ಈ ಪ್ರೋಟೀನ್ ಜ್ಯೂಸ್ ಕುಡಿದರೆ ತಿಂಗಳೊಳಗೆ ದೇಹದ ತೂಕ ಇಳಿಯುವುದು!

1. ಬಾದಾಮಿ + ತೆಂಗಿನಕಾಯಿ ಪ್ರೋಟೀನ್ ಶೇಕ್:

ಪ್ರೋಟೀನ್‍ಗಳ ಸಮೃದ್ಧ ಮೂಲವಾದ 20 ಬಾದಾಮಿಯಲ್ಲಿ 5 ಗ್ರಾಂ ಪ್ರೋಟೀನ್ ಅಡಗಿರುತ್ತದೆ. ತೆಂಗಿನಕಾಯಿಯಲ್ಲಿ ಕೊಲೆಸ್ಟ್ರೋಲೈಡ್‍ಗಳು ಇರುತ್ತವೆ. ಬಾದಾಮಿಯಲ್ಲಿರುವ ಉತ್ತಮ ಪ್ರೋಟೀನ್‍ಗಳು ದೇಹಕ್ಕೆ ಪ್ರೋಟೀನ್ ಪೂರೈಸುತ್ತದೆ. ತೆಂಗಿನಕಾಯಿಯಲ್ಲಿರುವ ಕೊಲೆಸ್ಟ್ರೋಲೈಟ್ ಗಳು ದೇಹವನ್ನು ಹೈಡ್ರೀಕರಿಸುತ್ತದೆ.

-ರಾತ್ರಿ ಬಾದಾಮಿ ಬೀಜ ಮತ್ತು ತೆಂಗಿನಕಾಯಿ ಚೂರುಗಳನ್ನು ನೆನೆಯಿಡಿ.

-ಬೆಳಗ್ಗೆ ನೀರನ್ನು ಬೇರ್ಪಡಿಸಿ.

-ಬಾದಾಮಿ, ತೆಂಗಿನಕಾಯಿ ಚೂರು ಮತ್ತು ಹಾಲನ್ನು ಸೇರಿಸಿ ನಯವಾಗಿ ರುಬ್ಬಿಕೊಳ್ಳಿ.

- ನಂತರ ಅದರ ರುಚಿ ಹೆಚ್ಚಿಸಲು ದಾಲ್ಚಿನ್ನಿ ಪುಡಿ ಮತ್ತು ಜೇನುತುಪ್ಪವನ್ನು ಸೇರಿಸಿ, ಸವಿಯಿರಿ.

2. ಚಾಕೋಲೇಟ್+ ಬಾಳೆಹಣ್ಣು ಪ್ರೋಟೀನ್ ಶೇಕ್:

ಚಾಕಲೇಟ್ ಮತ್ತು ಬಾಳೆಹಣ್ಣು ದೇಹಕ್ಕೆ ಬೇಕಾದ ಸೂಕ್ತ ಜೀವಸತ್ವ ಮತ್ತು ಖನಿಜಗಳನ್ನು ಒದಗಿಸುತ್ತವೆ.

- ಒಂದು ಕಪ್ ಬಾಳೆಹಣ್ಣಿಗೆ 1 ಟೇಬಲ್ ಚಮಚ ಚಾಕೋಲೇಟ್ ಪುಡಿಯನ್ನು ಸೇರಿಸಿ, ರುಬ್ಬಿಕೊಳ್ಳಿ.

- ಅದನ್ನು ಜ್ಯೂಸ್ ರೀತಿಯಾಗಿ ತೆಳುವಾಗಿ ಮಾಡಲು ಹಾಲು ಅಥವಾ ಮೊಸರನ್ನು ಸೇರಿಸಿಕೊಳ್ಳಿ.

- ರುಚಿ ಹೆಚ್ಚಿಸಿಕೊಳ್ಳಲು ದಾಲ್ಚಿನ್ನಿ ಪುಡಿಯನ್ನು ಸೇರಿಸಬಹುದು.

3. ಬೆರ್ರಿ ಪ್ರೋಟೀನ್ ಶೇಕ್:

ಬೆರ್ರಿ ಹಣ್ಣುಗಳು ಶಕ್ತಿಯುತವಾದ ಉತ್ಕರ್ಷಣ ನಿರೋಧಕಗಳಾಗಿರುತ್ತವೆ. ಅವು ತೂಕವನ್ನು ಇಳಿಸಲು ಸಹಾಯ ಮಾಡುವ ಫೈಬರ್ ಅಂಶವನ್ನು ನೀಡುತ್ತದೆ. ಇದಕ್ಕೆ ವಿವಿಧ ಹಣ್ಣುಗಳನ್ನು ಸೇರಿಸಿಕೊಳ್ಳಬಹುದು.

- 7-8 ಬೆರ್ರಿ ಹಣ್ಣು, 1/2 ಕಪ್ ಹಾಲಿನ ಕಾಟೇಜ್ ಚೀಸ್, 1/4 ಕಪ್ ನೀರನ್ನು ಸೇರಿಸಿ, ರುಬ್ಬಿಕೊಳ್ಳಿ.

- ನಂತರ ರುಚಿಗೆ ತಕ್ಕಷ್ಟು ಜೇನುತುಪ್ಪ ಸೇರಿಸಿ, ಸೇವಿಸಿ.

4. ಕಡಲೆಕಾಯಿ ಬೆಣ್ಣೆ ಪ್ರೋಟೀನ್ ಶೇಕ್:

ಕಡಲೆಕಾಯಿ ಬೆಣ್ಣೆ ಶ್ರೀಮಂತ ಪ್ರೋಟೀನ್‍ಗಳನ್ನು ಒಳಗೊಂಡಿದೆ.

-1 ಕಪ್ ಮೊಸರು, 1/2 ಕಪ್ ಬಾದಾಮಿ ಹಾಲು ಮತ್ತು 2 ಟೇಬಲ್ ಚಮಚ ಕಡಲೆಕಾಯಿ ಬೆಣ್ಣೆಯನ್ನು ಸೇರಿಸಿ, ರುಬ್ಬಿ.

- ಬೇಕಿದ್ದರೆ ಬಾಳೆ ಹಣ್ಣನ್ನು ಸೇರಿಸಿ ಸವಿಯಬಹುದು.

5. ವೆಗಾನ್ ಪ್ರೋಟೀನ್ ಶೇಕ್:

ಡೈರಿ ಉತ್ಪನ್ನಗಳಿಂದ ಅಲರ್ಜಿ ಹೊಂದಿರುವ ವ್ಯಕ್ತಿಗಳು ವೆಗಾನ್ ಶೇಕ್‍ನ ಮೊರೆ ಹೋಗಬಹುದು. ಸಸ್ಯಹಾರಿ ಉತ್ಪನ್ನವಾದ ಇದರಲ್ಲಿ ಲ್ಯಾಕ್ಟೋಸ್ ಅಧಿಕವಾಗಿ ಇರುತ್ತದೆ.

-ಬಾದಾಮಿ ಅಥವಾ ಗೋಡಂಬಿ ಬೀಜ 1 ಕಪ್, 1 ಬಾಳೆಹಣ್ಣು, 1 ಟೀ ಚಮಚ ಜೇನುತುಪ್ಪ, 1 ಟೀಚಮಚ ವೆನಿಲ್ಲಾ ಸಾರ.

-ಇವೆಲ್ಲವನ್ನು ಮಿಶ್ರಗೊಳಿಸಿ ಜ್ಯೂಸ್ ಮಾಡಿ, ಫ್ರಿಜ್‍ನಲ್ಲಿ ಇಡಿ.

-ನಂತರ ತಂಪಾದ ಪ್ರೋಟೀನ್ ಶೇಕ್‍ಅನ್ನು ಸೇವಿಸಿ.

6. ಬಾಳೆಹಣ್ಣು -ಸ್ಟ್ರಾಬೆರ್ರಿ +ಚಿಯಾ ಬೀಜಗಳ ಪ್ರೋಟೀನ್ ಶೇಕ್:

ಚಿಯಾ ಬೀಜಗಳು ಉತ್ತಮ ಪ್ರೋಟೀನ್, ಬಾಳೆಹಣ್ಣುಗಳು ಪೊಟ್ಯಾಸಿಯಮ್ ಗಳಿಂದ ತುಂಬಿರುತ್ತದೆ. ಇವುಗಳ ಮಿಶ್ರಣದಿಂದ ಶೇಕ್ ತಯಾರಿಸಿ.

- ಸ್ವಲ್ಪ ಚಿಯಾ ಬೀಜಗಳು, 1, ಬಾಳೆ ಹಣ್ಣು, ಸ್ಟ್ರಾಬೆರ್ರಿ, ಹಾಲು ಮತ್ತು ಜೇನುತುಪ್ಪವನ್ನು ಸೇರಿಸಿ, ರುಬ್ಬಿ.

- ನಂತರ ಐಸ್ ಚೂರುಗಳನ್ನು ಸೇರಿಸಿ ದಪ್ಪವಾದ ಪ್ರೋಟೀನ್ ಶೇಕ್‍ಅನ್ನು ಸವಿಯಿರಿ.

7. ಮಾವಿನ ಹಣ್ಣು+ಬಾಳೆಹಣ್ಣು ಪ್ರೋಟೀನ್ ಶೇಕ್:

ಮಾವಿನ ಹಣ್ಣಿನಲ್ಲಿ ವಿಟಮಿನ್ ಎ ಮತ್ತು ಸಿ ಹಾಗೂ ಪೊಟ್ಯಾಸಿಯಮ್ ಇರುತ್ತದೆ. ಇದರೊಂದಿಗೆ ಪ್ರೋಟೀನ್ ಭರಿತ ಬಾಳೆಹಣ್ಣನ್ನು ಸೇರಿಸಿದರೆ ಉತ್ತಮ ಪಾನೀಯವಾಗುವುದು.

- ರುಬ್ಬಿಕೊಂಡ ಮಾವಿನ ಹಣ್ಣಿಗೆ, ಬಾಳೆಹಣ್ಣಿನ ಪೇಸ್ಟ್, ಕಡಲೇಕಾಯಿ ಬೆಣ್ಣೆ ಮತ್ತು ಹಾಲನ್ನು ಸೇರಿಸಿ, ನಯವಾಗಿ ರುಬ್ಬಿ.

- ಐಸ್ ಪುಡಿಯನ್ನು ಸೇರಿಸಿ ತಕ್ಷಣವೇ ಸೇವಿಸಿ.

8. ಬ್ಲೂಬೆರ್ರಿ-ಬಾದಾಮಿ ಬೆಣ್ಣೆ+ ಬಾಳೆಹಣ್ಣಿನ ಶೇಕ್:

ಬ್ಲೂಬೆರ್ರಿ ಉತ್ಕರ್ಷಣ ನಿರೋಧಕ ಮತ್ತು ವಿಟಮಿನ್ ಸಿ ಯೊಂದಿಗೆ ಆವೃತ್ತವಾಗಿರುತ್ತದೆ. ಇದನ್ನು ಬಾದಾಮಿ ಮತ್ತು ಮೊಸರಿನೊಂದಿಗೆ ಸೇರಿಸಿದರೆ ಸಮೃದ್ಧವಾದ ಪ್ರೋಟೀನ್ ಶೇಕ್ ಆಗುತ್ತದೆ.

- ಬ್ಲೂಬೆರ್ರಿ ಹಣ್ಣುಗಳು, ಬಾಳೆ ಹಣ್ಣು, ಬಾದಾಮಿ ಬೆಣ್ಣೆ ಮತ್ತು ಮೊಸರನ್ನು ಸೇರಿಸಿ, ರುಬ್ಬಿ.

- ಮಿಶ್ರಣಕ್ಕೆ ಐಸ್ ಚೂರುಗಳನ್ನು ಸೇರಿಸಿ, ಸವಿಯಿರಿ.

9. ಓಟ್‍ಮೀಲ್+ಸೇಬು ಪ್ರೋಟೀನ್ ಶೇಕ್:

ಸೇಬು ಹಣ್ಣಿನಲ್ಲಿರುವ ಫೈಟೊನ್ಯೂಟ್ರಿಯಂಟ್‍ಗಳು ರಕ್ತದಲ್ಲಿರುವ ಸಕ್ಕರೆ ಪ್ರಮಾಣವನ್ನು ಸ್ಥಿರವಾಗಿಸಿ ನಿಯಂತ್ರಣದಲ್ಲಿಟ್ಟುಕೊಳ್ಳುತ್ತದೆ. ಓಟ್ ಮೀಲ್‍ನೊಂದಿಗೆ ಸೇಬುವನ್ನು ಸೇರಿಸುವುದರಿಂದ ಉತ್ತಮ ಫೈಬರ್‍ಅಂಶವನ್ನು ಪಡೆಯಬಹುದು.

- ಓಟ್‍ಮೀಲ್, ಹಾಲು, ಸೇಬು ಮತ್ತು ಜೇನುತುಪ್ಪವನ್ನು ಸೇರಿಸಿ, ರುಬ್ಬಿಕೊಳ್ಳಿ.

- ದಪ್ಪವಾದ ಈ ಮಿಶ್ರಣವನ್ನು ತಂಪಾಗಿಸಿಕೊಂಡು ಸವಿಯಿರಿ.

10. ಆವಕಾಡೊ+ ಬಾಳೆಹಣ್ಣು ಪ್ರೋಟೀನ್ ಶೇಕ್:

ಆವಕಾಡೊ ಅಥವಾ ಬೆಣ್ಣೆ ಹಣ್ಣು ಉತ್ತಮ ಕೊಬ್ಬಿನಾಮ್ಲ ಮತ್ತು ಫೈಬರ್‍ನಿಂದ ತುಂಬಿಕೊಂಡಿದೆ. ಇದು ತೂಕ ನಷ್ಟಕ್ಕೆ ಸಹಾಯ ಮಾಡುವುದು.

- ಬಾಳೆಹಣ್ಣು, ಆವಕೊಡಾ ಮತ್ತು ಹಾಲನ್ನು ಸೆರಿಸಿ, ರುಬ್ಬಿ

- ನಯವಾದ ಮಿಶ್ರಣಕ್ಕೆ ಜೇನುತುಪ್ಪವನ್ನು ಸೇರಿಸಿ, ತಣ್ಣಗಾಗಿಸಿ ಸೇವಿಸಿ.

11. ಮೊಟ್ಟೆ ಪ್ರೋಟೀನ್ ಶೇಕ್:

ತೂಕವನ್ನು ಇಳಿಸಲು ಸಹಾಯ ಮಾಡುವ ಪ್ರೋಟಿನ್ ಶೇಕ್‍ಗಳಲ್ಲಿ ಮೊಟ್ಟೆ ಪ್ರೋಟೀನ್ ಶೇಕ್ ಸಹ ಒಂದು.

- 1 ಹಸಿ ಮೊಟ್ಟೆ, ಹಾಲು, ಬಾಳೆಹಣ್ಣು, ಜೇನುತುಪ್ಪ ಮತ್ತು ದಾಲ್ಚಿನ್ನಿ ಪುಡಿ ಸೇರಿಸಿ ಮಿಶ್ರಗೊಳಿಸಿ.

- ತಂತರ ಫ್ರಿಜ್‍ನಲ್ಲಿ ತಣ್ಣಗಾಗಿಸಿ ಸವಿಯಿರಿ.