ಬೆಳ್ಳುಳ್ಳಿ ಪೇಸ್ಟ್‌ನಿಂದ ಒಂದೇ ತಿಂಗಳಲ್ಲಿ ಮೂರು ಕಿಲೋ ತೂಕ ಇಳಿಸಿ

Posted By: Deepu
Subscribe to Boldsky

ದೇಹದಲ್ಲಿ ಬೊಜ್ಜು ಕಾಣಿಸಿಕೊಂಡರೆ ಅದಕ್ಕಿಂತ ದೊಡ್ಡ ಸಮಸ್ಯೆ ಮತ್ತೊಂದಿಲ್ಲ. ಯಾಕೆಂದರೆ ಎದ್ದು ಕುಳಿತುಕೊಳ್ಳುವುದರಿಂದ ಹಿಡಿದು ಬಟ್ಟೆಬರೆಯ ಆಯ್ಕೆ ತನಕ ಪ್ರತಿಯೊಂದರಲ್ಲೂ ಸಮಸ್ಯೆ ಎದುರಾಗುವುದು. ಯಾವುದಾದರೂ ಬಟ್ಟೆ ಅಂಗಡಿಗೆ ಹೋದಾಗ ನಿಮಗೆ ತುಂಬಾ ಇಷ್ಟವಾಗಿರುವ ಬಣ್ಣದ ಬಟ್ಟೆ ಇರಬಹುದು. ಆದರೆ ಅದು ನಿಮ್ಮ ದೇಹಕ್ಕೆ ಹೊಂದಿಕೊಳ್ಳದೇ ಇರುವುದು ದೊಡ್ಡ ಸಮಸ್ಯೆ. ಇದರಿಂದ ನಿಮಗೆ ತುಂಬಾ ನಿರಾಶೆಯಾಗುವುದು ಖಚಿತ. ಪ್ರತಿಯೊಬ್ಬರು ತಮ್ಮ ದೇಹವು ಸುಂದರವಾಗಿರಬೇಕೆಂದು ಬಯಸುವುದು ಸಹಜ.

garlic

ಕೆಲವೊಂದು ಸಲ ನಾವು ಬೇಡವೆಂದರೂ ದೇಹ ಮಾತ್ರ ಉಬ್ಬುತ್ತಾ ಇರುತ್ತದೆ. ಆದರೆ ಸಮಸ್ಯೆ ಬರುವುದು ನಮ್ಮ ಜೀವನಶೈಲಿಯಿಂದ. ಜೀವನಶೈಲಿ ಸರಿಯಾಗಿಸಿಕೊಂಡರೆ ಎಲ್ಲವೂ ನಿವಾರಣೆಯಾಗುವುದು. ಅತಿಯಾದ ತೂಕ ಆರೋಗ್ಯದ ಮೇಲೂ ಪರಿಣಾಮ ಬೀರುವುದು. ಬೊಜ್ಜು ಇರುವಂತಹ ವ್ಯಕ್ತಿಗಳು ತಮ್ಮ ದೇಹದಿಂದಾಗಿ ಖಿನ್ನತೆಗೆ ಒಳಗಾಗಿರುವ ಸಾಧ್ಯತೆಗಳು ಹೆಚ್ಚಾಗಿದೆ ಎಂದು ಅಧ್ಯಯನಗಳು ಕಂಡುಕೊಂಡಿವೆ.

ಮಾನಸಿಕವಾಗಿ ಖಿನ್ನತೆಗೆ ಒಳಗಾಗುವುದು ಮಾತ್ರವಲ್ಲದೆ ಅತಿಯಾದ ತೂಕದಿಂದ ಅಧಿಕ ರಕ್ತದೊತ್ತಡ, ಮಧುಮೇಹ, ಗಂಟು ನೋವು, ಅಧಿಕ ಕೊಲೆಸ್ಟ್ರಾಲ್, ಅಜೀರ್ಣ ಇತ್ಯಾದಿ ಸಮಸ್ಯೆಗಳು ಕಾಣಿಸಿಕೊಳ್ಳುವುದು. ಬೊಜ್ಜಿನಿಂದಾಗಿ ಕೆಲವೊಂದು ರೀತಿಯ ಕ್ಯಾನ್ಸರ್ ಕೂಡ ಕಾಣಿಸಿಕೊಳ್ಳುವುದು. 

ಬೆಳ್ಳುಳ್ಳಿಯಲ್ಲಿರುವ ಪ್ರಮುಖ 15 ಗುಣಗಳು

ಆರೋಗ್ಯಕರ ಜೀವನಶೈಲಿಯೊಂದಿಗೆ ದೇಹದ ತೂಕವನ್ನು ಸರಿಯಾಗಿ ಇಟ್ಟುಕೊಂಡರೆ ಖಂಡಿತವಾಗಿ ಒಳ್ಳೆಯ ಜೀವನ ಸಾಗಿಸಬಹುದು. ಒಂದೇ ತಿಂಗಳಲ್ಲಿ ಮೂರು ಕೆ.ಜಿ ಇಳಿಸಬಲ್ಲ ಪುರಾತನ ಮದ್ದಿನ ಬಗ್ಗೆ ನಾವಿಂದು ನಿಮಗೆ ತಿಳಿಸಿಕೊಡಲಿದ್ದೇವೆ. ಇದನ್ನು ನೀವು ಪ್ರಯೋಗಿಸಿ ನೋಡಬಹುದು.

garlic

ಬೇಕಾಗುವ ಸಾಮಗ್ರಿಗಳು

ಹಸಿ ಬೆಳ್ಳುಳ್ಳಿ ಎಸಲುಗಳು 2-3

ಜೇನು-1 ಚಮಚ

ನಿಯಮಿತವಾಗಿ ಈ ಮದ್ದನ್ನು ಬಳಸಿಕೊಂಡರೆ ಖಂಡಿತವಾಗಿಯೂ ಫಲಿತಾಂಶ ಸಿಗುವುದು.

ಕೇವಲ ಈ ಮದ್ದನ್ನು ಮಾತ್ರ ಸೇವಿಸಿದರೆ ತೂಕ ಕಡಿಮೆಯಾಗಲ್ಲ. ಇದರೊಂದಿಗೆ ಆಹಾರ ಕ್ರಮದಲ್ಲಿ ಕೂಡ ಕೆಲವೊಂದು ಬದಲಾವಣೆ ಮಾಡಿಕೊಳ್ಳಬೇಕಾಗುತ್ತದೆ.

ಆರೋಗ್ಯಕಾರಿ ಆಹಾರ ಕ್ರಮ, ದಿನನಿತ್ಯ ಒಂದು ಗಂಟೆ ಕಾಲ ವ್ಯಾಯಾಮ ಇತ್ಯಾದಿಯಿಂದ ಈ ಮದ್ದು ತುಂಬಾ ಪರಿಣಾಮಕಾರಿಯಾಗಲಿದೆ. ಬೆಳ್ಳುಳ್ಳಿಯಲ್ಲಿ ಅಲಿಸಿನ್ ಎನ್ನುವ ಅಂಶವಿದೆ. ಇದು ಚಯಾಪಚಾಯ ಕ್ರಿಯೆ ಹೆಚ್ಚಿಸುವುದು ಮತ್ತು ಕೊಬ್ಬಿನ ಕೋಶಗಳು ಬೇಗನೆ ದಹಿಸಲು ನೆರವಾಗುವುದು. ಜೇನುತುಪ್ಪದಲ್ಲಿ ಇರುವಂತಹ ಉನ್ನತ ಮಟ್ಟದ ಆ್ಯಂಟಿಆಕ್ಸಿಡೆಂಟ್ ದೇಹದಲ್ಲಿ ಜಮೆಯಾಗಿರುವ ಕೊಬ್ಬನ್ನು ನಿಯಮಿತವಾಗಿ ಹೊರಹಾಕುವುದು. ಇದರಿಂದ ತೂಕ ಕಡಿಮೆಯಾಗುವುದು.

Honey

ತಯಾರಿಸುವ ವಿಧಾನ

*ಹಸಿ ಬೆಳ್ಳುಳ್ಳಿಯ ಸಿಪ್ಪೆ ತೆಗೆದು ಅದನ್ನು ಸಣ್ಣ ಸಣ್ಣ ತುಂಡುಗಳನ್ನಾಗಿ ಮಾಡಿಕೊಳ್ಳಿ.

*ಹೇಳಿದಷ್ಟು ಪ್ರಮಾಣದ ಜೇನುತುಪ್ಪಕ್ಕೆ ಬೆಳ್ಳುಳ್ಳಿಯ ತುಂಡುಗಳನ್ನು ಹಾಕಿಕೊಳ್ಳಿ.

*ಇದನ್ನು ಸರಿಯಾಗಿ ಮಿಶ್ರಣ ಮಾಡಿಕೊಂಡು ಪೇಸ್ಟ್ ಮಾಡಿ.

*ಈ ಪೇಸ್ಟ್ ಅನ್ನು ಪ್ರತೀ ದಿನ ಬೆಳಗ್ಗೆ ಖಾಲಿ ಹೊಟ್ಟೆಯಲ್ಲಿ ಒಂದು ತಿಂಗಳ ಕಾಲ ಸೇವಿಸಿ.

*ಒಂದು ತಿಂಗಳ ಬಳಿಕವೂ ಈ ಮದ್ದನ್ನು ಸೇವನೆ ಮಾಡಿದರೆ ದೀರ್ಘಕಾಲಕ್ಕೆ ಪರಿಣಾಮಕಾರಿಯಾಗಿರುವುದು.

ಬೆಳ್ಳುಳ್ಳಿ ಜ್ಯೂಸ್ ಯಾವತ್ತಾದರೂ ಕುಡಿದಿದ್ದೀರಾ?

For Quick Alerts
ALLOW NOTIFICATIONS
For Daily Alerts

    English summary

    Ancient raw garlic can help lose three kilos a month

    Imagine this. You go out shopping for new clothes, you spot something that you absolutely love at the store, but most sizes are too small for you! Well, if you have been in situations like the above, then it can surely make you feel rather frustrated and disappointed, right? Most of us would definitely yearn to be fitter and would want to be able to look more in shape and carry off trendy clothing well.
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Boldsky sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Boldsky website. However, you can change your cookie settings at any time. Learn more