ಸಹಜ ಲಯ, ತಾಳದಲ್ಲಿ ಪ್ರಿಯಾಂಕ ಫಿಗರ್

ನನ್ನಂತ ಫಿಗರ್ ಪಡೆಯ ಬಯಸುವರೆಲ್ಲ ಯೋಗ ಮಾಡಿ ಅಂತ ಪ್ರಿಯಾಂಕ ಪುಕ್ಕಟೆ ಸಲಹೆ ನೀಡಿದ್ದಾರೆ. ಮನಸ್ಸನ್ನು ಪ್ರಫುಲ್ಲವಾಗಿರಿಸಲು ಮತ್ತು ದೇಹದಲ್ಲಿ ಶಕ್ತಿಯನ್ನು ಪಡೆಯಲು ನಿತ್ಯ ಯೋಗ ಮಾಡುತ್ತಾರಂತೆ.

ನಿತ್ಯ ಒಂದು ಗಂಟೆ ಜಿಮ್, ಯೋಗಾಸನ ಮತ್ತು ಕೆಲವು ವ್ಯಾಯಾಮಗಳನ್ನು ಮಾಡುತ್ತಾರೆ. ಇದರಿಂದ ತೂಕ ಹೆಚ್ಚದೇ ಫಿಗರ್ ಮೆಂಟೇನ್ ಮಾಡಲು ಸಾಧ್ಯವಾಗಿದೆ ಅಂತಾರೆ ಪ್ರಿಯಾಂಕ.

ಆಕೆ ಕಠಿಣ ಪಥ್ಯ ಮಾಡುವುದಿಲ್ಲವಂತೆ. ಆಕೆಗೆ ಒಂದು ಸಮಯದಲ್ಲಿ ಜಂಕ್ ಫುಡ್ ಅಂದ್ರೆ ಇಷ್ಟವಾಗಿತ್ತಂತೆ. ಆದರೆ ಈಗ ಜಂಕ್ ಫುಡ್ ಬಿಟ್ಟಿದ್ದಾರೆ. ಆಕೆಗೆ ತಿನ್ನುವುದೆಂದರೆ ಇಷ್ಟ. ಹಾಗಂತ ಸಿಕ್ಕಾಪಟ್ಟೆ ತಿನ್ನುವುದಿಲ್ಲ. ಬಾಲಿವುಡ್ ನಟಿಯರಿಗೆ ತೂಕ ಹೆಚ್ಚಿಸಿಕೊಳ್ಳುವುದು ಮತ್ತು ಕಡಿಮೆ ಮಾಡಿಕೊಳ್ಳುವುದು ಅಭ್ಯಾಸವಾಗಿದೆ ಅಂತಾರೆ.

ಪ್ರಿಯಾಂಕ ಛೋಪ್ರಾಗೆ ತುಂಬಾ ತಿನ್ನುವುದು ಗೊತ್ತು. ಅಗತ್ಯ ಬಿದ್ದರೆ ಕಠಿಣ ಪಥ್ಯವನ್ನೂ ಮಾಡಬಲ್ಲರು. ಆಕೆಗೆ ಪಂಜಾಬಿ ಕುಡಿ ಎಂಬ ತಿನಿಸು ಇಷ್ಟ. ಮನೆಯಲ್ಲಿ ತಯಾರಿಸಿದ ಆಹಾರಗಳನ್ನು ಪ್ರೀತಿಸುತ್ತಾಳೆ. ದಿನನಿತ್ಯ ಇಂತಹದ್ದೇ ಎಂಬ ಪಥ್ಯ ಮಾಡುವುದಿಲ್ಲವಂತೆ!

ಹೆಚ್ಚು ಕ್ಯಾಲೋರಿಯುಕ್ತ, ಎಣ್ಣೆಯಂಶ ಹೆಚ್ಚಿರುವ ಆಹಾರಗಳನ್ನು ಹೊರತು ಪಡಿಸಿ ಹೆಚ್ಚಿನ ಆಹಾರ ಸೇವಿಸುತ್ತಾರೆ. ಚಪಾತಿ, ತಾಜಾ ತರಕಾರಿ, ಸೂಪ್, ಸಲಾಡ್, ಸ್ವಲ್ಪ ಅನ್ನ, ದಾಲ್ ಮತ್ತು ಹಣ್ಣುಹಂಪಲುಗಳನ್ನು ನಿತ್ಯ ತಿನ್ನುತ್ತಾರೆ. ಪಾನೀಯ ಮತ್ತು ನೀರು ಹೆಚ್ಚು ಕುಡಿಯುತ್ತಾರಂತೆ ಚರ್ಮದ ತ್ವಚೆ ಉಳಿಸಿಕೊಳ್ಳಲು ನಿತ್ಯ ಹತ್ತು ಗ್ಲಾಸ್ ನೀರು ಕುಡಿಯುತ್ತಾರಂತೆ ಪ್ರಿಯಾಂಕ ಛೋಪ್ರಾ.

ವಾರಾಂತ್ಯಗಳಲ್ಲಿ ಚಾಕೋಲೆಟ್, ಕೇಕ್ ಮತ್ತು ತಂದೂರಿಗಳನ್ನು ತಿನ್ನುತ್ತಾರೆ. ವಾರಕ್ಕೊಮ್ಮೆ ತಿನ್ನುವ ಆಹಾರಗಳಲ್ಲಿ ಕ್ಯಾಲೋರಿ ಹೆಚ್ಚಿದ್ದರೂ ಡೋಂಟ್ ಕೇರ್ ಮಾಡದೇ ತಿನ್ನುತ್ತಾರಂತೆ ನಮ್ಮ ಮಾಜಿ ವಿಶ್ವಸುಂದರಿ.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.