Click it and Unblock the Notifications
Latest Updates
-
ಇಂದಿನಿಂದ ಹಾಲು ದುಬಾರಿ: ಅಮೂಲ್, ಮದರ್ ಡೈರಿ ಬೆಲೆ ಏರಿಕೆ; ಬಜೆಟ್ ಉಳಿಸಲು ಈ ಸ್ಮಾರ್ಟ್ ಟಿಪ್ಸ್ ಫಾಲೋ ಮಾಡಿ -
ಬಿಗ್ ಬಾಸ್ ಕನ್ನಡ 13: ದೊಡ್ಮನೆಯ ಹೊಸ ಕ್ಯಾಪ್ಟನ್ ಯಶಸ್ ಕೃಷ್ಣ, ಮನೆಯಲ್ಲಿ ಬದಲಾಗುತ್ತಾ ಗೇಮ್ ಪ್ಲಾನ್? -
ದಟ್ಟ ಮಂಜು ಮತ್ತು ಮಾಲಿನ್ಯ: ಬೆಳಗಿನ ವಾಕಿಂಗ್ ಮಾಡುವವರು ಈ 12 ನಿಮಿಷದ ವ್ಯಾಯಾಮ ಮಿಸ್ ಮಾಡಬೇಡಿ! -
ಮದುವೆ ಪ್ಲಾನಿಂಗ್ ಗೊಂದಲವೇ? ಕನ್ನಡಿಗ ದಂಪತಿಗಳಿಗಾಗಿ ಇಲ್ಲಿದೆ ಸ್ಮಾರ್ಟ್ ಮತ್ತು ಶಾಂತಿಯುತ ಮದುವೆ ಮಾರ್ಗದರ್ಶಿ! -
ವಿಶ್ವ ಮಧುಮೇಹ ದಿನ: ಬ್ಲಡ್ ಶುಗರ್ ಕಂಟ್ರೋಲ್ ಮಾಡಲು ₹100ರೊಳಗೆ ಸಿಗುವ ಬೆಸ್ಟ್ ಡಯಟ್ ಟಿಪ್ಸ್! -
ದೆಹಲಿ ಶಾಲೆಗಳಿಗೆ ರಜೆ ಘೋಷಣೆಯಾಗಿದೆಯಾ? ವಾಟ್ಸಾಪ್ ಸುಳ್ಳು ಸುದ್ದಿಗಳ ಹಿಂದಿನ ಸತ್ಯ ಇಲ್ಲಿದೆ! -
ತಮಿಳುನಾಡಿನಲ್ಲಿ ಮಳೆ ಅಬ್ಬರ: ಕರೆಂಟ್ ಇಲ್ಲದಿದ್ದರೂ ಮನೆಯಲ್ಲೇ ಫಿಟ್ ಆಗಿರಲು 12 ನಿಮಿಷದ ವರ್ಕೌಟ್ ಟಿಪ್ಸ್! -
ಹಬ್ಬದ ಫೋಟೋ ಶೇರ್ ಮಾಡ್ತಿದ್ದೀರಾ? ಸಂಬಂಧ ಹಾಳಾಗದಂತೆ ಪ್ರೈವಸಿ ಕಾಪಾಡಿಕೊಳ್ಳಲು ಈ ಸಿಂಪಲ್ ಟಿಪ್ಸ್ ಫಾಲೋ ಮಾಡಿ! -
ದೆಹಲಿ ಮಾಲಿನ್ಯದ ಎಫೆಕ್ಟ್: ಗಂಟಲು ಕೆರೆತ, ಕೆಮ್ಮು ತಡೆಯಲು ಇಂದೇ ಈ ಆರೋಗ್ಯಕರ ಆಹಾರಗಳನ್ನು ಟಿಫಿನ್ನಲ್ಲಿ ಪ್ಯಾಕ್ ಮಾಡಿ! -
ಬಿಗ್ ಬಾಸ್ ಕನ್ನಡ 13: 10ನೇ ವಾರದ ನಾಮಿನೇಷನ್ ಶುರು, ಈ ಬಾರಿ ಯಾರು ಸೇಫ್? ವೋಟ್ ಮಾಡುವುದು ಹೇಗೆ?
ಗರ್ಭಿಣಿಯರೇ, ಆದಷ್ಟು ಪೌಡರ್, ಫೇಸ್ ಕ್ರೀಮ್‌ಗಳಿಂದ ದೂರವಿರಿ!
ಗರ್ಭಾವಸ್ಥೆ ಎಂಬುದು ಹೆಣ್ಣಿನ ಬಾಳಿನಲ್ಲಿ ಅತ್ಯಂತ ಮಧುರವಾದ ಕ್ಷಣವಾಗಿದೆ. ಒಬ್ಬ ಸ್ತ್ರೀ ಪರಿಪೂರ್ಣ ಎಂದೆನಿಸುವುದು ತಾನು ತಾಯಿಯಾಗಿ ಆ ಮಗುವನ್ನು ದೇಶದ ಉತ್ತಮ ಪ್ರಜೆಯಾಗಿ ರೂಪಿಸುವಾಗ ಎಂಬುದಾಗಿ ಮಾತೊಂದಿದೆ. ತನ್ನದೇ ರಕ್ತ ಮಾಂಸ ಹಂಚಿಕೊಂಡು ಬೆಳೆಯುವ ಮಗು ತಾಯಿಗೆ ಮುದ್ದು, ಒಂಬತ್ತು ತಿಂಗಳ ಕಾಲ ಅಮ್ಮನ ಒಡಲಿನಲ್ಲಿ ಹಾಯಾಗಿ ಬೆಚ್ಚಗಿದ್ದ ಮಗು ಹೊರಗೆ ಬರುತ್ತಲೇ ಅಳುತ್ತದೆ ಅಮ್ಮನ ಬೆಚ್ಚಗಿನ ಸಾನಿಧ್ಯ ದೊರೆತಾಗಲೇ ಅದರ ಅಳು ನಿಲ್ಲುವುದು.
ಮಗುವಿನ ತೊದಲು ಮಾತು, ನಡೆಯುವ ಕ್ಷಣ, ಕೇಕೆ ಹಾಕಿ ನಗುವುದು, ಅಮ್ಮ, ಅಪ್ಪ, ಅಜ್ಜ, ಅಜ್ಜಿ ಮೊದಲಾಗಿ ಕುಟುಂಬದ ಹೆಸರುಗಳನ್ನು ಹೇಳುವುದು ಹೀಗೆ ಮಗುವಿನ ಬಾಲ್ಯಕಾಲದ ತುಂಟಾಟಗಳು ಆಕೆಗೆ ಮಹದಾನಂದವನ್ನು ನೀಡುತ್ತದೆ. ಮಗು ಬಿದ್ದಾಗ ಕೂಡ ತುಂಟಾಟ ಮಾಡದೆಯೇ ಬಿದ್ದಲ್ಲಿಂದ ಹೇಗೆ ಏಳುವುದು ಎಂಬುದನ್ನು ತಾಯಿ ಕಂದನಿಗೆ ತಿಳಿಸಿಕೊಡುತ್ತಾಳೆ. ಜೀವನದ ಪಾಠ ನಮಗೆ ಇಲ್ಲಿಂದಲೇ ಆರಂಭವಾಗುತ್ತದೆ. ಮನೆಯೇ ಮೊದಲ ಪಾಠಶಾಲೆ ತಾಯಿ ಮೊದಲ ಗುರು ಎಂಬ ಮಾತು ಇದಕ್ಕಾಗಿಯೇ ಜನಜನಿತವಾಗಿರುವುದು.
ಗರ್ಭಾವಸ್ಥೆಯ ಸಂದರ್ಭದಲ್ಲಿ ತಾಯಿಯು ತನ್ನ ಮತ್ತು ತನ್ನ ಗರ್ಭದೊಳಗಿರುವ ಪುಟ್ಟ ಕಂದಮ್ಮನಿಗಾಗಿ ಕೆಲವೊಂದು ತ್ಯಾಗಗಳನ್ನು ಕೆಲವೊಂದು ಮುತುವರ್ಜಿಯನ್ನು ವಹಿಸಿಕೊಳ್ಳಬೇಕಾಗುತ್ತದೆ. ಉಳಿದ ದಿನಗಳಂತೆ ಬೇಕಾಬಿಟ್ಟಿ ಆಹಾರ ಸೇವನೆ, ಹೊರಗೆ ಅಡ್ಡಾಡುವುದು, ವ್ಯಾಯಾಮವಿಲ್ಲದೆ ಕುಳಿತಲ್ಲೇ ಇರುವುದು, ವೈದ್ಯರ ಸೂಚನೆಗಳನ್ನು ಪಾಲಿಸುವುದು ಹೀಗೆ ಕೆಲವೊಂದು ಬೇಕು ಬೇಡಗಳ ಪಟ್ಟಿಯನ್ನು ಆಕೆ ಅನುಸರಿಸಲೇಬೇಕಾಗುತ್ತದೆ.
ಇಂದಿನ ಲೇಖನದಲ್ಲಿ ಸೌಂದರ್ಯ ಸಾಮಾಗ್ರಿಗಳಿಂದ ಗರ್ಭಿಣಿ ಸ್ತ್ರೀಯರು ಏಕೆ ದೂರವಿರಬೇಕು ಎಂಬ ಮಾಹಿತಿಯನ್ನಾಗಿದೆ. ಇದೊಂದು ಹೆಚ್ಚು ಅಮೂಲಾಗ್ರ ಕಿವಿಮಾತಾಗಿದ್ದು ಸೌಂದರ್ಯ ಉಪಕರಣಗಳನ್ನು ಈ ಸಮಯದಲ್ಲಿ ಹೆಚ್ಚು ಬಳಸದೇ ಇರುವುದು ಉತ್ತಮ ಎಂಬುದಾಗಿ ನಾವು ಸಲಹೆ ನೀಡುತ್ತಿದ್ದೇವೆ. ಅದೇಕೆ ಎಂಬುದನ್ನು ಇಲ್ಲಿ ನೋಡಿ....
ಹಾನಿಕಾರಕ ರಾಸಾಯನಿಕಗಳು
ಎಂಡೋಕ್ರೈನ್ ಡಿಸ್‌ರಪ್ಟರ್ಸ್ ಉತ್ಪನ್ನವುಳ್ಳ ಸೌಂದರ್ಯ ಸಾಮಾಗ್ರಿಗಳು ನಿಮ್ಮ ಆರೋಗ್ಯಕ್ಕೆ ಹಾನಿಕಾರಕವಾಗಿವೆ. ಇದು ನಿಮ್ಮ ಹಾರ್ಮೋನುಗಳ ಮೇಲೆ ಪರಿಣಾಮ ಬೀರಲಿವೆ.
ಎಂಡೋಕ್ರೈನ್ ಡಿಸ್‌ರಪ್ಟರ್ಸ್ ಹೆಸರುಗಳು
ಬಿಪಿಎ, ಅಟ್ರಾಜಿನ್, ಫೆತಲೇಟ್ಸ್, ಡಿಯಾಕ್ಸಿನ್ ಮತ್ತು ಪರ್ಕೊಲರೇಟ್ ಎಂಡೋಕ್ರೈನ್ ಡಿಸ್‌ರಪ್ಟರ್ಸ್‌ಗಳಾಗಿವೆ.
ಅವು ಏನು ಮಾಡುತ್ತವೆ
ಇವುಗಳು ನಿಮ್ಮ ಎಂಡೋಕ್ರೈನ್ ಮೇಲೆ ಪರಿಣಾಮ ಬೀರಲಿವೆ ಇದು ಜನ್ಮ ದೋಷಗಳನ್ನು ಉಂಟುಮಾಡಲಿವೆ. ಟ್ಯೂಮರ್ ಅಂತೆಯೇ ಅಂಗಹೀನತೆಯನ್ನು ಮಗುವಿಗೆ ಉಂಟುಮಾಡಬಹುದು. ಹಾರ್ಮೋನಲ್ ಕ್ರಿಯೆಯ ಮೇಲೂ ಇದು ಪರಿಣಾಮ ಬೀರಲಿದೆ.
ನೀವು ಅವುಗಳನ್ನು ಎಲ್ಲಿ ಕಾಣಬಹುದು
ಹೆಚ್ಚಿನ ಸೌಂದರ್ಯ ಸಾಧನಗಳಲ್ಲಿ ಇವು ಇವೆ. ಸುಗಂಧ ದ್ರವ್ಯಗಳು ಫೆತಲೇಟ್ಸ್ ಅನ್ನು ಒಳಗೊಂಡಿವೆ.
ಇದಕ್ಕೆ ಏನು ಮಾಡಬೇಕು
ಇಂತಹ ಪ್ರಸಾಧನಗಳನ್ನು ಬಳಸುವುದನ್ನು ಬಿಡಿ ಅಥವಾ ಬಿಪಿಎ, ಫೆತಲೇಟ್ಸ್ ಮೊದಲಾದ ರಾಸಾಯನಿಕಗಳಿಲ್ಲದೆ ಮುಕ್ತವಾಗಿರುವ ಉತ್ಪನ್ನಗಳನ್ನು ಬಳಸಿ
ಕ್ರೀಮ್‌ಗಳು
ಲೋಷನ್‌ಗಳು ಅಥವಾ ಕ್ರೀಮ್‌ಗಳಲ್ಲಿ ಕೂಡ ಈ ರಾಸಾಯನಿಕಗಳಿದ್ದು ಇದು ಭ್ರೂಣದ ಮೇಲೆ ಕೆಟ್ಟ ಪರಿಣಾಮವನ್ನು ಬೀರಲಿದೆ. ನಿಮ್ಮ ವೈದ್ಯರನ್ನು ಸಂಪರ್ಕಿಸದೆಯೇ ಇಂತಹ ವಸ್ತುಗಳನ್ನು ತ್ವಚೆಗೆ ಬಳಸದಿರಿ.
ಹೇರ್ ಡೈ
ನಿಮ್ಮ ಕೂದಲಿಗೆ ಹಚ್ಚುವ ಬಣ್ಣದಲ್ಲಿ ಅಮೋನಿಯಾ ಇದ್ದಲ್ಲಿ, ಇದು ಶ್ವಾಸಕೋಶ ಮತ್ತು ತ್ವಚೆಯ ಮೇಲೆ ದುಷ್ಪರಿಣಾಮವನ್ನು ಬೀರಲಿವೆ.
ನೇಲ್ ಪಾಲಿಶ್
ಮೆಥೈಲ್ಬೆಂಜೀನ್ ಮತ್ತು ಟೊಲ್ಯುನೆ ಎಂಬಂತಹ ಹಾನಿಕಾರಕ ಅಂಶಗಳನ್ನು ನೇಲ್ ಪಾಲಿಶ್ ಒಳಗೊಂಡಿದ್ದು ಇದು ಕ್ಯಾನ್ಸರ್ ಅನ್ನು ಉಂಟುಮಾಡಲಿವೆ.
ಕೂದಲು ತೆಗೆಯುವಿಕೆ ಕ್ರೀಮ್?
ನಿಮ್ಮ ತ್ವಚೆಯ ಕೂದಲನ್ನು ತೆಗೆಯುವ ಕ್ರೀಮ್ ಕೂಡ ರಾಸಾಯನಿಕ ಅಂಶವನ್ನು ಒಳಗೊಂಡಿದೆ. ಇದು ಥಿಯೋಗ್ಲೈಕೋಲಿಕ್ ಆಸಿಡ್ ಅನ್ನು ಹೊಂದಿದೆ. ಗರ್ಭಾವಸ್ಥೆಯಲ್ಲಿ ಆದಷ್ಟು ಸೌಂದರ್ಯ ಪರಿಕರಗಳನ್ನು ಬಳಸುವುದನ್ನು ಕಡಿಮೆ ಮಾಡಿ ಎಂಬುದಾಗಿಯೇ ನಾವು ಸಲಹೆ ನೀಡುತ್ತೇವೆ.
Continue with Google
