ಮಳೆಗಾಲದ ಅಪಾಯಕಾರಿ ರೋಗಗಳ ಬಗ್ಗೆ ಎಚ್ಚರವಿರಲಿ

ಮಲೇರಿಯಾ

ವಿಶ್ವದ ಅತ್ಯಂತ ಅಪಾಯಾಕಾರಿ ಕಾಯಿಲೆ, ಮಲೇರಿಯಾ. ಇದು ಪ್ರೊಟೊಜೋವಾನ್ ಪ್ಲಾಸ್ಮೊಡಿಯಂ ಎಸ್‌ಪಿಪಿನಿಂದ ಹರಡುತ್ತದೆ. (ಪಿ.ವಿವಾಕ್ಸ್, ಪಿ.ಪಾಲ್ಸಿಪರಂ, ಪಿ.ಮಲೇರಿಯೆ ಅಥವಾ ಪಿ.ಓವಲ್). ಈ ಕಾಯಿಲೆಯು ಆನೊಫಿಲಿಸ್ ಎಂಬ ಹೆಣ್ಣು ಸೊಳ್ಳೆಯಿಂದ ಹರಡುತ್ತದೆ. ಇದು ರೋಗಗ್ರಸ್ಥ ವ್ಯಕ್ತಿಯಿಂದ ಆರೋಗ್ಯವಂತ ವ್ಯಕ್ತಿಗೆ ಪಾಥೊಜೆನ್ ಅನ್ನು ವರ್ಗಾವಣೆ ಮಾಡುತ್ತದೆ.

ರೋಗ ಲಕ್ಷಣಗಳು

ಮಲೇರಿಯಾ ಬಂದಾಗ, ಜ್ವರವು ನಿಯಮಿತವಾಗಿ ಕಾಣಿಸಿಕೊಳ್ಳುತ್ತಿರುತ್ತದೆ. ಸಾಮಾನ್ಯವಾಗಿ ಒಂದೇ ಸಮಯದಲ್ಲಿ ಇದು ಕಾಣಿಸಿಕೊಳ್ಳುತ್ತದೆ. ತಲೆನೋವು, ನಾಸಿಯಾ ಮತ್ತು ನಡುಗಿಸುವಂತಹ ಚಳಿ ರೋಗಿಯನ್ನು ಕಾಡುತ್ತದೆ. ಜೊತೆಗೆ ಅವರಿಗೆ ಸ್ನಾಯು ನೋವು ಮತ್ತು ಸುಸ್ತು ಸಹ ಕಾಡುತ್ತದೆ.

ಕಾಲರಾ

ವಿಬ್ರಿಯೊ ಕೊಲೆರೆ ಎಂಬುದು ಪಾಥೊಜೆನ್, ಇದು ಒಂದು ಅಪಾಯಾಕಾರಿ ಕಾಯಿಲೆಯಾಗಿದ್ದು, ಸಣ್ಣ ಕರುಳಿನಲ್ಲಿ ಇದು ಕಾಣಿಸಿಕೊಳ್ಳುತ್ತದೆ. 6-48 ಗಂಟೆಗಳ ಇನ್‍ಕ್ಯುಬೇಷನ್ ಅವಧಿಯಲ್ಲಿ, ಇನ್‌ಫೆಕ್ಷನ್ ಆದ ತಕ್ಷಣ ರೋಗವು ಉಲ್ಬಣಗೊಳ್ಳುತ್ತ ಸಾಗುತ್ತದೆ. ರಸ್ತೆ ಬದಿಯ ಆಹಾರ ಮತ್ತು ನೀರಿನ ಮೂಲಕ ಇದು ಹರಡುತ್ತದೆ. ಕಾಲರಾ ತೀರಾ ಅಪಾಯಕಾರಿ, ಇದು ದೇಹವನ್ನು ರೋಗಗಳ ಗೂಡನ್ನಾಗಿ ಮಾಡುತ್ತದೆ. ಅದರಲ್ಲಿಯೂ ಕಡಿಮೆ ಶುಚಿತ್ವವಿರುವ ಕಡೆ ಇದು ಹೆಚ್ಚು ರೋಗಗಗಳನ್ನು ಉಂಟು ಮಾಡುತ್ತದೆ.

ರೋಗ ಲಕ್ಷಣಗಳು

ಇದು ಬಂದ ಮೇಲೆ ರೋಗಿಗೆ ಅತಿ ಹೆಚ್ಚು ಡಯೇರಿಯಾ ಕಾಣಿಸಿಕೊಳ್ಳುತ್ತದೆ. ಮಲವು ದ್ರವರೂಪದಲ್ಲಿರುತ್ತದೆ, ಆದರೆ ನೋವಿರುವುದಿಲ್ಲ. ಯಾವುದೇ ನಾಸಿಯಾ ಮತ್ತು ಪ್ರಯತ್ನವಿಲ್ಲದೆ ವಾಂತಿ ಬರುತ್ತಿರುತ್ತದೆ. ಕೆಲವೇ ಗಂಟೆಗಳಲ್ಲಿ ರೋಗಿಯ ದೇಹದಲ್ಲಿ ನೀರಿನ ಅಂಶವು ಕಡಿಮೆಯಾಗುತ್ತದೆ. ಜೊತೆಗೆ ತೀವ್ರತರನಾಗಿ ತೂಕ ಕಡಿಮೆಯಾಗುತ್ತದೆ ಮತ್ತು ಮೈ-ಕೈನೋವು ತೀವ್ರವಾಗಿ ಭಾದಿಸುತ್ತದೆ.

ಟೈಫಾಯ್ಡ್

ಈ ರೋಗವು ಬ್ಯಾಕ್ಟೀರಿಯಂ ಸಲ್ಮೊನೆಲ್ಲಾ ಟೈಫಿ ಮತ್ತು ಇನ್ನಿತರ ಹೆಚ್ಚು ಇನ್‌ಫೆಕ್ಷನ್‌ಗಳಿಂದ ಬರುತ್ತದೆ. ಈ ಬ್ಯಾಕ್ಟೀರಿಯಾವು ಮಾನವನ ಕಶ್ಮಲಗಳಲ್ಲಿ ಇರುತ್ತದೆ. ಈ ಕಲ್ಮಶಗಳಿರುವ ಆಹಾರ ಮತ್ತು ನೀರು ಸೇವಿಸುವ ಆರೋಗ್ಯಕರ ವ್ಯಕ್ತಿಯು ಇದಕ್ಕೆ ಸಾಮಾನ್ಯವಾಗಿ ಇದಕ್ಕೆ ಗುರಿಯಾಗುತ್ತಾನೆ (ಇದನ್ನು ಫೇಸಿಯೊ-ಓರಲ್ ರೂಟ್ ಎಂದು ಕರೆಯುತ್ತಾರೆ) ಕೆಲವು ರೋಗಿಗಳಲ್ಲಿ ಈ ಇನ್‌ಫೆಕ್ಷನ್ ಕಾಯಿಲೆ ವಾಸಿಯಾದ ಮೇಲೂ ಅವರ ಮೂತ್ರಕೋಶದಲ್ಲಿ ಈ ಇನ್‍ಫೆಕ್ಷನ್ ಇರುತ್ತದೆ. ಮೂತ್ರದ ಮೂಲಕ ಹೊರ ಬರುವ ಪಾಥೊಜೆನ್ ಮುಂದೆ ಕಾಯಿಲೆ ಕಾರಕವಾಗಿ ವರ್ತಿಸುತ್ತದೆ.

ರೋಗ ಲಕ್ಷಣಗಳು

ತುಂಬಾ ದಿನಗಳಿಂದ ಇರುವ ಜ್ವರವು ಐದನೇ ದಿನದಿಂದ ಹೆಚ್ಚಾಗುತ್ತಾ ಹೋಗುತ್ತದೆ. ತಲೆನೋವು ಮತ್ತು ತೀವ್ರತರನಾದ ಹೊಟ್ಟೆನೋವು ಇದರಲ್ಲಿ ಸಾಮಾನ್ಯ.

ಹೆಪಟೈಟಿಸ್ಎ

ಹೆಪಟೈಟಿಸ್ ಎ ಎಂಬುದು ಒಂದು ವೈರಸ್‌ನಿಂದ ಹರಡುವ ಕಾಯಿಲೆಯಾಗಿರುತ್ತದೆ. ಇದು ಸಹ ಫೆಸಿಯೊ-ಓರಲ್ ಮಾರ್ಗದ ಮೂಲಕ ಹರಡುತ್ತದೆ. ಇದು ಒಂದು ಬಗೆಯ ವಿಭಿನ್ನ ರೋಗ. ಆರೋಗ್ಯವಂತ ವ್ಯಕ್ತಿಯು ರೋಗಿಯ ಸಂಪರ್ಕಕ್ಕೆ ಬರುವ ಮೂಲಕ ಈ ಕಾಯಿಲೆ ಹರಡುತ್ತದೆ. ಇದು ಅಂಟು ರೋಗವಾಗಿದ್ದು, ನೊಣಗಳಿಂದ ಇದು ಹರಡುತ್ತದೆ.

ರೋಗ ಲಕ್ಷಣಗಳು

ರೋಗಿಗಳು ಜ್ವರದ ರೀತಿಯ ಲಕ್ಷಣಗಳನ್ನೆ ಇದರಲ್ಲಿ ತೋರಿಸುತ್ತಾರೆ. ದೇಹದ ಉಷ್ಣಾಂಶವು ತೀರಾ ಹೆಚ್ಚಾಗಿರುತ್ತದೆ. ಜೊತೆಗೆ ತಲೆನೋವು, ಕೀಲು ನೋವುಗಳು ಸಹ ಕಾಡುತ್ತದೆ. ರೋಗಿಯು ಹಸಿವನ್ನು ಕಳೆದುಕೊಳ್ಳುತ್ತಾನೆ ಮತ್ತು ನಾಸಿಯಾ ಹಾಗು ವಾಂತಿ ಅವರಿಗೆ ಹೆಚ್ಚು ಭಾದಿಸುತ್ತದೆ.