ಗರ್ಭಿಣಿಯರೇ, ಇಂತಹ ಆಹಾರಗಳಿಂದ ಆದಷ್ಟು ದೂರವಿರಿ...

ಪಾಶ್ಚರೀಕರಿಸದ ಹಾಲಿನಿಂದ ಮಾಡಿದ ಚೀಸ್

ಯಾವುದೇ ರೀತಿಯ ಚೀಸ್ ಅದನ್ನು ಪಾಶ್ಚರೀಕರಿಸಿಲ್ಲದ ಹಾಲಿನಿಂದ ಮಾಡಿದೆ ಎಂದಾದಲ್ಲಿ ಇದು ಗರ್ಭಿಣಿಯರಿಗೆ ಹಾನಿಕಾರಕವಾಗಿದೆ. ಇದು ಇ ಕೋಲಿಯನ್ನು ಒಳಗೊಂಡಿರುವುದರಿಂದ ಇದು ಮಗು ಮತ್ತು ತಾಯಿಯ ರೋಗನಿರೋಧಕ ಶಕ್ತಿಯನ್ನು ಕಡಿಮೆ ಮಾಡಿ ಸೋಂಕುಗಳನ್ನು ಉಂಟುಮಾಡುತ್ತದೆ.

ಮೀನು

ಮೀನಿನ ಕೆಲವೊಂದು ವೈವಿಧ್ಯತೆಗಳು ಪಾದರಸವನ್ನು ಒಳಗೊಂಡಿರುತ್ತದೆ. ಇದು ತಾಯಿಯ ಮೇಲೆ ಋಣಾತ್ಮಕ ಪರಿಣಾಮವನ್ನು ಬೀರುವುದರ ಮೂಲಕ ಮಗುವಿಗೆ ಅಂಗವೈಕಲ್ಯವನ್ನು ತಂದೊಡ್ಡುವ ಸಾಧ್ಯತೆ ಇರುತ್ತದೆ. ಮೆಕ್ರೇಲ್, ಸ್ವೋರ್ಡ್ ಫಿಶ್, ಶಾರ್ಕ್ ಮೊದಲಾದುವನ್ನು ಸೇವಿಸಬಾರದು.

ಬೇಯಿಸಿದ ಸೀಫುಡ್

ಫ್ರಿಡ್ಜ್‎ನಲ್ಲಿರಿಸಿದ ಸೀಫುಡ್ ನಂತರ ಅದನ್ನು ಗ್ರಿಲ್‎ನಲ್ಲಿ ಬೇಯಿಸುವುದು ಲಿಸ್ಟಿರಿಯಾ ಎಂಬ ಬ್ಯಾಕ್ಟೀರಿಯಾವನ್ನು ಒಳಗೊಂಡಿರುತ್ತದೆ. ಇದು ಮಗುವಿಗೆ ಮತ್ತು ತಾಯಿಗೆ ಬೇರೆ ಬೇರೆ ರೋಗಗಳನ್ನು ಉಂಟುಮಾಡಬಹುದು.

ಹೆಚ್ಚುವರಿ ಕೆಫೇನ್ ಸೇವನೆ

ಗರ್ಭಾವಸ್ಥೆಯಲ್ಲಿ ಆದಷ್ಟು ಕೆಫೇನ್ ಪದಾರ್ಥಗಳನ್ನು ಕಡಿಮೆ ಸೇವಿಸುವುದು ಒಳಿತು. ಕಾಫಿ, ಕೆಫೇನ್ ಬೆರೆತ ತಂಪು ಪಾನೀಯಗಳನ್ನು ತೆಗೆದುಕೊಳ್ಳಲೇಬಾರದು. ಅಧ್ಯಯನಗಳು ಹೇಳುವಂತೆ ಕೆಫೇನ್ ನಿರ್ಜೀವ ಶಿಶು ಜನನ, ಮಗುವಿನ ಸಾವು ಮತ್ತು ಕಡಿಮೆ ತೂಕದ ಮಗುವಿನ ಜನನಕ್ಕೆ ಕಾರಣವಾಗುತ್ತದಂತೆ.

ಹಸಿ ಪಪ್ಪಾಯಿ

ಹಸಿ ಪಪ್ಪಾಯಿಯನ್ನು ಸೇವಿಸುವುದು ದೇಹದಲ್ಲಿ ಶಾಖವನ್ನು ಉಂಟುಮಾಡುತ್ತದೆ, ಇದರಿಂದ ಗರ್ಭಪಾತ ಮತ್ತು ಅಕಾಲಿಕ ಜನನ ಉಂಟಾಗುವ ಅಪಾಯ ಇರುತ್ತದೆ ಎಂಬುದಾಗಿ ಅಧ್ಯಯನಗಳು ಹೇಳುತ್ತಿವೆ. ಕಳಿತ ಪಪ್ಪಾಯವನ್ನು ಗರ್ಭಿಣಿಯರು ಸುರಕ್ಷಿತವಾಗಿ ಸೇವನೆ ಮಾಡಬಹುದು.

ಸರಿಯಾಗಿ ಬೇಯಿಸದ ಮಾಂಸ

ಗರ್ಭಿಣಿ ಸ್ತ್ರೀಯರಿಗೆ ನೀಡುತ್ತಿರುವ ಮಾಂಸವನ್ನು ಚೆನ್ನಾಗಿ ಬೇಯಿಸಿದೆ ಎಂಬುದನ್ನು ಖಾತ್ರಿಪಡಿಸಿಕೊಳ್ಳಿ. ಸರಿಯಾಗಿ ಬೇಯಿಸಿಲ್ಲದ ಮಾಂಸ ಇ ಕೋಲಿಯನ್ನು ಒಳಗೊಂಡಿರುತ್ತದೆ ಇದು ಬೇರೆ ಬೇರೆ ಸೋಂಕುಗಳನ್ನು ತಂದೊಡ್ಡುತ್ತವೆ ಮತ್ತು ರೋಗ ರುಜಿನಗಳಿಗೆ ಕಾರಣವಾಗುತ್ತದೆ ಇದು ತಾಯಿ ಮಗುವಿಗೆ ಒಳ್ಳೆಯದಲ್ಲ.