ಗರ್ಭಿಣಿಯರ ನವರಾತ್ರಿಯ ಉಪವಾಸಕ್ಕೆ ಯೋಗ್ಯ ರೀತಿಯ ಸಲಹೆಗಳು...

ನೀರನ್ನು ಕುಡಿಯುತ್ತಿರಬೇಕು

ಮಗುವಿಗೆ ನೀರಿನ ಅಗತ್ಯತೆ ಹೆಚ್ಚಾಗಿಯೇ ಇರುವುದರಿಂದ ಉಪವಾಸದ ಹೆಸರಿನಲ್ಲಿ ನೀರನ್ನು ಸೇವಿಸದೇ ಇರಬಾರದು. ಆಗಾಗ ನೀರನ್ನು ಕುಡಿಯುತ್ತಿದ್ದರೆ ಮಗುವಿನ ಆರೋಗ್ಯವೂ ಉತ್ತಮ ಹಂತದಲ್ಲಿಯೇ ಇರುತ್ತದೆ.

ವೈದ್ಯರನ್ನು ಸಂಪರ್ಕಿಸಿ

ನಿಮಗೆ ನೀವೇ ಉಪವಾಸದ ಕಟ್ಟುಪಾಡನ್ನು ಹಾಕಿಕೊಳ್ಳಬೇಡಿ. ವೈದ್ಯರನ್ನು ಭೇಟಿಯಾಗಿ, ಉಪವಾದ ವಿಚಾರದ ಕುರಿತು ಚರ್ಚಿಸಿ. ವೈದ್ಯರು ನಿಮ್ಮ ಆರೋಗ್ಯ ಹಾಗೂ ಮಗುವಿನ ಆರೈಕೆಯ ದೃಷ್ಟಿಯಿಂದ ಏನೆಲ್ಲಾ ಹೇಳುತ್ತಾರೆ ಎನ್ನುವುದಕ್ಕೆ ಆಧ್ಯತೆ ನೀಡಿ. ಹಾಗೇ ನಡೆದುಕೊಳ್ಳಿ.

ಆರೋಗ್ಯಕರ ಆಹಾರವನ್ನು ಸೇವಿಸಿ

ನಿಮ್ಮ ಮಗುವಿನ ಬೆಳವಣಿಗೆಗೆ ಪ್ರತಿ ಕ್ಷಣವೂ ಆರೈಕೆಯ ಅಗತ್ಯತೆ ಇರುತ್ತದೆ. ಉಪವಾಸ ಮಾಡುವ ಮನಸ್ಸನ್ನು ಹೊಂದಿದ್ದರೆ, ಆಗಾಗ ತಾಜಾ ಹಣ್ಣುಗಳನ್ನು ಸೇವಿಸಿ. ಹಾಲು ಮತ್ತು ನೀರಿನ ಬಳಕೆಯೂ ನಿಯಮಿತವಾಗಿ ಸೇವಿಸುತ್ತಿರಿ.

ದೀರ್ಘ ಕಾಲದ ಉಪವಾಸ ಮಾಡಬೇಡಿ

ಆರೋಗ್ಯವಾಗಿರುವವರು ದಿನವಿಡೀ ಉಪವಾಸ ಮಾಡುತ್ತಾರೆ. ಆದರೆ ಗರ್ಭಿಣಿಯರು ಆ ಬಗೆಯ ದೀರ್ಘಾವಧಿಯ ಉಪವಾಸ ಮಾಡಬಾರದು. ದೀರ್ಘಾವಧಿಯ ಉಪವಾಸದಿಂದ ರಕ್ತ ಹೀನತೆ, ಆಯಾಸ, ಆಮ್ಲತೆ, ತಲೆ ನೋವು ಸೇರಿದಂತೆ ಇನ್ನಿತರ ಅನಾರೋಗ್ಯದ ಸಮಸ್ಯೆಗಳು ಉದ್ಭವವಾಗುವವು. ಇವು ಮಗುವಿನ ಆರೋಗ್ಯದ ಮೇಲೂ ಪರಿಣಾಮ ಬೀರುವುದು.

ಉಪ್ಪಿನಂಶದಿಂದ ದೂರವಿರಬೇಡಿ...

ಕೆಲವರು ಉಪ್ಪು ಸೇವಿಸದೆ ಉಪವಾಸ ಮಾಡುತ್ತಾರೆ. ಆದರೆ ಗರ್ಭಿಣಿಯರು ಉಪ್ಪು ತಿನ್ನುವುದನ್ನು ಮರೆಯಬಾರದು. ಉಪ್ಪು ಮಗುವಿನ ಆರೋಗ್ಯ ರಕ್ಷಣೆಗೆ ಸಹಾಯ ಮಾಡುತ್ತದೆ. ಅಲ್ಲದೆ ಅನೇಕ ರೋಗಗಳನ್ನು ತಡೆಗಟ್ಟುವುದು.

ವಿಶ್ರಾಂತಿಯೂ ಅಗತ್ಯ

ಗರ್ಭಿಣಿಯಾದಾಗ ಅನೇಕ ಸಣ್ಣ ಪುಟ್ಟ ಆರೋಗ್ಯದ ಬದಲಾವಣೆ ಹಾಗೂ ತೊಂದರೆಗಳು ಉಂಟಾಗುತ್ತಲೇ ಇರುತ್ತದೆ. ಈ ಕುರಿತು ನೀವು ನಿರ್ಲಕ್ಷ್ಯ ಧೋರಣೆ ತೋರಬಾರದು. ಆದಷ್ಟು ವಿಶ್ರಾಂತಿಯನ್ನು ಪಟೆಯಬೇಕು. ಉಪವಾಸ ಮಾಡುತ್ತಿದ್ದೀರಿ ಎಂದಾದರೆ ನಿದ್ರೆಗೆ ಮೊರೆ ಹೋಗಿ, ವಿಶ್ರಾಂತಿ ಪಡೆಯುವುದು ಸೂಕ್ತ.

ಆರೋಗ್ಯ ಪಾನೀಯ ಅಗತ್ಯ

ಉಪವಾಸ ಮಾಡುತ್ತಿದ್ದೀರಿ ಎಂದಾದರೆ ದ್ರವ ರೂಪದ ಪದಾರ್ಥವನ್ನು ಆದಷ್ಟು ಹೆಚ್ಚು ಸೇವಿಸಬೇಕು. ಸಾಕಷ್ಟು ಪ್ರಮಾಣದ ತಾಜಾ ಮಜ್ಜಿಗೆ, ಹಣ್ಣಿನ ರಸ, ಹಾಲು ಹಾಗೂ ನೀರನ್ನು ಸೇವಿಸಬೇಕು.