲಿ ಮುದನೀಡುವ ಹಾರ್ಮೋನುಗಳನ್ನು ಉತ್ಪಾದಿಸಿ ಉಲ್ಲಾಸದಿಂದಿರಲು ನೆರವಾಗುತ್ತದೆ. ವಿಶೇಷವಾಗಿ ಖಿನ್ನತೆಯ ಸಮಯದಲ್ಲಿ ಚಾಕಲೇಟು ಆಪತ್ಬಾಂಧವನಾಗಿದೆ.

ಪಾಲಕ್ ಸೊಪ್ಪು

ಪಾಲಕ್ ಸೊಪ್ಪಿನಲ್ಲಿಯೂ ಮೆದುಳಿಗೆ ಮುದ ನೀಡುವ ಕೆಲವು ಪೋಷಕಾಂಶಗಳಿವೆ. ವಿಶೇಷವಾಗಿ ಇದಲ್ಲಿ ಹೆಚ್ಚಿನ ಪ್ರಮಾಣದಲ್ಲಿರುವ ಕಬ್ಬಿಣ ರಕ್ತದ ಹೀಮೋಗ್ಲೋಬಿನ್ ಪ್ರಮಾಣವನ್ನು ಹೆಚ್ಚಿಸುತ್ತದೆ. ಅಲ್ಲದೇ ಮೆದುಳಿಗೆ ರಕ್ತಸಂಚಾರವೂ ಹೆಚ್ಚುತ್ತದೆ. ತನ್ಮೂಲಕ ಮನೋಭಾವವೂ ಉಲ್ಲಾಸಗೊಳ್ಳಲು ನೆರವಾಗುತ್ತದೆ.

ಕಿತ್ತಳೆ

ಖಿನ್ನತೆ, ಬೇಸರ, ಉದ್ವೇಗ ಮೊದಲಾದ ಸಂದರ್ಭಗಳಲ್ಲಿ ತಿನ್ನಲು ಕಿತ್ತಳೆ ಉತ್ತಮ ಆಯ್ಕೆಯಾಗಿದೆ. ಏಕೆಂದರೆ ಇದರಲ್ಲಿರುವ ಸಿಟ್ರಸ್ ಆಮ್ಲ ಮತ್ತು ವಿಟಮಿನ್ ಸಿ ಹಾಗೂ ಫೋಲೇಟ್ ಗಳು ಮೆದುಳಿಗೆ ತಲುಪಿದ ಬಳಿಕ ಮೆದುಳಿನಲ್ಲಿ ಡೋಪಮೈನ್ ಎಂಬ ರಸದೂತವನ್ನು ಉತ್ಪಾದಿಸಲು ನೆರವಾಗುತ್ತದೆ. ಇದರಿಂದ ಮನೋಭಾವವೂ ಉಲ್ಲಸಿತವಾಗುತ್ತದೆ.

ಮೀನು

ಮೀನಿನಲ್ಲಿರುವ ಒಮೆಗಾ-3 ಕೊಬ್ಬಿನ ಆಮ್ಲ ರಕ್ತದಲ್ಲಿ ಬೆರೆತು ಮೆದುಳಿಗೆ ತಲುಪಿದ ಬಳಿಕ ಮೆದುಳಿನಲ್ಲಿ ಸೆರೋಟೋನಿನ್ ಪ್ರಮಾಣ ಹೆಚ್ಚಿಸಲು ನೆರವಾಗುತ್ತದೆ. ಇದು ಮನೋಭಾವವನ್ನು ಉಲ್ಲಸಿತಗೊಳಿಸಲು ನೆರವಾಗುತ್ತದೆ.

ಕೇಸರಿ

ತೆಂಗಿನ ಕಾಯಿ

ತೆಂಗಿನಲ್ಲಿಯೂ ಒಮೆಗಾ-3 ಕೊಬ್ಬಿನ ಆಮ್ಲದ ಪ್ರಮಾಣ ಉತ್ತಮವಾಗಿದ್ದು ಮೆದುಳಿನಲ್ಲಿ ಸೆರೋಟೋನಿನ್ ಪ್ರಮಾಣ ಹೆಚ್ಚಿಸಲು ನೆರವಾಗುತ್ತದೆ. ಅಲ್ಲದೇ ತೆಂಗಿನಲ್ಲಿರುವ ಪೋಷಕಾಂಶಗಳು ನರಗಳನ್ನು ಸಡಿಲಿಸಿ ರಕ್ತಸಂಚಾರ ಹೆಚ್ಚಿಸುವ ಮೂಲಕವೂ ಮನೋಭಾವವನ್ನು ಉತ್ತಮಗೊಳಿಸಲು ನೆರವಾಗುತ್ತದೆ.