ರೆಡಿಮೇಡ್ ಫುಡ್ ಆರೋಗ್ಯಕ್ಕೆ ಎಷ್ಟು ಒಳ್ಳೆಯದು?

Wellness

oi-Sumalatha N

By Sumalatha N

Published: Monday, August 15, 2011, 15:02 [IST]

ಸಮಯದ ಅಭಾವವಿದ್ದಾಗಲೋ ಅಥವಾ ಅಡುಗೆ ತಯಾರಿಸೋದಕ್ಕೆ ಬೇಜಾರಾಗಿಯೋ ರೆಡಿಮೇಡ್ ಆಹಾರ ಸಾಮಾಗ್ರಿಗಳಿಗೆ ಮೊರೆ ಹೋಗುವುದು ಸಾಮಾನ್ಯ. ಆದರೆ ಎಲ್ಲಾ ರೆಡಿಮೇಡ್ ಆಹಾರಗಳೂ ಎಲ್ಲಾ ಸಮಯದಲ್ಲೂ ತಿನ್ನುವುದಕ್ಕೆ ಅಷ್ಟು ಆರೋಗ್ಯಕರವಾಗಿರುವುದಿಲ್ಲ. ಆದರೆ ಯಾವ ರೀತಿಯ ರೆಡಿಮೇಡ್ ಆಹಾರ ಸಾಮಾಗ್ರಿಯನ್ನು ಕೊಂಡುಕೊಂಡರೆ ಉತ್ತಮ ಎಂಬುದನ್ನು ಇಲ್ಲಿ ನೀಡಲಾಗಿದೆ.

* ಬೇಯಿಸಿದ ಮತ್ತು ಕಡಿಮೆ ಎಣ್ಣೆ ಇರುವ ಆಹಾರ ಪದಾರ್ಥವನ್ನೇ ಆಯ್ದುಕೊಳ್ಳಿ. ಆ ಆಹಾರಗಳು ತಾಜಾ ತಯಾರಿಸಿದ್ದಾಗಲಿ.

* ಸಲಾಡ್ ಗಳಂತಹ ಆಹಾರಗಳನ್ನು ತೆಗೆದುಕೊಳ್ಳಿ. ಹೆಚ್ಚು ಖಾರವಿರದಂತಹ ಮತ್ತು ತರಕಾರಿಗಳಿರುವ ರೆಡಿಮೇಡ್ ಆಹಾರವನ್ನು ತೆಗೆದುಕೊಳ್ಳಬಹುದು.

* ಬೆಣ್ಣೆ, ಚೀಸ್, ಕ್ರೀಂ ಮತ್ತು ಇನ್ನಿತರ ಡೈರಿ ಉತ್ಪಾದನೆಗಳನ್ನೊಳಗೊಂಡಿರುವ ಆಹಾರ ಪದಾರ್ಥಗಳನ್ನು ತೆಗೆದುಕೊಳ್ಳದಿದ್ದರೆ ಉತ್ತಮ.

* ಸುಲಭವಾಗಿ ಜೀರ್ಣವಾಗುವಂತಹ ಮತ್ತು ಹೆಚ್ಚು ಶಕ್ತಿ ಒದಗಿಸುವ ಧಾನ್ಯಗಳಿಂದ ತಯಾರಿಸಿರುವ ರೆಡಿಮೇಡ್ ಆಹಾರವನ್ನು ಕೊಂಡುಕೊಳ್ಳಬಹುದು. ಪಾಸ್ತಾ, ರಾಗಿ ಮುದ್ದೆ ಮುಂತಾದವನ್ನು ತೆಗೆದುಕೊಂಡರೆ ನಿಮ್ಮ ಆರೋಗ್ಯ ಸಧೃಡಗೊಳ್ಳುತ್ತದೆ.

* ಎಣ್ಣೆಯಲ್ಲಿ ಕರಿದ, ಎಣ್ಣೆಯಲ್ಲಿ ಅದ್ದಿದ ಮತ್ತು ತುಪ್ಪ ಹೆಚ್ಚು ಬಳಸಿರುವ ಆಹಾರ ಪದಾರ್ಥಗಳನ್ನು ಅಂದರೆ ಅಂಟಾಗಿರುವ ಸಿಹಿ ತಿಂಡಿ ಮತ್ತು ಉಪ್ಪಿನಕಾಯಿಗಳನ್ನು ಮುಟ್ಟದಿರುವುದೇ ಒಳ್ಳೆಯದು.

* ತಕ್ಷಣವೇ ದೊರೆಯುವ ಆದರೆ ಹೆಚ್ಚು ಕ್ಯಾಲೋರಿಗಳನ್ನು ಒಳಗೊಂಡಿರುವ ರೆಡಿಮೇಡ್ ಆಹಾರಗಳನ್ನು ಯಾವುದೇ ಕಾರಣಕ್ಕೂ ತಿನ್ನದಿದ್ದರೆ ಒಳಿತು.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.