ಮೊದಲ ವರ್ಷದಲ್ಲಿ ಮಗುವಿಗೆ ಯಾವ ಬಗೆಯ ಆಹಾರಗಳನ್ನು ನೀಡಬೇಕು

0-6 ತಿಂಗಳ ಮಗುವಿಗೆ

ಈ ತಿಂಗಳಲ್ಲಿ ಮಗುವಿನಲ್ಲಿ ನೀವು ಹಲವಾರು ಬದಲಾವಣೆಗಳನ್ನು ಕಾಣಲಿದ್ದೀರಿ. ಮಗು ಬೇರೆ ಬೇರೆ ವಿಚಾರಗಳಿಗೆ ಸ್ಪಂದನೆ ನೀಡಲು ಆರಂಭಿಸುವುದು.

1-3 ತಿಂಗಳು

ಮೊದಲ ಮೂರು ತಿಂಗಳಲ್ಲಿ ಮಗುವಿನ ತಾಯಿಯ ಎದೆಹಾಲು ಅತೀ ಅಗತ್ಯ ಪೋಷಣೆ ನೀಡುವುದು. ಇದರಿಂದಾಗಿ ಮಗುವಿನ ಜೀರ್ಣಕ್ರಿಯೆ ವ್ಯವಸ್ಥೆ ಸರಿಯಾಗಿ ಇರುವುದು ಮತ್ತು ಮಲಬದ್ಧತೆ ಹಾಗೂ ಭೇದಿಯಂತಹ ಸಮಸ್ಯೆ ನಿವಾರಣೆ ಮಾಡುವುದು. ಮೊದಲ ಮೂರು ತಿಂಗಳಲ್ಲಿ ಮಗುವಿನ ಹಸಿವಿನ ಬಗ್ಗೆ ನಿಮಗೆ ಸರಿಯಾದ ಮಾಹಿತಿ ಸಿಗುವುದು. ಮಗುವಿಗೆ ಯಾವಾಗ ಹಸಿವಾಗಿದೆ ಮತ್ತು ಅದರ ಹೊಟ್ಟೆ ತುಂಬಿದೆಯಾ ಎಂದು ನಿಮಗೆ ತಿಳಿಯುವುದು. ಮೊದಲ ಮೂರು ತಿಂಗಳಲ್ಲಿ ಮಗು ಹೆಚ್ಚಿನ ಎದೆಹಾಲು ತಿನ್ನುವುದು. ಇದರಿಂದಾಗಿ ಮಗುವಿನ ಆಹಾರ ಸಮಯದ ಬಗ್ಗೆ ಗಮನಹರಿಸಬೇಕು.

4-6 ತಿಂಗಳು

ನವಜಾತ ಶಿಶುವಿಗೆ ಎದೆಹಾಲಿನ ಬದಲಿಗೆ ಬೇರೆ ಯಾವುದೇ ಆಹಾರ ನೀಡುತ್ತಲಿದ್ದರೂ ಅದನ್ನು ನೀವು ವೈದ್ಯರ ಸಲಹೆ ಮೇರೆಗೆ ನೀಡಬೇಕು. 4-6 ತಿಂಗಳ ಮಗುವು ದೇಹವನ್ನು ಎಳೆಯುತ್ತಾ ಸಾಗುವುದು ಮತ್ತು ಕುಳಿತುಕೊಳ್ಳಲು ಪ್ರಯತ್ನಿಸುವುದು. ಇದರಿಂದ ಮಗುವಿಗೆ ಸೀರಲ್ ನೀಡಬಹುದು. ಆದರೆ ಇದನ್ನು ಮಗುವಿಗೆ ಅತಿಯಾಗಿ ಕೊಡಬಾರದು. ದಿನದಲ್ಲಿ 2-3 ಚಮಚ ನೀಡಿದರೂ ಸಾಕು. ಎದೆ ಹಾಲು ಎನ್ನುವುದು ಪೋಷಣೆಯ ಪ್ರಮುಖ ಮೂಲ ಆಗಿರುವುದು. ಇದರಿಂದ ಎದೆಹಾಲಿಗೆ ಪರ್ಯಾಯವಾಗಿ ಸೀರಲ್ ನೀಡಬೇಕು. ಮಗುವಿಗೆ ಆಹಾರ ನೀಡಲು ಮೆತ್ತಗಿನ ಚಮಚ ಬಳಸಿಕೊಳ್ಳಿ. ಯಾಕೆಂದರೆ ಮಗುವಿನ ಚರ್ಮವು ತುಂಬಾ ಸೂಕ್ಷ್ಮವಾಗಿರುವುದು.

6-8 ತಿಂಗಳು

ಮಗುವಿಗೆ ಆರು ತಿಂಗಳು ಕಳೆದ ಬಳಿಕ ಅದರ ಆಹಾರ ಕ್ರಮದಲ್ಲಿ ಬೇರೆ ಆಹಾರಗಳನ್ನು ಕೂಡ ಸೇರಿಸಿಕೊಳ್ಳಬಹುದು. ಎದೆ ಹಾಲಿನೊಂದಿಗೆ ಬೇರೆ ಆಹಾರಗಳನ್ನು ನೀಡುವ ಮೂಲಕವಾಗಿ ನೀವು ಮಗುವಿಗೆ ಬೇಕಾಗಿರುವ ಪೋಷಕಾಂಶ ನೀಡಬಹುದು. ಹಣ್ಣುಗಳು ಮತ್ತು ತರಕಾರಿಗಳನ್ನು ಮಗುವಿಗೆ ನೀಡಬಹುದು. ಮಗುವಿಗೆ ಸಿಹಿ ಹಣ್ಣುಗಳು ಹೆಚ್ಚು ಇಷ್ಟವಾಗಬಹುದು. ಮಗುವಿಗೆ ಇಷ್ಟವಾಗದೆ ಇರುವಂತಹ ಆಹಾರವನ್ನು ಅದು ತಿನ್ನದು. ಮಗುವಿಗೆ ಬಾಳೆಹಣ್ಣು, ಸೇಬು ನೀಡಬಹುದು. ಮೊದಲು ಹಣ್ಣುಗಳನ್ನು ಸರಿಯಾಗಿ ಜಜ್ಜಿಕೊಂಡು ಮಗುವಿಗೆ ತಿನ್ನಲು ಸುಲಭವಾಗುವಂತೆ ಕೊಡಬೇಕು. ಬಟಾಟೆ ಮತ್ತು ಕ್ಯಾರೆಟ್‌ನ್ನು ಮಗುವಿಗೆ ನೀಡಿ.

8-12 ತಿಂಗಳು

ಈ ಹಂತದಲ್ಲಿ ಮಗು ಹೆಚ್ಚು ಘನ ಆಹಾರ ಸೇವನೆ ಮಾಡುವುದು. ಇದರಿಂದ ಸಂಪೂರ್ಣವಾಗಿ ಹಾಲಿನ ಮೇಲೆ ಅವಲಂಬಿತವಾಗುವುದು ತಪ್ಪುವುದು. ಮಗುವಿಗೆ ಬೇಕಾಗಿರುವಂತಹ ಪೋಷಕಾಂಶಗಳು ಸಿಗುವಂತಹ ಆಹಾರವನ್ನು ಅದು ಸೇವಿಸುವುದು. ಹಣ್ಣುಗಳು ಮತ್ತು ತರಕಾರಿ ಬದಲಿಗೆ ಬೇರೆ ಘನ ಆಹಾರ ಕೂಡ ಅದು ಸೇವಿಸುವುದು. ತುಂಬಾ ಗಟ್ಟಿ ಮತ್ತು ಖಾರವಾಗಿರುವ ಆಹಾರವನ್ನು ಮಗುವಿಗೆ ನೀಡಬೇಡಿ. ಸರಿಯಾಗಿ ನಯವಾಗಿಸಿರುವ ಆಹಾರ ನೀಡಿ. ಮಗುವಿನ ಜೀರ್ಣಕ್ರಿಯೆ ಮೇಲೆ ಪರಿಣಾಮ ಬೀರುವಂತಹ ಆಹಾರ ನೀಡಲು ಹೋಗಬೇಡಿ. ಮೊಸರು, ಹಣ್ಣುಗಳು ಮತ್ತು ಬೇರೆ ತರಕಾರಿಗಳನ್ನು ನೀಡಬಹುದು. ಆದರೆ ಎದೆಹಾಲನ್ನು ಸಂಪೂರ್ಣವಾಗಿ ನಿಲ್ಲಿಸಿ ಬಿಡಬೇಡಿ. ಮಗು ಸರಿಯಾಗಿ ಎದೆ ಹಾಲು ಸೇವಿಸುವಂತೆ ಮಾಡಿ.