ಆಫೀಸಿನಲ್ಲಿ ಕೂತು ಬೊಜ್ಜು ಬರುತ್ತಿದೆಯೆ?

Diet Fitness

oi-Reena

By Hema S

Published: Wednesday, March 21, 2012, 10:34 [IST]

ಆಫೀಸ್ ಕೆಲಸ ಮಾಡುವವರಲ್ಲಿ ಹೆಚ್ಚಿನ ಜನರ ಸಮಸ್ಯೆ ಅಂದರೆ ಹೊಟ್ಟೆ ಬರುವುದು. ಒಂದು ಕಡೆ ಕೂತು ಕೆಲಸ ಮಾಡುವುದರಿಂದ ದೇಹಕ್ಕೆ ಶ್ರಮವಿಲ್ಲದೆ ಹೊಟ್ಟೆ ಬರಲಾರಂಭಿಸುತ್ತದೆ. ಈ ಹೊಟ್ಟೆಯನ್ನು ಆರಂಭದಲ್ಲಿಯೆ ಕರಗಿಸಿದರೆ ಒಳ್ಳೆಯದು, ಇಲ್ಲದಿದ್ದರೆ ಗ್ಯಾಸ್ಟ್ರಿಕ್, ಕೊಲೆಸ್ಟ್ರಾಲ್ ನಂತಹ ಸಮಸ್ಯೆ ಉಂಟಾಗುವುದು.

ಆದ್ದರಿಂದ ಈ ರೀತಿಯ ಹೊಟ್ಟೆ ಬೀಳುವುದನ್ನು ತಪ್ಪಿಸಲು ಈ ಕೆಳಗಿನ ವಿಧಾನವನ್ನು ಅನುಸರಿಸಿದರೆ ಒಳ್ಳೆಯದು.

1. ಬೆಳಗಿನ ತಿಂಡಿ ಬಿಡಬಾರದು: ಬೆಳಗಿನ ತಿಂಡಿ ಕೆಲಸ ಮಾಡಲು ಶಕ್ತಿಯನ್ನು ನೀಡುತ್ತದೆ. ಆದ್ದರಿಂದ ಡಯಟ್ ಹೆಸರಿನಲ್ಲಿ ಬೆಳಗಿನ ತಿಂಡಿ ಬಿಡಬಾರದು. ಮಧ್ಯಾಹ್ನ ಮಿತಿಯಲ್ಲಿ ತಿನ್ನಬೇಕು, ರಾತ್ರಿ ಊಟವನ್ನು ಅಲ್ಪ ಪ್ರಮಾಣದಲ್ಲಿ ತೆಗೆದುಕೊಳ್ಳಬೇಕು.

2. ತಾಜಾ ತರಕಾರಿ ಮತ್ತು ಹಣ್ಣುಗಳು: ತಾಜಾ ತರಕಾರಿ ಮತ್ತು ಹಣ್ಣುಗಳಿಂದ ತಯಾರಿಸಿದ ಆಹಾರ ತಿನ್ನಬೇಕು.

3. ಬೋರಾಯಿತು ಅಂತ ತಿನ್ನುವುದು ಬೇಡ: ಹೆಚ್ಚಿನವರಿಗೆ ಈ ಅಭ್ಯಾಸವಿರುತ್ತದೆ. ಕೆಲಸ ಮಾಡಿ ಬೋರಾದಾಗ ಏನಾದರೂ ತಿನ್ನುವುದು. ಈ ರೀತಿ ಮಾಡಿದರೆ ದೇಹದ ತೂಕ ಹೆಚ್ಚಾಗುವುದು.

4. ಡಯಟ್: ಡಯಟ್ ಅಂದರೆ ಊಟ ಬಿಟಡುವುದಲ್ಲ, ಅಧಿಕ ಪ್ರೊಟೀನ್ ಮತ್ತು ಕಡಿಮೆ ಕೊಲೆಸ್ಟ್ರಾಲ್ ಇರುವ ಆಹಾರವನ್ನು ಮಿತವಾಗಿ ತೆಗೆದುಕೊಳ್ಳಬೇಕು.

5. ವಿಶ್ರಾಂತಿ: ಸ್ವಲ್ಪ ಬಿಡುವಾದಾಗ ಎದ್ದು ಸ್ವಲ್ಪ ದೂರ ನಡೆಯುವ ಅಭ್ಯಾಸದಿಂದ ದೇಹ ಮತ್ತು ಮನಸ್ಸಿಗೆ ಚೈತನ್ಯ ಬರುತ್ತದೆ.

6. ಲಿಫ್ಟ್: ಆಫೀಸ್ ನಲ್ಲಿ ಲಿಫ್ಟ್ ಇದೆ ಎಂದು ಅದರ ಸಹಾಯ ಪಡೆಯುತ್ತಿದ್ದರೆ ದೇಹದ ತೂಕ ಹೆಚ್ಚಾಗುವುದು. ಆದಷ್ಟು ಮೆಟ್ಟಿಲುಗಳ ಸೌಲಭ್ಯ ಉಪಯೋಗಿಸಿಕೊಳ್ಳಬೇಕು.

ಪ್ರತಿನಿತ್ಯ ಅರ್ಧಗಂಟೆ ವ್ಯಾಯಾಮ ಮಾಡುವುದನ್ನು ತಪ್ಪಿಸಬಾರದು.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.