ಮುಖದ ಅಂದ ಹೆಚ್ಚಿಸುವ, ಮಾವಿನ ಹಣ್ಣಿನ ಫೇಶಿಯಲ್

ತ್ವಚೆ ಹೊಳೆಯುವಂತೆ ಆಗಲು

ವಿಟಮಿನ್ ಎ ಮತ್ತು ಬೆಟಾ ಕ್ಯಾರೋಟಿನ್ ನಿಂದ ಸಮೃದ್ಧವಾಗಿರುವ ಮಾವಿನ ಹಣ್ಣನ್ನು ಚರ್ಮಕ್ಕೆ ಹಚ್ಚಿಕೊಂಡರೆ ಆಗ ಚರ್ಮವು ತೇಜಸ್ಸನ್ನು ಪಡೆದು ಕಲೆಗಳು ನಿವಾರಣೆಯಾಗಿ ಹೊಳಪನ್ನು ಪಡೆಯುವುದು.

ಸುಕ್ಕುಗಟ್ಟುವುದನ್ನು ತಡೆಯುವುದು

ಮಾವಿನ ಹಣ್ಣು ಚರ್ಮಕ್ಕೆ ಎಷ್ಟು ಉಪಯೋಗಿಯೆಂದರೆ ಇದು ಚರ್ಮದಲ್ಲಿ ಸುಕ್ಕು ಗಟ್ಟುವುದು, ನೆರಿಗೆಗಳನ್ನು ಹೋಗಲಾಡಿಸಿ ಯೌವನವನ್ನು ತಂದುಕೊಡುತ್ತದೆ. ಇದರಲ್ಲಿನ ವಿಟಮಿನ್ ಸಿ ಚರ್ಮದ ಕ್ಯಾನ್ಸರ್ ಬರದಂತೆ ತಡೆಯುತ್ತದೆ. ಇದು ದೇಹದಲ್ಲಿನ ನೀರಿನಾಂಶವನ್ನು ಕಾಪಾಡುತ್ತದೆ.

ಕಪ್ಪುಕಲೆಗಳ ನಿವಾರಣೆ

ಬೇಸಿಗೆಯಲ್ಲಿ ಎಣ್ಣೆ ಚರ್ಮವನ್ನು ಹೊಂದಿರುವವರಲ್ಲಿ ದೇಹದಲ್ಲಿ ಉಂಟಾಗುವ ಜಿಡ್ಡಿನಿಂದಾಗಿ ಕಪ್ಪು ಕಲೆಗಳು ಸೃಷ್ಟಿಯಾಗುತ್ತದೆ. ಇದರ ನಿವಾರಣೆಗಾಗಿ ಮಾವಿನ ತಿರುಗಳನ್ನು ತೆಗೆದು ಅದನ್ನು ಅರ್ಧಚಮಚ ಹಾಲು ಹಾಗೂ ಅರ್ಧ ಚಮಚ ಜೇನಿನೊಂದಿಗೆ ಬೆರೆಸಿ ಮುಖದ ಮೇಲೆ ಸ್ಕ್ರಬ್ ಮಾಡಿದರೆ ಫಲಿತಾಂಶವನ್ನು ನೀವೇ ನೋಡಬಹುದು.

ಚರ್ಮವನ್ನು ಶುಚಿಗೊಳಿಸುವುದು

ಚರ್ಮವನ್ನು ಶುಚಿಗೊಳಿಸಲು ನೀವು ಯಾವುದೇ ರೀತಿಯ ರಾಸಾಯನಿಕವನ್ನು ಬಳಸುತ್ತಿದ್ದರೆ ಅದನ್ನು ಈಗಲೇ ಬಿಡಿ ಮತ್ತು ಮಾವಿನ ಹಣ್ಣನ್ನು ಬಳಸಿಕೊಳ್ಳಿ. ಮಾವಿನ ಹಣ್ಣಿನ ಸ್ವಲ್ಪ ತಿರುಳು ಹಾಗೂ ಹಿಟ್ಟಿನಿಂದ ಚರ್ಮವನ್ನು ಶುಚಿಗೊಳಿಸಿ ಆಗ ಚರ್ಮದಲ್ಲಿನ ಕಲೆಗಳು, ಸತ್ತಕೋಶಗಳ ನಿವಾರಣೆಯಾಗಿ ಚರ್ಮವು ಹೊಳಪನ್ನು ಪಡೆಯುವುದು.

ಸೂಕ್ಷ್ಮ ಚರ್ಮಕ್ಕೆ ಅತ್ಯುತ್ತಮ ಚಿಕಿತ್ಸೆ

ಕೆಲವರಿಗೆ ಚರ್ಮಕ್ಕೆ ಏನು ಬಳಸಿದರೂ ಅದರಿಂದ ಏನಾದರೂ ಅಡ್ಡ ಪರಿಣಾಮಗಳು ಉಂಟಾಗುತ್ತದೆ. ಇಂತಹ ಸಮಸ್ಯೆಯಿರುವವರು ಮಾವಿನ ಹಣ್ಣನ್ನು ಧಾರಾಳವಾಗಿ ಬಳಸಬಹುದು. ಮಾವಿನ ಹಣ್ಣಿನ ತಿರುಳು, ಹಾಲು, ಜೇನು ಮತ್ತು ಓಟ್ ಮೀಲ್ ನ್ನು ಮುಖಕ್ಕೆ ಹಚ್ಚಿಕೊಳ್ಳಿ. 15 ನಿಮಿಷಗಳ ಕಾಲ ಇದನ್ನು ಮುಖದ ಮೇಲೆ ಹಾಗೆ ಬಿಟ್ಟು ಬಳಿಕ ತೊಳೆಯಿರಿ.