ಕಾಲ ಬದಲಾಗಿದೆ, ಪುರುಷರ ಆಲೋಚನೆಗಳೂ ಬದಲಾಗಿವೆ!

#1

ಕೆಲವೊಮ್ಮೆ, ಮಹಿಳೆಯರೇ ಯಾವುದಾದರೊಂದು ವಿಷಯದಲ್ಲಿ ಪ್ರಾರಂಭ ಮಾಡುವುದನ್ನು ಪುರುಷರು ಇಷ್ಟಪಡುತ್ತಾರೆ. ಹಿಂದೆಲ್ಲಾ ಪ್ರತಿ ವಿಷಯವನ್ನು ಪುರುಷರೇ ಪ್ರಾರಂಭಿಸಬೇಕಿತ್ತು. ಇಂದು ಮಹಿಳೆಯರೂ ಹಲವು ವಿಷಯಗಳನ್ನು ಪ್ರಾರಂಭಿಸಬಹುದು.

#2

ಹಿಂದಿನ ಕಾಲದಲ್ಲಿ ಮಹಿಳೆಯೊಬ್ಬಳು ಪುರುಷನ ಕಡೆಗೆ ನೋಡಿ ನಕ್ಕರೂ ಸಾಕಿತ್ತು, ಆ ಪುರುಷ ಮನದಲ್ಲಿಯೇ ಮಂಡಿಗೆ ತಿನ್ನುತ್ತಾ ತನ್ನ ಮತ್ತು ಆಕೆಯ ಬಗ್ಗೆ ಕಪೋಲ ಕಲ್ಪಿತ ಘಟನೆಗಳನ್ನು ಕಲ್ಪಿಸಿಕೊಂಡು ಮದುವೆಯಾಗುವರೆಗೂ ಮನದಲ್ಲಿನ ಮಂಡಿಗೆ ತಿಂದು ಮುಗಿಸುತ್ತಿದ್ದ

#3

ಒಂದು ವೇಳೆ ಓರ್ವ ಪುರುಷ ಇತರ ಮಹಿಳೆಯರತ್ತ ನೋಡಿದ ಎಂದ ಮಾತ್ರಕ್ಕೇ ಆತ ನಿಮ್ಮಲ್ಲಿ ಆಸಕ್ತನಿಲ್ಲ ಎಂದು ಭಾವಿಸಲು ಯಾವುದೇ ಕಾರಣವಿಲ್ಲ. ಅಲ್ಲದೇ ನೀವು ಸುಂದರಿ ಅಲ್ಲವೆಂದಂತೂ ಖಂಡಿತಾ ಅಲ್ಲ.

#4

ಒಂದು ವೇಳೆ ನಿಮ್ಮ ಪುರುಷ ಹೇಳದೇ ಇದ್ದರೂ ಆತ ಸದಾ ನಿಮ್ಮ ಬಗ್ಗೆಯೇ ಯೋಚಿಸುತ್ತಿರುತ್ತಾನೆ. ತಮ್ಮ ಮನಸ್ಸಿನ ಭಾವನೆಗಳನ್ನು ಸ್ಪಷ್ಟವಾಗಿ ಹೇಳಲು ಎಲ್ಲಾ ಪುರುಷರಿಗೆ ಸಾಧ್ಯವಿಲ್ಲ. ಇದನ್ನೇ ನಪವಾಗಿಸಿಕೊಂಡು ಮಹಿಳೆಯರು ತಮ್ಮ ಪುರುಷನಿಗೆ ತಮ್ಮಲ್ಲಿ ಆಸಕ್ತಿಯೇ ಇಲ್ಲ, ಆತನಿಗೆ ಭಾವನೆಗಳೇ ಇಲ್ಲ ಎಂದು ಹೇಳಲು ಖಂಡಿತಾ ಸಾಧ್ಯವಿಲ್ಲ.

#5

ಆತ ನಿಮ್ಮ ದೇಹವನ್ನೇ ಹೆಚ್ಚು ಮೆಚ್ಚುತ್ತಾನೆ ಎಂದ ಮಾತ್ರಕ್ಕೆ ಆತನ ಪ್ರೀತಿ ಕೇವಲ ದೈಹಿಕವಲ್ಲ. ಸಾಮಾನ್ಯವಾಗಿ ಪುರುಷರೆಲ್ಲರಿಗೂ ಮಹಿಳೆಯರ ದೈಹಿಕ ಚೆಂದಗಳು ಪ್ರಮುಖವಾಗಿ ಆಕರ್ಷಿಸಿದರೂ, ಜೀವನಸಂಗಾತಿಯಾಗಿ ಪಡೆಯಲು ಮಾತ್ರ ಈ ಗುಣಗಳಿಗಿಂತಲೂ ಮಹಿಳೆಯಲ್ಲಿರುವ ಜಾಣ್ಮೆ, ಮಮತೆ, ವಿವೇಕ, ಲೋಕಜ್ಞಾನ, ವ್ಯವಹಾರ ಚಾತುರ್ಯ ಅಥವಾ ಬೇರಾವುದೋ ಗುಣವನ್ನೇ ಕಾಣಬಯಸುತ್ತಾನೆ.

#6

ಒಂದು ವೇಳೆ ಮಹಿಳೆಯರು ಪುರುಷನನ್ನು ತಮ್ಮ ಆಕರ್ಷಣೆಗೆ ಒಳಗಾಗುವಂತೆ ಮಾಡಿ ಬಳಿಕ ಆತನ ಪ್ರತಿ ನಿರ್ಲಕ್ಷ್ಯ ವಹಿಸಿದರೆ ಇದನ್ನು ಯಾವುದೇ ಪುರುಷ ಸಹಿಸುವುದಿಲ್ಲ.