ಬಾಲಿವುಡ್ ಅಂದಗಾತಿಯರ ಚೆಂದದ ಮೈಕಟ್ಟಿನ ಗುಟ್ಟು

Diet Fitness

oi-Praveen Chandra

By Praveen Chandra

Published: Saturday, August 13, 2011, 12:51 [IST]

ಬಾಲಿವುಡ್ ನಟಿಯರೆಂದರೆ ಸೌಂದರ್ಯದ ಖನಿಗಳು. ಅವರ ರೂಪ ಯಾವತ್ತಿಗೂ ಬೆರಗು. ಅವರ ದೇಹಸಿರಿ, ಮೈಮಾಟ, ಕಾಡುವ ನೋಟ, ರೂಪ ಲಾವಣ್ಯ ಅವರನ್ನು ಬಾಲಿವುಡ್ ಲೋಕದಲ್ಲಿ ಗಟ್ಟಿಯಾಗಿ ಕೂರಿಸಿದೆ.

ಅರುವತ್ತು ದಾಟಿದರೂ ಸುಕ್ಕು ಮೂಡದ ಹೇಮಮಾಲಿನಿ ಎಲ್ಲರಿಗೆ ನೆನಪಿಗೆ ಬರುತ್ತಾಳೆ. ಸದ್ಯ ಬೇಡಿಕೆಯಲ್ಲಿರುವ ಕತ್ರಿನಾ ಕೈಫ್, ಪ್ರಿಯಾಂಕ ಛೋಪ್ರಾ, ಕರೀನಾ ಕಪೂರ್ ಇವರೆಲ್ಲರ ಸೌಂದರ್ಯ ಯುವತಿಯರಲ್ಲೇ ಅಸೂಯೆ ಮೂಡಿಸುತ್ತದೆ. ಪಡ್ಡೆ ಹುಡುಗರ ನಿಟ್ಟುಸಿರಿಗೆ ಸಾಕ್ಷಿಯಾಗುತ್ತದೆ.

ಬಾಲಿವುಡ್ ನಟಿಯರಿಗೆ ಸೌಂದರ್ಯವೇ ಆಭರಣ. ಪ್ರತಿಭೆಯಿದ್ದರೂ ಸೌಂದರ್ಯ ಕೈಕೊಟ್ಟರೆ ಅವಕಾಶಗಳು ದೂರ ಸಾಗುತ್ತವೆ. ಸೌಂದರ್ಯವನ್ನು, ಮೈಮಾಟವನ್ನು, ದೇಹಸಿರಿಯನ್ನು ಅವರು ಜೋಪಾನವಾಗಿ ಕಾಯ್ದುಕೊಳ್ಳುತ್ತಾರೆ. ಯೌವ್ವನ ಕಾಪಾಡಿಕೊಳ್ಳಲು ಅವರು ಸಂಜೀವಿನಿ ಬಳಸುವುದಿಲ್ಲ.

ಸೌಂದರ್ಯ ಜನ್ಮಜಾತ ಕೊಡುಗೆ. ಅದು ಹುಟ್ಟಿನಿಂದಲೇ ಬಂದದ್ದು ಅಂತ ವಾದಿಸಬಹುದು. ಅವರಲ್ಲಿ ಸೌಂದರ್ಯವಿದೆ. ಅದಕ್ಕೆ ಮೆರೆಯುತ್ತಾರೆ ಅನ್ನಬಹುದು. ಆದರೆ ಆ ಸೌಂದರ್ಯದ ಹಿಂದಿನ ಗುಟ್ಟು ಹುಟ್ಟಿನಿಂದ ಬಂದದ್ದಲ್ಲ.

ಬಾಲಿವುಡ್ ನಟಿಯರಿಗೆ ಸೌಂದರ್ಯವನ್ನು ಕಾಪಿಡುವುದು ಒಂದು ತಪಸ್ಸು. ಒಂದು ದಿನ ಆಲಸ್ಯ ಮಾಡಿದರೆ ಬೊಜ್ಜು ಸಂಗಾತಿಯಾದೀತು. ಸೊಂಟ, ನಿತಂಬ, ಕುಂಭ ಸೇರಿದಂತೆ ಪ್ರತಿಅಂಗದ ರೂಪ ಲಾವಣ್ಯವನ್ನು ಉಳಿಸಿಕೊಳ್ಳಲು ಅವರು ದಿನದ ಹೆಚ್ಚಿನ ಸಮಯ ಬಳಸುತ್ತಾರೆ.

ಅವರ ನಿತ್ಯ ದಿನಚರಿ, ಜೀವನಕ್ರಮ, ಸೇವಿಸುವ ಆಹಾರ, ಬದುಕಿನ ಕ್ರಮ, ವ್ಯಾಯಾಮ, ಪಥ್ಯ ಸೇರಿದಂತೆ ಅವರ ನಿತ್ಯ ಬದುಕು ಅಚ್ಚರಿ ಹುಟ್ಟಿಸುತ್ತದೆ. ಬಾಲಿವುಡ್ ಅಂದಗಾತಿಯರ ಚೆಂದದ ಮೈಕಟ್ಟಿನ ಗುಟ್ಟು ಇಲ್ಲಿ ರಟ್ಟಾಗಿದೆ. ಇನ್ನೂ ಹಾಟ್ ನಟಿಯಾಗಿ, ಸೌಂದರ್ಯದ ಖನಿಯಾಗಿ ಸೆಳೆಯುವ ಅವಳ ಹೆಸರು ಕತ್ರಿನಾ ಕೈಫ್. ಅವಳ ಸೌಂದರ್ಯದ ಗುಟ್ಟು ಮುಂದಿನ ಪುಟದಲ್ಲಿ ಬೆಚ್ಚಗಿದೆ.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.