ಗರ್ಭಿಣಿಯರಿಗೆ ಕಾಡುವ ಹೊಟ್ಟೆಯುಬ್ಬರಕ್ಕೆ ಸರಳ ಟಿಪ್ಸ್

ಮೆಂತೆ

ಹೊಟ್ಟೆಯುಬ್ಬರ ಸಮಸ್ಯೆಯಿಂದ ಪರಿಹಾರ ಕಂಡುಕೊಳ್ಳಲು ಮೆಂತ್ಯಬೀಜವನ್ನು ಬಳಸಿಕೊಳ್ಳಬಹುದಾಗಿದೆ. ಒಂದು ಗ್ಲಾಸ್ ನೀರಿನಲ್ಲಿ ಹಿಂದಿನ ರಾತ್ರಿ ಮೆಂತ್ಯ ಬೀಜವನ್ನು ನೆನೆಸಿಟ್ಟುಕೊಳ್ಳಿ. ಮರುದಿನ ಮುಂಜಾನೆ ಬೀಜವನ್ನು ತೆಗೆದು ಬರಿಯ ನೀರನ್ನು ಕುಡಿಯಿರಿ. ಹೊಟ್ಟೆಯುಬ್ಬರ ಸಮಸ್ಯೆಗೆ ಇದು ತ್ವರಿತ ಪರಿಹಾರ ಎಂದೆನಿಸಿದೆ.

ಒತ್ತಡವನ್ನು ನಿವಾರಿಸಿಕೊಳ್ಳಿ

ಹೊಟ್ಟೆಯುಬ್ಬರ ಮತ್ತು ಅನಾನುಕೂಲತೆಯನ್ನು ಉಂಟುಮಾಡಲು ಒತ್ತಡ ಮುಖ್ಯ ಕಾರಣವಾಗಿದೆ. ಊಟದ ಸಮಯದಲ್ಲಿ ಹೆಚ್ಚು ಗಾಳಿಯನ್ನು ಸೇವಿಸಲು ಒತ್ತಡ ಕಾರಣವಾಗಿರುತ್ತದೆ. ಇದರಿಂದ ಹೊಟ್ಟೆಯುಬ್ಬರ ಕಂಡುಬರುತ್ತದೆ. ಒತ್ತಡ ಮತ್ತು ಚಿಂತೆ ಭ್ರೂಣದ ಮೇಲೂ ಕೆಟ್ಟ ಪರಿಣಾಮವನ್ನು ಬೀರುವ ಸಾಧ್ಯತೆ ಇರುತ್ತದೆ.

ನಾರುಳ್ಳ ಆಹಾರಗಳ ಸೇವನೆ

ಸಾಕಷ್ಟು ನೀರು ಸೇವಿಸುವುದು ನಿಮ್ಮನ್ನು ಹೈಡ್ರೇಟ್ ಆಗಿ ಇರಿಸುವುದರ ಜೊತೆಗೆ ಕರುಳಿನ ಚಲನೆಯನ್ನು ಸರಾಗಗೊಳಿಸುತ್ತದೆ, ಇದರಿಂದ ಹೊಟ್ಟೆಯುಬ್ಬರ ಮತ್ತು ಮಲಬದ್ಧತೆ ಸಮಸ್ಯೆ ಇರುವುದಿಲ್ಲ. ಸಾಕಷ್ಟು ನೀರು ಕುಡಿದು ನಿಮ್ಮ ಡಯೆಟ್‌ನಲ್ಲಿ ತಾಜಾ ಹಣ್ಣಿನ ರಸ ಮತ್ತು ನಾರಿನ ಆಹಾರಗಳು ಇರುವಂತೆ ನೋಡಿಕೊಳ್ಳಿ.

ಫೈಬರ್ ಇರುವ ಆಹಾರಗಳ ಸೇವನೆ

ನಿಮ್ಮ ಆಹಾರದಲ್ಲಿ ಫೈಬರ್ ಇರುವ ಆಹಾರ ಪದಾರ್ಥಗಳನ್ನು ಸೇವಿಸುವುದರಿಂದ ಕರುಳಿನ ಚಲನೆಯು ಸರಾಗವಾಗಿ ಉಂಟಾಗಿ ಹೊಟ್ಟೆಯುಬ್ಬರ ಸಮಸ್ಯೆಗಳನ್ನು ದೂರವಿರಿಸಲು ಸಹಾಯ ಮಾಡುತ್ತದೆ. ಕರುಳಿಗೆ ಹೆಚ್ಚು ದ್ರವ್ಯರಾಶಿಯನ್ನು ಸೇರಿಸಲು ಫೈಬರ್ ಸಹಾಯ ಮಾಡುತ್ತದೆ.

ವ್ಯಾಯಮ

ಹೊಟ್ಟೆಯುಬ್ಬರದ ಸಮಸ್ಯೆಗಳನ್ನು ಹೋಗಲಾಡಿಸಲು ನಿಯಮಿತವಾಗಿ ವ್ಯಾಯಾಮ ಮಾಡುವುದು ಅಗತ್ಯವಾಗಿದೆ. ದೇಹದಲ್ಲಿರುವ ಗ್ಯಾಸ್ ಅನ್ನು ಹೊರಹಾಕಲು ನಡೆಗೆ ಹೆಚ್ಚು ಸಹಾಯಕವಾಗಿದ್ದು ಜೀರ್ಣಕ್ರಿಯೆ ವ್ಯವಸ್ಥೆಯನ್ನು ಇದು ಉತ್ತಮವಾಗಿಸುತ್ತದೆ. ನಿಮಗೆ ಯಾವ ಬಗೆಯ ವ್ಯಾಯಾಮ ಹೊಂದುತ್ತದೆ ಎಂಬುದನ್ನು ಅರಿತುಕೊಳ್ಳಲು ವೈದ್ಯರನ್ನು ಸಂಪರ್ಕಿಸಿ.