ಏನೇ ಕಸರತ್ತು ಮಾಡಿದರೂ ತೂಕ ಕಡಿಮೆಯಾಗುತ್ತಿಲ್ಲವೇ?

ಉಪ್ಪು ಕಡಿಮೆ ಇರಲಿ

ಉಪ್ಪಿಗಿಂತ ರುಚಿಯಿಲ್ಲ ಗಾದೆ ಸರಿ. ಆದರೆ ಎಷ್ಟು ಉಪ್ಪು ಬೇಕು ಎಂಬುದೇ ಚಿಂತನೆಯ ವಿಷಯ. ಸಂಶೋಧನೆಗಳ ಪ್ರಕಾರ ನಮಗೆ ನಿಜಕ್ಕೂ ಅಗತ್ಯವಿರುವುದು ಪ್ರತಿದಿನಕ್ಕೆ 3.75 ಗ್ರಾಂ ಮಾತ್ರ. ಅಂದರೆ ಸುಮಾರು ಮುಕ್ಕಾಲು ಚಿಕ್ಕ ಚಮಚದಷ್ಟು. ಈ ಪ್ರಮಾಣ ಸರಿಸುಮಾರಾಗಿ ನಾವು ಉಣ್ಣುವ ಉಪಾಹಾರ, ಊಟದ ಮೂಲಕ ಲಭ್ಯವಾಗುತ್ತದೆ. ಇತ್ತೀಚೆಗೆ ಮಾರುಕಟ್ಟೆಯನ್ನು ಆಕ್ರಮಿಸಿರುವ ಉಪ್ಪು ಸವರಿದ ಒಣತಿಂಡಿಗಳು ಆಕರ್ಷಕ ಜಾಹೀರಾತುಗಳ ಮೂಲಕ ನಮ್ಮ ಮನವನ್ನು, ಬಳಿಕ ಹೊಟ್ಟೆಯನ್ನು ಸೇರುತ್ತವೆ. ಮುಂದಿನ ಸ್ಲೈಡ್ ಕ್ಲಿಕ್ ಮಾಡಿ

ಉಪ್ಪು ಕಡಿಮೆ ಇರಲಿ

ಒಂದು ಸಮೀಕ್ಷೆಯ ಪ್ರಕಾರ ನಾವು ಟೀವಿ ನೋಡುತ್ತಾ ತಿನ್ನುವ ಒಂದು ಪ್ಯಾಕೆಟ್ ಕುರುಕಲು ಚಿಪ್ಸ್ ಮೂಲಕ ಸುಮಾರು 34.5 ಗ್ರಾಂ ನಷ್ಟು ಉಪ್ಪು ಸೇವಿಸುತ್ತೇವೆ. ಅಂದರೆ ಅಗತ್ಯವಿರುವುದಕ್ಕಿಂತಲೂ ಹತ್ತುಪಟ್ಟು ಹೆಚ್ಚು! ಈ ಹೆಚ್ಚುವರಿ ಉಪ್ಪನ್ನು ದೇಹದಿಂದ ಹೊರಹಾಕಲು ಪ್ರತಿ ಜೀವಕೋಶ ಶ್ರಮಿಸಬೇಕು. ಆದರೆ ಈ ಶ್ರಮದಲ್ಲಿ ಕೊಬ್ಬಿನ ಪಾತ್ರ ಇಲ್ಲದೇ ಇರುವುದರಿಂದ ಈ ಸಮಯದಲ್ಲಿ ಕರಗಬೇಕಾಗಿದ್ದ ಕೊಬ್ಬು ಕರಗದೇ ಹಾಗೇ ಉಳಿಯುತ್ತದೆ, ತೂಕವನ್ನು ಹಾಗೇ ಉಳಿಸುತ್ತದೆ. ನಮ್ಮ ಆಹಾರದಲ್ಲಿ ಉಪ್ಪು ಕಡಿಮೆ ಇರುವಂತೆ ನೋಡಿಕೊಳ್ಳಬೇಕು.

ಸೇವಿಸುವ ಊಟದಲ್ಲಿ ನಾರಿನಂಶ ಹೆಚ್ಚು ಇರಲಿ

ದಿನದಲ್ಲಿ ಸೇವಿಸುವ ಆಹಾರದಲ್ಲಿ ನಾರು ಹೆಚ್ಚಿರುವ ಆಹಾರಗಳು ಉತ್ತಮ. ನಾರಿನಲ್ಲಿ ಎರಡು ವಿಧಗಳಿವೆ-ಕರಗುವ ಹಾಗೂ ಕರಗದ ನಾರು. ಕರಗುವ ನಾರು ಸುಲಭವಾಗಿ ಜೀರ್ಣಗೊಂಡರೂ ಕರುಳಿನಲ್ಲಿ ಹೀರಲ್ಪಡುವುದಿಲ್ಲ. ಕರಗದ ನಾರು ಜೀರ್ಣವಾಗುವುದೇ ಇಲ್ಲ. ನಮಗೆ ಎರಡೂ ತರಹದ ನಾರು ಬೇಕು. ಟೊಮೇಟೊ ಸಿಪ್ಪೆ, ಗೋಧಿ, ಅಕ್ಕಿಯ ಮೇಲಿನ ಕವಚ, ಹಣ್ಣುಗಳ ತಿರುಳು ಮೊದಲಾದವು ಕರಗದ ನಾರುಗಳಾಗಿವೆ. (insoluble fibre).

ಸೇವಿಸುವ ಊಟದಲ್ಲಿ ನಾರಿನಂಶ ಹೆಚ್ಚು ಇರಲಿ

ಅಂತೆಯೇ ಬಾಳೆಹಣ್ಣು, ದಾಳಿಂಬೆ, ಧಾನ್ಯಗಳು ಮೊದಲಾದವು ಕರಗುವ ನಾರುಗಳಾಗಿವೆ. (soluble fibre). ಗೋಧಿಯಲ್ಲಿರುವ ಕವಚವನ್ನು ತೆಗೆದು ಮೈದಾಹಿಟ್ಟು ತಯಾರಿಸಲಾಗುತ್ತದೆ. ಹಾಗಾಗಿ ಮೈದಾ ಹಿಟ್ಟಿನಲ್ಲಿ ನಾರು ಇಲ್ಲ! ಮೈದಾ ಬದಲಿಗೆ ಗೋಧಿ ಹಿಟ್ಟು ಉಪಯೋಗಿಸುವುದು ಜಾಣತನ. ಅಂತೆಯೇ ಪೂರ್ಣವಾಗಿ ಪಾಲಿಷ್ ಮಾಡಿರುವ ಅಕ್ಕಿಯಲ್ಲಿಯೂ ನಾರು ಇರುವುದಿಲ್ಲ. ನಾರು ಹೆಚ್ಚಿರುವ ಓಟ್ಸ್, ಜೋಳ, ವಿವಿಧ ಧಾನ್ಯಗಳು, ಹಣ್ಣುಗಳು ಮೊದಲಾದವುಗಳನ್ನು ಹೆಚ್ಚು ಸೇವಿಸುವುದು ತೂಕ ಕಳೆದುಕೊಳ್ಳಲು ಸಹಕಾರಿಯಾಗಿವೆ.

ಮೂಸಂಬಿ ಜ್ಯೂಸ್‌ ಕುಡಿಯಿರಿ

ಮೂಸಂಬಿಯಲ್ಲಿ ಹೆಚ್ಚಿನ ತಿರುಳು ಇರುವುದರಿಂದ ಹೆಚ್ಚಿನ ಪೋಷಕಾಂಶಗಳು ಸಿದ್ಧರೂಪದಲ್ಲಿ ದೇಹಕ್ಕೆ ಲಭ್ಯವಾಗುತ್ತವೆ. ಇದು ಸುಲಭವಾಗಿ ಜೀರ್ಣವಾಗುವುದರಿಂದ ತೂಕವಿಳಿಸಲು ನೆರವಾಗುತ್ತದೆ.

ಸರಿಯಾಗಿ ನಿದ್ದೆ ಮಾಡಿ

ಅಸಮರ್ಪಕ ನಿದ್ದೆ ಹೆಚ್ಚು ಆಹಾರ ಸೇವಿಸುವಂತೆ ಮಾಡುತ್ತದೆ ಎಂದು ಸಂಶೋಧನೆಗಳು ಸಾಬೀತು ಮಾಡಿವೆ. ಹೆಚ್ಚಿನ ಆಹಾರ ಸೇವನೆಯಿಂದ ಏನಾಗುತ್ತದೆ ಎನ್ನುವುದು ನಿಮಗೆ ಗೊತ್ತೇ ಇದೆ. ಹಾಗಾಗಿ ನಿದ್ದೆಯನ್ನು ಸರಿಯಾಗಿ ಮಾಡಿ. ನಿದ್ದೆಯ ಅವಧಿಯನ್ನು ನಿಗದಿ ಪಡಿಸಿ ಅದೇ ಅವಧಿಯಲ್ಲಿ ಮಲಗುವಂತೆ ನೋಡಿಕೊಳ್ಳಿ. ಇದು ನಿಮ್ಮ ಉತ್ಸಾಹದ ಮೇಲೂ ಪ್ರಭಾವ ಬೀರುತ್ತದೆ. ಹೆಚ್ಚು ಉತ್ಸಾಹಿತರಾಗಿದ್ದಲ್ಲಿ ಹೆಚ್ಚು ಕೆಲಸ ಇದೂ ತೂಕ ಕಡಿಮೆ ಮಾಡುವ ಮಾರ್ಗವಾಗಿದೆ.

ಜಂಕ್ ಫುಡ್‌ಗೆ ವಿದಾಯ ಹೇಳಿ

ಏನಾದರೂ ತಿನ್ನಬೇಕು ಎನ್ನುವ ಭಾವನೆ ಎಲ್ಲರಿಗೂ ಇದ್ದೇ ಇರುತ್ತದೆ ಮತ್ತು ನಾವು ಈ ಆಸೆಗೆ ಜಂಕ್ ಫುಡ್ ಮೂಲಕ ನೀರೆರೆಯುತ್ತೇವೆ. ಮನೆಯಲ್ಲಿ ನಾಲ್ಕು ಪ್ಯಾಕೆಟ್ ಆದರೂ ಇಂತಹ ತಿಂಡಿಗಳು ಇಲ್ಲದ ಮನೆಗಳು ಬಹಳ ವಿರಳ. ಇದನ್ನು ಸಾಧ್ಯವಾದಷ್ಟು ದೂರವಿಡಿ. ಈಗಾಗಲೇ ಸಾಕಷ್ಟು ಸೇವಿಸುತ್ತಿದ್ದರೆ ವಾರಕ್ಕಿಷ್ಟು ಎಂದು ಕಡಿಮೆ ಮಾಡಿ.