ಕುಂಭಕರ್ಣನಿಗೆ ಅಂದು ದೊರೆತ ವಿಚಿತ್ರ ವರ-'ನಿದ್ರಾಸನ'!

ಇಂದ್ರ

ದೇವತೆಗಳ ನಾಯಕನಾಗಿರುವ ಇಂದ್ರನು, ಕುಂಭಕರ್ಣನು ಹೆಚ್ಚು ಬುದ್ಧಿವಂತ ಮತ್ತು ಧೈರ್ಯಶಾಲಿ ಎಂಬ ಕಾರಣಕ್ಕೆ ಆತನ ಮೇಲೆ ಅಸೂಯೆಗೊಂಡಿದ್ದನು. ಕುಂಭಕರ್ಣನ ಮೇಲೆ ಹಗೆ ತೀರಿಸಿಕೊಳ್ಳಲು ತಕ್ಕ ಸಮಯಕ್ಕಾಗಿ ಇಂದ್ರನು ಕಾಯುತ್ತಿದ್ದನು.

ಯಜ್ಞ ಮತ್ತು ಯಾಗ

ಬ್ರಹ್ಮನನ್ನು ಒಲಿಸಿಕೊಳ್ಳುವುದಕ್ಕಾಗಿ ಮೂರೂ ಜನ ಸಹೋದರರಾದ ರಾವಣ, ಕುಂಭಕರ್ಣ ಮತ್ತು ವಿಭೀಷಣ ಯಜ್ಞ ಯಾಗಾದಿಗಳನ್ನು ನಡೆಸುತ್ತಿದ್ದರು.

ವರ ಅಥವಾ ಶಾಪ

ಬ್ರಹ್ಮನು ಅವರುಗಳ ಪ್ರಾರ್ಥನೆಗೆ ಒಲಿದಾಗ, ಕುಂಭಕರ್ಣನಲ್ಲಿ ಏನು ವರಬೇಕೆಂದು ಕೇಳುತ್ತಾನೆ. ಎಲ್ಲಾ ಸಹೋದರರು ಸಂತಸಗೊಳ್ಳುತ್ತಾರೆ ಮತ್ತು ಇಂದ್ರನ ಕುಟಿಲತೆಯಿಂದಾಗಿ ಇಂದ್ರಾಸನ ಎಂಬುದಾಗಿ ಕೇಳುವ ಬದಲಾಗಿ ಕುಂಭಕರ್ಣನು ನಿದ್ರಾಸನ ಎಂದು ಕೇಳುತ್ತಾನೆ.

ಗೊಂದಲಗೊಂಡ ಕುಂಭಕರ್ಣ

ಇಂದ್ರಾಸನದ ಬದಲಿಗೆ ನಿದ್ರಾಸನ ಎಂಬುದಾಗಿ ಕೇಳಿಕೊಂಡ ಕುಂಭಕರ್ಣನಿಗೆ ತನ್ನ ತಪ್ಪಿನ ಅರಿವಾಗುತ್ತದೆ. ಅದನ್ನು ಸರಿಪಡಿಸಿಕೊಳ್ಳುವ ಮುನ್ನವೇ ಬ್ರಹ್ಮನು ಅಸ್ತು ಎಂಬುದಾಗಿ ನುಡಿಯುತ್ತಾನೆ. ಕುಂಭಕರ್ಣ ಕೇಳಿಕೊಂಡಿರುವ ವರ ಸಫಲಗೊಳ್ಳುತ್ತದೆ. ಅದಾಗ್ಯೂ ಕುಂಭಕರ್ಣನು ಬ್ರಹ್ಮನನ್ನು ಬೇಡಿಕೊಂಡರೂ ಸಮಯ ಮೀರಿ ಹೋಗಿರುತ್ತದೆ.

ಇಂದ್ರನ ಕುಟಿಲತೆ

ಕುಂಭಕರ್ಣನ ಮೇಲೆ ಅಸೂಯೆಯನ್ನು ಹೊಂದಿದ್ದ ಇಂದ್ರನು ಸರಸ್ವತಿಯನ್ನು ಪ್ರಾರ್ಥಿಸಿಕೊಂಡು ಕುಂಭಕರ್ಣನ ಬಾಯಿಯಲ್ಲಿ ಇಂದ್ರಾಸನದ ಬದಲಿಗೆ ನಿದ್ರಾಸನವನ್ನು ಉಚ್ಛರಿಸುವಂತೆ ಮಾಡಿದ್ದನು.

ಕುಂಭಕರ್ಣನ ನಿದ್ದೆ

ಹೀಗೆ ಆರು ತಿಂಗಳು ನಿದ್ದೆ ಮತ್ತು ಆರು ತಿಂಗಳು ಎಚ್ಚರ ಎಂಬ ವರವನ್ನು ಪಡೆದುಕೊಳ್ಳುವ ಕುಂಭಕರ್ಣನು ನಿದ್ದೆಯಿಂದ ಎಚ್ಚೆತ್ತ ಒಡನೆಯೇ ಹಸಿವನ್ನು ತೀರಿಸಿಕೊಳ್ಳಲು ಸಿಕ್ಕಿದ್ದನ್ನೆಲ್ಲಾ ತಿನ್ನುತ್ತಾನೆ.