ಪಾಕಿಸ್ತಾನ ಪ್ರೇಮಿಗಳ ದಿನವನ್ನು 'ಸಹೋದರಿ ದಿನ' ವನ್ನಾಗಿ ಆಚರಿಸಲು ನಿರ್ಧರಿಸಿದೆಯಂತೆ!!

ಈ ವಿಶ್ವವಿದ್ಯಾನಿಲಯವು ವ್ಯಾಲೆಂಟೈನ್ಸ್ ಡೇ ಯನ್ನು `ಸಹೋದರಿ ದಿನ’ವನ್ನಾಗಿ ಮಾರ್ಪಾಡು ಮಾಡಿಕೊಳ್ಳುತ್ತಿದೆ

ಪಾಕಿಸ್ತಾಣದ ಪಂಜಾಬ್ ಪ್ರಾಂತ್ಯದಲ್ಲಿ ಇರುವಂತಹ ಫೈಸಲಾಬಾದ್ ನ ಕೃಷಿ ವಿಶ್ವವಿದ್ಯಾನಿಲಯವು ವ್ಯಾಲೆಂಟೈನ್ಸ್ ಡೇ ಯನ್ನು ಸೋದರಿಯ ದಿನವನ್ನಾಗಿ ಮರು ನಾಮಕರಣ ಮಾಡಲು ನಿರ್ಧರಿಸಿದೆ. ಈ ಪಾಶ್ಚಾತ್ಯ ಸಂಸ್ಕೃತಿಯ ಅನುಕರಣೆ ಮಾಡುವುದನ್ನು ತಪ್ಪಿಸಲು ಮತ್ತು ಪಾಕಿಸ್ತಾನದ ಸಂಸ್ಕೃತಿ ಮತ್ತು ಇಸ್ಲಾಂನ ಪದ್ಧತಿಯ ಆಚರಣೆಗೆ ಯುವಕರನ್ನು ಪ್ರೇರೇಪಿಸುವುದು ಇದರ ಉದ್ದೇಶವಾಗಿದೆ.

ವಿಶ್ವ ವಿದ್ಯಾನಿಲಯದ ನಂಬಿಕೆ

ವಿಶ್ವ ವಿದ್ಯಾನಿಲಯದ ಉಪ ಕುಲಪತಿ ಜಾಫರ ಇಕ್ಬಾಲ್ ಅವರು ತಮ್ಮ ಸಂಸ್ಥೆಯ ವೆಬ್ ಸೈಟ್ ನಲ್ಲಿ ಹೇಳಿಕೊಳ್ಳುವ ಪ್ರಕಾರ, `` ನಮ್ಮ ಸಂಸ್ಕೃತಿಯಲ್ಲಿ ಮಹಿಳೆಯರು ಹೆಚ್ಚು ಅಧಿಕಾರ ಹೊಂದಿರುವರು ಮತ್ತು ಇದರಿಂದಾಗಿ ಅವರು ಸೋದರಿಯಾಗಿ, ತಾಯಿಯಾಗಿ, ಮಗಳು ಮತ್ತು ಪತ್ನಿ ಆಗಿಯೂ ಗೌರವ ಪಡೆಯುವರು."

ಯುವ ಜನತೆ ಸಂಸ್ಕೃತಿಯನ್ನು ಮರೆಯುತ್ತಿದೆ

ಈ ದಿನವನ್ನು ಮರು ನಾಮಕರಣ ಮಾಡಿರುವ ಬಗ್ಗೆ ಮತ್ತಷ್ಟು ಬರೆದಿರುವ ಅವರು, ಯುವ ಜನತೆಯು ನಮ್ಮ ಸಂಸ್ಕೃತಿಯನ್ನು ಮರೆಯುತ್ತಿದ್ದಾರೆ ಮತ್ತು ಪಾಶ್ಚಾತ್ಯ ಸಂಸ್ಕೃತಿಯು ನಮ್ಮ ಸಮಾಜದ ಬೇರನ್ನು ಅಲುಗಾಡಿಸುತ್ತಿದೆ. ಇದರಿಂದಾಗಿ ಈ ದಿನವನ್ನು ಸ್ಕಾರ್ಪ್, ಶಾಲು ಮತ್ತು ಗೌನ್ ಗಳನ್ನು ನೀಡಿ ಆಚರಣೆ ಮಾಡಿಕೊಳ್ಳಲು ನಿರ್ಧರಿಸಲಾಗಿದೆ. ಇವೆಲ್ಲದರಲ್ಲೂ ವಿಶ್ವವಿದ್ಯಾನಿಲಯದ ಹೆಸರನ್ನು ಮುದ್ರಿಸಲಾಗಿದೆ.

ಈ ಬಗ್ಗೆ ನಿಮ್ಮ ಅನಿಸಿಕೆ ಏನು?

ಪ್ರೇಮಿಗಳ ದಿನವನ್ನು ಸೋದರಿಯ ದಿನವನ್ನಾಗಿ ಮಾರ್ಪಾಡು ಮಾಡಿ ಆಚರಣೆ ಮಾಡಲು ಆಡಳಿತವು ಎಲ್ಲಾ ರೀತಿಯಿಂದಲೂ ಸಿದ್ಧತೆ ಮಾಡಿಕೊಂಡಿದ್ದು, ಈಗಾಗಲೇ ಇದಕ್ಕಾಗಿ ದೇಣಿಗೆ ಸಂಗ್ರಹಣೆ ಮಾಡಿಕೊಂಡಿದೆ. ಇದರ ಬಗ್ಗೆ ವಿದ್ಯಾರ್ಥಿಗಳು ಮತ್ತು ಇತರ ನಾಗರಿಕರು ಪ್ರತಿಭಟನೆ ನಡೆಸುತ್ತಿದ್ದಾರೆ. ವಿಶ್ವದೆಲ್ಲೆಡೆಯಲ್ಲೂ ಇದನ್ನು ವಿರೋಧಿಸಲಾಗುತ್ತಿದೆ.

ಇದರ ಬಗ್ಗೆ ನಿಮ್ಮ ಅನಿಸಿಕೆ ಏನು? ನಿಮ್ಮ ಅಭಿಪ್ರಾಯವನ್ನು ಕಮೆಂಟ್ ಬಾಕ್ಸ್ ಗೆ ಹಾಕಲು ಮರೆಯಬೇಡಿ.