For Quick Alerts
ALLOW NOTIFICATIONS  
For Daily Alerts

ಗರ್ಭಿಣಿಯರು ಮರೆಯದೇ ತಿನ್ನಬೇಕಾದ ಹಣ್ಣು ಖರ್ಜೂರ...

By Manu
|

ಗರ್ಭಿಣಿಯಾದಾಗ ಯಾವೆಲ್ಲಾ ಆಹಾರವನ್ನು ಸ್ವೀಕರಿಸಬೇಕು? ಯಾವೆಲ್ಲಾ ಆಹಾರದಿಂದ ದೂರ ಇರಬೇಕು? ಎನ್ನುವ ಗೊಂದಲ ಸಾಮಾನ್ಯವಾಗಿ ಇರುತ್ತದೆ. ಕೆಲವು ಆರೋಗ್ಯಕರವಾದ ಆಹಾರವಾಗಿದ್ದರೂ ಗರ್ಭಿಣಿಯರ ದೇಹಕ್ಕೆ ಒಗ್ಗುವುದಿಲ್ಲ. ಗರ್ಭಾವಸ್ಥೆಯಲ್ಲಿ ಉಂಟಾಗುವ ವಾಂತಿ, ಆಯಾಸ ಹಾಗೂ ಒಂದು ಬಗೆಯ ಬಳಲಿಕೆ ಊಟ-ತಿಂಡಿಯಿಂದ ದೂರ ಇರುವಂತೆ ಮಾಡುತ್ತದೆ. ಖರ್ಜೂರ ಆರೋಗ್ಯಕ್ಕೆ ಮಾತ್ರವಲ್ಲ, ಸೌಂದರ್ಯಕ್ಕೂ ಬೇಕು

ಇಂತಹ ಸಂದರ್ಭದಲ್ಲಿ ಯಾವ ಗೊಂದಲವಿಲ್ಲದೆ ಸೇವಿಸಬಹುದಾದ ಒಂದು ಪುಟ್ಟ ಹಣ್ಣು ಖರ್ಜೂರ. ಇದು ಗರ್ಭಿಣಿಯರಿಗೆ ವರದಾನವಾಗುವ ಹಣ್ಣು ಎಂದರೆ ತಪ್ಪಾಗಲಾರದು. ಗರ್ಭಿಣಿಯರು ಬಯಸಿ ತಿನ್ನುವ ಹಣ್ಣುಗಳಲ್ಲಿ ಇದೂ ಒಂದು. ಈ ಪುಟ್ಟ ಹಣ್ಣನ್ನು ಸವಿಯುವುದರಿಂದ ತಾಯಿ ಹಾಗೂ ಮಗುವಿನ ದೇಹಕ್ಕೆ ಅಗತ್ಯವಾದ ಪೋಷಕಾಂಶಗಳು ದೊರೆಯುತ್ತವೆ. ಜೊತೆಗ ನೈಸರ್ಗಿಕವಾದ ಸಕ್ಕರೆಅಂಶವಿರುವುದರಿಂದ ಕೊಬ್ಬು ಹೆಚ್ಚಾಗುವುದನ್ನು ನಿಯಂತ್ರಿಸುತ್ತದೆ. ದಿನಕ್ಕೆ ಎರಡೇ ಎರಡು ಖರ್ಜೂರ, ಲಾಭಗಳು ಅಪಾರ!

ಇದರಲ್ಲಿ ಸಮೃದ್ಧವಾದ ಪೊಟ್ಯಾಸಿಯಮ್ ಹಾಗೂ ಕಡಿಮೆ ಪ್ರಮಾಣದ ಸೋಡಿಯಂ ಇರುವುದರಿಂದ ನರಮಂಡಲದ ಕಾರ್ಯಗಳು ಸರಾಗವಾಗಿರುತ್ತವೆ. ತಾಯಿಯ ದೇಹದಲ್ಲಿಯೇ ಒಂದಾಗಿರುವ ಮಗುವಿಗೂ ಆರೋಗ್ಯ ನೀಡುವ ಖರ್ಜೂರದಿಂದ ಯಾವೆಲ್ಲಾ ಪ್ರಯೋಜನ ಪಡೆಯಬುದು ಎಂಬುದನ್ನು ತಿಳಿಯೋಣ ಬನ್ನಿ...

ಪೊಟ್ಯಾಸಿಯಮ್

ಪೊಟ್ಯಾಸಿಯಮ್

ರಕ್ತದೊತ್ತಡವನ್ನು ಕಾಪಾಡುವ ಈ ಅಂಶ ಗರ್ಭಿಣಿಯರಿಗೆ ಹೆಚ್ಚು ಸಹಕಾರಿ. ಗರ್ಭಾವಸ್ಥೆಯಲ್ಲಿರುವವರ ದೇಹದಲ್ಲಿ ನೀರಿನಂಶ ಸಮತೋಲನದಲ್ಲಿರುವಂತೆ ಮಾಡುತ್ತದೆ. ಜೊತೆಗೆ ಹೃದಯ, ಜೀರ್ಣಾಂಗ ವ್ಯವಸ್ಥೆ ಹಾಗೂ ಸೂಕ್ತವಾದ ಸ್ನಾಯುವಿನ ಕಾರ್ಯನಿವಣೆಗೆ ಸಹಕಾರಿ.

ನಾರಿನಂಶ

ನಾರಿನಂಶ

ಆರೋಗ್ಯಕರ ಜೀರ್ಣಕಾರಿ ವ್ಯವಸ್ಥೆಗೆ ನಾರಿನಂಶದ ಪಾತ್ರ ಮಹತ್ವವಾದದ್ದು. ಈ ಹಣ್ಣು ಉತ್ತಮ ನಾರಿನಂಶವನ್ನು ಹೊಂದಿದೆ. ಗರ್ಭಾವಸ್ಥೆಯಲ್ಲಿ ಇರುವಾಗ ಉಂಟಾಗುವ ಮಲಬದ್ಧತೆ, ಕೊಲೆಸ್ಟ್ರಾಲ್ ಸಮಸ್ಯೆ ಹಾಗೂ ಕೆಲವು ಸೋಂಕುಗಳನ್ನು ತಡೆಗಟ್ಟುವಲ್ಲಿ ಸಹಾಯಮಾಡುತ್ತದೆ.

ಫೋಲೇಟ್

ಫೋಲೇಟ್

ಖರ್ಜೂರದಲ್ಲಿ ಫೋಲೇಟ್‍ನ ಪ್ರಮಾಣ ಸಮೃದ್ಧವಾಗಿದೆ. ಇದು ಹೊಸ ಕೋಶಗಳ ರಚನೆಗೆ ಸಹಾಯಮಾಡುತ್ತದೆ. ಶಿಶುವಿನ ಮೆದುಳು ಹಾಗೂ ಬೆನ್ನುಹುರಿಯ ಆರೋಗ್ಯಕರ ಬೆಳವಣಿಗೆಗೆ ಸಹಾಯವಾಗುತ್ತದೆ.

ವಿಟಮಿನ್ ಕೆ

ವಿಟಮಿನ್ ಕೆ

ವಿಟಮಿನ್ ಕೆ ರಕ್ತ ಹೆಪ್ಪುಗಟ್ಟುವಲ್ಲಿ ಸಹಕಾರಿ. ಗರ್ಭಿಣಿಯರಿಗೆ ಈ ವಿಟಮಿನ್ ಬಹಳ ಅಗತ್ಯವಾಗಿರುತ್ತದೆ. ಮಗುವಿನ ಅಸ್ತಿಪಂಜರ ಹಾಗೂ ಮೂಳೆಗಳ ಬೆಳವಣಿಗೆಯಲ್ಲಿ ಹೆಚ್ಚು ಪರಿಣಾಮಕಾರಿಯಾಗಿ ಕಾರ್ಯ ನಿರ್ವಹಿಸುತ್ತದೆ.

ಪ್ರೋಟೀನ್‍ಗಳು

ಪ್ರೋಟೀನ್‍ಗಳು

ಖರ್ಜೂರ ಪ್ರೋಟೀನ್‍ಗಳ ಆಗರವಾಗಿದೆ. ದೇಹಕ್ಕೆ ಅಗತ್ಯವಾದ ಅಮೈನೊ ಆಮ್ಲಗಳನ್ನು ಒದಗಿಸಿ ಭ್ರೂಣದ ಬೆಳವಣಿಗೆಗೆ ಬೇಕಾದ ಪ್ರೋಟಿನ್‍ಗಳನ್ನು ಒದಗಿಸುತ್ತದೆ.

English summary

Benefits Of Having Dates In Pregnancy

Dates is one of the foods that women crave for during pregnancy. But, little do we know about the importance of consuming dates during pregnancy. There are countless benefits of consuming dates during pregnancy.
Story first published: Monday, May 8, 2017, 19:53 [IST]
X
Desktop Bottom Promotion