Just In
- 2 hrs ago ಗುರು ಸಂಚಾರ 2024: ಕನ್ಯಾ ರಾಶಿಯಲ್ಲಿ 12 ತಿಂಗಳು ಗುರುವಿನ ಪ್ರಭಾವ ಹೇಗಿರಲಿದೆ?
- 11 hrs ago ವಾರ ಭವಿಷ್ಯ: ಸಂಖ್ಯಾಶಾಸ್ತ್ರ ಪ್ರಕಾರ ಈ 7 ದಿನಗಳು ನಿಮಗೆ ಹೇಗಿರಲಿದೆ?
- 11 hrs ago ಜೀವ ಸಂಗಾತಿಗೆ ಹುಟ್ಟು ಹಬ್ಬದಂದು ವಿಶ್ ಮಾಡಲು ಸುಂದರ ಸಾಲುಗಳ ಗ್ರೀಟಿಂಗ್ಸ್ ಇಲ್ಲಿದೆ
- 12 hrs ago ಪರಿಸರ ದಿನ: ಇಂದು ನೀವು ಹೀಗೆ ಮಾಡಿದರೆ ಮುಂದಿನ ಪೀಳಿಗೆಗೆ ನೀಡುವ ದೊಡ್ಡ ಆಸ್ತಿ
Don't Miss
- News ನೇಹಾ ಹಿರೇಮಠ್ ಹತ್ಯೆ; ಕಾಣದ ಕೈಗಳಿಂದ ಕೊಲೆ ಆರೋಪಿ ರಕ್ಷಣೆ ಎಂದ ಜೆಡಿಎಸ್
- Movies ಪಶ್ಚಾತಾಪದ ಅಗ್ನಿಕುಂಡದಲ್ಲಿ ಪರಿಣಿತಿ ಚೋಪ್ರಾ ; ನನ್ನೆಲ್ಲ ಸೋಲುಗಳಿಗೆ ಆ ವ್ಯಕ್ತಿಗಳೇ ಕಾರಣ ಎಂದ ನಟಿ..!
- Automobiles ಪೆಟ್ರೋಲ್ಗೆ ಹೆಚ್ಚು ಹಣ ಖರ್ಚು ಮಾಡುತ್ತಿದ್ದೀರಾ?.. ಇಲ್ಲಿವೆ ಉತ್ತಮ ಎಲೆಕ್ಟ್ರಿಕ್ ಸ್ಕೂಟರ್ಗಳು, ಜಾಸ್ತಿ ಓಡ
- Finance Bengaluru Traffic Police: ಬೆಂಗಳೂರಿನ ಈ ರಸ್ತೆ ಸಂಚಾರ ಮಾರ್ಗ ಬದಲಾವಣೆ, ವಿವರ
- Technology Samsung: ಭಾರತದಲ್ಲಿ ಹೊಸ ವೇರಿಯಂಟ್ನಲ್ಲಿ ಸ್ಯಾಮ್ಸಂಗ್ ಗ್ಯಾಲಕ್ಸಿ F15 5G! ಬೆಲೆ ಎಷ್ಟು?
- Sports RCB: 'ಗೋ ಗ್ರೀನ್' ಭಾಗವಾಗಿ 3 ಕೆರೆಗಳ ಅಭಿವೃದ್ಧಿಪಡಿಸಿದ ಆರ್ಸಿಬಿ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಇದೇ 7 ಕಾರಣದಿಂದಾಗಿ ಕೆಲಸ ಮಾಡುವ ಸ್ಥಳದಲ್ಲಿ, ನಿಮ್ಮ ತೂಕ ಹೆಚ್ಚಾಗುತ್ತಿರುವುದು!
ಕೆಲಸ ಮಾಡುವ ಸ್ಥಳ ಸಾಮಾನ್ಯವಾಗಿ ನಾವೆಲ್ಲ ದಿನದ ಹೆಚ್ಚು ಹೊತ್ತು ಕಳೆಯುವ ಸ್ಥಳವಾಗಿರುತ್ತದೆ.ಕೆಲಸ ಮಾಡುವ ಸಮಯದಲ್ಲಿ ದೇಹದ ತೂಕ ಹೆಚ್ಚಳವಾಗುವುದು ಸಹ ಅನೇಕರಲ್ಲಿ ಕಂಡು ಬರುತ್ತದೆ.
ಹಾಗಾದರೆ ಕೆಲಸದ ಅವಧಿಯಲ್ಲಿ ತೂಕ ಹೆಚ್ಚಾಗಲು ಕಾರಣಗಳೇನು ಎಂಬ ಕುತೂಹಲ ನಿಮ್ಮಲ್ಲಿದ್ದರೆ ಈ ಅಂಕಣ ಓದಿ.
ಕೆಲಸದ ಸ್ಥಳದಲ್ಲಿ ತೂಕ ಹೆಚ್ಚಾಗುವಿಕೆ
ನೀವು ಪ್ರತಿದಿನ ವ್ಯಾಯಾಮ ಮಾಡುತ್ತಿರಬಹುದು. ಭಾನುವಾರ ಸಹ ಬಿಡದೆ ನಿಮ್ಮ ದೇಹವನ್ನು ದಂಡಿಸುತ್ತಿರಬಹುದು. ಆದರೂ ದೇಹದ ತೂಕ ಮಾತ್ರ ಕಡಿಮೆಯಾಗುವ ಲಕ್ಷಣಗಳು ಕಾಣುವುದೇ ಇಲ್ಲ. ತೂಕ ಇಳಿಸಿಕೊಳ್ಳಲು ಬೇಕಾದ ಎಲ್ಲವನ್ನು ಮಾಡಿದರೂ ಯಾವುದೇ ಪ್ರಯೋಜನವಾಗುವುದೇ ಇಲ್ಲ. ಇತ್ತೀಚಿನ ಆಧುನಿಕ ಜೀವನಶೈಲಿಯಲ್ಲಿ ಕೆಲಸ ಹಾಗೂ ಜೀವನಕ್ರಮದ ಸಮತೋಲನ ಸಾಧ್ಯವಾಗದೆ ಅದು ಆರೋಗ್ಯದ ಮೇಲೂ ಪರಿಣಾಮ ಬೀರಲಾರಂಭಿಸಿದೆ. ತೂಕ ಕಡಿಮೆ ಮಾಡಿಕೊಳ್ಳಲು ಏನೇ ಮಾಡಿದರೂ ತೂಕ ಇಳಿಯದಿರಲು ಕೆಲ ಪ್ರಮುಖ ಕಾರಣಗಳನ್ನು ಇಲ್ಲಿ ತಿಳಿಸಲಾಗಿದ್ದು, ಓದಿ ತಿಳಿದುಕೊಳ್ಳಿ.
ಆಧುನಿಕ ಶೈಲಿಯ ಆಹಾರ ಕ್ರಮ
ಬಹುತೇಕ ಕಾರ್ಪೊರೇಟ್ ಕಂಪನಿಗಳಲ್ಲಿ ತಂಡ ರೂಪಿಸುವ ಕ್ರಮವಾಗಿ ಪುಷ್ಕಳ ಊಟವನ್ನು ಉದ್ಯೋಗಿಗಳಿಗೆ ನೀಡಲಾಗುತ್ತದೆ. ತಿಂಗಳಲ್ಲಿ ಹಲವಾರು ಬಾರಿ ಈ ರೀತಿಯ ಆಹಾರ ಸೇವಿಸುವುದರಿಂದ ತೂಕ ಹೆಚ್ಚಾಗುತ್ತದೆ. ಔತಣಕೂಟಗಳಲ್ಲಿ ನಾವು ಮನೆಯಲ್ಲಿ ಸಾಮಾನ್ಯವಾಗಿ ಸೇವಿಸದ ಭೂರಿ ಭೋಜನಗಳನ್ನು ಸೇವಿಸುತ್ತೇವೆ. ಇದರಿಂದ ತೂಕ ಕಡಿಮೆ ಮಾಡಲು ಸಾಧ್ಯವಾಗುವುದೇ ಇಲ್ಲ. ಆದ್ದರಿಂದ ಯಾವುದೇ ಔತಣಕೂಟಕ್ಕೆ ಹೋದರೂ ಆದಷ್ಟೂ ಸಲಾಡ್, ಹಸಿ ತರಕಾರಿ, ಗೆಡ್ಡೆ ಗೆಣಸುಗಳನ್ನು ಹೆಚ್ಚಿಗೆ ಸೇವಿಸಿ ತೂಕ ಹೆಚ್ಚಾಗದಂತೆ ನೋಡಿಕೊಳ್ಳಬೇಕು.
ಯಾವಾಗ ತಿನ್ನಬೇಕೆಂದು ವಿಚಾರ ಮಾಡದೆ ತಿನ್ನುವುದು
ತಿನ್ನುವ ಮುಂಚೆ ಯಾವಾಗ ತಿನ್ನಬೇಕು, ಏನನ್ನು ತಿನ್ನಬೇಕು ಎಂಬುದನ್ನು ಸರಿಯಾಗಿ ವಿಚಾರ ಮಾಡಬೇಕಾಗುತ್ತದೆ. ಮಧ್ಯಾಹ್ನ ಊಟದಲ್ಲಿ ಮನೆಯಿಂದ ತಂದ ಉತ್ತಮವಾದ ಊಟವನ್ನೇ ಸವಿದರೂ ಸಂಜೆ ನಾಲ್ಕಕ್ಕೆಲ್ಲ ಮತ್ತೆ ಹಸಿವಾದಂತಾಗಿ ಸ್ಯಾಂಡವಿಚ್ ಅಥವಾ ಇನ್ನೇನೋ ಜಂಕ್ ಫುಡ್ ತಿಂದು ಹೊಟ್ಟೆ ತುಂಬಿಸಿಕೊಳ್ಳುವಂತಾಗುತ್ತದೆ. ಹೀಗಾಗಿ ಸಂಜೆ ಹಸಿವಾದಾಗ ಸೇವಿಸಲು ಮನೆಯಿಂದಲೇ ಕೆಲ ಆರೋಗ್ಯಕರ ಹಾಗೂ ಎಣ್ಣೆ ರಹಿತವಾದ ಲಘು ಆಹಾರಗಳನ್ನು ತರುವುದು ಒಳಿತು.
Most Read: ತೂಕ ಇಳಿಸಿಕೊಳ್ಳಲು ಸಿಂಪಲ್ ಟಿಪ್ಸ್-ತಿಂಗಳೊಳಗೆ ಫಲಿತಾಂಶ
ವಾತಾವರಣದ ಪರಿಣಾಮ
ವೈಜ್ಞಾನಿಕ ಅಧ್ಯಯನಗಳ ಪ್ರಕಾರ ನಾವು ವಾಸಿಸುವ ಕೋಣೆಯಲ್ಲಿ ಮಂದವಾದ ಪ್ರಕಾಶವಿದ್ದರೆ ಆಹಾರ ಸೇವನೆಯ ಪ್ರಮಾಣ ಜಾಸ್ತಿಯಾಗುತ್ತದೆ ಎನ್ನಲಾಗಿದೆ. ಇದು ಕೋಣೆಯ ಉಷ್ಣತೆಗೂ ಅನ್ವಯಿಸುತ್ತದೆ. ಒಂದು ವೇಳೆ ನಿಮ್ಮ ಆಫೀಸ್ ಕೋಣೆಯಲ್ಲಿ ಮಂದ ಬೆಳಕಿರುತ್ತಿದ್ದರೆ ಆಗಾಗ ಹೊರಗೆ ಹೋಗಿ ಚಿಕ್ಕ ವಾಕ್ ಮಾಡಬೇಕು.
ಬೇಕಾಬಿಟ್ಟಿ ಕೆಲಸದ ಅವಧಿ
ತಡರಾತ್ರಿವರೆಗೆ ಕೆಲಸ ಹಾಗೂ ಬೆಳಗ್ಗೆ ಬೇಗ ಕೆಲಸ ಆರಂಭಿಸುವುದರಿಂದ ಊಟದ ಸಮಯದಲ್ಲಿ ಏರುಪೇರಾಗುತ್ತದೆ. ಸಮಯದ ಅಭಾವ ಉಂಟಾದಾಗ ಸಹಜವಾಗಿಯೇ ಎಲ್ಲ ವ್ಯಾಯಾಮ ಹಾಗೂ ಇನ್ನಿತರ ಕೆಲಸಗಳನ್ನು ಬದಿಗೊತ್ತಿ ಮಲಗುವುದು ಅನಿವಾರ್ಯವಾಗುತ್ತದೆ. ಇದರಿಂದ ದೇಹದಲ್ಲಿ ಹಾರ್ಮೋನ್ಗಳ ವ್ಯತ್ಯಾಸವಾಗಿ ಯಾವಾಗಲೂ ಹಸಿವಿನ ಭಾವನೆ ಮೂಡುತ್ತದೆ. ಇಂಥ ಸಂದರ್ಭಗಳಲ್ಲಿ ಆದಷ್ಟೂ ವಾಕ್ ಅಥವಾ ದೈಹಿಕ ಶ್ರಮದ ಕೆಲಸ ಮಾಡುವುದು ಸೂಕ್ತ.
ಒತ್ತಡದಲ್ಲಿ ತಿನ್ನುವುದು
ಈಗಿನ ಜೀವನಶೈಲಿಯಲ್ಲಿ ಬಹುತೇಕ ಎಲ್ಲರೂ ಒತ್ತಡದಿಂದ ಬಳಲುವಂತಾಗಿದೆ. ಮಾನಸಿಕ ಒತ್ತಡದಿಂದ ಅವಶ್ಯಕತೆಗಿಂತಲೂ ಹೆಚ್ಚು ಆಹಾರ ಸೇವಿಸುವಂತಾಗುತ್ತದೆ. ಅನವಶ್ಯಕ ಸಮಯದಲ್ಲಿ ಹೊಟ್ಟೆ ಚುರುಗುಡಲಾರಂಭಿಸಿ ಹಸಿವಾಗತೊಡಗುತ್ತದೆ. ಇದರಿಂದ ನಾವು ಬಯಸದಿದ್ದರೂ ಏನನ್ನೋ ತಿಂದು ಸಮಾಧಾನ ಪಡಬೇಕಾಗುತ್ತದೆ. ಉತ್ತಮ ನಿದ್ರೆ ಮಾಡುವುದು ಹಾಗೂ ನಿಯಮಿತವಾಗಿ ವ್ಯಾಯಾಮ ಮಾಡುವುದರಿಂದ ಇಂಥ ಸಮಸ್ಯೆಗಳಿಂದ ಪಾರಾಗಬಹುದು.
Most Read: ಶೀತ ಹಾಗೂ ಕೆಮ್ಮಿಗೆ 'ಇಂಗಿನ ಔಷಧಿ'-ಒಂದೆರಡು ದಿನಗಳಲ್ಲಿಯೇ ಪರಿಹಾರ
ಏಕ ಕಾಲಕ್ಕೆ ಹಲವಾರು ಕೆಲಸ
ಮಾನವನ ದೇಹವು ಏಕಕಾಲಕ್ಕೆ ಹಲವಾರು ಕೆಲಸಗಳನ್ನು ಮಾಡಲು ಶಕ್ತವಾಗಿದೆಯಾದರೂ ಸತತವಾಗಿ ಏಕಕಾಲಕ್ಕೆ ಹಲವಾರು ಕೆಲಸಗಳಲ್ಲಿ ತೊಡಗಿದರೆ ಒತ್ತಡ ಜಾಸ್ತಿಯಾಗಿ ಹಸಿವು ಹೆಚ್ಚಾಗುತ್ತದೆ. ದಿನವಿಡೀ ನಿಮ್ಮ ದೇಹ ಹಾಗೂ ಮನಸ್ಸುಗಳೆರಡೂ ಬೇರೆ ಬೇರೆ ರೀತಿಯ ಕೆಲಸಗಳಲ್ಲಿ ತೊಡಗಿರುತ್ತವೆ. ಹೀಗಾಗಿ ಕೆಲಸ ಮುಗಿದ ತಕ್ಷಣವೇ ಆಯಾಸ ಆವರಿಸಿದಂತಾಗುತ್ತದೆ. ಇಂಥ ಸ್ಥಿತಿಯಲ್ಲಿ ಕೈಗೆ ಸಿಕ್ಕಿದ್ದನ್ನು ತಿಂದು ನೆಮ್ಮದಿ ಪಡೆಯುವಂತಾಗುತ್ತದೆ. ಇಂಥ ಸ್ಥಿತಿಗಳಲ್ಲಿ ಆದಷ್ಟೂ ಡ್ರೈ ಫ್ರೂಟ್ಗಳನ್ನು ಸೇವಿಸುತ್ತ ಜಂಕ್ ಫುಡ್ಗಳಿಂದ ದೂರವಿರಲು ಯತ್ನಿಸಬೇಕು.
ಕಡಿಮೆ ನೀರು ಸೇವನೆ
ಕಡಿಮೆ ನೀರು ಸೇವಿಸುವುದು ಕೆಲಸದ ಸ್ಥಳದಲ್ಲಿ ತೂಕ ಹೆಚ್ಚಾಗಲು ಪ್ರಮುಖ ಕಾರಣವಾಗಿದೆ. ಸತತ ಕೆಲಸದ ಮಧ್ಯೆ ನೀರು ಕುಡಿಯುವುದು ಸಹ ಮರೆತು ಹೋಗಿರುತ್ತದೆ. ಕಡಿಮೆ ನೀರು ಸೇವನೆ ಹಾಗೂ ಜಾಸ್ತಿ ಟೀ, ಕಾಫಿ ಸೇವಿಸುವುದರಿಂದ ತಾತ್ಕಾಲಿಕ ರಿಲೀಫ್ ಸಿಕ್ಕಂತಾದರೂ ನಂತರ ಸಿಕ್ಕಾಪಟ್ಟೆ ಬಳಲಿಕೆ ಆವರಿಸುತ್ತದೆ. ಅಲ್ಲದೆ ಇದರಿಂದ ಸುಖಾಸುಮ್ಮನೆ ತೂಕ ಹೆಚ್ಚಿಸಿಕೊಂಡಂತಾಗುತ್ತದೆ. ಕೆಲಸದ ಟೇಬಲ್ ಮೇಲೆ ಯಾವಾಗಲೂ ನೀರಿನ ಬಾಟಲ್ ಇಟ್ಟುಕೊಂಡು ಆಗಾಗ ನೀರು ಸೇವಿಸುತ್ತಿರುವುದು ಆರೋಗ್ಯಕ್ಕೆ ಅತ್ಯುತ್ತಮವಾಗಿದೆ.