ಮಗುವಿನ ಆಹಾರದಲ್ಲಿ ಹಣ್ಣುಗಳಿಗೆ ಇರಲಿ ಪ್ರಾಧಾನ್ಯತೆ

ಪಪ್ಪಾಯಿ

ಮಗುವಿಗೆ ಅತ್ಯುತ್ತಮ ಎಂದೆನಿಸಿರುವ ಹಣ್ಣಾಗಿದೆ ಪಪ್ಪಾಯಿ. ವಿಟಮಿನ್ ಸಿ ಮತ್ತು ಬೀಟಾ ಕ್ಯಾರಟೀನ್ ಇದರಲ್ಲಿದ್ದು, ನ್ಯೂಟ್ರೀನ್‎ಗಳ ನಿತ್ಯದ ಅವಶ್ಯಕತೆಯನ್ನು ಪುರೈಸುವಲ್ಲಿ ಇದು ಸಹಕಾರಿ ಎಂದೆನಿಸಿದೆ. ಕರಗಿಸುವ ನಾರಿನ ಅಂಶಗಳು ಈ ಹಣ್ಣಿನಲ್ಲಿರುವುದರಿಂದ ಕರುಳಿನ ಚಲನೆಯನ್ನು ಇದು ಉತ್ತೇಜಿಸುತ್ತದೆ.

ಸೇಬು

ಮಗುವಿನ ಸರ್ವತೋಮುಖ ಬೆಳವಣಿಗೆಯಲ್ಲಿ ಸೇಬಿನ ಪಾತ್ರ ಹಿರಿದಾದುದು. ಪೆಕ್ಟಿನ್ ಮತ್ತು ಇತರ ವಿಟಮಿನ್‎ಗಳು, ಮಿನರಲ್‎ಗಳು ಈ ಹಣ್ಣಿನಲ್ಲಿರುವುದರಿಂದ ಮಗುವಿಗೆ ಇದು ಉತ್ತಮವಾದುದು.

ಅವೊಕಾಡೊ

ಮಗುವಿನ ಆಹಾರದಲ್ಲಿ ಅವೊಕಾಡೊ ಇರುವಂತೆ ನೋಡಿಕೊಳ್ಳಿ. ಅಪರ್ಯಾಪ್ತ ಕೊಬ್ಬಿನ ಮೂಲವಾಗಿರುವುದರಿಂದ ಮಗುವಿನ ಮೆದುಳಿನ ಚುರುಕುತನಕ್ಕೆ ಮತ್ತು ಅವರುಗಳು ಚಟುವಟಿಕೆಯಿಂದ ಇರುವುದಕ್ಕೆ ಸಹಾಯ ಮಾಡುತ್ತದೆ.

ಬಾಳೆಹಣ್ಣು

ಕಾರ್ಬೊಹೈಡ್ರೇಟ್ಸ್ ಮತ್ತು ಶಕ್ತಿದಾಯಕ ಅಂಶಗಳನ್ನು ಬಾಳೆಹಣ್ಣು ಹೊಂದಿದೆ. ಇದರಲ್ಲಿರುವ ನಾರಿನಂಶ ಕರುಳಿನ ಚಲನೆಗಳನ್ನು ಸರಾಗವಾಗಿಸಲು ಸಹಕಾರಿ. ಅಂತೆಯೇ ಇವುಗಳನ್ನು ಜಗಿಯಲು ಆರಾಮದಾಯಕವಾಗಿರುತ್ತದೆ. ಮಗುವಿಗೆ ಉತ್ತಮ ಆಹಾರವಾಗಿದೆ ಬಾಳೆಹಣ್ಣು.

ಒಣದ್ರಾಕ್ಷಿ

ಹೆಚ್ಚು ನಾರಿನ ಅಂಶವು ಒಣದ್ರಾಕ್ಷಿಯಲ್ಲಿರುವುದರಿಂದ ಕರುಳಿನ ಚಲನೆಗಳನ್ನು ಸರಾಗವಾಗಿಸಲು ಈ ಹಣ್ಣು ಸಹಕಾರಿಯಾಗಿದೆ. ಮಲಬದ್ಧತೆಯನ್ನು ಇದು ನಿವಾರಣೆ ಮಾಡುತ್ತದೆ. ಆಪಲ್ ಮ್ಯಾಶ್ ಅ‎ಥವಾ ಸೆರೇಲ್ಸ್‎ನೊಂದಿಗೆ ಒಣದ್ರಾಕ್ಷಿಯನ್ನು ಸೇರಿಸಿ ನೀಡಬಹುದಾಗಿದೆ.