ನಿಮಗೂ ದೇಹದ ತೂಕ ಇಳಿಸಬೇಕೆಂದರೆ ಈ ಉಪಹಾರವನ್ನು ಸೇವಿಸಿ

ಓಟ್‌ಮೀಲ್

ಇದೊಂದು ಪೂರ್ಣ ಪ್ರಮಾಣದ ಧಾನ್ಯವಾಗಿದ್ದು ಕೊಬ್ಬು ಮತ್ತು ಕ್ಯಾಲೋರಿ ಮಿತ ಪ್ರಮಾಣದಲ್ಲಿದೆ. ಇದರ ಸುಗಂಧ ಕೂಡ ನಿಮ್ಮ ಮನಸೆಳೆಯುವಂಥಿದ್ದು ನಿಮ್ಮ ಆಯ್ಕೆಯ ಯಾವುದೇ ಹಣ್ಣು, ಡ್ರೈ ಫ್ರುಟ್ಸ್ ಅನ್ನು ಇದರ ಟೋಪಿಂಗ್‌ಗೆ ಬಳಸಿ ನಿಮಗೆ ಸೇವಿಸಬಹುದು. ಸ್ಟ್ರಾಬೆರಿ, ಬಾಳೆಹಣ್ಣು ಮೊದಲಾದ ಹಣ್ಣುಗಳೂ ಕೂಡ ಇದಕ್ಕೆ ಉತ್ತಮ ರುಚಿಯನ್ನು ನೀಡುತ್ತದೆ. ಡ್ರೈ ಫ್ರುಟ್ಸ್‌ಗಳಾದ ರೈಸನ್ಸ್, ಬಾದಾಮಿ ಸಹ ಓಟ್ಸ್‌ಗೆ ಪರಿಪೂರ್ಣ ರುಚಿಯನ್ನು ನೀಡುತ್ತದೆ.

ಟೋಸ್ಟ್

ಡ್ರೈ ಟೋಸ್ಟ್ ಕೂಡ ನಿಮ್ಮ ಬೆಳಗ್ಗಿನ ಬ್ರೇಕ್‌ಫಾಸ್ಟ್‌ಗೆ ಒಂದು ಉತ್ತಮ ಆರಂಭವಾಗಿದೆ. ಇದನ್ನು ಇನ್ನೂ ರುಚಿಕಟ್ಟಾಗಿಸಲು ಕೆಲವೊಂದು ಸಾಮಾಗ್ರಿಗಳನ್ನು ನೀವು ಬಳಸಬಹುದು. ಜೇನು ಅಥವಾ ಪೀನಟ್ ಬೆಣ್ಣೆಯನ್ನು ಟೋಸ್ಟ್ ಮೇಲೆ ಸವರಿ ಆರೋಗ್ಯಪೂರ್ಣ ಬ್ರೇಕ್‌ಫಾಸ್ಟ್‌ನಿಂದ ದಿನವನ್ನು ಆರಂಭಿಸಿ.

ಸಿರೆಲ್ಸ್

ನಾರಿನಂಶಗಳಿಂದ ಕೂಡಿದ ಸಿರೆಲ್ಸ್ ನಿಮ್ಮ ಬೆಳಗ್ಗಿನ ಬ್ರೇಕ್‌ಫಾಸ್ಟ್‌ಗೆ ತುಂಬಾ ಹಿತಕಾರಿ. ಕೊಬ್ಬಿನಂಶ ಕಡಿಮೆ ಇದ್ದು ನಾರಿನಂಶ ಹೆಚ್ಚು ಸಿರೆಲ್ಸ್‌ನಲ್ಲಿ ಇದೆ. ಕೆನೆರಹಿತ ಹಾಲನ್ನು ಮತ್ತು ರೈಸನ್ಸ್, ಬಾದಾಮಿಯನ್ನು ಮಿಶ್ರ ಮಾಡಿಕೊಂಡು ಸಿರೆಲ್ಸ್ ಅನ್ನು ಸವಿಯಿರಿ.

ಆಮ್ಲೇಟ್

ಮೊಟ್ಟೆಯು ತೂಕ ಇಳಿಸುವಲ್ಲಿ ಸಹಕಾರಿಯಾಗಿರುವ ಆಹಾರವಾಗಿದೆ. ಇದರಿಂದ ತಯಾರಿಸಲಾದ ಆಮ್ಲೇಟ್ ಕೂಡ ಕೊಬ್ಬಿನಂಶವನ್ನು ಸೊನ್ನೆ ಪ್ರಮಾಣದಲ್ಲಿ ಒಳಗೊಂಡಿದೆ. 2-3 ಮೊಟ್ಟೆಯನ್ನು ಒಡೆದು ಅದಕ್ಕೆ ಈರುಳ್ಳಿ ಹಾಕಿ ನಾನ್‌ಸ್ಟಿಕ್ ಪ್ಯಾನ್‌ನಲ್ಲಿ ಆಮ್ಲೇಟ್ ತಯಾರಿಸಿ.

ಗ್ರಾನೋಲಾ ಬಾರ್ಸ್

ಬೆಳಗ್ಗೆ ಖಾಲಿಹೊಟ್ಟೆಯಲ್ಲಿ ಇರುವ ಬದಲು ಗ್ರಾನೋಲಾ ಬಾರ್ಸ್ ಸೇವಿಸಬೇಕು. ಇದರಲ್ಲಿ ಸಕ್ಕರೆ ಮತ್ತು ಕ್ಯಾಲೋರಿ ಪ್ರಮಾಣ ಕಡಿಮೆ ಇರುತ್ತದೆ. 7ಗ್ರಾಂ ಫೈಬರ್, 6 ಗ್ರಾಂ ಪ್ರೋಟೀನ್, 5 ಗ್ರಾಂ ಸಕ್ಕರೆ ಮತ್ತು ತೂಕ ನಷ್ಟಕ್ಕೆ ಸಹಾಯಮಾಡುವುದು.

ಚೀಸ್ ಮತ್ತು ಸೇಬು ಹಣ್ಣಿನ ತುಂಡುಗಳು

ಬೆಳಗ್ಗೆ ಉಪಹಾರಕ್ಕೆ ಇವುಗಳನ್ನು ಸೇವಿಸಬೇಕು. ಇದರಲ್ಲಿ ಆರೋಗ್ಯಕರ ನಾರಿನಂಶ ಮತ್ತು 70 ಕ್ಯಾಲೋರಿಯನ್ನು ಹೊಂದಿರುತ್ತದೆ. ಜೊತೆಗೆ ಅತಿ ಹೆಚ್ಚು ಕೊಬ್ಬಿನ

ಪ್ರಮಾಣವನ್ನು ಕರಗಿಸಿ. ಸಮತೋಲನವನ್ನು ಕಾಪಾಡುತ್ತದೆ.

ತಾಜಾ ಪಿಸ್ತ

ಇದರಲ್ಲಿ 6 ಗ್ರಾಂ ಪ್ರೋಟೀನ್ ಮತ್ತು 3 ಗ್ರಾಂ ಫೈಬರ್‌ಗಳನ್ನು ಒಳಗೊಂಡಿರುತ್ತದೆ. ಇದನ್ನು ಡಯಟ್‍ನ ಉದ್ದೇಶಕ್ಕೆ ಉಪಹಾರವಾಗಿ ಸ್ವೀಕರಿಸಬಹುದು. ದೇಹದ ತೂಕವನ್ನು ಸಮತೋಲನ ಹಾಗೂ ಕೊಬ್ಬಿನಂಶವನ್ನು ಕರಗಿಸಲು ಉತ್ತಮ ಆಹಾರ.

ಗೋಧಿ ಬ್ರೆಡ್ ಮತ್ತು ಬೇಯಿಸಿದ ಮೊಟ್ಟೆ

ಬೆಳಗ್ಗೆಯ ತಿಂಡಿಯಾಗಿ ಗೋಧಿ ಬ್ರೆಡ್‍ನಲ್ಲಿ ಬೇಯಿಸಿದ ಮೊಟ್ಟೆಯನ್ನು ಸೇರಿಸಿ ಸವಿಯಬೇಕು. ಇದರಿಂದ ದೇಹಕ್ಕೆ ಬೇಕಾದ ಕೊಬ್ಬು, ಪ್ರೋಟೀನ್ ಮತ್ತು ನಾರಿನಂಶ ಪರಿಪೂರ್ಣವಾಗಿ ದೊರೆಯುತ್ತದೆ. ದೇಹದ ತೂಕವೂ ಹೆಚ್ಚದು.

ಕಡಿಮೆ ಪ್ರಮಾಣದ ಕೊಬ್ಬಿನಾಂಶದ ಚೀಸ್ ಮತ್ತು ಬಾಳೆ ಹಣ್ಣು

ಕಾಲುಕಪ್ ಚೀಸ್‍ನಲ್ಲಿ 10 ಗ್ರಾಂ ಪ್ರೋಟೀನ್ ಮತ್ತು ಒಂದು ಬಾಳೆಹಣ್ಣಿನಲ್ಲಿ 10 ಗ್ರಾಂ ಫೈಬರ್ ಇರುತ್ತದೆ. ಇದನ್ನು ಸೇವಿಸುವುದರಿಂದ ದೇಹಕ್ಕೆ ಪೂರಕವಾದ ಪೋಷಕಾಂಶ ದೊರೆಯುವುದಲ್ಲದೆ. ತೂಕವೂ ಕಡಿಮೆಯಾಗುತ್ತದೆ.

ಕ್ರ್ಯಾಕರ್ಸ್ ಮತ್ತು ಬಾದಾಮಿ ಬೆಣ್ಣೆ

ಇದರಲ್ಲಿ 60 ಗ್ರಾಂ ಕ್ಯಾಲರಿ ಮತ್ತು 3 ಗ್ರಾಂ ನಾರಿನಂಶ ಇರುತ್ತದೆ. ಬಾದಾಮಿ ಬೆಣ್ಣೆಯೊಂದಿಗೆ ಕ್ರ್ಯಾಕರ್ಸ್ ಸವಿದರೆ ಉತ್ತಮ ಪ್ರೋಟೀನ್ ಮತ್ತು ಆರೋಗ್ಯಕರ ಕೊಬ್ಬನ್ನು ಪಡೆಯಬಹುದು.

ಸ್ಮೂತಿ

ಆಹ್! ನಿಮ್ಮ ಬ್ರೇಕ್‌ಫಾಸ್ಟ್‌ನೊಂದಿಗೆ ತಂಪಾದ ಸ್ಮೂತಿ ಇಲ್ಲದಿದ್ದರೆ ಅದು ಪರಿಪೂರ್ಣ ಆಗಲಿಕ್ಕಿಲ್ಲ. ತಾಜಾ ಹಣ್ಣು ಮೊಸರು ಮತ್ತು ಕೆನೆರಹಿತ ಹಾಲನ್ನು ತೆಗೆದುಕೊಂಡು ಆರೋಗ್ಯಭರಿತ ಸ್ಮೂತಿಯನ್ನು ತಯಾರಿಸಿ. ದೇಹದ ಬಿಸಿಯನ್ನು ನಿವಾರಿಸಲು ಇದು ಹಿತಕಾರಿ ಪೇಯವಾಗಿದೆ.