ಮನೆ ಜವಾಬ್ದಾರಿ, ಪತಿ-ಪತ್ನಿ ಇಬ್ಬರೂ ಸಮನಾಗಿ ಹಂಚಿಕೊಳ್ಳಿ

ಪತಿಗೂ ಸ್ವಲ್ಪ ಕೆಲಸ ಕೊಡಿ!

ಮನೆಯ ಕೆಲಸದಲ್ಲಿ ನೀವು ತುಂಬಾ ವ್ಯಸ್ತರಾಗಿರುತ್ತೀರಿ ಮತ್ತು ಪತಿಗೆ ಏನು ಮಾಡಲು ಬಿಡುವುದಿಲ್ಲ. ನೀವು ಅನಾರೋಗ್ಯದಿಂದ ಇದ್ದಾಗಲೂ ಮನೆಕೆಲಸವನ್ನು ನೀವೇ ಮಾಡುತ್ತೀರಿ ಮತ್ತು ಪತಿಗೆ ಆರಾಮ ಮಾಡಲು ಬಿಡುತ್ತೀರಿ. ಪತಿಯನ್ನು ಪ್ರೀತಿಸುವುದರಲ್ಲಿ ಯಾವುದೇ ತಪ್ಪಿಲ್ಲ. ಆದರೆ ಎಲ್ಲಾ ಕೆಲಸವನ್ನು ನೀವೇ ಮಾಡುತ್ತಾ ಹೋಗಿ ಆತನಿಗೆ ಮನೆಯಲ್ಲಿ ಯಾವುದೇ ಕೆಲಸವನ್ನು ಮುಟ್ಟಲು ಬಿಡದೇ ಇದ್ದರೆ ಆಗ ಕೆಟ್ಟ ಸಂದೇಶ ಕಳುಹಿಸಿದಂತಾಗುತ್ತದೆ.

ಅದು ಮಾಡು, ಇದು ಮಾಡು ಎಂದು ಒತ್ತಾಯ ಮಾಡಬೇಡಿ

ಆತನಿಂದ ಯಾವುದೇ ನಿರೀಕ್ಷೆಯನ್ನು ನೀವು ಇಟ್ಟುಕೊಂಡಿಲ್ಲ ಎನ್ನುವ ಅರ್ಥ ಬರುತ್ತದೆ. ಅದು ಮಾಡು, ಇದು ಮಾಡು ಎಂದು ಒತ್ತಾಯ ಮಾಡಬೇಡಿ. ಆದರೆ ನಿಮಗೆ ಬೆಂಬಲ ಬೇಕಾದಾಗ ಪ್ರೀತಿಯಿಂದ ಮಾಡಿಸಿಕೊಳ್ಳಿ.

ಮನೆ ಕೆಲಸದಲ್ಲಿ ಭಾಗಿಯಾಗಲು ಹೇಳಿ

ಯಾವುದೇ ಸಂಬಂಧದಲ್ಲಿಯೇ ಆಗಲಿ ಒಬ್ಬ ತುಂಬಾ ಶ್ರಮದಿಂದ ಕೆಲಸ ಮಾಡಿದರೆ ಮತ್ತೊಬ್ಬರು ಆಲಸಿಯಾಗುತ್ತಾರೆ. ಪತಿಯಿಂದ ಯಾವ ನಿರೀಕ್ಷೆಯನ್ನು ಇಟ್ಟುಕೊಂಡಿದ್ದೀರಿ ಎನ್ನುವ ಬಗ್ಗೆ ಮಾತನಾಡಿ. ಆತನಿಂದ ಮನೆ ಗುಡಿಸುವ ಅಥವಾ ಒರೆಸುವ ಕೆಲಸ ಮಾಡುವ ಬಗ್ಗೆ ಒತ್ತಡ ಹಾಕಬೇಡಿ. ಆದರೆ ಮನೆ ಕೆಲಸಗಳಲ್ಲಿ ನಿಮ್ಮ ಜತೆ ಭಾಗಿಯಾಗಲು ಹೇಳಿ.

ಇಲ್ಲಿ ಜಗಳಕ್ಕೆ ಮಾತ್ರ ಆಸ್ಪದ ನೀಡಬೇಡಿ

ಸಣ್ಣಪುಟ್ಟ ಜಗಳಗಳಾದಾಗ ಆತ ನಿಮ್ಮ ಹಿಂದಿನ ತಪ್ಪುಗಳ ಬಗ್ಗೆ ಹೇಳುತ್ತಾ ಇರುತ್ತಾನೆಯಾ? ನೀವು ಸುಮ್ಮನೆ ಅಳುತ್ತಾ ಇರುತ್ತೀರಾ? ಹಾಗಿದ್ದರೆ ನೀವು ಆತನಿಗಾಗಿ ಎಲ್ಲವನ್ನೂ ಮಾಡಿದ್ದೀರಿ ಎಂದರ್ಥ. ನೀವಿಬ್ಬರು ಒಂದು ಒಪ್ಪಂದ ಮಾಡಿಕೊಂಡು ಹಿಂದಿನ ಎಲ್ಲಾ ತಪ್ಪುಗಳನ್ನು ಮರೆತುಬಿಡಬೇಕು. ಪರಸ್ಪರರ ಹಿಂದಿನ ತಪ್ಪುಗಳನ್ನು ಹೇಳುತ್ತಾ ಹೋಗುವುದು ಜಗಳವನ್ನು ಮತ್ತಷ್ಟು ಹೆಚ್ಚು ಮಾಡುವುದು.

ಆತನ ಪಾಸ್ ವರ್ಡ್ ಕೂಡ ಕೇಳಿ!

ಆತ್ಮೀಯತೆಯೆಂಬ ಕಾರಣ ನೀಡಿ ಆತ ಪಾಸ್ ವರ್ಡ್ (ಫೇಸ್ ಬುಕ್,ವಾಟ್ಸಪ್, ಬ್ಯಾಂಕ್ ಖಾತೆಯ) ಪಡೆಯುತ್ತಾ ಇದ್ದಾನೆಯಾ? ನಿಮ್ಮ ಪಾಸ್ ವರ್ಡ್ ನೀಡುತ್ತಾ ಇದ್ದರೆ ಆತನ ಪಾಸ್ ವರ್ಡ್ ಕೂಡ ಕೇಳಿ. ಇದರಲ್ಲಿ ಯಾವುದೇ ತಪ್ಪಿಲ್ಲ.

ಸಂಸಾರದ ಜವಾಬ್ದಾರಿ ಅವನಿಗೂ ತಿಳಿದಿರಲಿ....

ಮಗುವನ್ನು ಯಾವಾಗಲೂ ನೀವೇ ನೋಡಿಕೊಳ್ಳುತ್ತಾ ಇದ್ದರೆ ಆತನಿಗೆ ಕೂಡ ಮಕ್ಕಳಿಗೆ ಜನ್ಮ ನೀಡಿದ ಬಳಿಕ ಇಬ್ಬರು ಕೂಡ ಜವಾಬ್ದಾರಿಯನ್ನು ವಹಿಸಿಕೊಳ್ಳಬೇಕು ಎಂದು ಪ್ರೀತಿಯಿಂದ ಹೇಳಿಬಿಡಿ. ಇದರಿಂದ ಆತನಿಗೆ ತನ್ನ ಜವಾಬ್ದಾರಿಯ ಅರಿವಾಗುತ್ತದೆ.....