ದಿನವಿಡೀ ಕುಳಿತು ಕೆಲಸ ಮಾಡುವವರು, ತಪ್ಪದೇ ಈ ಲೇಖನ ಓದಿ....

ಮೆದುಳಿಗೆ ಹಾನಿ!

ಹೆಚ್ಚಿನ ಹೊತ್ತು ಕುಳಿತೇ ಇರುವ ಕಾರಣ ರಕ್ತಪರಿಚಲನೆಯ ಪ್ರಮಾಣ ಕೊಂಚವಾದರೂ ಕಡಿಮೆಯಾಗುತ್ತದೆ. ಯಾವುದೋ ಸಂದರ್ಭದಲ್ಲಿ ಅಗತ್ಯ ಒತ್ತಡ ಸಿಗದೇ ಹೋದರೆ ಚಿಕ್ಕ ಕಣಗಳು ರಕ್ತನಾಳಗಳ ಒಳಗೇ ಹೆಪ್ಪುಗಟ್ಟಿಬಿಡುತ್ತವೆ.

ಮೆದುಳಿಗೆ ಹಾನಿ!

ಈ ಹೆಪ್ಪುಗಟ್ಟಿದ ರಕ್ತವೇನಾದರೂ ಮೆದುಳಿಗೆ ತಲುಪಿದರೆ ಅಪಾಯ ತಪ್ಪಿದ್ದಲ್ಲ. ಆದ್ದರಿಂದ ಹೆಚ್ಚು ಕುಳಿತುಕೊಳ್ಳುವ ಮೂಲಕ ಅಪಾಯವನ್ನು ನಾವಾಗಿಯೇ ಆಹ್ವಾನಿಸುತ್ತಿದ್ದೇವೆ.

ಹೊಟ್ಟೆ

ಕುಳಿತೇ ಇರುವವರ ಹೊಟ್ಟೆ ಸಾಮಾನ್ಯವಾಗಿ ಉಳಿದವರಿಗಿಂತ ಹೆಚ್ಚು ದೊಡ್ಡದಾಗಿರುವುದನ್ನು ಮೇಲ್ನೋಟದಲ್ಲಿಯೇ ಗಮನಿಸಬಹುದು. ಕೆಲವು ಸಂಶೋಧನೆಗಳ ಮೂಲಕ ಕುಳಿತೇ ಇರುವ ಸಂದರ್ಭದಲ್ಲಿ ಕರುಳಿನ ಕ್ಯಾನ್ಸರ್ ಆವರಿಸುವ ಸಾಧ್ಯತೆ ಹೆಚ್ಚಿರುವುದನ್ನೂ ಕಂಡುಕೊಳ್ಳಲಾಗಿದೆ.

ಹೊಟ್ಟೆ

ಸಂಗ್ರಹವಾದ ಕೊಬ್ಬನ್ನು ಕರಗಿಸಲು ಅಗತ್ಯವಾದ ಕೆಲವು ಕಿಣ್ವಗಳಿಗೆ ಸತತ ಚಲನೆ ಬೇಕು. ಚಲನೆ ಇಲ್ಲದೇ ಇದ್ದಾಗ ಇವೂ ತಟಸ್ಥಗೊಂಡು ಕೊಬ್ಬನ್ನು ಕರಗಿಸದೇ ಇನ್ನಷ್ಟು ಹೆಚ್ಚಿನ ಸ್ಥೂಲಕಾಯಕ್ಕೆ ಕಾರಣವಾಗುತ್ತದೆ.

ಹೃದಯ

ಹೃದಯದ ಕೆಲಸ ರಕ್ತವನ್ನು ಒತ್ತಡದಿಂದ ದೇಹದ ಎಲ್ಲಾ ಭಾಗಗಳಿಗೆ ಒದಗಿಸುವುದೇ ಆಗಿದ್ದರೂ ಒಂದೇ ಗತಿಯಲ್ಲಿ ಇಡಿಯ ದಿನ ಇರಬೇಕು ಎಂದಲ್ಲ. ನಿಸರ್ಗ ಇದರ ವೇಗವನ್ನು ಹೆಚ್ಚು ಕಡಿಮೆ ಮಾಡುತ್ತಾ ಇರಬೇಕೆಂಬ ನಿಟ್ಟಿನಲ್ಲಿಯೇ ನಿರ್ಮಿಸಿದೆ.

ಹೃದಯ

ಆದರೆ ಇಡಿಯ ದಿನ ಕುಳಿತೇ ಇರುವ ಕಾರಣ ಹೃದಯಕ್ಕೆ ಹೆಚ್ಚಿನ ಒತ್ತಡ ದೊರಕಿಸುವ ಅಗತ್ಯವೇ ಇಲ್ಲದೇ ದುರ್ಬಲವಾಗುತ್ತದೆ. ಪರಿಣಾಮವಾಗಿ ಕುತ್ತಿಗೆ, ಶ್ವಾಸಕೋಶಗಳ ಬಳಿ ರಾತ್ರಿ ಹೊತ್ತಿನಲ್ಲಿ ಕಡಿಮೆ ಒತ್ತಡದ ಕಾರಣ ನೀರು ತುಂಬಿಕೊಳ್ಳುವ ಸಾಧ್ಯತೆ ಅಪಾರವಾಗಿ ಹೆಚ್ಚುತ್ತದೆ. ಇದೇ ಕಾರಣಕ್ಕೆ 'ಹೃದ್ರೋಗ ಸಮಸ್ಯೆ' ಕಾಣಿಸಿಕೊಳ್ಳುವುದು!

ಶ್ವಾಸಕೋಶಗಳು

ಶ್ವಾಸಕೋಶಗಳಲ್ಲಿ ನೀರು ತುಂಬಿಕೊಳ್ಳುವುದು ಅತ್ಯಂತ ಅಪಾಯಕಾರಿಯಾದ ಬೆಳವಣಿಗೆಯಾಗಿದ್ದು ಹೃದಯದ ಮೇಲೆ ಹೆಚ್ಚಿನ ಭಾರ ಮತ್ತು ಒತ್ತಡ ನೀಡುತ್ತದೆ. ಶ್ವಾಸಕೋಶದ ಕ್ಷಮತೆಯೂ ಉಡುಗಿ ಅಪಾಯ ಹೆಚ್ಚುತ್ತಲೇ ಹೋಗುತ್ತದೆ.

ಕೈಗಳು

ನಮ್ಮ ದೈನಂದಿನ ಕಾರ್ಯಗಳಲ್ಲಿ ಕೈಗಳ ಪಾತ್ರ ಬಹುಮುಖ್ಯ. ಅಂದರೆ ನಮ್ಮ ಕೈಗಳು ಹಲವಾರು ಬಾರಿಯಾದರೂ ಮೇಲೆ ಕೆಳಗೆ ಬರುತ್ತಲೇ ಇರಬೇಕು. ಆದರೆ ಕುಳಿತೇ ಇರುವ ಕಾರ್ಯಗಳ ಕಾರಣ ಇದು ಇಲ್ಲವಾಗಿ ಕೊಬ್ಬು ತುಂಬಿಕೊಂಡು ಅಧಿಕ ರಕ್ತದೊತ್ತಡಕ್ಕೆ ಕಾರಣವಾಗಬಹುದು.

ಕಾಲುಗಳು

ನಮ್ಮ ಕಾಲುಗಳು ಸಹಾ ಸತತವಾಗಿ ಶರೀರದ ಭಾರವನ್ನು ಎತ್ತಿಕೊಂಡು ಚಲಿಸುತ್ತಲೇ ಇರುವಂತೆ ನಿರ್ಮಿಸಲಾಗಿದೆ. ಇದಕ್ಕಾಗಿ ಕಾಲುಗಳ ಮತ್ತು ತೊಡೆಗಳ ಸ್ನಾಯುಗಳು ರಚನೆಗೊಂಡಿದ್ದು ನೀರನ್ನು ಸಂಗ್ರಹಿಸಿರುತ್ತವೆ.

ಕಾಲುಗಳು

ಇಡಿಯ ದಿನ ಕುಳಿತುಕೊಳ್ಳುವ ಮೂಲಕ ಈ ನೀರು ಬಳಕೆಯಾಗದೇ ಹಾಗೇ ಉಳಿದುಬಿಡುತ್ತದೆ. ಇದು ಇನ್ನಷ್ಟು ತೂಕ ಹೆಚ್ಚಲು, ಕೊಂಚ ದೂರ ನಡೆಯಲೂ ಸುಸ್ತು ಆವರಿಸಲು ಕಾರಣವಾಗುತ್ತದೆ. ಆದ್ದರಿಂದ ಯಾವುದಾದರೂ ನೆವ ತೆಗೆದು ಓಡಾಡುತ್ತಾ ಇರುವುದು ಉತ್ತಮ ಕ್ರಮವಾಗಿದೆ.

ಕುತ್ತಿಗೆ

ಕೆಲವು ಜನರಲ್ಲಿ ತೊಡೆಗಳಲ್ಲಿ ಸಂಗ್ರಹವಾಗಿದ್ದ ನೀರು ನೇರವಾಗಿ ಕುತ್ತಿಗೆಗೂ ತಲುಪಿ ಸುಖನಿದ್ದೆಗೆ ಅಡ್ಡಿಯಾಗುತ್ತದೆ. ಅಂದರೆ ನಿದ್ದೆಯಲ್ಲಿ ಉಸಿರಾಟ ತಡೆತಡೆದು ಆಗುವ sleep apnea ಎಂಬ ತೊಂದರೆಯ ಸಾಧ್ಯತೆ ಹೆಚ್ಚುತ್ತದೆ. ಬೆನ್ನೇರಿ ಕಾಡುವ ಕುತ್ತಿಗೆ ನೋವಿಗೆ ಸರಳ ಟಿಪ್ಸ್