Click it and Unblock the Notifications
Just In
Don't Miss
-
ಹಾಸನದ ಬೀದಿಗಳಲ್ಲಿ ಚೆಲ್ಲಾಡುತ್ತಿರುವ ಪೆನ್ಡ್ರೈವ್ ಬಗ್ಗೆ ಹೇಳಿ? ಹೆಚ್ಡಿ ಕುಮಾರಸ್ವಾಮಿಗೆ ಕಾಂಗ್ರೆಸ್ ಪ್ರಶ್ನೆ -
IPL 2024: ಹೈದರಾಬಾದ್ ಅಂಗಳದಲ್ಲಿ ಗೆಲ್ಲುವುದೆ ಆರ್ಸಿಬಿ: ಟಾಸ್ ವರದಿ ಹೀಗಿದೆ -
Honda: ಬಡವರ ಕನಸು ನನಸು.. ಕಡಿಮೆ ಬೆಲೆಗೆ ಸಿಗುತ್ತವೆ ಈ ಬೈಕ್ಗಳು -
Shrirasthu Shubhamasthu:ದೀಪಿಕಾಗೆ ಉತ್ತರ ಕೊಡೋಕೆ ಆಗ್ತಿಲ್ಲ; ಇತ್ತ ಹೆಂಡತಿಗೆ ಸಮಾಧಾನ ಮಾಡೋಕೆ ಆಗ್ತಿಲ್ಲ! -
Sennheiser: ಭಾರತದಲ್ಲಿ ಸೆನ್ಹೈಸರ್ ಮೊಮೆಂಟಮ್ ಟ್ರೂ ವೈರ್ಲೆಸ್ 4 ಲಾಂಚ್! ಬೆಲೆ 20 ಸಾವಿರ -
ಒಂದೆರಡಲ್ಲ ಒಂಬತ್ತು ಬಾರಿ ಉದ್ಯಮದಲ್ಲಿ ವಿಫಲತೆ, ಮಾನಸಿಕ ಖಿನ್ನತೆ ಸವಾಲುಗಳನ್ನು ಮೆಟ್ಟಿ ನಿಂತ ಉದ್ಯಮಿ -
ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು -
Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಹೆರಿಗೆಯ ನಂತರ ಹೆಚ್ಚಿದ ಮೈ ತೂಕ ಕಮ್ಮಿಮಾಡಬೇಕೆ?
ಹೆರಿಗೆಯ ನಂತರ ಬಹುತೇಕ ಮಹಿಳೆಯರ ಮೈತೂಕ ಹೆಚ್ಚುವುದು. ಹಾರ್ಮೋನ್ ಗಳ ವ್ಯತ್ಯಾಸ ಮತ್ತು ಬಾಣಂತಿ ಸಮಯದಲ್ಲಿ ದೊರೆಯುವ ವಿಶೇಷ ಪೋಷಣೆಯಿಂದಾಗಿ ಮೈ ತೂಕ ಹೆಚ್ಚುವುದು. ಹೆರಿಗೆಯ ಬಳಿಕ 3 ತಿಂಗಳವರೆಗೆ ದೈಹಿಕ ಶ್ರಮದ ಯಾವುದೇ ಕೆಲಸವಾಗಲಿ, ವ್ಯಾಯಾಮವಾಗಲಿ ಮಾಡದೆ ದೇಹದ ಆರೈಕೆ ಮಾಡಬೇಕು. ಈ ಸಮಯದಲ್ಲಿ ಮೈ ತೂಕ ಹೆಚ್ಚುವುದು ಸಹಜ.
ಹೀಗೆ ಮೈ ತೂಕ ಹೆಚ್ಚಾದರೆ ಹೆಚ್ಚಿನವರು ತುಂಬಾ ತಲೆ ಕೆಡಿಸಿಕೊಳ್ಳುತ್ತಾರೆ. ಕ್ರಾಷ್ ಡಯಟ್ ಮಾಡಲಾರಂಭಿಸುತ್ತಾರೆ. ಆದರೆ ನೆನಪಿಡಿ, ಮಗುವಿಗೆ ಎದೆ ಹಾಲು ಕೊಡುತ್ತಿರುವ ಸಮಯದಲ್ಲಿ ಕ್ರಾಷ್ ಡಯಟ್ ಮಾಡುವುದು ನಿಮಗೂ, ನಿಮ್ಮ ಮಗುವಿನ ಆರೋಗ್ಯಕ್ಕೆ ಒಳ್ಳೆಯದಲ್ಲ.
ಮೈ ತೂಕ ಹೆಚ್ಚಾಗಿದೆ ಎಂಬ ಚಿಂತೆ ಬಿಡಿ, ಈ ಕೆಳಗಿನ ಟಿಪ್ಸ್ ಪಾಲಿಸಿ ತೆಳ್ಳಗಿನ ಮೈ ಮಾಟ ನಿಮ್ಮದಾಗುವುದು:
ಆಹಾರಕ್ರಮ
ಕ್ರಾಷ್ ಡಯಟ್ ಮಾಡಬೇಡಿ, ಪ್ರೊಟೀನ್, ಕಾರ್ಬೋಹೈಡ್ರೇಟ್, ವಿಟಮಿನ್ಸ್ ಇರುವ ಆಹಾರವನ್ನು ತಿನ್ನಿ, ಹಾಲಿನ ಉತ್ಪನ್ನಗಳನ್ನು ಸೇವಿಸಿ. ಆಹಾರದಲ್ಲಿ ಪೋಷಕಾಂಶಗಳ ಸಮತೋಲನ ಕಾಪಾಡಿದರೆ ಆರೋಗ್ಯ ವೃದ್ಧಿಸುವುದು, ಸಮತೂಕದ ಮೈ ತೂಕ ನಿಮ್ಮದಾಗುವುದು.
ವ್ಯಾಯಾಮ
ನಾರ್ಮಲ್ ಡೆಲಿವರಿ ಆದವರು 3 ತಿಂಗಳ ಬಳಿಕ, ಸಿಸೇರಿಯನ್ ಆದವರು 6 ತಿಂಗಳ ಬಳಿಕ ಮೆಲ್ಲನೆ ಲಘುವಾದ ವ್ಯಾಯಾಮ ಮಾಡಲು ಪ್ರಾರಂಭಿಸಬೇಕು.
ಕ್ಯಾಲೋರಿ ಗಮನದಲ್ಲಿರಲಿ
ಅಧಿಕ ಕ್ಯಾಲೋರಿ ಇರುವ ಆಹಾರಗಳನ್ನು ತಿನ್ನುವ ಬದಲು ಅಧಿಕ ಪೋಷಕಾಂಶಗಳಿರುವ ಆಹಾರವನ್ನು ತಿನ್ನುವುದು ಒಳ್ಳೆಯದು.
ಎದೆ ಹಾಲು
ಮಗುವಿಗೆ ಎದೆ ಹಾಲು ಕೊಡುವುದರಿಂದ ಮಗುವಿಗೆ ಅಗತ್ಯವಾದ ಪೋಷಕಾಂಶ ದೊರೆಯುವುದು, ಎದೆ ಹಾಲುಣಿಸುವುದು ತಾಯಿಗೂ ಪ್ರಯೋಜನಕಾರಿ- ಮೈ ತೂಕವನ್ನು ಕಮ್ಮಿ ಮಾಡುತ್ತದೆ, ಸ್ತನ ಕ್ಯಾನ್ಸರ್ ಬರದಂತೆ ತಡೆಯುತ್ತದೆ.
ವಿಶ್ರಾಂತಿ
ಹೆರಿಗೆಯ ಬಳಿಕ ಮಗುವನ್ನು ನೋಡಿಕೊಳ್ಳುವಾಗ ತಾಯಿಗೆ ವಿಶ್ರಾಂತಿಯೇ ದೊರೆಯುವುದಿಲ್ಲ, ಮಗು ನಿದ್ದೆ ಮಾಡಿದಾಗ ನೀವು ಸ್ವಲ್ಪ ವಿಶ್ರಾಂತಿ ತೆಗೆದುಕೊಳ್ಳಿ, ಯೋಗ ಮಾಡಿ, ಮಾನಸಿಕ ಒತ್ತಡ ಕಡಿಮೆಯಾಗುವುದು.
ನೀರು ಕುಡಿಯುವುದು
ಸಾಕಷ್ಟು ನೀರು ಕುಡಿಯಬೇಕು, ಅದರಲ್ಲೂ ಊಟದ ಬಳಿಕ ಬಿಸಿ ನೀರು ಕುಡಿಯುವ ಅಭ್ಯಾಸ ಹೊಟ್ಟೆ ಕರಗಲು ಒಳ್ಳೆಯದು. ಬೆಳಗ್ಗೆ ಬಿಸಿ ನೀರಿಗೆ ಜೇನು ಮತ್ತು ನಿಂಬೆ ರಸ ಹಾಕಿ ಕುಡಿದರೆ ಮತ್ತಷ್ಟು ಒಳ್ಳೆಯದು.
ಮೈ ತೂಕ ಕಮ್ಮಿ ಮಾಡುವತ್ತ ಪ್ರಯತ್ನ
ಬೆಳಗ್ಗೆ ಮತ್ತು ಸಂಜೆ ವಾಕ್ ಹೋಗುವುದು, ವ್ಯಾಯಾಮ ಇವೆಲ್ಲಾ ಮೈ ತೂಕವನ್ನು ಕಮ್ಮಿ ಮಾಡುವಲ್ಲಿ ಸಹಕಾರಿಯಾಗಿದೆ.
ತಾಳ್ಮೆ
ಮೈ ತೂಕವನ್ನು ಕಮ್ಮಿ ಮಾಡಬೇಕು ಎಂದು ನೀವು ಬಯಸುವುದಾದರೆ ತಾಳ್ಮೆಯಿಂದ ಇರಿ. ಬೇಗನೆ ಮೈ ತೂಕ ಕಮ್ಮಿಯಾಗಬೇಕೆಂದು ಮಾತ್ರೆ ತೆಗೆದುಕೊಳ್ಳುವುದು, ಆಹಾರ ಬಿಡುವುದು ಮಾಡಬಾರದು. ಆರೋಗ್ಯಕರವಾಗಿ ಪ್ರಯತ್ನಿಸಿದರೆ ಮಾತ್ರ ತೆಳ್ಳಗಾಗಿ, ಆರೋಗ್ಯಕರವಾಗಿ ಇರಲು ಸಾಧ್ಯ.
