ಗರ್ಭಾವಸ್ಥೆಯಲ್ಲಿ ಮುಂಜಾನೆಯ ನಡಿಗೆ, ಆರೋಗ್ಯದ ಕಡೆಗೆ...

ಒತ್ತಡ ನಿವಾರಣೆ

ಗರ್ಭಾವಸ್ಥೆಯ ಸಂದರ್ಭದಲ್ಲಿ, ಎಲ್ಲಾ ಮಹಿಳೆಯರ ಮನಸ್ಸು ಪರಿವರ್ತನೆಯಾಗುತ್ತಿರುತ್ತದೆ. ಒಮ್ಮೊಮ್ಮೆ ಸಂತಸ, ಒಮ್ಮೊಮ್ಮೆ ಖಿನ್ನತೆ ನಿಮ್ಮನ್ನು ಆವರಿಸಿಕೊಳ್ಳುತ್ತದೆ. ನಡೆಯುವುದರಿಂದ ನಿಮ್ಮ ದೇಹದಲ್ಲಿ ಈ ಬದಲಾವಣೆಗಳು ಮಾಯಗೊಂಡು ಮನಸ್ಸು ಪಕ್ವಗೊಳ್ಳುತ್ತದೆ. ಅಂತೆಯೇ ಎಂಡೋರ್‎ಫಿನ್ಸ್ ಕೆಮಿಕಲ್‎ಗಳ ಉತ್ಪಾದನೆಗೆ ಸಹಾಯ ಮಾಡುತ್ತದೆ. ಆದ್ದರಿಂದ ಖಿನ್ನರಾಗಿದ್ದಾಗ ನಡೆದಾಡಿ.

ಮಲಬದ್ಧತೆ ನಿವಾರಣೆ

ನಿಮ್ಮ ಮಲಬದ್ಧತೆಯನ್ನು ನೀಗಿಸುವ ಶಕ್ತಿ ನಡೆಯುವಿಕೆಗೆ (ವಾಕಿಂಗ್) ಗೆ ಇದೆ. ಗರ್ಭಾವಸ್ಥೆಯ ಸಂದರ್ಭದಲ್ಲಿ ವಾಕ್ ಮಾಡುವುದರಿಂದ ಸಕ್ರಿಯ ಕರುಳಿನ ಚಲನೆಗೆ ಇದು ಸಹಕಾರವನ್ನು ನೀಡುತ್ತದೆ. 15-20 ನಿಮಿಷಗಳ ಕಾಲ ಬ್ರಿಸ್ಕ್ ವಾಕ್ ಕರುಳಿನ ಸರಳ ಚಲನೆಗೆ ಅನುವು ಮಾಡಿಕೊಡುತ್ತದೆ.

ಆಯಾಸದ ಪರಿಹಾರ

ಗರ್ಭಾವಸ್ಥೆಯಲ್ಲಿ, ಪ್ರಥಮ ತ್ರೈಮಾಸಿಕದಲ್ಲಿ ಮಹಿಳೆಯರು ಹೆಚ್ಚು ದುರ್ಬಲರು ಮತ್ತು ಅಶಕ್ತತೆಯನ್ನು ಅನುಭವಿಸುತ್ತಾರೆ. ಅಂತೆಯೇ ಮೂರನೇ ತ್ರೈಮಾಸಿಕದಲ್ಲೂ ಇದು ಪುನರಾವರ್ತನೆಯಾಗುತ್ತದೆ. ಆದಷ್ಟು ವಿಶ್ರಾಂತಿಯನ್ನು ತೆಗೆದುಕೊಳ್ಳುವುದು ಉತ್ತಮ ಸಲಹೆಯಾಗಿದೆ. ಅಂತೆಯೇ ಹೆಚ್ಚು ವಿಶ್ರಾಂತಿ ಕೂಡ ದೇಹಕ್ಕೆ ಅಷ್ಟೊಂದು ಒಳ್ಳೆಯದಲ್ಲ. ಆದ್ದರಿಂದ ಕೊಂಚ ಹೊತ್ತು ನಡೆದಾಡುವುದರಿಂದ ಆಯಾಸ ಪರಿಹಾರವಾಗಿ ದೇಹ ಹಗುರಾಗುತ್ತದೆ.

ರಕ್ತದೊತ್ತಡವನ್ನು ಕಡಿಮೆ ಮಾಡುತ್ತದೆ

ಗರ್ಭಾವಸ್ಥೆಯ ಸಂದರ್ಭದಲ್ಲಿ ರಕ್ತದೊತ್ತಡ ಏರಿಕೆಯಾಗುತ್ತದೆ; ಅಂತೆಯೇ ಅಧಿಕ ರಕ್ತದೊತ್ತಡವು ಪ್ರಿಕ್ಲಾಂಪ್ಸಿಯಾಗೆ ಕಾರಣವಾಗುತ್ತದೆ. ನಿತ್ಯವೂ ನಡೆದಾಡುವುದರಿಂದ ನಿಮ್ಮ ರಕ್ತದೊತ್ತಡವನ್ನು ಹದ್ದುಬಸ್ತಿನಲ್ಲಿಟ್ಟುಕೊಳ್ಳಬಹುದು. ಗರ್ಭಾವಸ್ಥೆಯಲ್ಲಿ ನಡೆದಾಡುವುದರ ಮುಖ್ಯ ಪ್ರಯೋಜನ ಇದಾಗಿದೆ.

ಉತ್ತಮ ನಿದ್ದೆ

ಬ್ರಿಸ್ಕ್ ಅಥವಾ 30 ನಿಮಷಗಳ ನಡೆಯುವಿಕೆಯು ಗರ್ಭಾವಸ್ಥೆಯಲ್ಲಿ ಉತ್ತಮ ನಿದ್ದೆಯನ್ನು ಒದಗಿಸುತ್ತದೆ. ಗರ್ಭಾವಸ್ಥೆಯಲ್ಲಿ ನಡೆದಾಡುವುದರ ಪ್ರಯೋಜನದಲ್ಲಿ ನಿದ್ದೆ ಕೂಡ ಒಂದು.