ಮಧ್ಯರಾತ್ರಿ ಜಿಮ್ ಮಾಸ್ಟರನ್ನ ಕರೆಸಿಕೊಂಡ ಕತ್ರಿನಾ

ಕತ್ರಿನಾ ಕೈಫಿಗೆ ವ್ಯಾಯಾಮ ಮೇಸ್ಟ್ರು ಪ್ರದೀಪ್ ಭಾಟೀಯ. ಅವರು ನೀಡಿದ ಆಕೆಯ ಫಿಟ್ ನೆಸ್ ಮಂತ್ರ ಆಕೆಯ ಸೌಂದರ್ಯದ ರಹಸ್ಯ, ಶ್ರಮ ಮತ್ತು ತಪಸ್ಸನ್ನು ಸಾರಿ ಹೇಳುತ್ತದೆ.

ಅಜಬ್ ಪ್ರೇಮ್ ಕಿ ಘಾಝಾಬ್ ಕಹಾನಿ ಮತ್ತು ರಾಜ್ ನೀತಿ ಸಿನಿಮಾ ಶೂಟಿಂಗ್ ನಲ್ಲೇ ಈಕೆಗೆ ಭಾಟೀಯ ಫಿಟ್ ನೆಸ್ ತರಬೇತಿ ನೀಡಿದ್ದಾರೆ. ತನ್ನ ಬ್ಯುಸಿ ಶೆಡ್ಯೂಲಿನಲ್ಲೂ ವಾರಕ್ಕೆ ಮೂರು ದಿನ ಒಂದು ಗಂಟೆಯಷ್ಟು ವ್ಯಾಯಾಮ, ಯೋಗ ಮಾಡುತ್ತಾರಂತೆ!

ಅದೊಂದು ದಿನ. ಪ್ರದೀಪ್ ಬಾಟೀಯರಿಗೆ ಮಧ್ಯರಾತ್ರಿ ಕರೆ ಮಾಡಿ ಬನ್ನಿ ಸಾರ್ ಎಂದು ಕತ್ರಿನಾ ಕರೆದಿದ್ದಾರೆ. ಆಗಷ್ಟೇ ಶೂಟಿಂಗ್ ಮುಗಿಸಿದರೂ ತನ್ನ ದೇಹಸಿರಿಯನ್ನು ಕಾಪಾಡಿಕೊಳ್ಳಲು ಆ ಮಧ್ಯರಾತ್ರಿ ವ್ಯಾಯಾಮ ಹೇಳಿಸಿಕೊಂಡಿದ್ದಾಳೆ. ಫಿಟ್ ನೆಸ್ ವಿಷಯದಲ್ಲಿ ಆಕೆಯ ಶ್ರದ್ಧೆ, ಕಟ್ಟುನಿಟ್ಟು ಕುರಿತು ಫಿಟ್ ನೆಸ್ ಗುರು ಭಾಟೀಯ ಮೆಚ್ಚುಗೆ ವ್ಯಕ್ತಪಡಿಸುತ್ತಾರೆ.

ದಿನನಿತ್ಯ ಜಿಮ್, ಈಜು ಮತ್ತು ಜಾಗಿಂಗ್ ಮಾಡುತ್ತಾರೆ. ಮನಶಾಂತಿಗಾಗಿ ಯೋಗ, ದೇಹದ ತೂಕ ಕಡಿಮೆ ಮಾಡಲು ವ್ಯಾಯಾಮ ಮಾಡುತ್ತಾರೆ. ಶೀಲಾ ಕಿ ಜವಾನಿ ಐಟಂ ಸಾಂಗ್ ಗಾಗಿ ದೇಹದ ತೂಕವನ್ನು ಶ್ರದ್ಧೆಯಿಂದ ಕಷ್ಟಪಟ್ಟು ಇಳಿಸಿಕೊಂಡಿದ್ದರಂತೆ!

ತಾಜಾ ತರಕಾರಿ, ಧಾನ್ಯಕಾಳು ಅವರ ಆಹಾರಕ್ರಮದಲ್ಲಿ ಹೆಚ್ಚು ಬಳಕೆಯಾಗುತ್ತದೆ. ಶೂಟಿಂಗ್ ನಲ್ಲಿ ಹಸಿವಾದರೆ ಹಣ್ಣು ತಿನ್ನುತ್ತಾರಂತೆ.

ಬೆಳಗ್ಗೆ ಎದ್ದಕೂಡಲೇ ಕತ್ರಿನಾ ಕೈಫ್ ನಾಲ್ಕು ಗ್ಲಾಸ್ ನೀರುಕುಡಿಯುತ್ತಾರೆ. ಬ್ರೇಕ್ ಫಾಸ್ಟಿನಲ್ಲಿ ಬ್ರೆಡ್, ಪಿನಟ್ ಬೆಣ್ಣೆ ಅಥವಾ ಮೊಟ್ಟೆಯ ಬಿಳಿಭಾಗ ತಿನ್ನುತ್ತಾರೆ. ಗ್ರಿಲ್(ಸುಟ್ಟ) ಮೀನು, ಗ್ರೀನ್ ಸಲಾಡ್, ಕಜೆ ಅಕ್ಕಿಯ ಅನ್ನ ಮಧ್ಯಾಹ್ನದ ಊಟ. ಮೊದಲು ಕೋಳಿ ಖಾದ್ಯ ತಿನ್ನುತ್ತಿದ್ದರು. ಅದರಲ್ಲಿ ಫ್ಯಾಟ್ ಅಂಶ ಜಾಸ್ತಿಯಿದ್ದರಂತೆ ಕೋಳಿಗೆ ಗುಡ್ ಬಾಯ್ ಹೇಳಿದ್ದಾರಂತೆ.

ಪ್ರೀಯಾಂಕಾ ಛೋಪ್ರಾ ಫಿಟ್ ನೆಸ್ ಕತೆ ಇನ್ನೂ ಇಂಟ್ರೆಸ್ಟಿಂಗ್

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.