ಕ್ಯಾರೆಟ್ ನಿಂದ ರುಚಿಯಾದ ಖಾರದ ಚಟ್ನಿ!

Chutney

oi-Reena

By Hema S

Published: Monday, February 13, 2012, 12:15 [IST]

ಬಾಯಿರುಚಿ ಹೆಚ್ಚಿಸುವ ಕೊಬ್ಬರಿ ಚಟ್ನಿ, ಮಾವಿನಕಾಯಿ ಚಟ್ನಿ, ಬೆಳ್ಳುಳ್ಳಿ, ಟೊಮೆಟೊ ಚಟ್ನಿ ಈ ಬಗೆಯ ಚಟ್ನಿಗಳನ್ನು ಸಾಧಾರಣವಾಗಿ ಎಲ್ಲರ ಮನೆಯಲ್ಲಿ ತಯಾರಿಸುತ್ತೇವೆ. ಆದರೆ ಇವತ್ತು ನಾವು ಖಾರ ಮತ್ತು ರುಚಿಯಾಗಿರುವ ಕ್ಯಾರೆಟ್ ಚಟ್ನಿ ಮಾಡುವುದರ ಕುರಿತು ತಿಳಿಯೋಣ.

ಬೇಕಾಗುವ ಸಾಮಾಗ್ರಿಗಳು:
* ಕ್ಯಾರೆಟ್ 3-4 ( ಗಾತ್ರ ದೊಡ್ಡದಿದ್ದರೆ 3 ಸಾಕು)
* 1/2 ಚಮಚ ಕೆಂಪು ಮೆಣಸಿನ ಪುಡಿ (ತುಂಬಾ ಖಾರ ಬೇಕೆಂದರೆ ಇನ್ನು ಸ್ವಲ್ಪ ಸೇರಿಸಬಹುದು)
* 1/2 ಚಮಚ ಕರಿಮೆಣಸಿನ ಪುಡಿ
* ಶುಂಠಿ (ಒಂದು ಇಂಚಿನಷ್ಟು ದೊಡ್ಡದಿರುವ ತುಂಡು)
* ಬೆಳ್ಳುಳ್ಳಿ 4-6 ಎಸಳು
* 8 ಬಾದಾಮಿ
* 4 ಚಮಚ ಗಸೆಗಸೆ
* ಏಲಕ್ಕಿ1/4 ಚಮಚ
* 1 ಚಮಚ ವಿನಿಗರ್
* 1 ಕಪ್ ನೀರು
* 1-2 ಚಮಚ ಸಕ್ಕರೆ

ತಯಾರಿಸುವ ವಿಧಾನ:

1. ಚಿಕ್ಕ ತುಂಡಾಗಳಾಗಿ ಕ್ಯಾರೆಟ್ ಗಳನ್ನು ಕತ್ತರಿಸಿ ಅದಕ್ಕೆ ಬೆಳ್ಳುಳ್ಳಿ ಮತ್ತು ಶುಂಠಿ, ಮೆಣಸಿನ ಪುಡಿ ಮತ್ತು ಕರಿಮೆಣಸಿನ ಪುಡಿ ಸೇರಿಸಬೇಕು.

2. ಈ ಮಿಶ್ರಣಕ್ಕೆ ಒಂದು ಕಪ್ ನೀರು ಹಾಕಿ ಕ್ಯಾರೆಟ್ ಬೆಂದು ಆ ಮಿಶ್ರಣದಲ್ಲಿ ನೀರು ಬತ್ತಿ ಗಟ್ಟಿ ಮಿಶ್ರಣವಾಗುವವರೆಗೆ ಬೇಯಿಸಬೇಕು.

3. ಈ ಮಿಶ್ರಣವನ್ನು ಸೌಟ್ ನಿಂದ ಕುಟ್ಟುತ್ತಾ ಪೇಸ್ಟ್ ರೀತಿ ಮಾಡಬೇಕು.

4. ಈಗ ಆ ಮಿಶ್ರಣಕ್ಕೆ ವಿನಿಗರ್, ಸಕ್ಕರೆ, ಉಪ್ಪು, ಗಸೆಗಸೆ, ಬಾದಾಮಿ, ಗೋಡಂಬಿ, ಏಲಕ್ಕಿ ಹಾಕಿ ಮಿಶ್ರಣ ಗಟ್ಟಿಯಾಗುವವರೆಗೆ ಬೇಯಿಸಿ.

5. ತಯಾರಾದ ಈ ಮಿಶ್ರಣವನ್ನು ಶುದ್ಧವಾದ ಗಾಜಿನ ಡಬ್ಬದಲ್ಲಿ ಹಾಕಿ ಮುಚ್ಚಳವನ್ನು ಗಟ್ಟಿಯಾಗಿ ಮುಚ್ಚಿ 2 ದಿನಗಳವರೆಗೆ ಹಾಗೇ ಇಡಬೇಕು.

ನಂತರ ತೆಗೆದು ನೋಡಿದರೆ ರುಚಿಕರವಾದ ಖಾರ ಕ್ಯಾರೆಟ್ ಚಟ್ನಿ ರೆಡಿ.